四寶食堂 (已搬遷) 新店位置

今天好姊妹推介去咗呢間餐廳食嘢😋見到喺IG有人介紹呢間餐廳好有驚喜，於是就走咗去錫下自己個胃！而且餐廳環境非常舒適！個人認為乾炒牛河意外地有啲驚喜，每啖都好有咬口，好juicy，十分惹味，味道令人上癮😋

在門口經過，見餐廳內的人流頗多，就進去吃個晚餐。食物的價錢大眾化，叫了一個餐牌推薦的葱油豬扒配菠蘿油和一個晚飯小菜(豬頸肉炒白菜)，小菜送一客燉湯。豬扒的份量很大，味道可以，菠蘿油有驚喜。小菜也不錯，燉湯很足料，不是味精湯。飲品也很濃味，不是淡淡的奶水。推薦這間餐廳

疫情下，在香港住酒店 Staycation 的好時機！ 當時，我訂了位於北角炮台山油街的港島海逸君綽酒店，由 10/26~31，住了6日5夜的 Halloween Staycation！Staycation 最後1日的早上，在 Pacific Coffee 食完早餐，便返工；放工後，趕到酒店 check out，幸好！延遲下午 3:00 check out，然後找地方醫肚！記得 check in 當日，跟媽咪經過酒店附近電氣道有些餐廳，有間茶餐廳 <四寶食堂>，晚餐款式既健康又特色多元化！ 或者找機會幫襯！餐牌下午茶餐黑松露鹹牛肉芝士撈公仔麵 $40 黑松露、鹹牛肉及芝士三款同樣是鹹味的配搭，相信夾得來！少許的黑松露、適量的鹹牛肉、稀薄的芝士汁；整體配搭鹹香滋味，拌勻淡味的公仔麵，恰到好處又令人開胃！熱奶茶茶香奶滑，口感順喉！

近排好似好多地方都有四寶食堂嘅分店，今次就嚟到天后呢一間試吓。入到去環境都幾乾淨，座位闊落，全程都坐得舒服。附近好多日都係食緊小菜，今日就試吓佢個常餐先，佢個常餐有得配熱狗、牛角包或者奶油豬。我叫咗個蔥油豬扒拌麵配熱狗，同埋忌廉烏冬配火腿芝士牛角包。價錢唔記得咗係$68定$78🤣🤣。一嚟到佢個蔥油豬扒真係嚇親我，完全係加加加大碼，超級抵食！食落豬扒唔會太硬，好鬆軟，外面煎得好香！蔥油都好香，用嚟拌麵一流個熱狗就不過不失啦，正常至於個忌廉烏冬都好好食，烏冬好煙韌，醬汁唔會太浠又唔會太稠糊，掛落烏冬到岩岩好，味道都好好，唔會太淡太咸。烏冬跟餐嘅火腿芝士牛角包🥐，好大件好軟熟，夾埋芝士火腿一流！❤️下次再嚟嘅話會試吓佢嘅小菜，齋睇人哋食都覺得好夠鑊氣！😋😋

今日買杯奶茶飲，我同果個短髮女收銀員落單，當我要求少糖，少奶時，佢就同我講：你第1次出去買野食？（連續講2次），跟著又話：糖本身自己加啦！說話咁難聽，下次唔一幫襯！

同朋友假期行港島，行行吓去咗炮台山，又肚餓，所以即刻搵間餐廳坐低食嘢，見到呢間茶餐廳幾靚咁，就去試吓！一打開餐牌，見到樣樣野都好吸引，掙扎咗一陣，就叫咗個經典滑蛋叉燒飯，港式雜扒同一個芝士煙肉焗薯角。個經典滑蛋叉燒飯真係不得了，好經典，叉燒唔單止半肥瘦，又多，又夠味，加埋十分出色嘅滑蛋，一啲都唔老，嫩到好似BB仔塊面仔咁，真係抵佢叫招牌菜！一間茶餐廳好唔好食，佢個雜扒都係一個指標。首先，呢個鐵板夠哂熱，薯菜嘅薯角係脆卜卜㗎，生菜都好新鮮！司華力腸夠哂大條，又有煙熏味，好正宗；雞扒皮脆肉入面好嫩好juicy，仲要大大塊，大過我塊面；牛扒薄得嚟有啲脆，又有啲牛油香，所有野都好夾，冇嘢係多餘嘅！我朋友見我啲薯角咁好食，佢都叫咗一個芝士煙肉焗薯角滿足下，個薯角芝士同煙肉多到，CP值好高，食完都飽哂！凍檸茶一杯大家經開呢度，不妨試試呢間四寶食堂！

下午茶餐A-C牛油多士改菠蘿油+8， D餐原為火腿芝士牛角包，你地估下轉菠蘿油要加幾錢？8蚊！唔緊要，緊要既係態度！嗰位哥哥大大聲咁話，「都係一樣，要唔要隨得你」！真係覺得佢好有性格，亦即刻知道佢唔係老細，因為老細係唔會咁樣回答顧客嘅！食物嘅味道係幾好，價錢略比一般茶記貴但係坐得舒服，但因為有咗呢位哥哥，我決定唔再返黎！炮台山呢一帶好多特色食肆，選擇係好多嘅。如果稍為有一啲啲唔舒服，亦都唔需要委屈自己！

朋友知我一向愛去茶記，推薦我試吓「四寶食堂」，不過，時間過吓過吓，無咗回事，亦完全忘記咗。早前，過嚟搞啲保險嘢，見到「四寶」就醒番起，今晚就喺專登約個舊同學聚一聚，食餐茶記便飯。 簡潔嘅餐廳門面睇落好醒神，室內打橫長形，主色調用上湖水綠，加上光鮮整潔，清爽舒服，霎吓眼仲有種優雅咖啡店嘅感覺，而唔似茶記。見到有食客食完，店員除收拾餐具外，仲會噴灑消毒劑清潔枱面，更感餐廳注重衛生。 雖然話喺茶記，睇完主餐牌就有種非一般茶記嘅感覺，因為，唔單止見慣見熟嘅港式嘢，如小食、炒粉飯麵、小炒，仲有薄餅、滑蛋蓋飯、特色拌麵……等等。 另外，仲有一紙底面兩頁嘅晚餐，一面喺晚市常餐，另一面喺小炒晚餐，但要留意，後者話就話叫喺晚餐，但餐湯、白飯、飲品均要加錢另配，咁……就唔叫得喺餐喎！ 港式什扒 $98友人喺食肉獸，所以，一早就睇中啲扒餐，選呢一款有雞扒、薄牛扒、火腿扒、司華力腸嘅港式什扒，佢話有啲緬懷感喎。配埋薯角，果然喺大堆頭，食到佢話好飽，質素亦都唔錯，見條司華力腸鎅晒花，都俾高少少分。不過，佢話兜黑椒汁又唔使俾到咁大碗，此外，如能以鐵板上就更有感。 喜哥蔥油豬扒煎蛋飯 $62呢款喺朋友推薦我試，話塊

炮台山區食嘢都遍貴，所以先襯下午茶時間搵食，好耐之前都幫襯過午餐，今次試下午茶先🥰 試咗個北海道日式咖喱豚肉+唐揚雞翼+奶油脆豬 $46, 個賣相一睇就覺得唔錯，仲有埋配菜在碟，對於我哋呢啲成日出街食飯少菜人士幾好。講講個雞翼，雖然有少少鹹，但係好食同脆既，而個日式咖喱🍛汁就完全唔辣，啱港人口味。最正係個奶油脆豬，煉奶又夠多，簡直係肥妹之鍊成。

前幾日同朋友去左呢間位於北角既平民食堂「四寶飯堂」食晚飯覺得唔錯 決定係呢度同大家開心share下作為標題黨既我諗左好耐呢篇食評落咩標題 經過那些秋與冬 終於俾我諗到喇！ 用「蔗渣價錢 燒鵝味道」黎形容佢地真係當之無愧！好喇！廢話少講 入正題 講下佢d野食先：凍檸茶唔錯 茶有茶味 「水牛城雞翼串」：有成8隻雞翼 $68黎講真係幾抵食 味道就好香好惹味 雞翼肥美 外脆內juicy 食落仲保留到肉汁 唔會話乾爭爭咁 仲有芝麻醬沙律伴碟添呀 中和返肉類既油膩感 幾有誠意「金沙蝦球炒湖北蛋」：色水好靚 食落蝦球夠新鮮 既爽口又彈牙 蛋炒得好滑 入口即化 就咁空口食同用黎送飯都一樣咁美味！ 「職人醬皇雞煲」：一向食得辣既我地叫左大辣 姐姐一放低已經聞到芳香撲鼻喇 個煲係類似啫啫雞煲咁既食法 配料有三色椒同蒜頭 食落好好惹味 有陣陣蒜香 而且仲好入味添呀 用黎送飯一流！ 同樣都係誠意之作！不得不讚既係佢地碗「靚仔」真係好「靚仔」 飯粒粒粒分明 軟硬適中 而且好有飯香俾部分menu大家參考下：仲有好多野都想試 應該好快會再黎！

四寶食堂，店員非常細心，提醒我們要登記安心出行以及量度體溫。店員提醒我們有什麼特色和當天款式。這裏嘅早餐選項多樣化，有中式、西式、以及美式。我們選擇了這裏的招牌早餐：沙嗲牛肉麵，我轉了米粉，雙太陽蛋、以及奶油豬。為什麼我選擇那奶油豬？因為我聽到職員不停對其他客人說奶油豬很好吃，我們也嘗試了。的確奶油豬真的很好吃，推薦你們吃！沙嗲醬很入味，吃面時也吸到沙嗲醬的味道！美式早餐有沙律、美式腸、煎蛋和煙肉，我加錢轉了芝士火腿牛角包🥐我欣賞沙律，利用新鮮沙律菜配上日式醬，很鮮味啊

豬豬四寶食堂 地址: 北角電氣道183號友邦廣場地下3至4號舖電話: 23456826拍拖兩個人出街食飯，以每星期見面2-3日計，飲食都佔了清費的2/3 。加上男朋友仔買了樓要供樓，付了首期已把儲蓄用光，拍拖也要找大眾化的大眾化平民美食，無肉不歡先要了。蔥油豬扒煎蛋飯,每次咬到大。塊厚肉肉質鬆軟架豬扒，成個人都覺得活著真好，健康食美食就是人生簡單的小確幸，隻太陽蛋亦煎得剛好有蛋汁。晚上多好多野食供應，有小炒，pizza 意粉都點到難得晚上來食,要了些小炒，$58乳鴿水準一流，入味到曬肉，皮很香。超愛鹹蛋黃，叫了碟金莎蝦球炒潮北蛋，鹹蛋黃醬多些先會帶出到這道餸的賣點。蝦柚子沙律 $68，食海鮮低脂肪，是健康的蛋白質選擇，西式沙律輕盈美味，落了胡麻同韓式柚子醬，甜中有柚子芳香。

之前喺銅鑼灣返工嘅時候已經成日見到四寶好多人排隊，但一直冇入到去食，今次嚟到北角經過見到唔使排隊即刻同男朋友入去食，想睇吓呢間平民茶餐廳有咩咁特別入到去嗰度環境都幾舒服位置亦都好寬敞，佢哋個裝修比較現代感同乾淨係我鍾意嘅Tiffany Blue啊同埋見到個餐牌比其他茶餐廳選擇多啲，多啲唔同類型嘅嘢揀首先我就叫咗個蕃茄濃湯牛肉+炒蛋+（多士可加$8轉芝士火腿牛角包）蕃茄濃湯牛肉湯底好濃郁，通粉又唔會太淋分量剛剛好，最重要係個牛肉整得好嫩，冇筋，好驚食啲好鞋嗰啲牛肉，不錯不錯！芝士火腿牛角包🥐呢個真係好驚喜，可以睇吓相，佢啲餡料唔算少㗎，牛角包好鬆化不得不提係最普遍，亦唔係間間整得好嘅炒蛋🍳同埋奶茶🥤佢哋個炒蛋應該加咗鮮奶，又滑又重蛋味，最重要係半熟剛剛好，蛋對我來講都係主角嚟㗎，仲有杯奶茶，飲一杯真係唔夠，杯奶茶茶味又夠又滑，出色啊你哋真係要試吓跟住我男朋友就叫咗美式芝士牛肉醬熱狗+脆炸薯角，熱熔芝士松露吞拿魚厚多士要重點講佢呢度啲嘢大部份都係即刻整，所以全部都好鬆軟/鬆化，唔會好似其他茶餐廳咁上到枱啲包就硬哂，同埋佢呢度真係真係好足料，個熱狗條腸仲長過個包，啲肉醬好多但係又唔會好漏，重

朝早起身諗住嘆返個早餐去番工，入去坐底嗌完野食等……一直等……差不多30分鐘仲未有野食，原來係落單個位阿嬸寫左係紙冇入機，全間餐廳淨係冇入我地個枱，嬲到即刻走左，啲職員仲要唔好意思都冇句，好似覺得冇問題，個經理仲要無視成件事，聽唔到睇唔到，真係好唔掂囉，搞到我連慢慢嘆個早餐既時間都冇埋，我明明人多會漏單正常，但點解會一句唔好意思都冇，其他職員甚至經理都可以視而不見，我第一次食亦都會係我最後一次食囉！！！！！本人從來未試過嬲到要打段野去投訴，再難食既餐廳都冇試過投訴，但係呢間野啲職員態度真係我覺得要投訴下。

四寶一向都是我的飯堂，抵食+好食，環境乾淨舒適，非一般茶記所能媲美晚市時段，我腦中又想起四寶名物，叉燒炒蛋飯，於是點了一份叉燒半肥瘦，入口鬆軟，炒滑蛋口感順滑，加上甜中帶咸的獻汁，白飯做到粒粒分明，百試不厭！這裏的乳鴿也是一絕，嫩滑美味，皮夠香脆，夠好吃！另外點了一份鬼馬咕嚕肉，醉了爽脆的咕嚕肉外，還鬼馬地加入了油炸鬼，兩者各半，都加入醬汁同炒，甜脆美味！另外點了1855黑安格斯西冷牛排，蒜蓉醬竟加入生蒜，帶微微辣味，跟厚切的三條牛排肉相映成趣。超多的薯角也是賣點，保證夠飽！最後加點一碟蒜蓉炒菜心，補充一下膳食纖維，為是晚作個點綴