四季文昌 (已結業)

開咗都幾耐，今次諗唔到食咩就上咗黎四季文昌！中午唔多人，去到唔洗等就有入得！上咗二樓坐，畀d裝修吸引咗，好文青feel!有lunch set揀，嘢食普遍40-70蚊之間，有平有貴，包嘢飲！黎得四季文昌, 梗要試吓佢個招牌雞！海南雞: 其實真係冇咩特別，普普通通嘅海南雞，無咩驚喜！雞唔算多，但幫手起埋骨，食得好方便！有3種醬料選擇，可以揀番自己中意果隻！籠仔飯：呢個有驚喜！大份夾好食，豬腩肉蒸咗完全唔油膩，調味都唔差，餸飯一流，但真係太多🤣一個人好難食得晒！椰子雞湯米線: 一黎到就見到碎濕濕嘅米線，夾都夾唔起！甜味係有，椰子味就唔夠濃啦，普通！總括黎講，海南雞價錢頗高，咁嘅價錢其實可以食好d！籠仔飯就幫襯得過！另外，服務方面有待加強，侍應一問三不知，甚至有d直行直過，直頭遞手都當見你唔到！最尾張單黎到，寫住有例湯，但事實係我地連湯嘅影子都無見過🤔🤔🤔！

今晚是同兩位朋友既飯敍。地點距離旺角東鐵出口行將5分鐘左右，係始創中心對面，尚算方便。今日我去攞位先，天氣轉熱，冇冬天時咁爆場，但人客都仍然唔少嫁，我地冇book枱，walk in都有位。先黎就係嗌左湯底先~海南椰子文昌雞鍋。味道一樣，都係咁清甜，不過今次侍應幫我地倒雞時冇幫我地計時，我地都懵懵下唔知幾時開蓋好，覺得差唔多時候先又冇人幫我地開蓋，雞肉已經烚到鞋晒了。其後點左牛肉拼盤，廣島蠔，溫室豆苗及芋香臘味煲仔飯。牛肉拼盤一般，尤其係牛粒好韌廣島蠔同溫室豆苗要讚，好鮮甜煲仔飯都爭啲，我地好喜歡飯焦，不過呢煲飯冇，個人覺得飯偏多油，咸左啲。整體來說為左湯底都值得黎既今晚盛惠每人$331。

之前已經嚐過四季文昌清甜滋潤的椰子雞鍋 今次試下午市套餐 ...店家推出了幾款以招牌的文昌雞及椰子的午市套餐 套餐包了燉湯和飲品，還免加一服務費 ~~儍媽點客『午市之選』... 椰子雞湯米線 + 燉湯 + 飲品 HK$68是日燉湯是 ... 松茸菇椰子雞湯 湯裡面有很多湯料，湯頭油份少，入口鮮香清潤儍媽特別掛住這兒的椰子雞湯 所以點了這客集合了店家招牌的文昌雞及椰子做湯底的  ... 椰子雞湯米線雞肉嫩滑，湯底鮮甜、椰味香濃 湯上面帶點雞油，但是入口不覺油膩，反而多了份雞油香味，好味到連湯底都飲哂友人點了 ... 玉子嫩滑雞脾丼 + 燉湯 + 飲品 HK$58飲品是大大杯的 ... 荔枝冰茶和菠蘿梳打午市套餐蠻多選擇 ... 下次可以試吓下午茶輕食 ...** 以上分享是以我的口味、喜好和情況作出分享和感受，一試 / 合用與否請自行決定

琴日，和朋友去了位於太子的四季文昌食午市餐。午市送燉湯：想不到食午市餐也會送上燉湯，感覺套餐好像好抵食啊！燉湯好香甜，油份不算太重，當中還有湯料，絕對真材實料！椰子雞湯米線：好少見到用雞件作菜既米線，所以叫左比自己食。湯底好甜甜地，相對就系加入左椰子成份既雞湯；完全吾系味精既味道，相當吸引，本人刀飲左吾少！雞件方面，份量剛好，肉質不會太鞋口，而且仲去了骨，十分方便食客食用。至於米線吾會太硬太軟，食落會有爽口既口感。竹笙吸入湯汁更加好味。因為整體味道吾錯，所以希望米線份量可以多一些xd海鮮喇沙烏冬：呢度既喇沙好特別，以烏冬做麵底，口感偏林，湯底甜中帶微辣，很惹味，仲有大大隻青口，原隻蝦爽，唔係痴殻既死蝦質素，再有吸左湯底既蟹柳，正啊！ 午市飲品：我揀了柚子茶，味道也是甜甜的；熱熱地可以暖下胃啊！而朋友order大杯菠蘿梳打，大大杯，菠蘿味濃度剛剛好，但唔算太有汽～

復活節假期最後一天，出咗太子旺角行街，喺彌敦道望過去基榮小學發現呢間餐廳，佔成層一樓，上到去更驚喜，地方非常闊落，餐廳周圍都係書架，既文昌又文青，以為自己嚟咗書店cafe。午餐價錢十分相宜，仲包埋燉湯及飲品，個湯是椰子燉雞，打開蓋好香椰子味，有一兩件雞、椰子及紅蘿蔔。海鮮喇沙烏冬~上菜時已經聞到香噴噴嘅喇沙湯味道，材料包括鮮蝦、青口、蟹柳、豆卜，烏冬爽口彈牙，個湯底好濃好夠味。叉燒煎蛋蓋飯~蛋做得非常滑，口感唔錯，叉燒入味夠淋，整體賣相好吸引。荔枝冰茶~口味清新，唔會太甜，是我喜歡的味道。菠蘿梳打~冰凉感覺，出面天氣炎熱，朋友話啱晒。果然是四季，有四個偏廳，春、夏、秋、冬，都好適合一大班朋友一齊打邊爐。店內擺設很別緻，食客們都喜歡四處打卡拍照。午市套餐抵食，下午茶餐也吸引。

呢間火鍋店出名既係文昌雞，果然冇令人失望! 水滾後放入雞件再用沙漏計時，約七分鐘後就可以食。啲雞好有雞味，肉質實而唔鞋，味道清淡有陣陣椰子香，好好食! 值得推介係佢嘅手切牛肉，勁lum勁有牛味，一定要再去encore!

路經太子，被這幅大招牌吸引著，剛剛又遇著午飯時間，那就不客氣了😄😄是等候區嗎? 感覺良好吧！😍😍餐廳面積大得像酒樓 🙄，令人有點意想不到。裝潢布置都營造書卷氣色，配合文昌的路線。沒太多時間午餐，這裡會是好選擇。點了兩客午餐，每客都跟燉湯一盅。燉湯材料豐富，有甘荀、雞腳、菇菌赤肉，味道很好。玉子嫩滑雞脾丼 $58，雞脾切碎，飯吸了雞汁，飯香充滿著雞香味道，上面再鋪上蔥花滑蛋，好看又好味。另一份午餐是叉燒嫩蛋蓋飯 $42，滑蛋鋪在飯面，配以三件雞扒。雞扒沾滿了黑椒汁，雖說黑椒，但完全沒辣味 😁。雞扒質感及味道跟麥記雞腿包相似。午餐還包了飲品，特飲也不用加錢。選了菠蘿梳打，菠蘿味濃，冰涼可口。另一杯是熱情果茶，熱飲一杯。甜甜酸酸的，十分討人喜愛。臨走看到火鍋餐牌，不論價錢跟菜單都十分吸引，已經想著抽時間來嘆一下這個火鍋了 😄😄

看開飯食評，給讚居多，心郁郁就同朋友過來試試據聞此乃屬富臨集團，於2016年開張，主打椰子海南雞煲火鍋。四季文昌有兩間分店，我哋晏晝來食飯，揀咗旺角呢間。上去地方好闊落，但人唔多，望落去裝修顯得有啲殘舊，同睇相有些不同。午市套餐送燉湯同飲品，價錢由$42至$72不等。我点海南雞飯，朋友則点石鍋雲吞雞米線，因睇餐單賣相幾靚， 点知想象中有出入😓首先講下個燉湯上桌祇有半盅，個湯真係唔得，溝水溝到淡晒，完全無味1)雞waiter話係文昌雞，但我真係食到有雪味兼肉唔嫩滑囉2)飯油飯，無椰香，好在個飯尚算軟熟👌至於個雲吞雞湯米線，朋友話差强人意，雞肉嚡口，雲吞皮厚肉無味，又係一陣雪味，顯然廚師處理得唔好個熱情果茶，熱情果應該係酸甜味，但這個茶祇有甜味，無酸味，而且過甜，朋友就話好似出面賣嘅沖劑我哋帶著期望食正宗嫩滑嘅海南文昌雞而來，卻失望而回，本來唔想俾劣評，但朋友反應强烈，話呢度食物勁差唯有誠實地俾咗呢個comment

四圍環境都非常適合一眾愛打卡人士去光顧。地方好寬敞，都好開揚。裝修設計完全係隨手一影都已經可以打卡。一坐低即叫一個玫瑰牛奶及椰子雞的雙併湯底。賣相好唔錯，完全係好吸引。店員好細心提我叫等椰子湯底滾起先放雞落去。等待湯底的過程中，其他既配料遂一到。蛋黃炸魚皮，呢個好香口！超脆，一咬落口就已經碎晒，成檯都係魚皮碎，要襯熱食，凍咗就腍晒。 另外，一個推介係響鈴。入面有紫菜包住，浸一浸就要即入口，太腍就變質，會好似食枝竹。今個月生日有生日優惠，值得一提，事前訂位同店員講定生日，到食既當天，店鋪會睇下身份證既人幾歲生日送幾多隻蝦，生日正日就有生日歲數全數，如食用當日不是生日正日，會有歲數的一半數量。蝦都算新鮮。仲要咗牛肉盛盒，入面有好多不同牛的部位，因為唔識分，所以只可以一句講晒，新鮮，肉質唔錯。之後，仲有叫豚肉，都係新鮮架！最後要提的是蝦滑。份量唔多，但最緊要冇腥味，而且好彈牙！整體觀感係唔錯！店員好有禮貌同細心，觀察到客人需要就即時幫助！會再一次光顧！

「四季文昌」火鍋聞名，早前領教過，十分出色。至於午市的精選套餐，亦非常經濟抵食，吸引附近打工一族及慕名而至的遊客光顧。文昌市屬海南省，有中國椰子之鄉美譽，風景優美，文化底蘊深厚。顧名思義，「四季文昌」將健康又養生的椰子雞鍋及海南菜引入香港，給顧客帶來與別不同的體驗。店內佈置甚具特色，樓底很高，空間感極強，加上室內的巨型木書架，很有氣派，帶點含蓄恬靜的書卷味。午市精選套餐有多款選擇，如玉子嫩滑雞脾丼、椰子雞湯米線、海鮮喇沙烏冬、叉燒嫩蛋蓋飯、香蔥五花腩籠仔蒸飯、豉汁白鱔籠仔蒸飯、鐵板黑椒汁牛仔骨飯、鐵板黑椒汁雞扒飯、椰子雞湯鮮蝦水餃、石鍋雲吞雞米線等等，多采多姿。最筍是各款精選只是由 $42 至 $72，而且還免收加一服務費，更附送飲品及燉湯，不過就送完即止。選了「玉子嫩滑雞脾丼」及「石鍋雲吞雞米線」($58) 各一，而飲品就揀咗荔枝冰茶，只可惜這天燉湯已經全部送完，無缘品嚐。玉子嫩滑雞脾丼 ($58)，雞脾丼賣相非常靚仔，飯面滿佈香綿嫩滑的雞蛋和肉汁豐厚的雞脾肉，一放上桌時已充斥著濃濃的蛋香。蛋漿包裹著飯粒，色澤鮮明，加上中央放置了一顆誘人的玉子，配綿香的丼飯吃，啖啖都充滿幸福感。至於

每日朝早搭車返工都會經過呢間「四季文昌」，一直都覺得呢間餐廳一定都係主打火鍋或者雞煲㗎啦～今日放假又經過「四季文昌」，見到門口姐姐排緊傳單，先知原來「四季文昌」係有lunch set 㗎🙈見依家都係lunch Time時間，就梗係衝上去啦🙆‍♀️.甫進餐廳，估唔到又係另一番景象～裝修以草木為主，感覺清新且富有文藝氣息，反而覺得好似去咗一間文青Cafe💕.餐廳門口位有兩個打卡位🙆‍♀️ 右邊係充滿溫馨感嘅小家居，左邊係復古風嘅電話亭，開餐前打下卡，影幾張靚相，感覺好吾錯🥰.午市套餐有14款可以選擇，主要都係圍繞著海南文昌雞為主，運氣好嘅話仲可以飲到送完即止嘅紅蘿蔔，雞腳，椰子同菌菇燉湯添👍.💕紅蘿蔔，雞腳，椰子同菌菇燉湯今日我地實在好lucky ，可以飲到呢碗燉湯🙈 燉湯以瓦盅盛載，既可以發揮保暖度極佳嘅效果，亦可以逼出材料嘅精華，飲到呢碗香氣四溢，香甜可口嘅燉湯💕飲完燉湯記得要食埋湯渣呀，佢哋先係燉湯個主角呢😎.💕叉燒嫩蛋蓋飯 （$42）雞蛋煎至8成熟，蛋汁非常豐富而顏色更係金黃色😍 嫩蛋夾雜著一塊塊嘅蜜汁叉燒，邊角位更微微燒至焦香，再撒上翠綠嘅蔥花，賣相吸引😎 嫩蛋入口香滑而富有蛋香，叉

$60 ( 三個set lunch 先180蚊仲要冇加一 蚊既 lunch ), 可以有乜???燉湯一盅飲品一杯同埋 主菜 (( 如果餐飲order菠蘿梳打或者荔枝梳打呢啲特飲，都唔需要加錢㗎)) 海南雞飯啲雞雖然就賣相幾靚, 不過 個飯係有色無味同埋啲雞都係比較un咗少少.但係講到底, 一間餐廳有窗口卡位+ 唔使同人逼 ( 啱曬食風景嘅朋友) , 仲要有埋飲品, 抵啦 椰子湯雲吞真係最正雖然賣相冇海南雞飯咁好睇 ，但係原來個椰子湯係好甜， 餐飲order 咗杯菠蘿梳打....你睇下幾大杯計計埋埋啲雲吞都有成十隻咁多㗎另外order 左肉骨茶餐 我嚿豬肉真係*好林*,, 小朋友都啱食因為佢本身係湯底嚟唔算太重茸藥材咁大人小朋友都學適合去食

上次在四季文昌食椰子雞煲好正，原來lunch套餐都好抵食，一於就去試下~今次下午來到，有日光的餐廳更有書卷氣息，好似去了cafe。Lunch set 選擇眾多，而且每款都好吸引。每個附送燉湯及飲品，燉湯是椰子燉雞湯，椰子味濃郁好香，燉湯都非常夠火候入味。椰子雞湯米線 $68端上檯就傳來陣陣椰香味，湯底是椰子雞湯味，好清甜，雞肉份量夠多及肉質嫩滑，竹笙也大塊，吸收不少湯味，正。叉燒嫩蛋蓋飯 $42賣相好吸引，半熟的滑蛋用來伴飯食一流，而叉燒好鬆化入味，確實不錯。

一直都未試過係OpenRice寫comment,今次第一次嬲到要上黎話俾大家知呢間既服務係全香港我試過最差嘅！就算啲嘢幾好食都唔會！啲筷子同玩污糟叫咗三次都冇換過！叫啲人舉左手之後都扮睇你唔到，之後就攞住啲碗同筷子望黎望去睇吓邊度有問題要換，而且態度散漫仲話俾啲熱水叫我地自己洗一洗！咩事！到底呢度係咪香港！跟住水滾左叫佢哋幫手拎開個蓋又係當睇你唔到！真係無下次，大家嚟唔嚟食啲咁差嘅服務就自己考慮下！

今日和男朋友去了位於旺角的新開四季文昌食午餐。好方便的位置，剛好在我們落巴士的附近。餐廳由2層組成，沿樓梯直上時會看到一排排的書架，充滿了文藝氣息！地方舒適寬敞，十分多打卡影相的靚位我們在樓下見午餐、下午茶餐食物選擇有很多又抵食，最後我們選擇了午市套餐，因為價錢只要幾十元，就有主菜+燉湯+1杯飲料 ！最先上來的是椰子紅蘿蔔雞腳燉湯熱騰騰的燉煬，補身美味，更補補腳力，清甜暖胃，非常好飲！椰子雞湯米線湯底清甜，又不太會油膩！這裡的雞好出名，是海南文昌雞，果真雞肉鮮嫩，雞味濃郁！可上了伴菜：雲耳及竹笙，吸收了雞湯變得又甜又爽口，加上菜心苗更健康！海鮮喇沙烏冬材料非常豐富！有大大肥美的青口、軟滑的蟹棒及爽口鮮甜的蝦吸味又野味的豆卜、爽口芽菜等配料，另外烏冬軟硬適中，份量都可以，整體不錯！雖然湯底濃郁，但是又不會太辣菠蘿梳打：好大杯喔，有菠蘿浮在中間，酸酸甜甜又夠凍，非常解渴！熱情果菜：好香甜，熱飲好暖喔