影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
呢日去完油街實現扮吓文青，就喺附近搵咗間茶記諗住嘆個early dinner，原來呢度嘅午市係做到1730而下午茶餐係做到1800🙀 即刻把握機會快快脆嗌幾個餐食吓😛瑞士汁雞髀配菠蘿油呢個配搭嘅兩種食物都好啱我口味，兩款都係我下午茶會想食嘅嘢🥰 雞髀size都幾大隻，瑞士汁甜甜地幾開胃🍗 另外菠蘿油嘅麵包好鬆軟，面頭菠蘿整得好香口，唔會成塊好硬👍🏻他他醬炸魚薯條完全係俾呢條炸魚柳嘅size嚇親🐟 佢同隻碟一樣咁長，炸粉唔算好厚，入面嘅魚柳幾嫩滑，點埋絕配嘅他他醬，真係令人好滿足呀。另外炸魚柳側邊都有好多粗薯條。蔥花咸牛肉炒蛋熱狗原來呢一個熱狗餐係配埋薯條🍟 呢一個熱狗面頭有大量嘅咸牛肉炒滑蛋，都幾足料🍳 熱狗入面嘅腸仔係一條較粗嘅芝士腸，食落口幾有驚喜🌭 麵包同樣係非常鬆軟，都幾出色。豉油王龍鬚炒麵午市套餐嘅份量都幾多，我同友人share都爭啲食唔晒呀🍝 幾鍾意佢底下嘅炒麵係用上幼麵，令到豉油王嘅味道包裹住麵條。另外面頭嘅魷魚鬚幾有咬口🦑飲品我地嗌咗幾款茶記必備嘅飲品，凍檸茶、熱奶茶同埋冷熱齋啡各一杯☕️ 比較特別嘅係原來呢度嘅凍齋啡係preset咗有糖㗎，想無糖嘅朋友要留意啦😮呢間茶記真係幾唔錯，夠晒香港特色之餘又有啲特色嘅食物，好似咸牛肉炒蛋熱狗就真係好有驚喜，下次再發掘吓間餐廳有咩好食先🤩
繼續閱讀
呢間餐廳一路以嚟都好多人排隊，無論係呢間分店又好銅鑼灣分店都好。不過好彩我係一個人去，所以好快排到。今日叫咗東京醬油滑蛋叉燒飯。實物同相片一樣咁靚一啲都唔係照騙😂蛋同埋叉燒都非常非常多，基本上係完全見唔到啲飯嘅。我諗叉燒加加埋埋有20嚿左右，每一嚿肥瘦都非常均勻。而且食每一啖飯都包滿咗蛋，完全唔會有食白飯嘅空間。喺咁多蛋咁多餸嘅情況之下之，平時唔鍾意食飯嘅我竟然食食吓都食晒成碟。食到最後都依然係有叉燒同埋蛋包住啲飯。😋😋
繼續閱讀
超大的門面，極其搶眼，平日多光顧他在銅鑼灣的分店，是夜卻是炮台山分店，看看分別如何 😁😁😁環境乾淨企理，略有裝修的茶餐廳 😁😁二人前養生燉湯套餐 $208，二人餐尚算抵食，三餸一湯，以及白飯連飲，品質也不差。蒜泥白肉，蒜泥香口，配合純味的白肉，加點豉油更出色。怡保蔥油雞半隻雞油雞味，蔥油夠香，雞肉嫩滑有口感！泰式啫啫芥蘭煲泰式口味，料頭勁多，味道香濃，極惹味！是日養生燉湯，燉湯清澈，味道鮮甜，上枱熱烘烘的，好味又有益雪山紅豆冰 $15，甜度沒預期的甜，喜歡小甜的剛剛好，喜歡紅豆沙沙的口感，越飲越有feel蘆薈西柚梳打 $15，西柚味道清新，凍飲清涼
繼續閱讀
「北角有間人氣茶記」小編今次就帶大家黎到北角炮台山，同大家介紹一間位於電氣道街市對面既人氣茶記 一 四寶食堂 @soul.kitchen.hk🌟大阪醬油鰻魚炒飯 $74炒飯炒得夠乾身，粒粒分明，加埋大阪醬油、鰻魚同脆肉瓜，鹹中帶甜之餘帶點爽脆，再加埋木魚碎，以茶記水準黎講非常高質🤤👍🏻🌟芝士安格斯牛肉菠蘿包 $52菠蘿包既菠蘿皮酥脆，安格斯漢堡帶油香同肉汁，加埋芝士同流心蛋，而且薯條仲系新鮮現炸粗薯條🤤👍🏻📍四寶食堂地址：北角炮台山華凱大廈地下C及D號舖
繼續閱讀
四寶食堂喺好多地方都有分店，炮台山呢一間坐得多好闊落。晚餐佢哋都有好多選擇，尤其是一家人過嚟食，兩三個人都可以嗌個二人套餐，非常抵食。佢哋有林林總總嘅家常小菜，我哋就揀咗XO醬西蘭花炒蝦球，同埋胡椒大蝦粉絲煲。兩碟餸都有蝦做主菜，粉絲煲嗰個大蝦，仲要係成半隻手掌咁大，餐廳用料上乘，好有蝦味非常之鮮！最值得讚嘅係餐廳都會因應客人嘅需求，去調節返小菜嘅味道。好似我哋兩個唔識咁，都願意落少啲XO醬同埋走咗個胡椒，非常貼心。另外佢個粉絲煲亦都好惹味，醬汁濃郁！雖然我哋冇嗌到二人套餐，但係家常小菜都可以升級做套餐㗎，仲要係有埋個養生燉湯同飯添，清清地非常暖胃。
繼續閱讀
您可能會有興趣的...