四季文昌 (已結業)

在尖沙咀的四季文昌午飯選擇奇多海南粉配大蝦厚切雞排乾撈海南粉即一點湯也沒有的特色非常特別：但個人覺得-好像廣東式撈裡面有碗熱騰騰的湯送附最佳！喇沙海鮮湯烏冬便宜48$ 一個雞腿煎蛋飯雞腿是未脫雪味的無味雞不過價錢平我接受到荷包蛋背後煎焦了：被發現了海南雞飯68$雞雖說幾多但味道不覺好最重要的是油飯一點香味和雞的鮮味都欠奉外行人做海南雞太不專業幸運的是肉骨茶幾好吃份量大湯汁濃郁 夠入味 排骨好林還有個黑松露雞絲飯52大元

我地一行3人過咗中午食飯時間，已經三點鐘仲未食野...所以超級肚餓。行過見到呢間餐廳仲有午餐可以嗌，所以入去食飯先。由於有人要減肥，所以我哋3個人叫左2個餐加埋個海南雞例牌share 黎食。由於太心急唔記得幫海南雞影相份量其實都幾細每人得幾舊仔雞，味道都係不過不失啦，唔係好難食、又唔係好食到印象難忘嗰種。餐我地叫咗肉骨茶同埋咖喱煎雞扒蛋包飯。肉骨茶冇乜藥材味反而我哋大家都覺得覺得好似滷水汁.....我食過嘅肉骨茶好似唔係咁嘅味㗎喎....不過如果你當佢係滷水五花肉咁食嘅話，其實都OK嘅😂肉嘅份量都幾多三大舊肉加豆卜。另外一個咖喱煎雞扒蛋包飯都係普通，咖喱同出邊食到嗰啲差唔多味道。煎雞扒其實都幾juicy嘅。蛋算係炒得幾滑。個人會比較推呢個。

深圳食椰子雞就多，但係香港食就第一次。今次同朋友慶祝生日，一行六人一早訂左位，但店感覺都唔旺，七點半依然吉吉地。餐牌設計幾靚，主打椰子水作湯配文昌雞。提供幾款套餐，幾好晤洗諗。但今次無叫餐，因為每個餐都有刺身，對刺身無乜興趣。碎上子薑，鮮青檸汁加落右邊個醬油度好清新，點雞食好味。六人點了一隻雞都夠食，仲豪氣都叫左好多火鍋配料。呢碟牛係大size,好有牛味，感覺都好新鮮，但每條熟左都好細塊。牛拼，樣樣都有，但不夠上一碟牛正。豬加羊拼，豬腩肉同豬頸肉厚切，不錯。羊都幾‘so’味，岩晒食羊朋友。蔬菜類都好新鮮，特別係鮮豆苗仲未摘下，烚之前先用校剪剪落嚟，好新鮮又幾特別啊。最後仲叫咗鮮蝦，同埋一個小食鳳爪，都不錯。今餐大滿足食咁多嘢都係$2000左右，可以再encore! 但唯一係啲職員不停sell你食唔食象拔蚌，有d煩。

今次嚟呢到聚會，皆因壽星想食椰子煲雞火鍋~嚟到冇諗過環境咁大，仲要好文青風，好舒服。估唔到佢有套餐揀!仲要咁抵!不過要有某信用卡先咁抵嘅~我地7個人叫咗兩個餐😂 再加咗少少嘢生日仲送多碟牛，不過要訂咗位先有。有1.5隻雞、牛小排、肥牛、豚肉、雜錦手打丸、墨魚滑、餃 2個菜籃、臘味飯、福袋、泡椒雞腳、豬手、嚮鈴...整體味道都好好~牛肉口感滑嘅有，濃味嘅有!手打丸/滑都好彈牙，而且好新鮮~佢啲雞都好正，冇醃製過，食佢個原味再沾醬都已經超好味，肉質彈牙滑溜佢個臘味飯都好好味，而且好足料，個個都大讚!嚟呢到之前喺冇諗過咁高質，仲要有優惠，幾驚喜!佢仲要有專人負責兩枱，又主動服務好好.。生日果個仲會送個椰皇甜品，我唔知呢個甜品點整，不過超好味，下面喺超重椰子味嘅椰凍 上面有個椰子味嘅雪糕，成件事喺好balance好夾，甜度岩岩好!一定會再幫襯

從未食過椰子雞鍋，今次有機會試吓。呢間餐廳主打椰子雞鍋，每枱食客必叫。餐廳以卡座為主，枱面尚算闊落。椰子雞鍋以椰青水為湯底，十分清甜，滾後放下椰子肉和鮮雞件，蓋上鍋蓋以倒流計時7分鐘，便可享用。幾特別有趣，又好味。7分鐘的烹調不會令雞肉太熟而鞋口，相反非常嫩滑，而椰青湯則異常鮮甜。食完雞後就可開始打邊爐了。牛頸脊脂肪均匀，食落鬆軟，正！手打丸彈牙夠爽。鴨血沒有腥味。響鈴大大卷，層數多，食落有口感。蔬菜籃有生菜、油麥菜、娃娃菜、鮮冬菇、露芝菇、金針菇等，樣樣都很新鮮，靈芝菇的長度有成隻手掌咁長！最後還叫了個鼓汁白鱔煲仔飯。賣相吸引，陣陣魚香，惹味非常。鱔肉肉質和食過的不同，非常諗身，可能是產地的原故。

外子生日月咁佢外母就呢日可以公休所以就約左呢晚食飯呢間野外子自行選擇其實佢原本想食其他野但因為我一早訂左蛋糕要紅磡攞所以唔俾佢過海食喇原來呢間野係佢朋友半年前介紹佢食唔知係咪我地訂得太早啦其實只係1830但就得我地一枱人 間野都幾暗我地就將叫野食嘅權利俾左壽星佢就叫左 椰子雞煲好明顯純椰青水做湯底咁就一隻切好晒嘅雞件佢就有個沙漏放枱面佢話漏晒去另一邊就食得雞就冰鮮雞仲有少許冰鮮味啦咁個湯好清但我又唔覺好好味咁啦 牛脊肉部分幾肥下都重牛肉味 雜丸大部份手打但唔見得特別好味或吸引 豬肉應該似係豬腩肉嘅個層肥皮都爽身都係好經典咁砌到一朵花咁 蔬菜盆一大堆普通菜其中一款菜我個人食到怪怪的變酸的味道唔知係咪個款菜同椰水湯底唔小心變出黎嘅味 響玲似自家炸嘅但唔係我食過最好食嘅不過不失 黃金魚皮有部份魚皮好硬咁我諗有黃金係面應該都唔預我碌一碌先食掛碌完味冇晒黃金 生日所送的肥牛超普通的肥牛但唔洗錢就唔好太多要求 冷盤豬手爽身嘅味道都可以不過我太懶所以唔好同舊骨糾纏咁耐食左一啖就俾左外子執手尾 整體好普通都唔算平要食好食打邊爐, 多多選擇

一班朋友食飯最適合打邊爐，不過打得太多又驚太燥，所以今次就試下清潤一點啲湯底，去食椰子雞煲四季文昌裝修有特色， 地方超級闊落!!! 椰子雞湯煲用漏斗計時7分鐘，係等佢熟期間，聞到陣陣椰子香。雞件幾滑，文昌雞嘅雞皮厚身同一般肥淋淋嘅雞唔同。雞件幾滑，加入椰青水做湯頭超清甜呀再配上由辣椒、沙姜粒、柑桔🍊組成秘製醬汁，兩款由店員推介既新鮮海鮮，南非鮑魚同象物蚌~都尚算可以另外叫左安格斯牛小排，肉質細嫩，食落都有牛味。牛小排相比之下就冇咁特別當然就冇和牛咁正啦手打蝦滑，普普通通招牌臘味芋頭煲仔飯，好大份量架，足夠4個人吃，臘味又多，仲加左芋頭，所以都會幾香，而飯底都有少少我最愛嘅飯焦，非常抵食另外再叫左兩款特式飲品

三個人打邊爐，朋友想食椰子雞，於是book左呢間。空間多大，座位也舒服，氣氛不錯。點左個椰子雞鍋半隻，湯係幾清甜，但冇乜太大驚喜，由於我已唔係第一次食，所以覺得還好。雞肉都唔錯，及時食就冇咁老。點上豉油好味一點。另外叫左份日本直送雜菜籃，比想像中份量大。是新鮮的。紫菜響鈴沒想像中好食，雖然脆口，但比上次食的油份較多。叫左份雜錦肉拼盤，豬肉為主，仲有羊肉，羊肉有啲腥，個人唔喜歡。再叫左個臘味煲仔飯，好多飯焦，味道不錯。只像已經好飽，沒太大興趣食多碗。最後的甜品還不錯，椰子雪糕配椰皇嘟哩。椰子味好香，仲有啖啖果肉。

朋友介紹話四季文昌好食，所以就和朋友去試一試。一去到看見環境都好濶落，裝修都好特別又靚，坐得好舒服。之前點了椰子雞鍋，因為椰子雞湯太好飲，掛住飲冇影到相😂之後點了火焰龍蝦海鮮鍋，龍蝦都很多肉，還有青囗和蜆，令蕃茄湯底更㗎鮮甜。待應推介象拔蚌，我們乜試一試，果然冇推介錯，象拔蚌好爽脆亦很新鮮。我亦點了最愛吃的生蠔，生蠔亦很新鮮，不過唔夠肥😅小牛排好淋，又有牛味😋最後都推介比大家黃金魚皮，魚皮脆卜卜，咸蛋黃香味十足😋👍🏻

依間係以椰子雞湯底為主題嘅火鍋店🐥，上次朋友生日專登去試試佢!!我地叫左個文昌雞火鍋套餐🤤(5-6人)$782套餐包括:文昌小食拼盤、刺身拼盤、原味椰子文昌雞鍋、文昌鴛鴦拼盤、文昌手打丸拼盤、手切安格斯牛小排、海鮮火鍋三拼、日本直送野菜籃！首先佢個小食拼盤包括牛筋凍、秋葵、醉雞翼、豬手。牛筋凍最正我第一次食😚😚😚仲要好入面，質感係較硬身，間格分明！！值得推介👏🏻然後到刺身拼盤，佢有象拔蚌同三文魚，象拔蚌非常爽口，仲要搵冰振住好正！！原味椰子雞湯就係重點❤️佢勁大陣椰子味仲有好多椰子肉！連d肉同菜都吸到d椰子味架！！ 好清甜😆😆😆 都幾抵又好食，大家要試試！

I made a reservation and when arriving at the restaurant (on time) I was simply told by the reception lady that “you have to wait” without saying sorry or telling me how long I needed to wait. I asked her again how long I needed to wait and all she said was “you need to line up. You see all these people waiting here? They all made reservations.” This is ridiculous. Such attitude should not be tolerated

尖沙咀嘅午飯 都會有便便地但好食嘅餐廳 上星期就約咗係尖沙咀返工嘅朋友去四季文昌到食午飯 叫咗一個四十幾蚊嘅咖哩雞飯 一個午市套餐會包埋湯同飲品 餐湯係椰子雞湯 油咗少少 不過味道就好夠😋咖哩飯都幾好食 成碟嘅份量好大份😋食到好飽 咖哩味仲有少少椰子味 幾正😋雞肉份量都幾多 而家幾滑😋不過就太多骨了 不過整體都不錯不錯

尖沙咀食嘢都唔平，喺呢邊返工要搵平價lunch, 有啲難度，好彩有朋友介紹，嚟咗四季文昌雞。冇諗過喺尖沙咀可以有38蚊一個set lunch, 有兩款選擇，一個係叉燒蛋包飯，一個係煎蛋雞扒飯。餐廳環境都幾靚喎，原來夜晚做打邊爐，做埋午市，整咗呢啲set lunch, 幫我哋班打工仔慳錢。座位很寬闊，因為本來係做打邊爐的，環境乾淨，播著歐美流行曲，有MV 睇，食lunch都可以輕鬆下同同事每人一個set lunch, 試下好唔好味先。原來仲送餐湯，同埋一碟開胃小菜，係中華沙律呢，我好鍾意食！餐湯係木瓜雞腳湯， 幾好飲，覺得係冇味精的老火湯。煎蛋雞扒飯，仲搭兩條魚油菜，有蔥油比你點雞扒。份量都好合適，不會太少，食完都夠飽，不過雞扒就煎得乾身咗少少，肉質未夠滑。叉燒蛋包飯，賣相好靚呀，仲有沙律菜伴碟。揭開薄薄的雞蛋，裏面就是有叉燒汁的飯，炒得頗滑的，撈飯食不錯。叉燒幾好味，沒有燒燶的黑色，味道稍甜，雖然係偏瘦，但也好爽口，抵食！2人埋單$76唔使加一 , 抵食！不過有一段時間冇去到食，唔知而家仲有冇呢啲set lunch呢？

近排打邊爐,想試個清D既湯底,搵到四季文昌用椰子雞做湯底,即刻拉住老公去環境好有格調呢個和牛拼盤好吸引用椰青同鮮椰子做湯底,好清好甜未開始都飲左2碗雞件好新鮮,肉質好有光澤用配多個招牌椰青紫菜向鈴,幾鬆化福袋好多料,有鮮蝦豬肉,好彈牙主角出場,唔只靚,仲好多,唔貴5款牛都係$398有日本同澳洲和牛牛肩,牛舌,牛頸,牛粒勁新鮮好味巨型臘味芋頭煲仔飯,好香,有飯焦,多臘味,要打包~有色有味食完之後個湯底都仲好清,可以當湯飲~今餐真係好满足~

一向以來都非常欣賞呢度既椰子雞湯底,最近見佢出左啲新野所以就約埋啲朋友一齊去食指定動作,叫番個海南椰子文昌雞湯底用上兩個椰青同一個椰皇,再配上文昌雞落配料前一定要先飲左湯底先雞肉肉質嫩滑有彈牙椰子湯底則非常鮮甜,而啲椰子更加軟腍可以食埋極上和牛拼盤打邊爐就係要配牛拼盤有: 佐賀A5和牛牛肩,澳洲M9和牛牛肩,安格斯牛頸脊,加拿大牛舌粒,安格斯牛粒佐賀A5和牛牛肩牛味濃郁,油香味重安格斯牛粒要烚比較長時間,而且不及一片片既牛肉咁入口即溶紫菜響鈴加埋紫菜既響鈴,非常脆身,入面帶有紫菜香七彩芝士流心丸味道新穎,例如有班蘭,士多啤梨,芒果,黑松露等等入面就有流心芝士.臘味芋頭煲仔飯(細)話就話細,但其實我覺得足夠4人食用臘腸臘肉的香味好吸引,芋頭又綿軟,芫茜味更加係香噴噴飯粒粒粒分明,有少少飯焦