四季冰室 (良景廣場)

營業中

休息中

屯门朋友约下午茶多次在<建生站>，选择不多~吃厌了。是日改<良景站>良景广场。Openrice 指引下介绍<四季冰室>，查食评弹多赞少，但门口等待人多多，既来之则安之~看来一试无妨。2人等位也要15分钟，侍应招呼有礼，基本服务素质已有改善了。主食~牛魔王焗饭~卖相可取，其中的<牛舌头>稍硬，美中不足，有可能是在下牙齿老化了。但整体味道还是不俗!咖啡茶有水准。看餐牌列出食物品种多样化，而且价比合理，有重来光顾的意愿!

以前這個位置是金大班，是屹立多年嘅茶餐廳，但經過時代改變之下，舖位一開二下，今日變成了四季冰室，寫這個食評之前，我一定望一望之前食家的評價，睇左五個都係幾差，不過都係講服務方面，朝早就試一試佢早餐，入到餐廳環境舒適，始終係新舖，衛生當然冇問題啦,眼看樓面全女班本人就叫了一個漢堡扒公仔麵炒蛋腸仔加方包，茶走一杯上餐速度算幾ok,食物質素方面尚算合格，漢堡扒算大塊，麵食落尚可，隻蛋食落去都冇乜特別，杯茶走飲落又冇乜特別，總括成個來講都係冇乜特別$40呢個早餐梗係唔使食啦，不過我未至於要比負評佢彩蛋：朝早早餐不算特別忙，但好似成日搞錯上餐嘅內容同位置，計埋我自己在內，都有三次

見到附近新開張幾間餐廳，是但入一間試試先。早餐時段有三個餐選擇，A 餐多片多士，C餐係貴料，B餐純粹一個麵 感覺唔會滿足吧。最後揀咗五香肉丁公仔麵配煎蛋火腿。等緊過程，望下周圍，其實裝得好精緻（相比附近餐廳），座位都坐得舒服，只係店員態度唔太得，間鋪有硬件都冇用。例如見出面冇人等，諗住行入去，佢喝我要撳飛先。其實你擺個牌展示先取飛就得，同時唔好部份人要跟，部份又唔駛咁囉。五香肉丁份量都幾多，我試過食過一間得3-4粒，辣度適中；太陽蛋好太陽，蛋汁juicy；火腿正常咁煎，唔會有問題。睇返餐廳評論，原來個個都媽叉呢間店，原來我唔孤單

今日應該係第一日開張，人比較多我成個鐘前一早打左電話落去舖頭嗌外賣，行到舖頭只係俾個錢就拎得俾錢嗰陣，收銀嗰個淨係問我嗌咗咩，都冇叫我提供其他號碼，咁我就講俾佢聽我叫左乜，聽完個收銀一頭霧水，跟住我就望到側邊貼住自己張外賣單，我就同佢講埋自己電話號碼，呢個時候！個男經理就大大聲講：小姐！你唔提供你電話號碼我點知你嗌左咩啊！（其實係佢講呢句嘅同時間，我已經講咗電話號碼咯🙄） 跟住我比完錢之後，就擰轉身見到後面張枱，枱面嗰袋就係我嘅外賣，係人潛意識第一反應梗係拎張單去拎外賣啦， 跟住個男經理又大大聲講：小姐等外賣麻煩出邊等！跟住我回答：我已經見到我既外賣...跟住佢又話：請你喺門口等啦，我哋有外賣就會嗌你㗎啦！..OK！咁我喺門口等囉⋯⋯等咗一陣，佢依然冇處理我嘅外賣之後望咗一眼我，又來大大聲同我講：小姐！你等外賣麻煩行埋一邊啦，唔好塞住個門口！（其實我想講，我完全冇塞住門口囉，我企喺門口側邊，餐牌隔離...）跟住我就應佢：其實我既外賣已經一早到咗喺張枱度...呢個時候，佢先話：OK我拎俾你，等等先！跟住先來話唔好意思...bababbaba...但其實佢講呢段嘢嘅時候態度都好輕浮，完全f

餐廳忙我可以理解外賣漏單大家都唔想做錯事唔想俾人鬧扮第二個去卸膊好多人都會但係真係唔好當有心想幫襯嘅人係傻嘅由三點打去 四點追發現漏單 再落多次四點三先覆我樣嘢食賣晒…請問依啲係乜嘢營運手法= =希望店家睇到嘅就自己改善下啦。Sorry for no next time😶

#外賣燒味飯叫兩盒飯都可以錯到咁，叫複雜啲唔知變左咩！簡單叫個四寶飯比左叉雞飯，叫叉雞飯走汁，又無走汁，仲要應比嘅又唔比，竟然無薑蓉,呢樣唔講都會比呀嘛！食叉雞飯無薑蓉，真係失去當中的神緒，叉燒又乾又硬，一舊細細的雞可以斬到有十幾粒碎骨， d 刀法真係無野講，仲要d飯係有生米！#新開張都做都咁，真係好趕客囉！早知去街市買都好食過佢，仲要平一半有多！#街坊們自己諗清楚或者檢查清楚先離開喇！講完！