四季湯館

營業中

休息中

啱啱附近剪完頭髮，所以過去隔離食原本見到有燉湯，非常之吸引，所以入咗去平民區，環境冇乜期望服務又唔好，諗住有太好原本諗住蒸荷葉飯，應該差極有個譜所以點左開邊蝦蒸荷葉飯，同埋一碗燉湯燉湯係幾好飲湯料都幾足嘅，都冇欺但個開邊蝦蒸荷葉飯，真係非常之唔掂1） 未挑走蝦腸，逼住啲客食蝦屎，坐喺隔籬枱個阿嬸見到，自己逐條逐條挑走啲蝦屎2）蒸飯冇咩味老老實實，我豉油撈飯仲好食過佢個蒸荷葉飯收人50幾蚊，一啲都唔抵😵‍💫同埋間舖頭好似好趕住收工咁，真係下次唔敢再嚟啦非常之淡味😫唔會再嚟

今日行街經過見到呢間餐廳都幾多人食.我地見又都想飲下湯就入去試下😜估唔到啲湯又真係幾好飲喎😬真材實料同埋真係無味精飲完唔會有頸渴感覺🤤難怪咁多人啦！川芎白芷天麻魚頭湯好大壺.真材實料好足.魚頭焞到連骨都可以食飲完好好訓.跟餐減十蚊都抵飲醉雞菜飯、朋友覺得可以咸少少.試左一舊雞肉嫩滑帶酒香龍躉荷葉籠仔蒸飯好香荷葉及蒜茸味.龍躉新鮮好食.搭配菜飯感覺好健康環境：小店坐位比較迫.但夠光猛乾淨服務：正常下單.感覺友善

行經大壩街，見到呢間小店有好多套餐，有鮮魚湯飯/米線，籠仔蒸飯，不同種類客飯，仲有多款燉湯選擇呢度所有飯餐加多$10就可以飲燉湯，兩點半去到冇乜客人，今次叫左蒜蓉籠躉蒸飯$58,等左大約十分鐘就上枱蒸飯有蒽粒同菜，加埋有豉油兼啱啱蒸好都好夠熱，籠躉件有七至八件，魚皮都幾厚骨膠原都好豐富，籠躉肉魚味都幾好，魚肉食落都幾滑，加埋蒜蓉粒一切食，都好鮮味下次會試下其他總類海鮮如白鳝，蒸蝦，或者飲下燉湯呢度地方細細，環境衛生普通，但勝在食材新鲜價錢唔太貴

荃灣一向多好野食，lunch有一間成日都會幫襯既魚湯米線，次次去到都要等位，如果想吾駛等就真係要12點半前來到啦。呢度有好多種類既野食，例如：荷葉飯，小菜客飯，仲有魚湯米線湯飯，仲有d限定食物例如今期既花膠雞米線。講返今次先，雖然要等位，但因為有樣野真係吾係度度有得食。。而我次次來到都係點返呢樣🤩🤩就係龍躉啦！⭐️皮蛋芫荽龍躉湯米線呢度彈性好大，可以選米線或泡飯，我通常都選米線，因為個魚湯同米線好夾，我成日都會飲曬個湯😆而主角龍躉魚塊好大舊同有4-5塊，塊魚皮勁多骨膠原，食完好滿足😋

食物既份量偏少，食完一碗湯飯都唔飽，但價錢偏貴，外賣湯飯最平都要$60。最攞命係職員態度好差，好似d客人差佢錢咁，收錢果2個永遠黑口黑面，「多謝」「唔該」都無聲！！如有其他選擇，一定唔會考慮佢！！

一行五人去食飯，推住架BB車，由於小朋友喺度瞓緊覺，所以未能即時收起BB車。當時有3張枱其中一張係泊牆嘅二人枱，中間係一張四人枱，右手邊近玻璃窗係一張二人枱。我哋選擇咗泊牆邊嘅二人枱同埋中間嘅四人枱。入到去嘅時候服務員見到我哋咁嘅陣容已經黑口黑面，嘢食上齊，2個燉湯加菜飯同菜、1碗米線、1個蒸飯。之後俾咗四隻碗仔我地，及後我再問佢拎多一隻。佢一句得埋黎，俾左禁多隻你哋仲要多一隻？？其後單人枱嗰位朋友食飽之後，佢不停地望住我哋，暗示要我哋還返張枱俾佢做生意，因為門口有人等緊。即使呢間嘢食物可以，本人亦都唔會再去貼錢買難受，態度唔好，成個感覺真係好差。我希望企喺收銀嗰位唔係老細，如果係老細嘅話祝你好生意！客似雲來！🙂

同朋友睇完戲之後就出去大壩街食晚飯，因為實在太多選擇，但係突然間諗起平時行過見到呢間已經坐滿晒人客，門口仲好多人等外賣，所以決定入去試下佢咩料，環境都可以接受座位亦5會太窄，我地分別order左蒜香蝦要蒸豆腐菜飯$42(豆腐蒸得好滑蝦好大隻同好新鮮)、中式牛柳菜飯$58(牛柳有少少筋比較靭)，如果要飲品就要額外加錢，不過飲品只有汽水，所以5洗預我🤣，另外佢仲有好多招牌湯飯賣相都好吸引，所以下次應該會泥再試😋

話說呢間餐廳，不知不覺間都幫襯咗大半年主要係因為覺得佢啲嘢食都唔錯 ，價格就唔係特別平 屬於中價位啦 。服務質素一向都唔係話特別好㗎喇 ，不過見佢嘢食搭救就算數啦 店員就算知道你係成日嚟都好 可能本身唔優做啦 見到都有唔同類型嘅熟客仔同我一樣都會成日嚟食，所以服務嘅態度都係好一般 最令到我今次要寫食評同埋唔想再幫襯嘅原因係 之前都已經知道只要少咗客人 佢哋就會熄冷氣呢個動作 但係如果客人全部走晒 你識晒走晒嗰邊嘅冷氣係冇問題 但而家老實講30幾度嘅夏天 食個飯真係想正正常常涼下冷氣 但係冇諗過當日走剩我嗰邊一個人，而且仲要係未食完飯嘅底下 我仲食緊嘢嘅時候 就走去熄咗部冷氣 之後入嚟嘅客人 佢哋就叫佢坐另一邊 話嗰邊冇開冷氣 大佬呀而家係夏天嚟㗎 仲要明知道係個熟客 都咁樣對待 你自己去人哋間餐廳如果係咁都唔會想再去啦 真係擺明趕客走 重點係坐低係唔係好耐既時間 離譜到我都費事開聲講 焗到我嗱嗱聲食完直接埋單走人算 最多以後都唔再幫襯 我想講你啲嘢食幾好食都留唔住客人啦 咁嘅服務質素 講真附近咁多餐廳選擇 真係唔想再貼錢買難受！

一路行去荃灣廣場搵野食，終於記得哩間系荃灣評價都幾好，性價比話高的食店。12點40去到得三四個客人，但再過10分鐘已經坐滿同排曬隊，好運啊！鼓蒜白鱔蒸飯（$55）5分- 真系好難得有一人份白鱔飯，最多系夜晚煲仔飯鋪頭有，但哩度價錢好親民。-白鱔雖然吾厚，但無論味道，彈口，新鮮度都非常超值。- 一上檯已經聞到蒜香味，食落真系好正，應該系爆炒過蒜頭，豆鼓份量吾多剛剛好，無搶走蒜味。融落白飯真系好味到不得了。菠蘿咕魯肉飯（$48）3分- 分數吾高主要系咕魯肉份量真系比較少- 咕魯肉酸甜適中，仲皮脆肉滑。- 配菜都足夠，尤其是菠蘿真系好有菠蘿味。

荃灣🇭🇰足料蒸荷葉飯🍚燉湯小館推介味道∶🌟🌟🌟🌟環境∶🌟🌟🌟抵食∶🌟🌟🌟🌟以前住附近嘅時候，夜晚唔想煮飯好多時都會嚟食呢間湯館，不過每次嚟食開就係食佢個蝦仁炒蛋(真係極好食)🥰😋今次咁耐無嚟一於試下新野，叫左個豉蒜白鱔蒸荷葉飯配菜飯底。一路嚟食開見到其他叫蒸荷葉飯嘅枱都知道超級大份，不過到真係上菜嗰時，成個蒸籠放喺你面前都係覺得好shock🤣🤣好啦講翻個味道先，唔知佢有無灒油，但係撈勻啲豉油之後成個飯都充滿油香，仲有魚🐟嘅鮮味🤤啖啖都極香又熱辣辣，間唔中有菜粒可以中和翻滯嘅感覺，口感豐富魚嘅份量都唔算小氣，有成7塊白鱔，性價比真係算好高，不過怕有骨嘅朋友就唔好試，因為白鱔本身好多幼骨Overall作為一個煮家菜我會比90分，食完真係好warm💕，有屋企飯嘅感覺，私心推介

放工想食啲住家飯，搵到呢間價錢ok，唔洗加一既餐廳食晚飯。睇餐廳名都知燉湯最出名，見到好多人叫，不過我唔想飲湯，所以只係叫咗小菜食。滑蛋炒蝦仁 $48蝦好似有6-7隻，雞蛋都炒得幾好，有少少滑，佢包埋一碗白飯/菜飯。份量正常，不過男士們食嘅話可能唔夠飽。鹽焗手撕雞 $68呢個比想像中大份，有青瓜絲、蟲草花、蔥粒撈手撕雞，注意嘅係佢有大骨係入面，如果整肉就更好。味道嚟講夠味，不過愈食會愈咸。西蘭花炒鯛魚片 $88見隔離枱叫呢個幾大份，我地又叫一份，魚肉無骨，用蒜蓉簡單炒西蘭花、三色椒同鯛魚片，幾好食，又唔太咸。

農家回鍋肉 $68上菜個陣極香鑊味，腩肉肥而不膩，椰菜香脆爽口，兩樣加埋用黎送飯一流。但缺點係呢個餐屬於午餐亦唔包湯，價錢係同區餐廳黎通講算貴，同時環境都唔算坐得舒服，整體絕對合格有餘。

之前經開一路都想試吓 今日終於有機會試 叫得四季湯館 當然要試吓佢啲湯啦 湯分左兩類 藥膳養生湯 同 四季湯水 今次揀左淮山 杞子 圓肉 燉日月魚湯 除咗以上材料 仲有 蟲草花、雞腳、豬肉 好足料 湯清甜 感覺好滋潤 連湯渣都食埋 真係好正😋😋另外叫左半隻手撕雞 (原味 鹽焗)同中式牛柳客飯揀左菜飯手撕雞 肉質都嫩 但個人覺得偏咸中式柳個汁 調味岩岩好 酸甜酸甜 好味菜飯就正正常常 冇乜特別整體來講會有下次👍

聖誕節連去茶餐廳都整個聖誕大餐過你，無宗教信仰既兩口子只想食一餐家常便飯，見到呢間餐廳價錢正常，入面都坐滿人，但外面又唔洗排隊，就決定試試佢啦😅我地叫左一個豬軟骨客飯、口水雞客飯同埋一個麻醬雞絲粉皮。麻醫雞絲粉皮，麻醬香、粉皮滑！唯一唔好既係上面啲青瓜絲切到好粗，同成碟菜好唔夾，影響晒啲口感😅😅口水雞，雞好瘦，個醬無味，可以不吃🙅🏻‍♀️🙅🏻‍♀️豬軟骨夠淋，而且入味，送飯一流（個菜飯係無咩味同埋有啲淋😅）因為無錢都無試到啲湯，不過都見好多人有叫湯，可能都好飲掛😂

A4 淮杞圓燉日月魚（$58）轉套餐（+$15）呢排眼矇矇，飲呢款湯補一補先。清清哋，唔太油，亦夠味，又足料，OK。套餐包菜飯（或白飯）及油菜。濃蝦湯蝦球泡飯（$68）飯及湯分開上，方便食客選擇一嘢倒哂落去，或者逐啲逐啲食。湯底濃郁，除咗有六七粒蝦球（爽口彈牙），仲有大量瓜粒。手撕雞半隻（$68）上次食過唔錯，今次再番兜。揀咗麻辣（少辣），味道保持水準。