四面泰泰式火鍋

營業中

休息中

朋友推介一間新開嘅泰式火鍋，地點位於沙田，非常方便！一坐低已經見到有我最鍾意食嘅蝦片，夠曬香脆！有鴛鴦湯底（$178）選擇，我哋一個食辣，一個唔食辣，同朋友可以分開兩種唔同口味，兩個都可以滿足到自己嘅需求👍🏻👍🏻👍🏻冬陰功湯底裏面有新鮮大蝦，淨係食蝦都夠曬開心，加埋微辣微酸嘅湯底，夠曬開胃朋友揀嘅椰奶湯底，亦有雞件同粟米......等等配料兩個人食呢個份量就覺得啱啱好！必須要大讚呢四粒丸（$59），每粒都有自己唔同嘅性格，口味、彈牙度都各有千秋，當中會highlight豬肉丸，肉香撲鼻，夠曬彈牙！牛板腱（$148），我會比較鍾意食牛板腱，唔會咁肥，罪惡感即時減半！而且牛板腱嘅口感亦都非常出色，牛味較為香濃。另外，有三款醬料亦都值得推介，特別係中間嘅百搭醬，點咩都咁好食😋手工韭菜餃子（$60）肉嘅份量會較為多，所以會比較飽滿，比例恰到好處！最後自製咗一碗泰式冬陰功河粉湯河😆河粉非常滑，而且夠曬正宗！食完夠曬飽飽😬

呢間泰式火鍋已經食過四次因為真係好好食特別推介椰子雞湯底，超香椰子奶味，雞都好滑嫩其他火鍋食物，例如牛肉都非常新鮮，雖然有啲貴，但整體質素絕對係對得住佢個價錢！最後甜品都超好食！勁軟綿綿同香濃嘅椰子奶凍！

午餐優惠好食但唔抵食其實就冇咩投訴不過如果係二人套餐至少係唔係應該畀兩人份量嘅手打丸. 四粒 only 唔同味道 for 兩個人?係唔係要我咬一半跟住畀我隔離嗰個.15蚊嘅醬油費同飲品紙巾係唔係都要加㗎啦咁係咪我唔要你就唔使畀15蚊呢不如將個15蚊include埋

一睇午市一人一鍋，就試下啦！坊間都有唔少食肆做緊一人一鍋午市優惠。不過，lee間性價比偏低。首先名為98元的一人餐，加一另計以外，每位再另收醬料費15元。然後，餐飲包清水及可樂一罐，如唔想飲可樂，另加錢轉飲品係要加多28元。午餐的份量很少，肉係4片，就算包埋粉，都係得好少。我試過去隔離鋪一人餐，或其他“牛x”一人餐，都食得飽。但今次食完lee個餐，係好肚餓。

最近沙田新城市開咗好多新餐廳我哋就去咗試吓呢一間泰式火鍋港式火鍋，真係食好多泰式火鍋最特別就係個湯底我哋揀咗冬陰功，拼椰子雞湯大家留意啊如果叫海鮮譜盒就會送湯底唔好額外再調多個湯底啊😂😂第一次嚟嘅時候都差啲做錯事🫣一坐低主角已經出場因為我覺得佢哋嘅主角係佢哋嘅任食蝦餅😂食完就可以叫服務員幫手添真係超好食！佢哋嘅湯底兩個湯底都做得幾好我自己就比較鍾意椰子雞湯另外仲叫咗佢哋嘅牛肉拼盤可以食到唔同部位嘅牛肉但係份量比較少如果有三個朋友仔以上就真係唔夠食啦！

今次一行四人一齊嚟到沙田新城市廣場，聽講呢間火鍋嘅湯底好正，所以好期待！我哋四個人就叫咗一份二人餐，再加埋四面泰牛肉拼盤同蝦膠釀竹笙。坐低之後侍應就會俾每個人三款醬料同一盤蝦片（之後仲可以叫佢添），三款醬料分別用嚟配唔同嘅食材，侍應都會一一介紹。套餐可以揀一種或兩種湯底，泰國餐廳點少得冬陰功湯底呢～另外就叫咗椰子雞湯底。火鍋湯底上嚟之後，侍應都會提醒我哋可以先飲湯，湯底入面有大蝦同雞肉可以食左先，果然湯底好好飲，本身對椰子雞湯冇特別嘅期望，但都覺得幾好味，多飲幾碗都冇問題。大推四面泰牛肉拼盤！牛肉拼盤入面有唔同部位嘅牛肉，有肥牛、牛舌、牛板腱、牛肉粒同泰式醃製牛肉片，牛味好夠，大概每款四片，份量剛剛好。至於蝦膠釀竹笙嘅話，嗯......有啲普通，蝦膠同竹笙無法好好咁結合埋一齊我哋每個人都飲咗啲飲品，但係唔記得影相，我就叫咗泰式啵啵奶茶，就係一般嘅泰式奶茶，唔算太甜。

只係鍋底好味，兩個人成9百幾蚊唔知食咗啲咩，一次就夠。二人餐好唔抵，跟本唔飽要加嘢，唯有飲咗好多湯。但食完呢餐飯屋企狂飲水，好口喝，味太重。其係唔需要試，無特別。

1.杯水中有塵，餐具吾干淨。 2.沙田分店個紋身短頭髮待應女，完全吾係做野，拎隻杯都罵返個客轉頭。 3.成間店班靚仔靚妹態度極差。 4.全港未見過甘差服務既餐廳， 大開眼界。 5.食左成千蚊都無咩食物（超少） 6.人生無第二次幫襯。 7.等執粒啦間野，請埋d甘既人，又貴又無特別好食。 8.憑咩食成千蚊完全受氣加無野落肚呀？兩粒魚蛋加幾塊吾新鮮牛肉

沙田新城市最強泰國餐廳 ‼️必點秘製冬陰功椰奶雞湯 配埋海鮮套餐 湯底越煮越甜 適合鍾意飲湯嘅朋友.估唔到沙田都有高質泰式餐廳黎到必點寶藏海鮮手工金盒 二人套餐 贈送鍋底$498套餐包咗海蝦4隻 台山桶蠔2隻 爽脆皖魚4片 鲜脆珊瑚蚌60g 鲜活鮑魚仔2隻 手打墨魚丸2粒 鮮活貴妃蚌2隻海鮮套餐幾精緻 上菜時放咗乾冰 適合打卡.重點係佢哋火鍋湯底 今次選擇咗鴛鴦湯⭐️秘製冬陰功鮮蝦湯湯底入邊本身已經有四隻鮮蝦加咗唔少泰式香料 湯底酸辣開胃可以先飲一啖 之後放入海鮮 會越煮越甜⭐️椰奶雞湯呢一款都好高分 慢火煲咗六個鐘加入咗椰子水 椰汁 椰奶 同埋雞髀肉椰子香味超重 後勁感受到雞香 超級好飲.打邊爐 當然唔少得雪花牛肉 仲有火鍋肉丸佢地⭐️手打墨魚丸都好高分 大量墨魚粒粒.甜品方面 ⭐️必點招牌椰皇凍$58明顯感覺到椰青清甜 奶凍震下震下夠滑.呢間好適合鍾意泰國菜朋友新鮮海鮮冬陰功湯都係重點.#hkfunfoodrecord窮遊香港#hkfunfoodrecord_沙田.#四面泰•火鍋 (沙田)地址：沙田沙田正街18號新城市廣場一期7樓708號舖.⭐️評分：味道：4.5/5環境：4.2/5服務：4.

四月四日兒童節，相約家人一起慶祝侄仔入到心儀的中學，好過中六合彩🤣🤣🤣！大家北上消費，我一行五人留港消費，刺激經濟😬😬😬！前兩日打電話訂枱，去到唔駛等就有位，但坐得比較迫，要問侍應取椅放東西。我叫了3-4人寶藏海鮮手工金盒連雙併湯底，一邊冬陰公湯底，另一邊椰奶雞肉湯底，究特別。另加叫美國雪花小牛排、牛板腱、鮮腐竹、手工韭菜餃子、蜂巢豆腐、泰國船面河粉鮮手打烏冬。飲品都好好飲和精緻，分別叫了泰式手標啵啵奶茶、奶蓋手標啵啵奶茶、鮮芒芝士奶蓋和泰式芒芒碌碌。海鮮手工金盒內有鱔、魷魚、鮑魚、鮮魷魚丸、扇貝、蝦、珊瑚蚌，全部好新鮮。值得一試，但是份量比較少。

主打泰式火鍋，標榜每日新鮮自家熬制，提供優質正宗泰式湯底，而且仲有一系列泰式小食同飲品，滿足一眾泰國菜愛好者！午市優惠雙人套餐 ($299)另外附加一服務同$15/位醬料費醬料費包含濕紙巾、紙巾、手工醬料、泰國蝦片同時令茶水。湯底可以單拼或雙拼揀咗椰奶雞湯鍋，配料足，椰奶香氣極重，店員建議水滾後飲咗湯先，入口清爽不油膩。四面拼盤(4粒)有手打鮮蝦丸、手打墨魚丸、牛丸同豬肉丸，每款都係每日人手新鮮制作，爽口彈牙。美國特色肥牛肉味濃，清邁什錦田園同泰國船面河粉索咗湯汁，有陣陣椰香，味道清甜。加湯係加番原本湯底嘅湯。招牌椰皇凍 ($58)賣相討好，有仙氣飄飄嘅效果。椰皇凍滑溜溜，椰香味濃郁，入口清甜，係味覺同視覺嘅享受。

近來沙田有泰式火鍋店非常出名，主打幾款新鮮自家熬製湯底，配上一系列精美吊燈，感覺休閑寫意。今回2人同行，叫了一款2人套餐，先選鍋底、再有手打丸子、田園時蔬珍菌，再選肉類、麵食等…而醬料費只需加上$15/位便可，還有鬆脆蝦片，手工醬料等…椰奶雞湯鍋來到，當然先嚐椰奶雞湯口感濃郁清潤；不禁讓人一飲再飲！美國特色肥牛油脂豐富，輕輕一炙，就可食到爽滑的肥牛了手打丸子口感非常爽彈，而且款款都非常足料，絕對愛上。什錦田園有多款蔬菜，滲透了椰奶雞湯感覺更香滑，陣陣柔軟。最後他們的泰國船面河粉質地較粗身，口感煙韌嫩滑。

沙田新城市中心,食肆林立,競爭激烈要闖出一條新路線,實不容易,午市路過竟見此店座無虛設,應該不會是伏店,再看餐牌價錢也尚算公道,姑且一試,原來真是無揀錯,食物和招呼到位,而且份量也不薄,與同事一人點了一個一人火鍋餐,如需額外的小吃和特飲,也只不過是加多三數十塊錢,最重要是湯底真的是無添加味精,尤其那個椰奶雞湯鮮甜無比,友人的冬陰功蝦湯,也是香辣無比,不要看少那兩隻蝦,也是超鮮甜,反而肉的份量少了一些,可能是太好味的關係,有點兒唔多夠喉,整體用餐感覺良好,結帳再加埋每位15元的醬料包括免費奉上的一大盆脆蝦片,每人也不過佰二三蚊,實在是性價比極高的火鍋店,下次再試其他菜式。

午飯與友人幫襯這間常滿的泰式火鍋店, 店員先介紹三款惹味汁醬供不同食材包埋一大盆香脆蝦片也不過每位$15元, 另外它的湯底好地道,包括少有的秘製冬陰功鮮蝦鍋及椰奶雞湯鍋, 試過又真係好好味, 而且店員高度推介先試味, 因全無添加味精, 之後我們選了雪花牛小排及西班牙黑毛豬腩肉, 兩款肉都很不錯, 更有兩隻彈牙大鮮蝦, 而配搭的蔬菜也種類繁多, 更有多款主食可供選擇包括烏冬、船麵或河粉 。飲品更可選泰象梳打水, 不過今次我們加錢要了招牌芒芒碌碌及碟荳花青檸, 特別要提套餐加錢更可選兩款小吃(蝦餅和炸雞翼)水準也不賴。整體午餐印象極好。

( ´▽` )ﾉ是日朋友生日。揀咗呢間餐廳，貪方便，喺正商場嘅頂樓因為我哋兩個女仔食得唔多嘢，所以佢咁啱有個套餐299💰，包咗好多樣嘢(￣∇￣)送一個雙拼湯底，手切肥牛，仲有打邊爐唔係成日見嘅船河，對於我呢啲超鍾意船河嘅人嚟講，真係好滿足(^з^)-☆重點推介係竹笙蝦滑，一定要浸椰子雞湯底，佢係完全索晒湯底嘅汁，唔使點醬料都已經好有味，食得出蝦滑好新鮮，冬陰功湯底入邊仲有新鮮嘅蝦哈哈，呢個價錢真係抵到爛，我哋兩個人食到飽，都係每人$200😍😍😍😍仲有另外叫咗生蠔，好新鮮，完全冇雪藏味另外叫咗份蝦，上嚟嘅時候啲蝦仲識郁🤣🤣🤣