囍囍 (已結業)

正值疫情高峰期，係屋企附近搵緊有咩外賣買既時候俾店面既黑版吸引到，超值午餐蔥油豬扒飯只係$40都唔洗就決定試下係咪咁抵食ORDER完等5分鐘到就拎得好大既一袋，因為個飯連湯同飲料感覺真係好抵HAHA份量足夠，相信正常男人食完都夠飽例湯中規中矩，一般茶記味道但重點個飯就有驚喜豬扒應該係即叫即煮，有少少脆口軟淋入味，帶少少肥膏，非常香口再加上撈完蔥油既飯，好滿足估唔到搵到好野，抵食夾大件就係呢D佢既超值午餐菜式會不定時更改大家可以留意下值得一試

聽聞哩間店噶中式菜好好味，今日一於去試試！openrice度話哩間店噶炸豆腐一定要試試，甘我就點左個炸豆腐，然後加個水煮魚，加碗白飯，甘就一餐。炸豆腐真的好味道，外脆內軟，好有口感，仲有個醬汁，加埋個醬汁更加開胃！而水煮魚我就麻麻啦，因為條魚好多骨頭，所以我都不是太滿意條魚。

平時行過見到佢嘅餐牌有煲仔飯已經好想試，前幾日終於可以入去食個臘腸北菇雞煲仔飯，$78仲包燉湯，好抵！個飯好足料，侍應問我要唔要蔥同鼓油，蔥就唔要喇，鼓油就必需要啦！落完鼓油再焗3分鐘到就可以開蓋喇！有好多臘腸，少肥唔會得肥膏。雞肉好滑，冬菇都好食。同區有間出名嘅坤記，我食過一次，要等位之餘，落單後仲要等一個鐘先有得食。價錢仲要唔平，差唔多要$100一個煲仔飯。想去西環食煲仔飯，我建議大家嚟依間囍囍試吓，8:30pm後仲有特價煲仔飯$58。

我哋本身係想去食活一鮮架 但係實在太多人等緊位啦😭又已經八點 我哋好肚餓 所以我哋就喺同一條街度行吓睇吓 之後就發現左呢一間餐廳😍我係俾佢餐牌嗰個$58燉湯吸引住 最後都無失望 非常之唔錯呀呢間餐廳🤤🤤·杏汁花膠燉白肺 $58呢個燉湯好好飲😍😍係超真材實料飲落去好舒服勁滋補又唔會有太杏 因為我本人其實唔太鍾意杏汁😂😂佢入邊都有成2/3舊花膠 好有誠意😈而且入邊啲湯渣唔會好柴差 仲係超嫩 開心🥳·蒜蓉粉絲蒸扇貝$58呢一個係我哋嗰日食嘅時候既是日精選 所以好抵食😂😂我哋係一入到餐廳就聞到門口嗰台既蒜蓉味超香 就拍版叫呢個😏佢個帶子都OK嘅 不過唔算話真係好大粒 不過個調味做得幾好 係個粉絲蒸得乾左少少 但係都ok既😌😌·京都豬扒 $88呢個都超好食 可能因為呢一間鋪頭係細細間 所有嘢都係即叫即整 超新鮮😎佢一上台係勁香 個肉超tender 個調味都好好 超送飯☺️☺️··📍西環石塘咀皇后大道西540-546號地下D舖

之前嚟過食中午飯，第一印象已經好好，覺得野食好味，價錢比其他舖貴少少，但係值。今次係經過，天氣凍凍地，想搵煲仔飯食，咁岩見到囍囍門口有煲仔飯餐牌，所以諗都唔諗，就入去食喇。一入到去，有個女服務員勁勤力去serve我地，好有禮拜同好幽默；另外有個男服務員就推介佢地今期promo，不過我地想食煲仔飯多d叫完野食，女服務員拎左兩碗好熱嘅中湯嚟，一試，係好好味嘅老火湯，好重料嘅味道之後，煲仔飯嚟到，服務員幫我地開蓋加埋豉油同蔥，好細心。等左3分鐘，急不及待食喇！好好味！好好味！好好味！（重要嘅事情要講3次先得）我地叫左北菇滑雞臘腸煲仔飯+窩蛋沙爹牛肉煲仔飯。以前喺其他地方食煲仔飯，d臘腸係好難咬開，但係囍囍就唔同，好易咬開，皮都好脆，好香好新鮮咁雞肉就好滑、飯好香好新鮮。而蛋牛飯就特式d..陣味同平時唔似，可能佢唔係就咁牛肉，係沙爹牛肉，不過都好好味！整體上，北菇雞飯果個好味d，下次想食煲仔飯實會再嚟呀！

依間餐廳地點極容易搵，有時會揸車正正排喺門口，佢哋嘅食物以街坊生意為主，極有人情味佢嘅一口豆腐真係冇得頂揀另外龍蝦粉絲底龍蝦新鮮彈牙，分量十足老闆親切有禮，地方簡潔適合一家大細家常便飯另外老闆仲同我地講有啲咩想食隨時同佢講，佢可以專登幫我地買材料真係窩心，香港真係好少呢種小店另外佢嘅清蒸白鱔亦都10分新鮮彈牙分量十足另外仲有多款小食啱晒我哋呢啲鍾意傾計飲酒嘅人九肚魚香口新鮮今次真係食咗好多嘢價錢又唔貴下次再約一大班朋友大擦一餐！

呢間餐廳小妹想去試好耐㗎啦～今日終於有機會試到，去之前打電話想book位，但係電話暫時停止服務，心諗唔會x咗呱😂😂於是同朋友一齊過去睇下有冇營業啦～如果冇就再搵第二間食，去到有開，於是入咗去試😁見到啲寫評話金磚豆腐必食，我又超鐘意食炸豆腐，所以就叫咗，另外又叫咗水煮魚，同埋一個lunch set（咕嚕肉）~首先豆腐個人覺得真係好食😋不過水煮魚就有啲失望，因為佢係用鯇魚，每塊魚片都有碎魚骨，食得好辛苦😣我以為水煮魚都會好似其他地方咁用桂花魚或鱸魚，萬萬冇諗過係用鯇魚😓原先見佢哋會用個爐一直煮熱個魚，應該都會幾好，起碼keep住熱先，個水煮魚湯係幾好飲，但係一直加熱時啲魚片全部溶化晒😔而且又冇薯粉係底，賣咁嘅價錢個人覺得有點兒貴囉😅另外嗰個咕嚕肉味道可以，不過啲粉好厚，厚得嚟有啲硬~或者下次有機會再嚟可以試下其他嘢食，同埋問清楚用嘅材料先再叫~始終都明白唔係間間餐廳啲菜式都會用相同材料同配料做嘅~🤣

今次呢間餐廳係食中菜嘅，係有一次喺某一個團購嘅網站買嘅，團購裏面包含咗一個套餐，佢係一個價錢淨係包一位最少要買兩位嘅，咁小編就同女朋友去試吓呢間街坊中菜餐廳，正如標題所言，呢間果然係令到我哋有驚喜嘅，咁當然係指啲嘢食好食啦，首先講個湯好足料，係豬肺湯嚟嘅，另外海鮮有龍蝦啦同鮑魚，好新鮮同埋煮得好好味尤其是個鮑魚真係好少食到焗嘅鮑魚，另外有蒸龍躉斑球同蛋白炒飯，呢兩個都係廣東中菜入面，典型會有嘅嘢，總括嚟講呢間餐廳比我預期中係好食嘅，同埋有個小驚喜就小編係平日夜晚去食嘅，但係見到好多walk in 嘅客都比店主婉拒，因為啲枱已經全部被預約了，所以如果想試嘅話最好book位啦。

這裏的金磚脆皮豆腐必定要試ヽ(´▽｀)/, 表面鬆脆 內裏軟滑 好吃, 還有那個銀蘿鮮菌浸龍躉, 冷天吃很暖胃湯底既胡椒味很暖胃, 可惜內裏的蘿蔔生了一點, 在這裏扣了一點分再煮淋一點就更好了, 如果可以免費加湯就更好了,因為那個湯真的很好飲飲完說很想再飲,豬手也不錯吃,黑椒香味濃郁配上火炆得夠淋既豬手配飯食一流, 至於上湯龍蝦伊麵, 龍蝦新鮮 但伊麵太少, 味道不錯,好名可惜那天沒有芝士底可加,不然我一定會叫芝士龍蝦來吃。｡^‿^｡

之前成日聽朋友介紹話西營盤有間小店幾好食，今日去開香港大學就一於去試吓晚餐，入到去環境都幾乾淨企理，店員都好好招呼，一嚟就介紹鋪頭嘅招牌菜俾我哋一開始就叫咗個燉湯補下身先，係滋潤杏汁花膠燉白肺，個湯好足料好濃味，仲要有兩塊花膠，白肺都好乾淨，真係女士最愛！臨近冬天，即刻叫咗個熱辣辣嘅煲仔飯食先，叫咗個川味剁椒排骨煲仔飯，黎到之後打開蓋落啲豉油，再蓋焗幾分鐘就可以食啦，個飯好野味，好多排骨，加埋啲飯焦真係好正！跟住叫咗個咕嚕肉同埋沙薑雞，兩樣餸都好送到飯，我哋每人食咗一碗白飯，咕嚕肉外脆內軟，味道啱啱好，沙薑雞好夠味，沙薑醬好濃味，雞又夠滑！最後一定要提佢自家製XO醬，好夠鮮味，原來係佢地自己整，可以買返屋企食

今晚同小朋友去咗西環探完朋友經過呢間粵式小館, 見佢門口靚靚又乾淨便二話不說入咗去醫肚。其實我地都吾知食咩好, 大少又醃尖, 又要遷就細少和大小姐兩位小朋友的喜好, 於是叫咗個清清甜甜的蜜餞鷄翼和酸酸甜甜的杭州排骨, 兩樣菜式餸飯一流, 兩個小可愛爭住食, 食飯都快咗好多。大少喜歡食魚, 便叫了個銀蘿鮮菌浸龍躉腩窩, 龍躉鮮滑肉嫩, 個窩重有陣陣黑椒和白蘿蔔香味, 好味到連湯都飲埋。而我最愛飲湯, 見到呢度出名老火湯, 於是我便叫了一盅杏汁花膠白肺湯, 這湯有濃郁的杏仁味, 而花膠和白肺份量十足, 還加了原隻雞腳和豬骨去燉湯, 無味精無添加, 原汁原味, 飲完真係好潤好滿足。估吾到入到這小小餐館任點幾樣都已經好有水準, 而且四個人食, 埋單都只係三百幾, 真係值得推介俾大家啦！

估唔到誤打誤撞，竟然發掘到呢間高質素既中菜餐廳，無論燉湯，小菜定海鮮全部色香味俱全，價錢合理，食材優質，用心製作，味道一流，食完已經迫不急待決定下星期帶埋屋企人過黎西環食多次！😍-同同事完成繁重既工務之後，路過此地，咁岩見到店員運送海鮮既一幕，條魚大大條之餘仲好生猛，鐘意食魚同事即刻心心眼，於是我地就決定以囍囍作為今晚晚餐。我地懶得諗食乜，就決定嗌個2人餐開心Share。二人餐分別有老火湯套餐($248)同真味套餐($398)。今日工作忙左成日，梗係要食豪少少慰勞下自己啦！-真味套餐($398)包括燉品兩盅，鮮沙薑浸雞，清蒸沙巴龍躉仔，小菜一款及白飯兩碗，除返開都幾抵食！-首先登場既係熱騰騰既燉湯。川芎白芷燉龍骨聞落有香濃藥材香，飲落濃淡得宜，而且用料十足。杏汁花膠燉白肺香氣撲鼻，湯夠滑，肉味濃厚，豬肺好入味，有滋潤養顏之效，女士必點。鮮沙薑浸雞🐔雖然係例牌，但份量不容小覷。雞件肉嫩，雞皮香滑有油香，就咁食都好正。配上秘製沙薑醬汁，微微既辛辣中帶點獨特既濃郁香味，令雞肉提味，味道更上一層樓。清蒸沙巴龍躉強列推薦呢度既海鮮。龍躉肥美厚肉，生熟程度岩岩好，唔會蒸過可見廚師十足既功力。清蒸沙

茶餐廳價錢酒樓質素呀👍🏻👀而且老闆店員都好Nice.黑椒豬手 HKD$88大大隻豬手原隻上，份量誠意十足新鮮的豬手用秘製醬汁配上洋蔥炆煮數小時豬皮香軟吸收了醬汁調味，內裏則保持嫩滑～.金磚豆腐 HKD$42老闆推薦的店內招牌菜式熱辣辣的豆腐炸得香囗呈金黃色，裡面包裹着嫰滑的豆腐口感外脆內軟👅熱食剛剛好.芝麻雞 （半隻）HKD$128芝麻雞表層的皮炸過，十分香脆重點係食落完全沒有炸食的油膩感，雞肉則嫰滑新鮮.豬頸肉煲仔飯 HKD$57大大煲的煲仔飯都係$57咋豬頸肉鋪滿了整個飯面，份量十足。而飯底的飯焦亦不錯👍🏻.杏汁花膠燉白肺湯 HKD$48黑蒜燉老雞湯 HKD$48聽講呢間最出名就係燉湯，點可以唔試下呀🤤燉湯真材實料，飲落冇味精的老火湯👅仲食到湯渣有大塊的雞肉同花膠架.蛋白杏仁茶蛋白杏仁茶唔係用粉沖，而是用即磨的杏仁製成，工序繁複🤣🤣所以整一煲足足要用兩日時間🤓整體感覺不錯，蛋白細滑且杏仁味濃厚👍🏻有源記糖水的質素👀.🏠囍囍 (西環)西環皇后大道西540-546號地下D舖

The food was pretty good before.  Starting one month ago, quality of food started to decline and last night order was a joke.Sweet and sour fish only had 25% fish the rest was cornstarch thing.Half chicken was more like 1/4 chicken.  I had ordered from this place many times before and I knew what to expect as to portion.  It was so bad I complained to Honestbee and they told me the restaurant would not admit there was any problem even I sent them photos!Food was bad, service was worse.I will not

好少黎西環，唔知有咩特別好食。誤打誤撞入左heyhey kitchen。環境企理，每檯都有一壺菊花茶，從呢壺茶開始，我就覺得呢間餐廳既食物一定會係有質素。多數普通餐廳既檯茶都係濃到不得了既茶，你可能會用黎洗杯而唔係飲。但呢壺菊花茶，清香撲鼻，雖然係熱，但係好舒服，解渴。推介惠州梅菜扣肉扣肉肥美，煮到好淋，入口非常香濃，仲有融化既感覺。扣肉唔止有肥腩肉，瘦既部分都好正，唔會鞋口，感受到肥肉同瘦肉既雙重口感。肥而不油膩。醬汁味道香濃，加上啖啖肥豬肉，有d邪惡但係好好味，梅菜甜度適中，襯起鹹扣肉，相得益彰。呢個小菜，送飯一流。腐乳通菜簡單小菜，炒起好香，通菜仍然翠綠，即係唔會超到過老，夠鍋氣！加上紅椒黎炒，更惹味。豬頸肉煲仔飯要等20分鐘，即煲即刻食，夠晒熱。多料，若果唔想食白飯，可考慮煲仔飯。