四季文昌 (已結業)

文昌雞就聽得多，但去邊到食到好味既文昌雞，就真係難揾，直到我朋友介紹比我d一間食文昌雞，我就愛上了。白切文昌雞，雞味重，又小小油，肉質鮮味，容易入口，做雞湯更係不二之選

和牛丸物超所值，咬落去勁多汁！ 椰子雞中的椰子湯超濃郁，在落其他食物前，必定先飲湯， 加上竹竺，便更加美味！ 另外，黃金魚皮即叫即炸，即使不浸湯亦超級美味！各種小食亦較特別，例如單骨雞翼亦是一試難忘

位於旺角荔枝角道33號百匯軒地下及一樓全層的四季文昌，主打椰子雞湯火鍋。之前試過在這餐廳吃火鍋，味道不錯。今次則和朋友試試四季文昌的午市套餐。餐廳光線充足，而且位置闊落，觀察到不少打工仔一行人來到這裡吃午餐。叉燒嫩蛋蓋飯，簡單得來又美味的叉燒炒蛋飯，是不少人的至愛，看似簡單的炒蛋，其實要炒得嫩滑都很考功夫。這碟叉燒嫩蛋蓋飯 ，叉燒切成薄片跟雞蛋拌炒，鮮黃嫩滑的炒蛋跟叉燒整整覆蓋整碟白飯，美味之餘，份量也很足夠。下次一定再來。

那天星期日在太子走著走著又熱又攰😵😵😵突然收到一張“$38下午茶輕食二選”傳單~👀好似好多選擇又$38抵抵地咁💰一於一試~😆叫了兩份下午茶🎈🎈🎈咸蛋黃炸雞一啖咬落去🐥~真係好香咸蛋黃味炸得夠乾身~唔會油淋淋~🤤而家諗起都想食🤤🤤🤤韮菜湯餃餃子內餡菜多肉少~🥟🥟🥟湯底清清地~不會太油~💦味道不賴的健康之選😂😂迷你叉燒嫩蛋蓋飯這個蓋飯有驚喜💕蛋是真的嫩嫩~還有蛋汁~🍳配上叉燒 + 蔥花再加上少許豉油一啖吃下去味道真的很不錯迷你四季文昌海南雞飯雞肉嫩滑🐥飯量一點也不迷你~下午茶來說很足夠的飯量~🍚🍚🍚🍚但油飯有點太乾身~P.S.$38蚊一個飯 + 一個小食吃得飽飽🐷味道不錯🤤都算好抵食呀~~~💰

今晚同朋友行行下街嘅時候肚仔餓就發現咗間正野，好方便的位置，剛好。餐廳位於一樓，從地下上一樓，有一條放滿書本的樓梯通往用餐區。餐廳環境十分寬敞，以為自己去咗文青cafe去錯地方添餐廳嘅裝修好靚又細緻，一排落地玻璃窗口位，成間餐廳氣氛好濃厚又舒服幾岩同朋友一齊嚟食下嘢㗎。講返主角文昌雞鍋，勁香椰子味，雞湯清而不淡，仲好細心咁幫我哋隔咗層油，所以一D都唔覺肥膩! 食完雞同飲完個椰子湯，就開始打邊爐，佢哋d料都唔錯。環境黎講，呢度係好大間，服務態度還不錯。

一行8人食火鍋，好開心餐廳安排到間房仔俾我哋，自成一角，邊食邊傾唔限時趕你走! 講返主角文昌雞鍋，勁香椰子味，雞湯清而不淡，侍應仲好細心咁幫我哋隔咗層油，所以一d都唔覺肥膩! d雞好嫩滑，仲有一片片椰子肉，非常`林`同甜，好好味!未落鍋前嘅原隻椰子文昌雞食完雞同飲完個椰子湯，就開始打邊爐，佢哋d火鍋料都唔錯:野菜籃，有唔同嘅姑類同菜類，啱哂唔同口味嘅人!冰鎮鵝腸，我自己就唔食嘅，但朋友話都好食爽口，唔錯唔錯!手切牛肉同豬爽肉，佢哋d肉就真係幾出色，無論牛肉定豬爽肉都好好口感，應`林`就`林`，應爽就爽，讚!手打丸拼盤，可能手打關係，d丸真係幾彈牙!椰青椰子雪糕有粒粒椰子肉，鍾意食椰子嘅朋友千萬唔好錯過!

現在要找一家不限用餐時間的火鍋店有點難，先不說那些便宜的日式任食火鍋，就連人均三四百元的火鍋店也設兩小時限制，所以這家餐廳不設時限有加分。這家餐廳面積很大，樓底又高，座位編排不擠迫，空間感很好。環境設計也頗有心思，打造成書房的感覺，入口處佈置了美美的打卡位，飯後跟親朋來張大合照留念也不錯。用一顆花生作為筷子座挺有趣，我嚐了一顆，已經潮掉，這個果然只適合用作筷子座😅這裡主打椰子雞鍋作為湯底，我們選了原味海南椰子文昌雞鍋半隻。水煮開後將所有雞下鍋，把火力調到P2，然後用沙漏計時，待沙子從一邊全落到另一邊方可開吃。當晚沒有任何侍應告訴我們這些步驟，侍應把食物放下就走，不開鍋，不說用什麼火力，不解釋沙漏用途，不告知要煮多久，我知道這些只是因為已經來吃過十次八次，但從沒來過的客人又如何得知這些呢，豈不白白糟蹋食材。在我還沒到達餐廳的時候，椰子湯早已備在爐上，所以我們不管點半隻雞還是全只雞，湯的份量都是一樣。這裡給的椰子湯越來越少，以前食物吃完了，大家還會把湯一碗一碗分着喝，現在只能喝幾口。加椰子湯需要額外付費，否則只能加像熱水的湯，味道偏淡。椰子湯沒有以前甜，但沒有對比就沒有傷害，朋友第一次來吃

紅日同男朋友來位於旺角四季文昌eat lunch，餐廳由2層組成，沿樓梯直上時會見到一排書架，充滿咗文藝氣息！地方舒適寬敞，係葛適合打卡葛地方！然後叫咗份燉湯，距係瓦盅盛載燉湯的，而且個燉湯盅好得意又精緻，滴湯同料就濃縮係尼個燉湯盅裡面燉製，湯好濃郁而且料好足，真係好補葛！又叫咗份叉燒嫩蛋蓋飯，蛋煎得金黃色而且好嫩啊，嫩蛋裡面夾雜著一塊又一塊蜜汁瘦叉燒，表面撒上蔥花，賣相吸引又美味！勺上一口米飯加蛋加叉燒吃落去，米飯軟熟又有餘熱，真係刺激口感，好好吃！

星期六訓到自然醒，諗住係附近覓食，就諗起呢間野都開左好耐，係時候去試下。佢午餐選擇都幾多，價錢亦算合理，最平套餐由$42起，仲包野飲。主餐牌:我嗌左個香蔥五花腩籠仔蒸飯，包埋杯菠蘿梳打，$62。個籠仔飯應該係即叫即蒸，因為都等左成15-20分鐘先有得食。一打開個蓋，D煙同香味不斷走出黎，好香。佢既份量亦都好多，係平時蒸籠既1.5倍，我諗一對情侶黎食都夠。D五花肉都有成10塊左右，多汁得黎唔會柴，好味!女友嗌左個椰子雞湯米線，要$68但反而麻麻地。我飲左啖湯，有D似死甜而唔係一般打邊爐果種椰子雞湯味。另外D米線碎到佢完全夾唔到，要用羹筆黎食...呢度又扣左分。最後女友直接放棄左個米線，轉食我個飯..環境黎講，呢度係好大間，可能因為夜晚主打邊爐，但午市都好吉下，冇咩人。我覺得個蒸飯係高質，可以一試，但個米線就真係有待改善啦。

某朋友非常喜歡食雞煲，最近帶了她試試大家常常北上深圳吃的椰子雞煲。椰子雞煲比一般麻辣雞煲健康清淡，先將椰子水煲滾，加入海南文昌雞，以慢火煮7分鐘就可以開餐😋湯底用上新鮮椰青水，一開蓋就有陣陣椰子清香，未放入火鍋配料之前當然要先試試湯底，只加少少鹽調味就已經非常清甜！雞肉肉質嫩滑而且不肥膩，雞皮亦很彈牙，餐廳有三款秘製醬汁提供: 海南雞醬油、酸汁和薑蔥豉油，最喜歡啖啖雞肉加上海南雞醬油😍🤤 火鍋配料選擇很豐富，點了四季牛肉拼盤🐄(手切安格斯牛頸脊、A4和牛肉眼、黑安格斯牛小排、牛舌粒、牛舌長切、牛柳粒)、紫菜響鈴、自家手作水餃拼四季福袋等等，份量和水準不過不失👌🏻👌🏻四季文昌除了主打椰子雞煲之外，還有臘味芋頭煲仔飯、北海道海膽煲仔飯〜大滿足

第一次打邊爐，可以話食物差，服務差第一次落ORDER 落錯，唔緊要改返，講完諗住改左，點知仲未改，搞到7點前入座，8點都可以未有野食，好野椰子雞黎到，湯淡到呢。。。。唔緊要都仲有少少味加湯竟然加水，個湯已經冇味，仲要加水，變左白（十）已經冇咩心機食，埋單又錯，仲係計左第一次入錯單既數，真係唔知呢間野搞咩，點解會有咁多好既食評，如果真係做唔到要加椰子湯可以加其他湯，唔一定要加水真心差。

經過哩度好多次了，今次我同朋友提議不如試下，第一次食四季文昌。一行入來，原來裝修勁靚，好似文青咖啡館咁，點都諗唔到食雞火鍋。香蔥五花腩籠仔蒸飯（$62）好食又好睇，首先份量真係好大，其實可以兩個女仔分。一打開熱辣辣又香，D五花腩唔會好油膩，配埋香葱食都幾好。個飯係炒飯底，唔會乾，反而係沾左猪肉既油，好味，亦都好飽。四季文昌海南雞飯（$68）朋友點左哩個，應該係招牌菜，但其實一般。雞都算滑都小肥，個油飯就麻麻地，好乾身，無咩味。海南雞飯既靈魂就係個汁，佢三個汁好似係有d名堂，海南鼓油、爆蒜葱油、海南酸汁，三個汁比較好味既係左邊果個了。我比較鐘意點既薑油同甜鼓油就無了。椰子雞湯米線（$68）我試左個湯一啖，係清甜既，應該係有椰青水煮，但感覺有溝水既。朋友食食下覺得淡味，要左d辣醬來加味。菠蘿梳打餐配既飲品，大大杯。對住出面繁忙既街景，歎啖冰凍梳打，有種抽離既感覺，觀察世界，明明是身邊的事物，又好像同自己無關咁。整體來講，以太子既lunch來講，又好景，價錢是正常價，裝修好靚，明顯是想走文青風。我點既餐就好滿意，朋友就覺得佢地既一般。坐得好舒服就係真既。

平日到《四季文昌》，都是吃晚市雞煲火鍋，早前經常餐廳，發現原來除了晚市外，午餐亦相信吸引。 套裝價錢由HK$42 起，而套餐已包括飲品及燉湯。 選擇都好多款, 而且價格相宜, 相當抵食! 椰子雞腳燉湯, 原個燉盅上, 材料相當豐富, 入口濃香帶有陣陣雞味, 滋補養顏! 椰子雞腳燉湯 「玉子嫩滑雞脾丼 」 賣相不錯，丼飯上舖上一層厚厚的滑蛋，口感綿滑，再配上鮮嫩雞肉粒及圓圓的玉子，蛋香味道極度濃濃。 「椰子雞湯米線」 湯底以招牌文昌雞及椰子作主打湯底，味道清甜，帶有淡淡椰香及雞湯香味，而雞肉口感嫩滑，不粗糙，雞味濃郁，配上彈滑米線，讚。飲品選了荔枝梳打, 陣陣荔枝香甜味, 感覺夏日清新~四季文昌 Coco Kitchen 旺角荔枝角道33號百匯軒地下及1樓全層   24992700

夜晚主打椰子雞火鍋嘅旺角四季文昌，原來午餐menu都好吸引！午餐當然唔少得招牌名物嘅椰子雞啦，而午市套餐總共有14款自選主菜，仲包埋燉湯同飲品，最重要係免加一服務費！近排M佬成日話我唔煲湯俾佢飲，所以今日就同M佬食得夠補啦。松茸菇椰子雞湯是日燉湯係以瓦盅盛載嘅松茸菇椰子雞湯，材料好豐富，有椰子肉、紅蘿蔔、姬松茸、雞腳和豬肉等，聞上去已經夠晒香，而味道就好清甜，夠晒真材實料！玉子嫩滑雞脾丼M佬望住個飯就問有雞先定有蛋先？希望你食完會有答案啦。首先將流心蛋督穿，撈暈啲雞蛋，每粒飯都充滿蛋汁，蛋味香濃。而雞肉嫩滑多汁，不過就略嫌雞肉份量較少。椰汁雞湯米線湯底椰汁雞湯好清甜，椰香味濃又唔油膩，食米線仲可以飲埋個湯。而雞當然係用海南文昌雞啦，雞肉嫩滑，好入味，而伴菜有雲耳、竹笙更加索晒椰汁雞湯，好正。荔枝梳打夠晒解喝，仲有一粒茘枝肉，叫特飲都唔駛加錢。

多數都系lunch黎食，之前唔包餐飲但而家除左送燉湯之外，仲包埋好幾款嘅餐飲都真系幾抵食最鍾意食呢個蒸鱔荷葉飯好有誠意，做埋炒飯底呢個肉骨茶包埋菜同油飯，好足料但味道唔系正宗肉骨茶果隻味至於呢個豬扒滑蛋飯賣相好靚，仲有三塊豬扒，arm晒食肉獸嘅你仲有海南雞飯，第一次食超滑超正，但第二次食就變得好韌，有點兒失望😞椰子雞湯米線都試過兩次，但兩次都覺得麻麻地，都系因為雞太韌，椰子味唔濃，所以絕對唔會試第三次