影片
開飯介紹
提供多國菜式的港式茶餐廳，招牌菜為經典蜜汁叉燒滑蛋飯及香煎喜哥蔥油豬扒煎蛋飯，分量十足相當化算。
繼續閱讀
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
宜家要喺銅鑼灣食間唔錯茶餐廳，好坐又要夠飽都唔容易，四寶食堂就做得到我同朋友見茶餐廳有dinner set，幾特別就即管叫下，反正價錢都合理有一個沙律前菜，幾正路兩個忌廉湯，加少少鹽飲，都幾香幾creamy🤣 有種懷舊感覺飲品我叫咗鳳梨百香果冷泡高山烏龍清清哋酸酸甜甜幾好飲呢個就係$198晚飯套餐，想試下喺茶餐廳食set dinner有咩感覺🤣經典卡邦尼意粉又幾好食，茶記當然係有cream嘅版本佢香滑得嚟又唔會太忌廉太膩有好多菇菌同煙肉，做得幾好而且又夠熱又大份量，正香煎西冷牛扒牛扒比較韌，但牛肉味okay嘅起碼唔係用鬆肉粉乸到淋晒無晒味蒜蓉汁同薯條都好好食，仲有少少炒菇伴碟牛扒都熟到透喇🤣 唔緊要，旨在嘗試最後甜品係雪山西多士成個餐兩個人食一定夠飽呢個體驗都幾得意，嘢食同預期差唔多，卡邦尼同飲品甚至比預期好🙂↕️即叫即炸，好食🙂↕️
繼續閱讀
為左見好友 收工即刻趕去銅鑼灣搵食🫦見到餐廳都幾多人食 就跟機坐底左餐牌嘅選擇唔係話好多 但張張圖都好鬼吸引🤓最後都係揀左個二人餐 $198🥣是日餐湯-忌廉粟米湯比較重奶味 加啲胡椒粉就好好味個底有好多粟米😍🥗廚師沙律啲菜都幾新鮮 可以幫助消滯🥩香煎西冷牛扒（五成熟）+$38塊扒好有誠意 煎到啱啱好 中間帶點粉紅色🩷軟硬度適中 無根唔會un 再加上一大堆薯條 🍟 包你食得飽+38係值得嘅🍝經典卡邦尼意粉超誠意之作🤩淨係隻蛋都已經值💯毫不孤寒地 將意粉面灑滿芝士粉😈仲有勁多煙肉同菇菌 見到超多人都食呢個啊👍🏻👍🏻👍🏻👍🏻🍞雪山西多士唔記得咗叫後上 第一時間上咗枱🙁超大份西多士 兩塊厚切方包堆砌而成 中間再夾花生醬超邪惡之選😈😈😈但係好味道食唔停 今次一定變大月巴女未🫣🍹雪山紅豆冰+$8就有特飲 緊係要試下🤭又一邪惡次作 一座山嘅cream😈包你滿足😌🍹鳳梨百香果冷高山烏龍叫左少甜 甜度岩岩好 食呢個邪惡晚飯好夾朋友未食完呢餐 就已經諗好下次要食蔥油豬扒飯😂睇黎佢已經愛上咗間餐廳🥰我地就算加呢樣加個樣 兩個飽到上心口 呢個邪惡晚餐組合都只需$252係呢個地段 呢個價位 絕對物超所值👍🏻👍🏻👍🏻👍🏻👍🏻又係銅鑼灣收鑊一間 價廉物美嘅餐廳🫶🏻
繼續閱讀
今晚來銅鑼灣行街，又來到我最鍾意嘅茶餐廳<四寶食堂>，最鍾意佢呢度嘅西式晚餐dinner set，好食又唔貴，如果唔食set dinner嘅扒餐，又可以食佢哋嘅常餐，真係有好多選擇。<板燒美國頂級封門牛柳配炸薯條及炒什菌>封門牛柳份量超級多，有成六件，每一塊都有一定嘅厚度，咬落去肉質鮮嫩，牛味夠，茶餐廳來講，能做到五成熟，真係非常之有質素。<紅酒野菜燴羊膝配牛油粟米蘭花苔>羊膝做得好惹味，煮得夠淋，能夠做到骨肉分離，非常好食。<招牌熱狗>呢度嘅熱狗係即叫即做，15蚊一個，非常抵食，因為入面有兩條腸㗎!!~<雞翼薯條>呢度嘅雞翼薯條，每一隻雞翼都炸得脹卜卜，而且佢哋嘅皮亦都非常之薄，咬落去仲帶有肉汁，非常好食，而佢哋嘅薯條都係即叫炸，炸得非常金黃香脆。飲品叫左<檸檬桂花蜜糖冰茶>，入口清甜帶有微微的桂花蜜糖香味，<朱古力雪山>，帶有香甜嘅朱古力味道，同埋上面仲有一大舊cream，好啱朱古力控！！～其實<四寶食堂>仲有好多其他快餐常餐嘅選擇，下次可以再來試下。
繼續閱讀
🎀銅鑼灣。平價大份港式下午茶😇🎀🪄店名* #四寶食堂🔮地址* 銅鑼灣謝斐道482號兆安廣場地下1-3號舖🔮🗾分店地區🗾 銅鑼灣,北角,將軍澳💰價錢$140 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵平時經過條街周圍都係茶餐廳 但係成佛都比佢個外觀吸引左 因為好少港式茶餐廳會用Tiffany Blue去做店鋪顏色 感覺上會比較新潮啲 最正系入到去見到舖頭竟然有面花花牆🌸燈飾都採用左比較西式嘅吊燈 係香港真係好少會見到有啲咁嘅裝修嘅茶餐廳 而佢哋入面嘅凳都多數係用咗梳化位所以感覺會好舒服 顏色方面主要都係用返藍色 配合返主題🍽️食物質素🍽️佢哋嘅食物比較中西合璧 選擇都比起平時嘅茶餐廳多好多 而且價錢畀我想像中平 份量幾大份😍 尤其是係我哋去嘅時候係下午茶時間 嘢食都係30至50蚊內 仲包嘢飲 真係勁划算！👀評分💖💖💖💖💖🪄 英倫紳士啤酒炸魚薯條$48估唔到連西式炸魚薯條都有 份量仲要甘多 $48蚊平時系西餐廳食到份薯條炸😂炸魚系用左粉漿皮 會比較薄身 魚柳外脆內軟 魚肉入口即溶 薯條系我最中意既粗薯條 熱辣辣超正🤣👀評分💖💖💖💖🪄 食堂招牌熱狗$32熱狗就比較平凡啲 不過勝在大份夾抵食 兩條廚師腸有炸過 再加埋有幾多既沙律醬 酸酸甜甜 麵包唔算太硬 味道唔到唔錯👀評分💖💖💖💖🪄 咖哩吉列魚柳飯$52勁搞笑 黎到先記錯自己其實有叫魚柳飯 又叫炸魚薯條 搞到要食兩次炸魚😂真係勁飽 佢呢款咖哩就用咗日式咖哩 所以冇乜辣味 比較啱我食 而且仲配埋沙律菜 減低油膩感👀評分💖💖💖💖💖🪄飲品- 雪山紅豆冰+$8 & 熱杏霜$0熱杏霜就比較濃 味道正常 紅豆冰好誇張 勁大杯！上面有淡忌廉 跟住紅豆帶甜味 溝埋淡奶就啱啱好～(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
繼續閱讀
這裡的上菜速度真的是令人吃驚，剛下完單，ＸＯ醬滑蛋蝦球飯就馬送到了，真的挺驚喜！板燒美國頂級封門牛柳（１８８元）封門柳的份量挺足，每塊都煎得表面焦香，肉質柔軟多汁，熟度約五成熟，牛肉味香濃，配的是蘑菇汁。配菜有很多款可選，我們就選了薯條和沙律，份量都挺多的。ＢＢＱ醬燒豬肋骨（９８元）豬肋骨本身就煮得很軟嫩了，再經過燒烤，吃起來肉味更香濃亦帶點焦香，味道是ＢＢＱ醬的濃香，挺惹味的，而且肉挺厚，肉挺多的！配菜選了西蘭花和牛油粟米。ＸＯ醬滑蛋蝦球飯（７８元）份量都很足的一個滑蛋飯，表面的滑蛋還是最滑嫩的狀態，配上濃香帶點辣的ＸＯ醬和甜醬汁，吃起來既有蛋香，又有ＸＯ醬的海鮮味，整體非常下飯。蝦肉爽滑彈牙！菠蘿油（加配１５元）這裡特別一點，會切開了再將麵包烘香的，所以真的有外脆內軟的口感，而且熱熱的麵包配上冰冷的牛油，一口吃下去在口中熔化的口感，真的很邪惡！蘆薈白桃／鳳梨百香果冷泡高山烏龍（８元）中間就放了個茶包，茶味挺香濃的，配上濃香香甜的果醬，令整杯變得更有夏天的感覺，前者偏甜，後者帶點酸。
繼續閱讀