四寶食堂 (已搬遷) 新店位置

「間間餐廳都話大雞髀， 你估間間都係大雞髀咩？」但這間真的是。感覺肥人真的很喜歡吃下午茶， 至少我和我老婆都是。 本來諗住吃Five Guys, 但因為太多人而給我們碰到這間四寶食堂。下午茶的選擇也相當多， 今次選了意式羅勒蕃茄牛肉醬意粉餐和 瑞士汁雞髀餐。意式羅勒蕃茄牛肉醬意粉餐雖然是下午茶餐而且餐牌上寫明是薄牛扒， 但上枱一點也不薄而且也大塊， 肉質吃得出似有用鬆肉粉「那」過令他變軟， 但不算太嚴重， 而且也保留到 質感和肉味。 意粉也貨真價實的用上鮮茄和牛肉碎， 味道酸甜很開胃。瑞士汁雞髀餐輪到今日大發現－瑞士汁雞髀。 本身上枱的碟已經不細， 雞髀的體積竟然差不多大過碟， 很誇張而且相當肉厚。 肉質是有一點點 「鞋」身 但勝在雞味非常濃郁， 瑞士汁的調味也很出色， 亦因為美味， 基本上我老婆都是十分鐘完成壯舉。越發現得多出色又抵吃的下午茶， 越發現我和老婆 也戒不掉這個下午茶癮。 下次繼續。

難得晚市開放堂食，終於可以約朋友聚下了👏🏻今日來到北角經過見到一間門面特別，用左Tiffany blue為主色的餐廳😍比佢外形吸引下就決定坐低試一試餐廳內乾淨企理，亦都用了Tiffany blue為主色布置食物方面，佢地有中式小菜，西式Pizza、意大利粉，扒餐等等多款選擇見佢特別推介所以就叫了個1855極黑安格斯西冷🥩，選擇了蒜蓉汁比平時外面餐廳吃到的明顯厚很多，肉質有口感同肉味十足，加上他們的特別蒜蓉汁，配合上來很好吃。😋另外朋友叫了黑松露忌廉大啡菇意粉🍝，聽落已經很吸引，食落有驚喜，意大利粉用上了白汁配搭，食落有一種很新鮮的感覺，完全不油膩，大啡菇更是不得了，一口咬下去會感覺得到大啡菇本身鎖住了很多水份，吃到菇既同時又會有一種口中飽滿的感覺，鐘意Fresh既人絕對要試下。除了主食外還叫了2個小菜，職人醬皇雞煲(小辣)🥘，雞肉鮮嫩，辣度剛好，唔會蓋過雞味，而水牛城雞翼串🍗，他們用了竹簽把雞翼串起，方便進食，食落有d似某間出名簿餅店既辣味雞翼，但佢係更加好味。👍🏻

琴日（31 Jan,2021)我又去四寶（差唔多成了我的canteen 😁),今次食三文魚烏冬，飲品都係凍檸茶少甜。一如既往，凍檸茶有茶味，唔會似有d高級茶記無味，唔知自己飲緊咩。食物有質素亦有保證，一如以往，好味😋個烏冬夠熱，撈埋個芝麻醬食，正。個三文魚好夠味。推介

一般居住在炮台山的居民，很喜歡到油站斜對面的xx冰室吃飯，我想本區的居民忽略了此一間有個質數的食堂，這就是四寶食堂。四寶食堂，不用排長龍，每碟餸菜大大份，食得飽飽！職員服務態度好，不用貼錢買難受今日超幸運，平日四寶都要排隊，今日早到，早早享受～這餐廳最出名是炒滑蛋，我今次來吃早餐，當然也有點炒滑蛋滑蛋以鮮奶炒成，不單止滑，而且蛋味重，睇得出餐廳落足心機，不計較成本去製作食物多士是厚多士，好香牛油味。朋友食厚多士，朋友認為店舖用心，多士焗熱上碟我轉了鮮油菠蘿包，最鍾意一冷一熱，牛油融化在面包內。菠蘿包有焗熱，吃上口趣口，牛油融為一體👍🏼👍🏼💕早餐E紫薯雪耳麥皮，雪耳放在中間，牛奶遍布碗邊。如果喜歡甜，可以混合在一起。我喜歡逐口逐口吃，有時甜，有時淡🤗不代表店舖欠缺質素，是我喜歡的食法！早餐到11:30，選擇多元化，中西合璧，有經典餐，all day breakfast 今日平日都多人光顧，証明有質素！

自從開業後，我同老公幫襯過不下10次，終於的起心肝寫食評同大家分享，因為性價真係高。今次我點了下午茶餐炸魚柳配薯角+凍檸茶。個炸魚柳炸得好脆，但內裡的魚肉仲好仲好 juicy 好軟，正正係外脆內軟。外層並無多餘油，連碟上都見唔到多餘油。真係堅正。凍檸茶中规中舉，但凍飲仲係只加$2，依家好小。抵讚👍🏻

四寶食堂，選擇多又抵食。今次去左北角店，適逢聖誕節有個聖誕版午餐，可以比自己應節一下食聖誕燒雞精選午餐（1）有個好長的名燒春雞加蜜糖烤焗後，伴蒜蓉燒汁意粉，整個口味係好港式西餐的感覺，連埋飲品都係$65，都算抵食。我另一樣想食嘅嘢食係喜哥蔥油豬扒煎蛋飯（$62），厚切豬扒都幾入味，撈埋蔥油及煎半熟蛋，非常邪惡吸引。豬扒連骨位最入味最嫩，豬扒整體幾高質。奶茶有奶香同茶香，奶同茶的比例剛好，入口舒服順喉，有質素。

疫情嘅關係，呢排好少堂食，成日都係買外賣。之前我有喺度食過堂食，記得佢嘅乳鴿都唔錯嘅😋 所以今次揀咗喺呢度買外賣，本身想買炒飯類，但比佢啲抵食晚餐吸引咗😍❤️ 蕃茄牛肉醬意粉+牛扒+蜜糖熱狗+湯+熱飲 $69你無睇錯，我亦都無打錯！一個餐只需$69 包咁多嘢！！🔸湯先講講個湯，有中西湯揀，我揀咗中湯霸王花煲嘅，飲落都好鮮甜，唔覺有落味精。好飲度：⭐️⭐️⭐️ (3/5)🔸 蜜糖熱狗包有焗/煎過，見到金黃色嘅邊，搽咗牛油，加埋芥末醬，簡單就是美！好食度：⭐️⭐️ (2/5)🔸蕃茄牛肉醬意粉+牛扒說實在食到呢度已經半飽，個意粉正常茶餐廳質素，牛扒無咩牛味，但呢個價錢咁多嘢食又唔會要求咁多。好食度：⭐️✨ (1.5/5)餐廳推薦度：⭐️⭐️✨ (2.5/5)四寶飯堂我會推介叫餸食飯多過佢地嘅晚市套餐😗

呢間冰室既裝潢係我最鍾意嘅tiffany blue環境同平時港式冰室好唔同，呢度更有格調，好有時尚感蒸排骨荷葉飯好吸引喎炒蛋多士同樣好吸引掙扎咗一陣，終於決定到了我都係好想食炒蛋多士牛油多士好軟熟唔會又乾又硬！蛋味好濃，蛋既顏色都特別黃相信係用靚蛋炒得好滑蕃茄濃湯牛肉通粉一放上檯，蕃茄味道超香牛肉又唔會韌，成碗粉好大碗，好抵食皮蛋芫荽湯豬潤米粉米粉係用左我鍾意既幼身米粉吸湯力一流豬潤煮既時間岩岩好，唔會鞋到粉！奶油豬食完塊多士都唔夠喉忍唔住要叫埋個奶油豬呢度既多士、豬仔包都好好食

四寶食堂雖然歸類為茶記，但絕對唔係頹，好明顯想玩味同突出，先睇佢以Tiffany Blue做主色咁識貼近潮流，強烈地擺脫老派形象，展示佢係一個有活力嘅茶記！再睇佢嘅menu，除咗小菜、碟頭飯，仲有pizza同埋特色意粉，原來想將cafe融入茶記！涵括中西式咁叫咗3樣，都很滿意！喜哥葱油豬扒煎蛋飯，作為招牌真係當之無愧，葱油唔似燒味檔咁油浸住，呢度食得出葱嘅味道，同豬扒係最佳拍檔，加埋鹹度恰到好處嘅豉油，令味道加以點綴，豬扒肉厚又實淨，絕對冇落鬆肉粉，唔多肥膏扮大塊， 成塊豬扒偏瘦肉所以好好咬，好真材實料。山楂汁菠蘿咕嚕黑豚肉，是本人最欣賞~  比普通咕嚕肉特別清新，係自然嘅酸甜味，捨得用黑豚肉做食材，成個層次提升咗，無骨所以啖啖肉，呢碟餸看似普通但係細節很加分！最後係1855極黑安格斯西冷，平民嘅我冇特別考究個名，相信頗有來頭。蒜蓉汁真係好多蒜蓉，哈哈，牛扒好大塊呀（看圖有比例），翻開牛扒仲見到好多配菜！ 而且絕對唔係傻瓜菜，成件事好平衡。雖然冇去到咁高級問我要幾成熟，但係切開見到微微粉紅都好滿意，肉質唔韌，頗嫩，相信係因為有質素嘅牛扒簡單煎都好食！整體嚟講四寶食堂係物有所值，可以再戰

今日約左人係炮台山見面，搵左呢間茶餐廳坐低，中午12點入去未見太多人，可能仲早～我叫左 喜哥蔥油豬扒煎蛋飯大大件豬扒 仲大份過塊面😂😂😂😂😂😂滴d士油落隻旦到撈飯，正！！😋😋😋😋😋😋蔥油撈飯又係正！！😍😍😍😍😍😍簡單滿足👍👍👍👍👍👍👍朋友簡左蟲草花蒸雞飯～～佢話一打開個味都好香雞肉滑滑呢間野座位都寬敞，幾好坐阿姐又好招呼最怕d茶記又迫食完快快手要趕人走

💛 糯米釀雞翼（4隻）$68 💛平時出街係食飯，咩蜜糖雞翼呀果啲就見得多，糯米雞翼真係唔多餐廳會供應所以每次見到餐牌有，基本上都會叫 😁上菜既時候係有啲驚喜～每隻雞翼都好大隻，一來隻雞翼本身有肉地啦，二來裡面釀左好多糯米 😲另外，佢係新鮮炸起 🤤 上枱既時候非常熱辣辣 🔥餐牌寫佢係餐前小食，但我覺得呢個絕對可以係一個一人前既正餐有肉有菜有飯 🤭唯一就係老公食既時候略有微言，話覺得辣 🌶對我黎講，呢種係微辣黎既姐（我唔係特別食得辣，但我老公就絕對係唔食得辣😅）💛 經典卡邦尼意粉 $65 💛有啲估唔到呢度茶餐廳既架步，但係會做埋西餐 😂不嬲都唔係特別好意粉，唯獨卡邦尼係例外～份量好足，隻蛋做到流心，配料充足，唔會話食食下得返齋意粉💛 香蔥滑蛋叉燒飯 $65 💛老公既至愛 😝佢lunch time經常食既野，估唔到晚飯都要叫，好似食極都食唔厭咁佢話啲蛋好滑同埋啲汁夠多 👍🏻茶走 $5杏霜 $5

早放工去找細佬食晚飯！細佬砲台山返工，等佢介紹有什麼好食！他帶了我去他公司附近的四寶食堂，他說午市會排長龍的！冰室裝修好光猛，地方好乾淨，好大，座位舒服！原來有好多新派元素的菜色，應該很受年輕人歡迎！點了款招牌的叉燒滑蛋飯！叉燒夠多，食落好有口感，有肉香，不會過鹹！蛋好滑，超香，佈滿飯上面，味道濃郁！飯粒粒分明，煙韌有咬口！果然是招牌！跟餐會有中湯或者西湯，這個是清補涼。牛魔王細佬點了1855極黑安格斯西冷！原來份量超級大，價錢還非常貼地，有三大塊安格斯西冷，還有超多脆薯和蔬菜！選了黑椒汁，和牛扒是絕配！牛扒好嫩又無筋，啖啖大滿足！推薦這個食堂乳鴿！水準十分高！皮脆肉嫩，有驚喜！想食菜，點了蟲草花浸芥蘭，芥蘭軟硬適中，湯好清甜，感覺好健康！飲品都不錯，熱飲都大大杯，抵！見到餐牌有蔥油撈麵和麻辣撈麵，好想試，下次有機會要試下！

之前在銅鑼灣已幫襯過的「四寶食堂」，已經好喜歡他們的經典叉燒滑蛋飯，份量十足，食物質素高及價錢超值，是一間CP值高的港島區優質茶記。今次同朋友嚟到北角炮台山店「四寶食堂」，馬上介紹朋友點「喜哥蔥油豬扒煎蛋飯」$62，大大塊豬扒，size差不多大過我塊臉，肉質彈牙，而且厚度十足，太陽蛋的蛋黃汁混合蔥油，非常香口惹味，同朋友share食份量剛剛好。「 他他醬炸魚柳薯條」$68，是我朋友最愛的小食，送上枱看到超大份，成碟滿滿的薯角，啖啖薯肉，主角炸魚柳都很長，炸得魚柳很乾身火喉剛好，一點油膩感也沒有，簡直超值。「 香草大蝦和風柚子沙律」$68，沙律菜新鮮，食到滿口柚子香，大蝦也爽脆，這個也不錯。「 糯米釀雞翼」$68，這個超抵食，每隻雞翼都釀滿明太子的糯米，可用巨大來形容，每人吃一個都滿足。飲品：「奶茶」有茶香沒有苦澀味，奶味也不平均，順喉，不錯。而「凍檸檬茶」茶味夠香濃，檸檬新鮮，都是在港式茶餐廳必點的好選擇。

今日係炮台山附近扮工。適逢女神係北角番工於是約埋女神一齊食lunch. 女神只係得一個鐘頭又話北角既野食到悶。呢個時候梗係叫女神黎炮台山帶佢去間chill chill 地既茶記。又有環境又快。女神又未試過既四寶食堂啦。好彩黎得早唔洗排隊但係最chill 既位置已經俾人坐左唔係實加分啦。坐低左第一時間推薦女神試下四寶食堂招牌。沙嗲牛麵不過女神話沙嗲牛麵普通。我心諗一陣你就知所以自己叫左個招牌常餐沙嗲牛麵凍奶茶。女神就叫左個香草雞扒飯。真心四寶食堂既沙嗲牛麵真係一絕。出面好多既沙嗲牛麵通常都係俾味精味蓋過沙嗲味。但四寶唔同。佢既沙嗲牛麵未食已經聞到濃郁既沙嗲味。就算沙嗲牆同湯混為一體後。麵同牛都衣然充滿沙嗲味。而佢既沙嗲同出面個d 亦唔一樣十分獨特。微微既辣亦更加令人食指大動。要多謝四寶食堂既沙嗲麵出色。女神食到一半話要同我交換食。大家明啦🤤。不得不提個個多士。烘得剛剛好。脆得黎唔會太乾。凍奶茶茶同奶既比例剛剛好連女神都讚讚。食完飯見到門口排晒隊。好彩黎得快。呢個lunch 女神都好歡喜加晒分。真係要多謝四寶食堂。大家如果lunch 想試下既記得早小小去攞位由於附近多office 一到一點

做完yoga就到呢頭食dinner! 今日就揀左食呢間裝修企理的四寶食堂啦! 
.
叫左一個芝士火腿牛角包+黑松露carbonara烏冬+炸魚柳($68), 第一次食呢個set, 真係好有驚喜! 首先個牛角包係好香脆, 因為熱熱食所以D芝士仲溶溶地食真係冇得輸!! 另外仲有魚柳炸得好脆口, 點上佢個他他醬食都幾夾. 
仲有一碟carbonara烏冬, D烏冬係好彈牙的, 食落都好creamy! 呢個價錢真係好抵又好食! 
. 
另外一個set係叫左牛脷滑蛋飯!上面有好多肉醬，再加上大量滑蛋，　撈好食味道好ｒｉｃｈ！　配埋都幾厚的牛脷食係大滿足呀！　.仲叫左個蒜茸西蘭花🥦 滿滿的protein🥰🥰