四方正宗重慶麻辣火鍋店

營業中

休息中

今次撚單走去一間食到我心水直流嘅火鍋店，搞到我呢個美食博主實彈實彈想同大家分享下！首先，啲藥膳湯底真係好呢，飲落去暖笠笠，驚喜萬分。我今次揀咗小辣，但都夠晒嗆，辣得嗌爽！麻辣鍋底都好正，香得嚟又夠麻夠辣，刺激到我哋嘅味蕾。🔥食材上，牛肉咋，不嘥唔係急凍嚟嘅，又紮實有嚼勁，食落還幾過癮。啲海蝦新鮮到令我閉眼都聞到佢嘅海味，蝦肉彈牙得嚟唔縮水，實發滿足。🍤啲蔬菜就算唔講，啲胡蘿蔔啲芽菜，真材實料，蔬菜類必推鮮淮山，皇帝菜同萵筍，保證你喺火鍋中都攝取到營養。而且，唔好漏咗試墨魚滑啊，滑溜溜嘅口感真係正爆！😋唯一要講嘅就係，呢度環境一般，唔該記得預約位，因為夠晒擠。服務方面無得彈，即使人手唔足，店家都好客氣，滿載人情味。總結，雖然食得我狂流汗，但滿足感爆燈，實行到底，絕對值得再嚟一轉！

呢間啲麻辣火鍋個湯底，越煲越苦放題嘅食材質素大家想像到啦🐷其實而家通咗關，大家想食正宗嘅麻辣火鍋應該都知道應該去邊食唔知呢間舖頭開咗幾耐，不過呢個質素同埋服務態度⋯⋯加油！

10月頭去咗土瓜灣再食呢一間人情品小店既火鍋，$770/2位，2小時任食，吾包飲品今次叫咗麻辣鍋底大辣+藥材雞鍋，大辣都吾係好辣，但好多辣椒係度；雞鍋就好重既藥材味，雞味無咩今次叫咗好多未試過嘅餸：鵝腸平時我唔食，覺得有浸怪味，好似啲羊咁腥腥地，今次朋友想食我又試咗一條，嘩真係超級新鮮好味出面爽口腸入面滑嫩，冇腥味，結果叫咗第二碟鵝腸食，真係太好味今次仲叫咗田雞，田雞好大隻好多肉，仲好滑嫩，滾好耐都仲好滑，讚以後想食田雞辣火鍋唔使返大陸小食叫咗碟麻辣豬脷，豬脷幾爽口好食，不過隻辣都係怪怪地然後仲叫咗好多上次食過好好食嘅餸：鍾意食雞子一定要，好大粒好好食，但係唔腥既，同朋友好鍾意食叫咗兩份雞子，滿足仲有雞子嘅放題願望牛胸爽都係必點，兩碟都係好爽口彈牙，油脂分配好好，真係食得出好新鮮，正白色千層肚（牛柏葉）都係一定要叫，真係好新鮮，爽口彈牙，唔會嚡十十，牛柏葉叫咗3碟，哈哈黑色毛肚上次食麻麻地，好韌好嚡，今次諗住俾多次機會佢，但係都係一樣好靭，呢個下次唔會再叫最後都俾多次機會牛舌，今次牛舌薄切，口感無咁嚡身，好食好多喎，有改善讚整體呢間真係超級好食，好新鮮嘅食材，而且份量好足，所以今次好多

今次要隆重介紹我最愛嘅放題店有一對夫婦經營嘅家庭小店如果你好鍾意食奇怪嘅嘢e.g.豬腦，田雞，魚泡，黃喉…… 一定要嚟呢間試下， 因為呢啲平時出面嘅貴料，佢都係任食㗎即刻送返張豬腦嘅相先第一次食嘅話記得問清楚鴛鴦湯可以配乜嘢湯底如果唔係可能會畀咗清湯你另外必食嘅單品仲有紅糖糍靶落單即刻新鮮炸雖然都係任食菜式但好食過出面餐廳單點涼拌魚皮都唔錯仲有牛胸爽都好推介！！不過要注意返飲品嘅話要單點但啲嘢食咁好食唔緊要啦

食得超級辣既我，好想搵間正宗既辣火鍋店，比我見到四方重慶火鍋，睇相好似都幾深色幾辣咁，就去試下啦，好似係$3xx/位+1服務費，任食2小時，飲品另計。如果包埋飲品任飲就更好啦 麻辣火鍋大辣+菌湯底：係有少少辣既，不過平時食開譚仔特特辣既我，都吾太滿足到我，少麻。但味道不會係死辣，有咸咸地，係吾錯菌湯就好淡無咩味啦下次會試藥膳烏雞湯底小食：青瓜、豬舌個辣味吾係好辣，少少酸味，開胃既，豬舌好食，青瓜就一般啦配餸：最好食係牛胸爽呀任食有得食牛胸爽真係好抵，一份既量好大好多，叫左2碟食，油脂好重好油，好正👍🏻無咩筋位之後白色牛柏葉都好好味，爽口新鮮，唔會好韌，都叫左2次❤️雞子就大大粒好新鮮，口感很好味😋黃喉好爽脆，吾似任食既質素呀，讚仲有黑柏葉食，不過黑柏葉就好靭，無白牛柏葉咁好食，但任食呢個價竟然有正宗重慶火鍋嘅配餸揀，堅抵肥牛量好多，但肉吾滑，鞋鞋地，可以不叫蝦好大隻，但吾算好新鮮，有啲肉霉霉地牛舌就硬左啲，都吾太好食整體好多平時任食打邊邊都無既餸，喱間有得揀黎食：黑柏葉、千層肚、黃喉、牛胸爽、牛舌-價錢算合理，兩個人食$770，食左1.5小時都好飽啦已經，如果包埋飲品任飲就好啦-環境好細

📌 四方正宗重慶麻辣火鍋店 - 土瓜灣美景街27號地舖🗓(13/8) 星期日 ⏰ 晚上6:30左右💈特式：呢間位於土瓜灣美景街窄巷嘅重慶麻辣火鍋我一直都有食開，我對佢嘅評價一直都唔錯，我有同朋友介紹過，所以朋友一直都想約埋我去試，但成日就唔啱時間，一係就餐廳爆場，今日終於都可以一齊去食喇。🥩🍔🌭🌮🥗🥯🥘🍲🍝🍣🥟🍤🍱食物：我通常去親都係會揀任食，但餐廳就一向都唔包飲品任飲，我由佢本身唔洗$3️⃣0️⃣0️⃣/位食到而家要$3️⃣1️⃣8️⃣/位，不過加幅都唔算好多，而家等我同大家講下🍲味道先。🍲湯底 - 湯底選擇唔多，話就話有6款，其實減返個鴛鴦鍋，實質只有5款，不過我每次都只係會揀麻辣鴛鴦鍋。因為鐘意佢個麻辣湯底夠正宗，不過要提提大家，我每次都係叫小辣，但辣度差唔多係出面火鍋店d大辣，而且會越食越辣；另外佢地個藥膳烏雞湯底真係冇得輸，直頭好似燉湯咁好飲，我每次都食野都已經清左一大半，再叫老細加湯先夠打邊爐。火鍋配料 - 配料有牛/豬/雞/羊/鴨/鵝/海鮮/手打丸/菇菜類，總共都有80多款，以下我就介紹大家有咩係最特別/最回本/最吸引架啦：🐮牛類 - 佢地嘅雪花肥牛唔係急凍貨，但又未到手切牛級數，不過都係任食，

最近成日都想食辣嘢，經朋友介紹去食呢間正宗重慶麻辣火鍋，本身都好鍾意打邊爐，諗住任食嘅話都應該唔會太出色，抱住冇乜所謂試下囉嘅心態去食，重點一定要book位，因為地方唔大得七張枱，所以一定要提早book！地點唔算好方便喺土瓜灣地鐵站都仲要行10分鐘，但係食物質素就好似逐碟叫既火鍋店咁，好新鮮好好食，食物嘅份量寫一份，嚟到嘅係超級多，寫一碟肥牛，三個人都食唔晒。最出色係鵝腸！爽口！鮮味！其次，係毛肚，大大片擺入口好正我自己唔食奇特野，但我老公就食咗牛鞭同埋田雞同埋食咗超級多雞子，好值得去，就算地點格攝都一定會encore！同埋老闆好好禮貌，食得好開心最後一定要食紅糖糍粑，冇得彈！唯一美中不足嘅係冷氣唔夠有啲熱買單人均$320左右，飲品另外收費，但都好抵食！下次一定會再去

土瓜灣呢間任食麻辣火鍋＄300兩個鐘頭好似無乜特別咁，但係竟然有任食毛肚，黃喉，鵝腸，鵝血不得了🤤 鵝腸超正好肥美甘香，黃喉勁爽脆，淨係食呢兩樣都抵返曬，份量大一啲都唔吝嗇。仲有好多特色菜例如豆皮，豬腦，貢菜（一次過試咗好多新嘢）鴛鴦湯底要咗微辣麻辣，小小辣咀好食，藥膳湯底鮮味唔口乾 （重點係要叫嚟碌下菜，紅油菜我真心頂唔緊）性價比高，下次去要坐街同埋叫小辣🌶 (好細間舖，好忙碌所以會有漏單，但我覺得可接受嘅）店舖比較細所以強烈建議要預訂

都幾難食，個湯底苦嘅，好嘅係佢每樣野份量好大，價錢平貴唔comment喇，好主觀。我哋格離枱埋單嗰陣，有個呀姐出嚟執枱，勁大聲鬧個埋單客，話佢唔中意浪費，話要罰錢，全程勁大聲狂鬧，跳咗制咁。個客都火喇，就話番佢轉頭：「我畀錢嚟畀你大聲鬧？食剩咪畀錢，唔使咁大聲」如是者就話嚟話去。講真我都冇咩mood食呀姐重話要罰埋我哋嗰枱⋯⋯即走喇。一早又唔講叫我哋唔可以食剩。食餐飯食到咁，樓面呀叔態度幾好都冇用，啲嘢難食又莫名其妙鬧個客。

經朋友介紹 土瓜灣有一間好好味嘅任食，而且重慶麻辣好正宗，忍唔住真係去左試以為小辣會似出邊普通嘅邊爐一樣唔辣所以今次嗌左中辣點知真係好足料嘅湯底，所以食唔到辣嘅人可以揀其他湯底或者小辣仲有小食可以嗌 樣樣好味勁多材料可以揀一2定一定要食毛肚，黃喉同鵝腸，大大塊一d都孤寒毛肚黃喉爽口，鵝腸肥美牛一嗌就大大碟，鮮嫰重牛味，配麻辣火鍋一流脆魚鯇腩片，勁大舊鐘意食魚一定要嗌多幾碟，新鮮一d都唔腥菜有好多款，皇帝菜係我嘅最愛每樣都好新鮮，而且老細好nice，好用心嘅火鍋店。300蚊打個邊爐，質素係好嘅真係可以一試，但都幾多人，所以建議大家訂位，因為都算細舖嚟嘅

朋友介紹四方俾我試，佢用*放題既價錢，散叫既質素* 去形容呢間火鍋小店。朋友又分享左食物圖片俾我，所以我都抱住幾高既期望去試。結果當然沒有失望！題外話， 我提前了三星期預約，但中途更改了三次時間🙈我自己都覺得很不好意思了！但老闆娘態度仍然很好，叫我不用擔心不用不好意思。這點非常之 impressive。我們預約較早，六點半便到。當時一枱客人都沒有。小店面積不大，放了六至七張檯。 但檯面尺寸算闊落，可以放到不少食物。火鍋爐是由一小一大的四方型組成的。可以同時有兩個湯底。老闆很熱情招待，又推薦了一些特色的食物。小食分量很大碟， 金皮蛋，夫妻肺片和拍青瓜都醃得很入味，又麻又辣後勁強勁！！十分推薦，但可以叫老闆俾少d份量，以免浪費！第一次食放題有黑栢葉！平時散叫一碟都70至80蚊！老闆教我地淥20，30秒就可以食，很爽口，正雪花肥牛一上枱即刻嘩一聲，份量大大碟，色澤鮮嫩。 雪花紋路均稱，肥瘦適中。海鮮類 - 新鮮！！睇相都應該睇到出吧！仲有我最愛既鱔片和脆肉鯇魚腩，encore 左3碟手打丸 -推薦牛丸？不推薦牛舌-個人偏好細塊薄切。老闆太豪，切得太大塊牛胸爽- 第一次食，份量又係大大碟！出去

網上推介呢間餐廳食材新鮮，咁我就好期待去試吓我地book左7點，坐低之後老闆問我地要咩湯底，我揀左藥膳湯底，之後就order食物，湯底15分鐘上到，第一轉order既野就已經嚴重漏單🤬🤬過左半個鐘都未到所以我order第二轉，點知都係漏單，仲要係漏同一樣嘢(膳片.牛波子.牛鞭.脆肉魚片)之後我決定唔寫紙order直接同服務員講要咩，當我第四次叫膳片嘅時候佢話賣曬🤬🤬🤬😡😡任食？2小時？時間尚早當到8點左右，餐廳營業時間至到一點，咁快冇貨點做生意？過左一陣我朋友話見到隔離檯上左一碟膳片，唔係冇貨架咩？餐廳完全唔老實！又漏單又要講大話話冇貨，真係好失禮，唔會再有下一次！如果大家想食真（任食），建議去其他餐廳

餐廳限時2個鐘，一坐底就寫紙落單，點知好多都話冇貨，食物選擇唔多，落左單半個鐘後先開有野食，上菜速度太慢，第一轉叫既食物一個鐘都未到齊。我後面嗰枱等到唔耐煩不停嗺單湯底不錯，但食物一般，牛舌不建議，只有手指尾大仲要完全咬唔郁，雪花肥牛不好食冇牛味，丸類菜類正常。反而魚不錯，所以我就叫左幾轉鱔片，每次的份量都好少，叫左三轉後諗住再叫，老闆話冇貨，聽到真係好嬲，樣樣都冇貨，咁多貨冇係咪應該一入座就要同客人講聲呢！隔咗一陣聽到後面嗰台叫鱔片，好神奇地老闆又有鱔片上比佢地，點解同我哋講就話冇貨呢🙄打開門做生意唔係咁樣做，如果怕蝕底怕客人叫得多就應該係餐牌上面寫返有限數。再唔係就唔好搞任食，改返每碟收費，而唔係同客人講冇貨就算，跟住就大細超隔離枱有貨！每位298加一，醬料費$10，餐廳謝絕外來飲品，我地4位埋單錢1400，完全唔值呢個價錢，建議大家不要試🙂呢個價錢有更多更好嘅選擇👍🏻

四方正宗重慶麻辣火鍋(6/9) 星期一 晚上7點特式：呢間火鍋店位於土瓜灣區既橫街窄行，該區較為舊及老化，平時好少有外人嚟搵食，不過而家有左土瓜灣站就會方便d。火鍋湯底都算正宗重慶，食物比較特別同有特式，招呼人性化，有人情味，所以多數都係街坊幫襯。食物：湯底，藥膳湯底冇得輸，麻辣就因個人口味選擇，食得辣應該會好鐘意，但我叫小辣都辣到爆。大部分小食味道都正常，算好食，但偏辣，亦無得揀辣度。牛肉唔係急凍肥牛，但又未到手切牛級數，但任食，性價比已經極高。海蝦好新鮮，好大隻，仲去埋蝦槍蝦線，都係任食，回本位之選。鵝腸/脆鯇/鱔片都好新鮮。試左幾款蔬菜類，全部都新鮮，推介皇帝菜，萵筍，鮮淮山，粟米，蘿蔔。丸類都做得唔錯，首推，墨魚滑（好食過出面個d好多），牛丸都好食牛味重。仲有好多特式食品，鮮黑柏頁（推介），牛胸爽（推介），魚卜（推介），豬黃喉（推介），豬腦/牛鞭/牛波子唔驚就試。飲品：無包任飲，散叫，價錢正常，唔算太貴。環境：普通，全場得4張4人枱2張2人枱，都迫迫地，平日唔算太多人，7點前去都唔洗等位，但建議book位。服務：樓面態度好好，但唔夠人做野，見佢地都忙，但上菜唔算太慢，但感覺有人

疫情期間冇得返大陸食麻辣火鍋，唯有係香港搵下有冇正宗既重慶火鍋啦⋯⋯咁有日係open rice shech 到呢間小店就即刻打電話去訂位試試啦😆一嚟到小店已關門差不多爆曬，好彩有打到碗話嚟訂位，唔係真係有排等😆又係二百零蚊任食，不過呢度唔係任飲，飲品就要逐件計啦點解間店叫四方，就係因為佢哋既火鍋係跟返重慶係四方形既火鍋爐，真心係正宗👍必試炸酥肉👍食麻辣火鍋一定要試呢度有黑柏葉，黃喉仲有牛鞭好多高級食材都係任食👍必食牛胸爽，肥牛同鱔片😋😋😋