13
0
2
| 餐廳: | 四方正宗重慶麻辣火鍋店 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵土瓜灣站A出口, 步行約6分鐘
繼續閱讀
電話號碼
94873666
開飯介紹
餐廳主打正宗重慶麻辣火鍋，湯底採用重慶的傳統造法，加入不同辣椒，且亦設有鴛鴦鍋，可選擇不辣的湯底，如烏雞藥膳鍋等。
繼續閱讀
營業時間
今日營業
17:00 - 01:00
星期一至日
17:00 - 01:00
公眾假期
17:00 - 01:00
以上資料只供參考, 請與餐廳確認詳情
-
網上訂座服務暫停
招牌菜
今次撚單走去一間食到我心水直流嘅火鍋店，搞到我呢個美食博主實彈實彈想同大家分享下！首先，啲藥膳湯底真係好呢，飲落去暖笠笠，驚喜萬分。我今次揀咗小辣，但都夠晒嗆，辣得嗌爽！麻辣鍋底都好正，香得嚟又夠麻夠辣，刺激到我哋嘅味蕾。🔥食材上，牛肉咋，不嘥唔係急凍嚟嘅，又紮實有嚼勁，食落還幾過癮。啲海蝦新鮮到令我閉眼都聞到佢嘅海味，蝦肉彈牙得嚟唔縮水，實發滿足。🍤啲蔬菜就算唔講，啲胡蘿蔔啲芽菜，真材實料，蔬菜類必推鮮淮山，皇帝菜同萵筍，保證你喺火鍋中都攝取到營養。而且，唔好漏咗試墨魚滑啊，滑溜溜嘅口感真係正爆！😋唯一要講嘅就係，呢度環境一般，唔該記得預約位，因為夠晒擠。服務方面無得彈，即使人手唔足，店家都好客氣，滿載人情味。總結，雖然食得我狂流汗，但滿足感爆燈，實行到底，絕對值得再嚟一轉！
繼續閱讀
呢間啲麻辣火鍋個湯底，越煲越苦放題嘅食材質素大家想像到啦🐷其實而家通咗關，大家想食正宗嘅麻辣火鍋應該都知道應該去邊食唔知呢間舖頭開咗幾耐，不過呢個質素同埋服務態度⋯⋯加油！
繼續閱讀
10月頭去咗土瓜灣再食呢一間人情品小店既火鍋，$770/2位，2小時任食，吾包飲品今次叫咗麻辣鍋底大辣+藥材雞鍋，大辣都吾係好辣，但好多辣椒係度；雞鍋就好重既藥材味，雞味無咩今次叫咗好多未試過嘅餸：鵝腸平時我唔食，覺得有浸怪味，好似啲羊咁腥腥地，今次朋友想食我又試咗一條，嘩真係超級新鮮好味出面爽口腸入面滑嫩，冇腥味，結果叫咗第二碟鵝腸食，真係太好味今次仲叫咗田雞，田雞好大隻好多肉，仲好滑嫩，滾好耐都仲好滑，讚以後想食田雞辣火鍋唔使返大陸小食叫咗碟麻辣豬脷，豬脷幾爽口好食，不過隻辣都係怪怪地然後仲叫咗好多上次食過好好食嘅餸：鍾意食雞子一定要，好大粒好好食，但係唔腥既，同朋友好鍾意食叫咗兩份雞子，滿足仲有雞子嘅放題願望牛胸爽都係必點，兩碟都係好爽口彈牙，油脂分配好好，真係食得出好新鮮，正白色千層肚（牛柏葉）都係一定要叫，真係好新鮮，爽口彈牙，唔會嚡十十，牛柏葉叫咗3碟，哈哈黑色毛肚上次食麻麻地，好韌好嚡，今次諗住俾多次機會佢，但係都係一樣好靭，呢個下次唔會再叫最後都俾多次機會牛舌，今次牛舌薄切，口感無咁嚡身，好食好多喎，有改善讚整體呢間真係超級好食，好新鮮嘅食材，而且份量好足，所以今次好多都叫左半份咁上，怕食吾哂。麻辣湯底比出邊放題嚟講，都相對地正宗，但略嫌辣度唔夠，不過佢嘅辣係有鹹味，唔係死辣。一間店兩個人做，上菜速度都算OK吾算太慢，而且疑似男老板服務態度好有善，好和藹可親，令到我成日都好想再過嚟支持佢，支持呢類型嘅小店價錢2個人食$770，係少貴，不過食材真係非常新鮮，都值得支持再幫襯
繼續閱讀
今次要隆重介紹我最愛嘅放題店有一對夫婦經營嘅家庭小店如果你好鍾意食奇怪嘅嘢e.g.豬腦，田雞，魚泡，黃喉…… 一定要嚟呢間試下， 因為呢啲平時出面嘅貴料，佢都係任食㗎即刻送返張豬腦嘅相先第一次食嘅話記得問清楚鴛鴦湯可以配乜嘢湯底如果唔係可能會畀咗清湯你另外必食嘅單品仲有紅糖糍靶落單即刻新鮮炸雖然都係任食菜式但好食過出面餐廳單點涼拌魚皮都唔錯仲有牛胸爽都好推介！！不過要注意返飲品嘅話要單點但啲嘢食咁好食唔緊要啦
繼續閱讀
📌 四方正宗重慶麻辣火鍋店 - 土瓜灣美景街27號地舖🗓(13/8) 星期日 ⏰ 晚上6:30左右💈特式：呢間位於土瓜灣美景街窄巷嘅重慶麻辣火鍋我一直都有食開，我對佢嘅評價一直都唔錯，我有同朋友介紹過，所以朋友一直都想約埋我去試，但成日就唔啱時間，一係就餐廳爆場，今日終於都可以一齊去食喇。🥩🍔🌭🌮🥗🥯🥘🍲🍝🍣🥟🍤🍱食物：我通常去親都係會揀任食，但餐廳就一向都唔包飲品任飲，我由佢本身唔洗$3️⃣0️⃣0️⃣/位食到而家要$3️⃣1️⃣8️⃣/位，不過加幅都唔算好多，而家等我同大家講下🍲味道先。🍲湯底 - 湯底選擇唔多，話就話有6款，其實減返個鴛鴦鍋，實質只有5款，不過我每次都只係會揀麻辣鴛鴦鍋。因為鐘意佢個麻辣湯底夠正宗，不過要提提大家，我每次都係叫小辣，但辣度差唔多係出面火鍋店d大辣，而且會越食越辣；另外佢地個藥膳烏雞湯底真係冇得輸，直頭好似燉湯咁好飲，我每次都食野都已經清左一大半，再叫老細加湯先夠打邊爐。火鍋配料 - 配料有牛/豬/雞/羊/鴨/鵝/海鮮/手打丸/菇菜類，總共都有80多款，以下我就介紹大家有咩係最特別/最回本/最吸引架啦：🐮牛類 - 佢地嘅雪花肥牛唔係急凍貨，但又未到手切牛級數，不過都係任食，性價比已經極高。另外牛胸爽/黑柏葉/千層肚都好唔錯，絕對比出面任食火鍋店用個d急凍貨好得多。如果想進補嘅朋友，佢地仲有牛鞭同牛波子呢d咁有特色嘅野，都係任食。🐷豬/🐔雞/🐐羊/🦆鴨/🪿鵝 - 其他肉類都有唔少必點嘅野介紹比大家，例如鮮鵝腸/鵝血/豬黃喉/花雕豬腦/西班牙黑豚肉/火雞子/黑毛豬午餐肉。🐟🦐海鮮 - 佢地d海鮮都係一大回本位，尤其是佢地d竹串蝦，隻隻都好新鮮大隻。另外白鱔片/脆鯇片同腩/田雞/魚卜等，都係值得推介。🍡手打丸 - 真心每款都做得好好，首推就係墨魚滑（好食過出面個d好多），牛丸都好好食，牛味好濃。🥗菇菜類 - 都係一般野，除左佢地有四川豆皮/四川貢菜/四川竹筍都係比較少見。🌶麻辣小食 - 佢地仲有9️⃣款麻辣小食同1️⃣款甜品紅糖糍粑選擇，大部分小食味道都算好食，但偏辣，亦無得揀辣度。☕️🍵🥤🧋🍺🍷🥃🍹🧉🍾🍶🥛飲品 : 飲品就唔包任飲，需要散叫，有罐裝汽水同支裝啤酒，價錢都算正常，唔太貴。🍽環境：餐廳環境真係麻麻，呢個可能都係無乜人係網上介紹佢嘅原因之一，全場只得5~6張枱大約20個位，而且坐位都幾迫，坐得唔會好舒適，餐廳平日就唔算太多人，但如果假期我就建議一定要book位，因為我入座無耐有人walk in都無枱。🤵🏻🤵🏻♀️🤵🏻♂️服務：店員本身就係餐廳老闆及老闆娘，所以態度好好，例如見到我朋友着白色衫會主動比圍裙，見佢地咩都一腳踢非常忙碌，但上菜一d都唔慢，而且老闆比人感覺幾有人情味。💰💸價錢：如果唔計飲品，任食埋單就係$3️⃣1️⃣8️⃣/位，價錢就同出面任食火鍋差唔多，唔算好平，不過食物就一定比出面d飲食火鍋店有特色，質素亦更有水準，尤其是個湯底，直頭高好多班。🐲💬總結：我由屋企行去呢間火鍋店都唔洗20分鐘，所以我周不時都有去幫襯，不過餐廳環境就唔係個個接受到，但湯底及食物絕對係呢間廳一大賣點。推薦指數：❤️❤️❤️❤️❣️
繼續閱讀