四寶食堂 (將軍澳中心)

營業中

休息中

蔥花咸牛肉炒蛋熱狗 $42依個熱狗真係超級大份，成隻碟咁長！裡面有咸牛肉同埋炒得滑滑的蔥花炒蛋，仲好脆皮腸，每一啖都好滿足。咸牛肉的鹹香味配上嫩滑的炒蛋，簡直係絕配！而且熱狗好鬆軟！🍞😋秘製麻辣雞扒公仔麵  配牛油丹麥多士、炒蛋$57雞扒都煎得好脆，但就冇咩麻辣味，反而係個麵有麻辣香，食落都幾辣，但唔會過火。牛油丹麥多士外脆內軟，好有牛油香，仲有提子粒可以有啲咬口。

晏晝三點幾咁啱嚟到將軍澳中心，下午茶時間見到呢邊唯一呢間四寶食堂排晒長龍，咁啱又唔趕時間，一於排隊試吓。瑞士汁雞髀配菠蘿油，瑞士汁雞髀入味！啖啖肉正呀！ 菠蘿油一上枱好呃like 大大個菠蘿油！熱辣辣脆卜卜自家製吉列豚肉眼配大阪黑蒜蔥撈公仔麵！又係非常之邪惡！吉列豬扒炸得外脆外軟！ 蔥油公仔麵稍為乾咗少少！我個人口味認為如果可以蔥油多少少就完美了！

帶位員無通知一定要見齊人數先可以入座。帶bb同小朋友去排隊，排了半小時下一個就輪到我，卻讓後面的客人先入座。後來才得知原來有這個玩法，小朋友已經等到不耐煩，還要給後面的客人先入座。我老公因為太累在一旁的坐住等。安排座位的服務員也沒有告知。。。我們就站在那裡白等。。。難怪每次經過都甘多人排隊…原來都是因為要每一位食客都要in line...食物味精太重…回到家不停灌水。

星期日行左去將軍澳中心睇下食乜好.. 點知差唔多間間餐廳都排晒長龍😂😂 排排下已經排到下午茶時間！大概排左半個鐘左右啦！ 有冷氣，ok ge!🙂我叫左個福建炒飯！價錢比平時平一半！少左兩舊飽魚。份量夠女仔食！男仔就可能會唔夠飽！不過下午茶份量正常係會少d! 炒飯底做得幾好，乾身夠晒香。個汁又唔會多到好似湯飯咁！入面有雞粒仲有幾隻蝦仔，唔錯！老公叫左雞脾加菠蘿油！我食左兩啖，雞脾夠晒入味！菠蘿油暖暖地！今次係佢二刷呢道菜😂 上次佢叫左個外賣返屋企食！呢間餐廳套餐免費飲品都算多選擇！熱檸檳同檸蜜都唔駛加錢！！我地好幸運有得坐卡位！環境唔錯！如果唔駛排隊會更好埋單唔駛100蚊！

經常路過四寶食堂都排大隊，這天放工早少少，就過來試下。第一次來就叫招牌好了，雖然也很心動銅鑼灣限定🌟豬扒太陽蛋飯+熱檸水 65無加一豬扒一大塊～肥瘦的話我喜歡肥一些的，適合我。蔬菜部分就比其他家要少。蔥是亮點！非常香，和太陽蛋拌飯特別好吃，這個香蔥真的是點睛之筆了。盤子比較凹不太方便切豬扒。但是油確實多了一點…吃到後面又油又甜…熱檸水就正常。餐牌做得蠻吸引，服務態度也好，讓人想下次再來試試其他的～

今晚挑戰茶記名店四寶嘅晚市小菜睇下佢地「今晚返嚟飲湯」作晚市名句有幾吸引。🥢拔絲山渣汁菠蘿咕嚕西班牙黑豚肉作為四寶晚市招牌菜，用山渣汁做出拉絲效果，黑豚肉新鮮，酸甜醒胃，高分！🥢沙嗲金菇肥牛粉絲煲沙嗲粉絲同牛肉惹味，熱辣辣，不過食到尾段少少鹹，送飯可以平衡返🥢碧綠翠玉瓜炒帶子蝦球青青地冇乜油，瓜同蝦球夠爽口，帶子粒都好多🥣燉湯，味道就淡左少少。🍚晚餐小菜附送白飯#四寶食堂#將軍澳中心#中式小菜

將軍澳入境事務大樓今個月正式搬家喇~我相信之後都會好多人會黎將軍澳！今次我無私分享下附近有一間係我地一家都好鐘意嘅餐廳，就係响將軍澳中心嘅四寶食堂喇！佢真係無時無刻都有條人龍係門口㗎，真係要預夠時間先好去食！當初食呢間餐廳就係俾佢張「拔絲山渣汁菠蘿咕嚕西班牙黑豚肉」嘅poster吸引左，V小妹一食就愛上！雖然價錢上佢算係一間高級版茶餐廳，但我覺得佢食物嘅水準就配得起呢個價錢！1️⃣拔絲山渣汁菠蘿咕嚕西班牙黑豚肉 (⭐️⭐️⭐️⭐️⭐️5/5) ℍ𝕂$𝟙𝟘𝟠咕嚕黑豚肉肉質好腍，而且個汁真係好拔絲，食落酸酸甜甜好開胃。雖然個菠蘿佢好似係配菜咁上，但其實用黎舔返拔絲山渣汁都好match2️⃣黑蒜油叉燒滑蛋飯 (⭐️⭐️⭐️⭐️⭐️5/5) ℍ𝕂$𝟞𝟘黑蒜油味唔算勁，但個蛋就超級滑，同埋個叉燒都好惹味，而且唔係肥叉，啱曬我心水3️⃣水門雞客飯 (⭐️⭐️⭐️⭐️◻️4/5) ℍ𝕂$𝟟𝟠水門雞唔算出色，但肉質都算滑，我覺得佢個醬汁絕對提升左成個餸4️⃣豬頸肉四季豆 (⭐️⭐️⭐️⭐️◻️4/5) ℍ𝕂$𝟡𝟠豬頸肉四季豆都好爽口，而且味道濃度剛好，不過就比我想像中油膩5️⃣升級是日靚湯&白飯 (+ℍ𝕂$𝟚𝟠)佢個湯絕對係足料，不過建議大家飲之前落

將中四寶食堂今日丫Chill 同丫Mei喺四寶食堂食Lunch。丫Chill試左個蔥油豬扒煎蛋飯🥩。豬扒外皮香脆，內裡嫩滑，完美咁鎖住咗肉汁，每一啖都充滿咗濃郁嘅香味。煎蛋滑溜溜，配埋蔥油嘅爽脆，真係幾正👍⭐️⭐️蕃茄牛肉公仔麵加炒蛋另外，丫Mei叫左個蕃茄牛肉公仔麵加炒蛋。麵條彈牙有口感，餐茄嘅酸甜味同麵條完美結合，牛肉片嫩滑鮮美，每一啖都充滿咗家嘅味道。炒蛋亦十分嫩滑，加埋招牌提子酥🥐，提子嘅甜味同酥皮嘅鬆脆絕配⭐️⭐️❤️飲品：叫左凍奶茶同凍朱古力 奶茶比較好飲 凍朱比較甜🥹價錢：$144味道：⭐️⭐️⭐️⭐️環境：⭐️⭐️⭐️⭐️地址：將軍澳唐德街9號, 將軍澳中心1樓137E

近幾年，對香港的茶餐廳服務要求已經不存任何希望。没想到，這間四寶食堂成為香港差中之差的一間！雖然食物質素，為了就腳和支持下本地飲食行業，都來了十数次，眼見每次都是那位男服務員來招呼，他的招呼態度是那種眼神永遠都只向上望🙄, 問非所答的態度，好似對客人是你下屬般呼喝，大佬，我來光顧並不是要受你氣呀！今日平日，下午4:00零鐘並非煩忙時間，堂內好多空枱，亦沒人在排隊，可能這男服務員太空閒，又眼見我已用餐完畢（其實佢已見我準備攞埋個人財物走緊），居然仲同我講我講我限時60分鐘，叫我馬上離開！當時情况真是令人费解！四寳食堂，這是我最後光顧你了，bye eye👋🏼

晚上9:05pm入場，9:15pm 截單，9:30pm食物到,一杯水都無，食到9:50 都未食完，經理叫你快d 走，佢地要收工喎。原来我哋咗住佢地收工，好似比人趕扯咁样，以後一定一定都唔会再去幫趁，贴钱賣難受完完全全係一間不知所謂的食店，無打算再去食，個经理好克人憎，唔想做就唔好做，唔好人地未食完就趕客扯，唔該晒

又到晚餐時間喺將軍澳附近 見到呢間四寶餐廳好多人排隊就決定一於試吓佢兩個人嘅晚餐嗌咗兩個餐share 首先嗌咗個湯是日靚湯唔記得咗係咩湯一入口估唔到佢咁清甜完全唔係味精溝出嚟嘅味入面仲有大量湯料建議大家嚟食飯一定要叫！呢個套餐叫左沙嗲牛肉粉絲煲一上枱個沙嗲味已經香令人流晒口水佢呢個沙嗲煲嘅沙嗲係偏濃拎嚟送飯真係一流而且牛肉嘅份量一啲都唔少食極都仲有另外叫咗個牛扒配菠蘿油餐一上枱個份量又係好誇張估唔到個牛扒完全唔係嗰啲好平冇味嘅牛扒牛扒超有牛味 而且係五成熟另外菠蘿油就唔使講啦菠蘿包超級香脆 加埋個牛油一流另外佢個餐都有個炒蛋超級滑超級推薦，大家可以試吓呢個

周末經過將軍澳中心的【四寶食堂】總是長長人龍，心想只是茶餐廳，唔知道有什麼吸引客人排隊等食。今日平日放假、仲要1 1點已經去到，依然有條人龍，真係要試下有什麼特別。茶餐廳室內設計，勝在清新。菜式選擇同一般茶餐廳分別不太，價錢也差不多，款式就少D。招牌早餐：沙嗲牛肉麵 、炒蛋、丹麥提士酥（$45）。以今時今日的香港標準，價錢算很合理，甚至可以形容為抵食。沙嗲湯底單看顏色就知道不太濃郁，而且沒有花生粒，口感打了折扣；不過勝在麵條煮得爽彈。牛肉份量多、醃得入味，而且嫩滑不嚡口。總括來說是一碗輕量健康版的沙嗲牛肉麵。沙嗲牛肉麵以套餐呈上，早餐包括滑嫩炒蛋及丹麥提子酥。滑蛋炒得夠金黃又夠滑；丹麥提子酥不夠鬆化，不過有甜甜的提子乾提升食欲。因為香港餐廳質素唔好又貴，令不少港人北上深圳搵食。難得【四寶食堂】質素佳、價錢合理，難怪吸引不少客人排隊。

知道佢唔只一個收銀阿姐，可能我唔好彩，開張以嚟，已經第四次俾唔知係咪同一位阿姐既惡劣態度對待，每次都一定係佢冇錯咁，對上一次係我老婆去現場買外賣，同佢講要咩，佢話佢哋冇呢樣嘢，但係睇完餐牌先叫，所以唔會冇，即刻打開餐牌指住俾佢睇，佢先話你早啲講編號呀嘛 ！（全程態度諗到有幾好！） ；到今次打去嗌外賣，咁我叫食咩啦，佢就話我好細聲，我就同佢講次次打嚟都冇問題㗎喎👀（唔知係咪另外啲收銀阿姐聽），ok!!咁我大聲啲啦，嗌完嘢飲都係咁講話我好細聲，跟住覆我叫咗啲咩（細聲你又聽到），我都未確認佢，就即刻cut我線，又係全程態度諗都諗到有幾好😡（事後打俾人試過我電話冇問題冇特別細聲，其實係咪佢餐廳環境太嘈聽唔到就覺得好細聲，都係嗰句永遠唔關佢事，幾次都係咁，真係佢@&$&/!!）我知餐廳生意好好，睇到都未必會理，但如果老闆真係睇到，唔該briefing 下佢!! 佢咁樣真係好趕客！

晚飯經過見到好多人排隊就試吓呢間平民食堂見到個價錢都明白點解咁多人排隊真係幾實惠叫咗個肥牛金菇沙嗲煲套餐連飯同埋老火湯老火湯好清甜 入邊亦都有好多湯渣值得稱讚沙嗲煲就好濃郁 送飯一流另外叫咗個西冷扒配炒蛋配菠蘿油菠蘿油好貼心咁幫你切開一半 俾你放自己塊牛油入去麵包內側都已經烘到好脆好味！另外炒蛋都係咁滑 之前就食開佢滑蛋炒叉燒飯炒蛋水準一樣最驚喜係今次叫西冷扒個牛扒唔會好乾幾有牛味，真係估唔到總結嚟講呢個價錢呢個質素，唔怪得咁多人排隊

呢一晚黎到將軍澳行下之後就搵野食啦係呢邊都有幾個商場連住行都有D餐廳可以揀下, 最終就係揀左呢間食堂,將軍澳都比較少去既, 所以今次就試左呢間, 服務正常食物就不過不失,未至於真係好吸引, 其中一個原因係燉湯用膠碗上,感覺就有點怪,而且有點細碗,料就算是可以.蒜泥白肉算是OK 不過蒜尼味道唔太夠了.粉絲大蝦算是不錯,蝦夠大隻而肉質口感是可以的,粉絲唔林口感算有點彈, 幾好味.整體黎講, 算是不過不失晚餐只係燉湯用膠碗上就有點怪了.