囍 (已結業)

跟家人行完百萬行， 終點站係香港仔， 臨近午飯時間四圍都好多人，見到呢間有位我哋就來試試， 見有火鍋放題， 價錢大眾化， 我哋一行四人就點咗四個火鍋放題。 以這個價錢 ，整體食物質素ok， 但美中不足是原本有任食軟雪糕，惟雪糕機壞了未能提供，所以有點失望。牛肉套餐， 套餐每人跟兩包紙包飲品。豚肉套餐有幾種湯底可選擇，我哋選了蕃茄湯底。除了肉類有限之外，其他食品都是自助式，但種類不多。

來到香港仔食lunch, 諗住搵間新野試下，見食評（好似）不錯所以去左呢間。呢排天氣凍凍地所以叫左牛肉壽喜燒，滿心歡喜諗住食個熱騰騰的牛肉壽喜燒＋白飯，暖在舌頭後再暖在心頭。可是，我錯了…我真的錯了….佢一放低，我首先呆左呆，點解壽喜燒下面無火燒住既？算，唔緊要，我諗可能裡面的汁／湯夠熱呢？我又錯了….望一望碗野，上面一層紅噹噹的生牛肉，旁邊係一隻全生既蛋。再深入研究一下，咦？ｄ汁／湯唔係滾既？當你將凍既生牛肉同一隻生蛋放落一碗唔熱的汁／湯裡面，學過常識既小學生都應該能告訴你咁樣做係會令成碗野溫度大大下降，佢地亦都應該可以告訴你進食未煮熟的食物好易出事的。我冒住生命危險試下ｄ僅僅變左色既牛肉，好 un……… 諗諗下實在唔值得用我生命去博去食佢d牛。好。我食菜，無死喇掛？我再三……..錯了。菜，是酸的。當時我真係好餓，但我硬著頭皮食左三分一已經好想嘔，真係頂唔順。我上面一路寫係用汁／湯，因為我根本唔知佢想碗野係點。話佢汁佢又唔夠濃，話佢係湯佢又太鹹。總之亂七八糟，一塌糊塗，不知所謂。最後好想多謝讀者睇到呢度，我寫到都驚心動魄因為從來無食過咁難食既野。我真係好希望有時光倒流，令我從來無入過

今日下午突然好想食個熱辣辣嘅湯飯就諗起「囍」午餐有湯飯吃，我點咗一客（過橋牛肩脊湯飯),當個飯嚟到時一見D紅噹噹牛肉排在飯面，但見過湯係完全冇煙嘅，心諗：你啲牛肉係生上但係個湯系完全唔熱嘅咁你啲牛肉係點樣會熟呢？嘩，不得了，搞完碗飯，血腥水一碗，跟住叫個經理幫我叮熟D，但叮完還是一樣，唉！我發誓以後絕不再來了我之前晚市放題都試過，都已經覺得麻麻地，唔系咁好食，D食物擺放又亂又污糟，想唔到連個午餐都咁差

放假同肥髀去香港仔攞眼鏡！順便食埋午餐！其實已經下午茶時間！呢間新開未試過！ 去到鮮藍色門面光鮮，上到去大堂好大，黑藍主色，桌椅唔迫，牆上畫咗啲食物圖畫！枱面有火鍋爐蓋，晚間做火鍋！午市同下午茶有套餐！落單後食物好快到大蝦野菜天婦羅冷烏冬（$42）冷烏冬加麻醬，肥髀話好味！天婦羅有大蝦、蕃薯、南瓜，我食咗大蝦+蕃薯，炸漿唔厚，但就軟身唔脆，而沾汁係熱到出煙（我第一次見天婦羅沾汁係熱到辣手架）六點壽司配魚湯烏冬（$42）壽司有：三文魚：正常白身魚：正常蝦：正常玉子：玉子太實，味道甜墨魚：有微腥酸薑腐皮：好怪呀，腐皮甜，但酸薑做壽司好怪魚湯烏冬：魚湯唔鮮，唔似鮮魚湯，粗烏冬好彈牙，配料有海帶、粟米、蔥條！正常阿華田（$6）肥髀飲話梅熱柑桔蜜（$8）兩粒話梅一粒青檸，青檸好香，加埋兩種酸味有層次，蜜糖唔多，唔會太甜，好味！日式蒸蛋（$10）個蒸蛋太少，連「茶碗」都不如，係「茶杯蒸」蛋幾嫩滑，但加咗嘅湯味道有啲怪！又唔係味淋嘅甜！係一皇好怪嘅味！店員上菜正常！食物正常，但感覺好港式嘅日本餐廳，食物係大路日本菜嘅款式，硬件裝修係新款，但服務就港式，即係店員會好似茶餐廳咁在大堂呼喚對話！上菜放低

上次去過呢間食肆食烏冬，覺得抵食又吾錯，今次特登嚟試下套餐，竟然又給我另一次驚喜。原來有幾個套餐更做特價，我便揀咗其中一個套餐試下。吉列岩蠔丼 （特價 $43-）套餐包括面鼓湯、白飯、漬物，蒸蛋和吉列𧐢，而且湯、飯和漬物更可無限添加，相當抵食。面鼓湯濃郁，更有豆卜在內。漬物中有青瓜，海蜇頭和火腿，酸酸辣辣，都幾醒胃。蒸蛋嫩滑可口，送飯吾錯。講到主菜吉列蠔頗有驚喜，不但數量不少，而且亦吾算細隻，炸得好鬆脆，咬落又吾乾，沾上沙律醬一齊食，可減去熱氣感覺。本人不甚喜吃炸物，但都要給它一個 like 👍

行經香港仔原本諗住同屋企人hea食一個下午茶入左呢間餐廳聽聞佢夜晚會變做食火鍋放題我地每人叫左個tea set. 每個餐40-50蚊左右啦我叫左個雞扒烏冬，心諗都係是但食啦估唔到佢都有啲驚喜份量都唔少而且都有水準既友人係無🌶不歡既佢叫左個地獄拉麵，佢都表示🌶得好爽!睇黎下次夜晚可以試下佢個火鍋放題好似可以任食牛!

記得個多月前曾於下午在香港仔喜喜午膳(港式日本菜)，當時覺得他的價錢及味道都不錯，所以今天晚上我們又再到來，試吓晚上又如何。原來這裏晚上只有火煱供應，如同期他火煱店一樣，它亦提供不同的火煱價錢給顧客選擇，好像有八款那麽多，我們要了一個每人168元90分鐘的任食火煱。湯底八款選擇，我們要了昆布木魚湯，這過湯底我第一次試，感覺上好清，只得鹹味，昆布咬落像塑膠。 以168的價錢當然不能期望過高，所以它的草飼肩牛肉，美國黑豚肉都是一般貨色，返而我對他的黃金雞卻較有好感，好有口感，雞肉嫩，爽而不腻，當然除了這三款任叫任食外，當然亦可以以自助形式揀選自己心頭好啦，不过這裏的選擇好像不是那麽多，丸子亦只得數款，這是比較失望，還有因只有90分鐘的関係，可能是中秋節原因，人流較多，牛肉和黑豚肉上枱都需要時間，所以食得比較愴促，奉勸各位看官，如想食限時火煱，兩小時是比較理想，總括而言，今次是有小許失望😞

上個星期一去咗香港仔一間定食，刺身，日式火鍋嘅餐廳食午餐。最初以為好貴，原來係一啲都唔貴而且都0k喎。餐廳地方都好大，坐落二樓平台，所以有陽光射入，非常光猛，座位大多數係卡位，幾舒服，座位好似望吾盡咁，但係好奇怪唔係太多人，可能香港仔太多食肆，所以呢度好容易搵位。午市有定食套餐，價錢由$4x 至 $8x 不等，亦可散叫。因為當天唔係太肚餓，所以只係散叫咗個湯烏冬醫下個肚。腐皮鴨胸䐁骨讚岐烏冬 （$33-) 😱抵👍以為價錢咁平會好細碗，原來係意料之外哋OK大碗，而且仲有一小碟酸酸辣辣嘅伴菜添！湯底可以選擇木魚昆布湯，特濃豬骨湯或日式地獄辣湯，我則選了豬骨湯底。烏冬份量亦吾算少，D餸除咗有腐皮，鴨胸和豚肉外，還有半隻雞蛋，魚板和紫菜。湯，烏冬同餸嘅味道不過不失，但好欣賞嗰半隻雞蛋。隻蛋是煮熟咗先切半，蛋白同蛋黃就好似溫泉蛋嘅質地，有些少流心，有D似上海薰蛋，幾好味！$33- 食到一個午餐，又吾使等位，坐得又舒服，認真吾錯！

因工作關係在黃竹坑完成了工事後，發現那裡大多是cafe或高級餐廳，難以找到一間簡單平食之選。最後唯有前往香港仔看看會否有多些選擇。因為是午餐時段，香港仔的大多餐廳都排了不少人，幸好最後找到一間是合心水又價錢不貴的日式餐廳。 那裡的午餐都有不少選擇，最後我與朋友各選了豚肉生薑燒丼和味噌青花魚丼。味道都尚算不差，唯獨是有一舊的豚肉還有一點點的粉紅，不知會否是午餐時段繁忙只快炒了一會便上碟了/ \ 雖然賣相不錯但這些小細節都應留意作改善的

今日去食左個午餐，海天丼，類似雜錦魚生甘，來到看了，魚生小得可憐，好似兒童餐甘細份量，迷你甜蝦一隻，超小帶子一片勁薄，三文魚三片，海膽兩小片，飯是硬的，非常難食，賣78元，真心覺得呃錢

 它的黃金鷄木瓜湯底, 十分特別. 於是約了喜愛吃火鍋的友人一起去試. 餐廳位於香港仔, 位置不算偏僻.不過由銅鑼灣去要坐巴士一去到, 已經坐滿客人, 遲多一秒都要等位! 店內面積很大, 坐位舒適.來到這裡，必吃黃金鷄木瓜湯底, 是招牌湯底, 材料有椰子水, 木瓜及鷄. 進食前店員會講解進食次序.好讓客人吃到好雞黃金雞肉意外的嫩滑, 味道鮮甜, 充滿椰香味. 直接喝湯底, 清甜味鮮, 可以飲兩碗.火鍋料我沒有吃很多, 雖然有很多選擇, 但作為食肉獸, 當然是狂吃肉類啦!山根用來打邊爐很好吃,吸湯能力很高,吸盡椰子水的鮮甜,帶點本身的油香,簡直是人間極品.飲品也有很多選擇, 酒鬼也有啤酒呢

爹哋一向很喜歡打邊爐，上OpenRice搜尋一下，發現有間新的放題，相片和評價都唔錯。沒有特別期望下，去到都有驚喜。湯底大約有數十款，見大部份人都選擇椰子雞湯底，我們便點了這款。店員把火鍋湯底拿過來，另外還上了半隻雞、椰子木瓜。我們待水滾開後，便把所有材料放入湯中，蓋上蓋子，用漏斗計時。漏斗的沙全都倒下，便是可以開蓋吃的時間了！雞肉很水潤，充滿椰子的香味，不會鞋口。雞皮的油脂都溶在湯中，我們把湯的油脂先濾走，吃得健康。中間部份是一個蔬菜區，有很多不同的蔬菜品種。白菜仔通常有一陣青菜苦澀味，但經過椰子湯的浸煮，反而清除了這個苦澀味，吃到很有纖維很美味。另外還有唐生菜等等，是火鍋的必備。唐生菜是很容易吸收湯汁的蔬菜，所以火鍋會加倍美味。如果是番茄湯底我很喜歡加上薯仔南瓜等等再淆湯底。因為今次是椰子湯底，比較清甜，所以我便沒有把南瓜煮爛，只是煮熟便吃。南瓜口感很淋滑，還有一疏疏的纖維，吃到南瓜的甜香味。牛肉都係靚料，牛味很濃，雪花分佈尚算平均，可以吃到牛肉脂肪的香味，不似平時凍肉店買的急凍牛肉般鞋口和死實。

打邊爐清清地既湯底都好正!🤘🏻通常打邊爐都係嗌豬骨或者麻辣乜乜乜湯底，今次就試到呢個好特別既黃金雞木瓜椰子湯底！😳店員話烚下烚下之前要飲一啖湯~湯頭好清甜，同平時打邊爐既重口味濃湯好唔同~木瓜味突出😋，配上陣陣椰香好正😻😻😻黃金雞亦好入味，質感好嫩滑，不過因住唔好煮太耐，唔係就會變左白烚雞😹😹😹打完邊爐記得食番個雪糕，綠茶味就一般般，不過牛乳味就唔錯👍🏻，奶味頗香der😝

男朋友生日，我地去食打邊爐慶祝。餐牌上有好多選擇，相量後我地選了約170 元的餐。點了湯底後，店員送上一瓶沙薑和青檸，增加海南風味。 沙薑的香氣很濃烈，不會辣。不自覺的就在豉油中拿來當前菜吃。水滾了把雞件都放進湯中，一鑊熟😳。原因是用雞隻淆湯，令湯底充滿椰子雞的味道。先飲一啖湯，湯底十分清甜！椰子跟雞的味道很搭配，而且很滋補。牛肉不算是最頂級，但我們食得開心，半肥半瘦有油花，都算係咁。牛肉顏色亮麗，食落都重牛味。牛舌是薄切，牛舌會煙靭點，有獨有的風味，不會太大椰子香味。話哂都是生日，我們加了刺身任食，男友最中意食三文魚，呢度三文魚夠肥，不過魚生未夠軟。咁就同男友過咗第一個生日啦，希望下年會繼續一齊過第二個、第三個生日啦！

較早前在觀塘近海旁那幢商業大廈吃過這間放題，剛巧今日到香港仔與朋友聚餐，不知這裏開了新分店，毫不猶豫就決定來吃！無他的，抵食，就是咁簡單。我們來的時候時間尚早，還有很多座位可選擇，我們便選擇了靠近窗邊的座位。店員先拿來湯底，我們就出去自在區取食物。取完食物回來，黃金雞及肉類很快就來到了。黃金雞色澤果然是呈金黃色，與其他品種有點不同。跟着桌上的指示下雞，很快就有得吃。等待的途中，一直聞到濃香的椰子味。牛肉質素也相當不錯，肉香充足得來口感也不失軟滑。輕輕一灼便可吃了。海鮮看上去也很新鮮，煮完吃的時候也沒有縮水，看看價錢，覺得真是超值。配菜方面，冬菇體型頗大，番茄多汁新鮮。另外加配的鵝腸，份量不少，有鵝腸獨有的氣味，不錯吃！再多一次選擇的話，我仍然會選擇來吃，因為真的很抵。