囍囍 (已結業)

呢間小店開咗大概兩個月，已經係第二次幫襯，上次係剛開張嚟食過，覺得唔錯，今次再試，可以確定佢係有水準嘅食店。店面唔大，大概坐到 50 人，聽講日頭就好似茶餐廳咁，夜晚就做小菜海鮮！裝修簡潔乾淨，令我印象最好嘅就係非常光猛，如果稍有唔乾淨就好顯眼，所以清潔要做得好認真！今日係冬至，8點幾嚟到仍然要排隊等位，好彩已經陸續有食完飯嘅人埋單離開，我同外地嚟嘅朋友一家三口共3大1細等咗10分鐘就有位！入到去發現同上次一樣都係有兩三台外國人，估計係店面光猛乾淨同埋隔離有間酒店嘅原因！今晚有兩個唔係著制服嘅應該係老闆同經理，佢哋嘅招呼都好認真！坐低就即刻叫咗兩款上次食過嘅小食，一碟係 wasabi木耳，一碟係脆皮豆腐。跟住就叫咗一條沙巴龍躉仔，咕嚕肉，炒菜心同埋老火湯，再後加半隻沙薑雞。兩款小食我都好欣賞：金磚脆皮豆腐 – 皮脆而薄，比好多已經炸得好嘅食店仲要薄，豆腐仲好嫩好滑，可能佢哋將啲豆腐切得的式所以可以揀啲較嫩滑嘅豆腐嚟炸都唔易散。超水準之作！Wasabi木耳 – 用wasabi 同醋嚟泡嘅木耳，酸得嚟又有 wasabi 嘅攻鼻刺激，木耳爽脆，好醒胃嘅前菜，個人會較喜歡再酸啲同攻鼻啲，所以會

12月15日這晚預先訂了一張大枱, 因為餐廳不算大, 所以大枱都最好預先訂位這次是駕車到這餐廳, 途經見到新的地鐵站 香港大學站, 通車後可以搭地鐵再來, 就當天看, 香港大學站上地面轉左行前一至兩條街就是這店了 (近石塘咀)店鋪內裡裝修新式, 而且環境舒服寧靜, 不像一般餐廳的嘈吵, 是少有的旺場但寧靜的中式餐廳先來兩款燉湯($48/盅), 淮杞響螺燉竹絲雞 和 淮山姬茸菌燉水鴨; 兩款湯湯料十足, 我最鐘意燉水鴨湯, 極力推介這店的燉湯另有多款燉湯, 我下次一定要黎試下其他再來兩款小食(各$38), 芥末高山木耳 和 金磚脆皮豆腐; 先說芥末高山木耳, 味道清新, 想不到芥末和木耳味道可以咁夾; 金磚脆皮豆腐外脆內軟, 推介!梅菜扣肉($78)、 黃金蝦(食了一半才記得影相)、金絲蜜餞雞翼($68) 媽咪最鐘意梅菜扣肉, 味道剛剛好; 黃金蝦蛋黃味香濃; 金絲蜜餞雞翼, 芝麻略為多了點水煮桂花魚, 魚質嫩滑, 辣味不算太勁, 適合我不太食得辣的人招牌原隻黑椒豬手, 汁香味濃, 推介誠意之作!下次還想試 金沙帶子賽螃蟹、椒鹽鮮魷、芝士年糕、燒汁和風牛柳粒.... 見到店鋪還有午市套餐

同事聖誕聚會,安排咗囍囍食飯, 地方十分方便就係未來地鐵出口,好彩訂咗枱因為外面已經有人等位因為自己擺咗酒,老闆第一時間幫我地雪好支白酒，再幫我地開埋支紅酒breathing 值得一讚 首先係送酒前菜，分別係脆皮豆腐同芥末黑木耳淸新可口特別適合送酒!再來紅燒龍躉尾煲，火候一流,魚味鮮甜老闆推介四川水煮牛肉，配料全部都係大廚秘密配方特別適合香港人口味唔少得香港人最愛嘅小炒咕嚕肉，色彩豐富外皮脆卟卟，肉汁全部係肉裏面仲有南乳炸雞，隻雞仲係新鮮雞，南乳味道恰到好處，香脆可口。仲有全晚嘅精華所在就係師傅親手炒嘅生炒糯米飯。聽講呢個餸大廚每晚限定製作，因為炒到手軟。啲飯軟硬適中，味道恰當絕對食到大廚嘅心機最後仲叫咗啫啫生菜煲，同埋少甜嘅蜜糖雞翼.絕對唔係畫蛇添足!呢晚嘅食物絕對係一流，聽老闆講大全廚外流歐洲多年，又係香港不少大酒店有唔少經驗，所以水準十分穩定！咁岩當晚「東張西望」亦都有介紹佢地間鋪頭。同事大家十分盡興,回味無窮，老闆殷勤招呼怪不得客似雲來！

店長介紹花雕旦白蒸奄仔蟹，新鮮蟹味好出，花雕酒稍淡反而冇摭晒蟹味，唔錯👏👏欖豉剁椒蒸魚頭🐟味微辣，魚頭不算大，啱啱好，小菜份量可以；燉湯係🐑肚菌竹絲雞，清甜帶甘冇味精，佳作👏😋再黎咕嚕肉，高水準，冇成舊粉唔油，酸甜道適中，正！

Friday night 同班friend 去食飯，聽其中一個friend講佢屋企附近開咗間幾好食既小菜館，剛開業不久已佢一家人已幫襯咗好幾次，故我地一班人就決定走去試試。一去到大約7點半左右，囍囍已經坐滿8成人，之後見到原來佢地有個優惠，就係7:30pm前結帳及離座可享9折優惠，難怪可以吸引一些早放工一族以及附近既居民啦，又可以避開我地呢D由九龍區遲來的人。我地好快就有位坐，坐低後伙計好建議我地可以叫個套餐再加D野食就OK，絕無hard sell，呢點係我比較欣賞的。我地叫咗個真味套餐（2人餐），包招牌燉品兩盅，沙薑雞例牌，清蒸沙巴龍躉仔，有白飯及任選小菜一款，我地選咗咕嚕肉。另外加咗個金磚脆皮豆腐，木魚燒茄子，金絲蜜餞雞翼，脆皮椒鹽鮮魷同花膠柳浸青蔬。D野食好快就到，首先來咗兩個燉湯，真係好鬼好飲呀，我飲的既係椰子燉竹絲雞，個湯好清甜，好有榔香味，盅湯超足料，我個friend點咗滋潤杏汁燉白肺，奶白色的，好香杏仁味，飲完個湯已經好飽好滿足（溫馨提示︰先飲一半，留待之後再飲呀，如果唔係太飽食唔落野）。清蒸龍躉好新鮮，隔離張枱見到我地條魚都話好正！點知以為唔會有驚喜既咕嚕肉又出奇地好食

在老區新開的囍囍，店舖裝修明亮光猛，小店格局但不失格調，坐得尚算舒適。到訪當晚為新張第二晚，全場爆滿，老闆們滿場來回招呼，場面熱鬧，員工們態度好，笑容滿面，用具衛生程度高。菜式方面，除一般小菜館具備的小炒外，還有川菜類供應，淺嘗了點，鮮辣俱全，味道頗為正宗。小炒類如咕嚕肉，酥甜兼備，掛汁又不會過量，唯以瘦肉為主，個人覺得可適當採用腩肉，將更完美。另外，小店還可安排海鲜類菜式，只需預先預定，老闆會配合安排。聽說，海鲜皆由其於香港仔漁市場的老友揀手供應。是夜的海海鮮如帶子、龍蝦及其它忘了拍照的火候都控制得宜，肉質保持甜美和彈性，又與汁醬相配合，效果是1 + 1大於2。跟大廚輕聊兩句，原來大廚以前在屯門老鼠洲某大海鮮酒家掌廚，怪不得其海鮮類菜式處理得那麼好。菜式好，服務亦佳，街坊價格，一眾友好皆滿意而歸，同時亦討論安排再眾於此了！