回味車仔麵

營業中

休息中

近期發現新蒲崗一間車仔麵，據聞去年底剛由2位美女老板娘接手，食物味道如其店名另人食過回味已到訪好幾次，大大碗價錢仲超平，三餸一麵包埋杯餐飲都係（$49）仲可以免費轉菜底必吃牛腩炆得非常入味又夠腍滑大大隻的冬菇超厚肉美女老板娘話所有食物及湯底堅持不加味精，所以食完後唔會有口渴感覺由進入店舖點食物開始及至用餐完結離開期間，都感受到佢地禮貌熱情嘅招待， 怪不得咁多熟客天天也來幫襯推薦食物： 秘製牛腩、瑞士雞亦、猪紅、 蘿蔔、冬菇、煎釀三寶

原來這間新蒲崗回味車仔麵轉了新的美女老闆娘烹煮,這間車仔麵我由一手（當年是新蒲崗車仔麵之最天天排長龍),兩年前轉了二手店主. 而最新上年2024年12月尾接手的老闆娘是最給力的，不論是味道及禮貌都是跨啦啦。絕對比得上一些某某米芝蓮車仔麵。今次我叫了秘製牛腩，咖喱魚蛋，豬大腸及瑞士雞翼，另外最重要加上了她們的免費提供的潮州鹹酸菜及沙嗲醬還有牛腩汁，立刻把車仔麵味道層次感倍增了好幾倍。絕對不是一些普通麵粉店未能做到的. 寫這裏我想起都有點會流口水及回味感覺，真是配得上她們招牌還有她們有一個重要元素，而且是現在香港很多飲食業缺乏的就是禮貌及專業態度，她們給人很親切的感覺，簡單一句.你好..拜拜給人感覺是香港找回人情味存在

回味車仔麵食到住家味道嘅車仔麵的感覺, 好懷念小學嗰陣時候食車仔麵嗰種人情味道！只不過由擺喺街道上販賣推車仔演進到入咗室內舖, 人物地方環境已變, 但情懷不變, 回味無窮！

很久沒有去了。重新去回味車仔麵。味道比以往更勝一層樓，超好味道面条及口味超级豐富。这家店很正宗。。中午時間需排隊等候！去啟德睇得睇演唱會或去開新蒲崗值得一試。2024年尾新店主接手,味道比上手好很多十分驚喜.大家不妨重新去嘗試一下。特別推介牛腩，豬腸，豬紅，炒豬皮，瑞士雞翼，鴨胸肉，煎釀三寶，蘿蔔豬肉卷，粟米墨魚卷，咖喱魚蛋，清湯蘿蔔。如果樣樣都想試，店主推介。大滿足車仔麵，各樣都有一點。真係好滿足啊。

本人真的很喜歡這間車仔麵,選擇多味道好.真的有回味及人情味嘅感覺。店鋪裏的服務員很有禮貌。真的有小孩時代街邊手推車車仔麵的感覺。當然這個是店鋪進階版，衛生及選擇更加多。喜歡它的秘制牛腩，瑞士雞翼，炒豬皮。下次一定要試一下它的豬紅，因聽到隔離枱食客說又滑又彈牙 ，還有他的炸蘿蔔絲豬肉丸，煎釀三寶，炸粟米墨魚卷。也想試一下！特別要試一下他們的自家製辣椒醬，沙爹醬及潮州酸菜，最主要是免費及把車仔麵味道帶出。

🍜 呢間車仔麵嘅味道真係正！油麵Q彈得嚟唔會過於黏牙，生菜爽口得嚟清脆得嚟翠綠，好似送入口嘅小春天咁，食落去心情都爽！😌 牛腩同大腸好夠味，肉質嫩滑仲有啲融化喺口裡的感覺，每一啖都好似在講述「我係點樣用心煮好嘅」，真係得意！粟米蝦條就更加出彩，口感外酥內軟，又帶少少甜，跌入嗰碗麻辣醬，仲有效提升哂整體嘅辣勁，正！🌶而家嘅食世界好易變得好commercial，不過遇到咁嘅一間有心煮嘅店，令人覺得好貼地，好有家嘅感覺。無論幾多新潮嘢湧入市場，我諗我都會不時探望呢一碗記載住好多本土風情嘅美味。响繁華都市嘅一角落，發現咗這種樸素又真心嘅味道，真係賞心悅目！👍

叫左個外賣：河粉有d就好碎，有d就痴住一舊舊，d湯淡而無味，炸蘿蔔絲丸食落好粉又凍既，炭燒雞肉串又係凍既，係得漢堡扒叫正常，整體係唔好食…..唔會再幫襯..🫠🫠

今次黎到呢間地道小店，一試係令人激讚嘅好地方。坐低未幾耐，已經有一碗熱辣辣嘅車仔麵端上嚟。揀咗個豬皮、牛雜同滑雞，真係每樣都有驚喜！豬皮彈牙得嚟又唔會太韌，爽口過癮！牛雜咬落爽彈，加咗少少花生醬係間中飄出嚟嘅花生香，啱晒愛嘢味啲嘅我。滑雞真係滑到化，仲有點香滑，好下飯。湯底選咗麻辣，夠哂kick，飲一口暖笠笠，暖胃又提神。啱晒冬天要搵啲暖胃好嘢！如果你似我噉鍾意食車仔麵，呢度絕對係你嘅食堂。食完喺呢度，你一定會同我諗法一樣，下次仲要再嚟幾碟添！🍜🌶️😋

味道不夠以前的好，怪不得接近午市，人龍也不長，我相隔疫情后幫襯，才知轉了手，問聲是否轉了手，知吾以對，態度也不好。叫了碗麵，品質与品道不像以前好吃，粗麵頗硬，豬腸不及前好味，尚算可以。见她們手法，學足上手做法，但没有一点親切感，每位都没笑容。

呢間嘢食咗好多年，轉手之後第一次食，味道的確唔同咗，主要係淡咗！ 以前嘅原班人馬全部唔見曬。今次依然叫返三寶，牛腩，冬菇，炸肉丸。牛腩味道其實冇變，冬菇淡咗，冇以前咁厚身，炸肉丸細舊咗，但未到都差。咁嘅價錢咁嘅味道，同附近嘅幾間比，依然係首選。

十月嗰陣外國返嚟已經覺得奇怪，點解冇咗條長龍喺門口 ⋯ 入到去雖然格局一樣但係班人完全生面口、冇咗以前一家人同你有傾有講嗰種感覺。——————嗰日買左碗三餸銀針粉、D staff 夾餸好似機械人咁完全冇靈魂 ⋯ 牛腩我覺得同以前差唔多、冬菇蝦條亦都冇乜分別，有落唔辣嘅沙嗲醬同蔥花。都算對得住$42三個餸連埋凍飲！——————今日 11 月 23 號中午12點去、員工仲多過客。堂食得兩個人 ⋯ D 餸 presentation 好似差過 10月嗰陣時而且個醬唔湯唔水咁有啲怪！食落去其實唔差但碗車仔麵好似冇咗靈魂咁，的確係冇以前咁「回味」

住喺附近久唔久會食佢，做乜鬼今日去食完全唔係果回事！淥麵手腳慢，出嚟嘅麵淋晒但又有一執未開，湯淡到一個點，有啲似豉油加水。牛腩又淡哂好彩都仲夠大夠淋。豬腸豬紅又係淡，我要食淡口嘢就唔嚟食車仔麵啦大佬！點解佢搞成咁？其實黃大仙，新蒲崗係車仔麵集中地，佢咁樣點賣得$42碗？都唔明佢哋究竟有冇自己食番碗自己檢討吓。相都費事影，真係嘥咗個lunch 見到有人話佢轉咗手唔通係真嘅？往事只能回味，食麵不堪回頭。以後又少一間選擇。

轉手後所有餸都冇味，點回味呢？？肉丸變咗粉球……😨🤮入去員工都唔同晒，之前夾餸既係老闆，好嚴謹，枱面所有餸/碗都一定要放整齊，但而家就亂晒咁，埋單收錢既姐姐，一嚿雲咁，噏乜都聴唔到，又唔知幾錢………冇下次了

九月下旬頂左手，好明顯唔同左，以方便開檔為主，功夫野無野，丸就大把，魚蛋都朋埋白魚蛋算數，豬皮豬腸車老抽都小落，機乎白色既。。無話難食，總有人喜歡，不過唔係我，應該唔再去了

久仰回味車仔麵大名，0負評，但夜晚唔開，一試嘅機會難度增加。終於有機會，午飯時間，去到一條長長人龍，都十多人排隊，大概排了十五分鐘。首先，價錢係非常相宜，$42三餸一麵包飲品，現今物價難似找到媲美。一場黎到，梗係食得落嘅盡試，五餸，豬紅豬腸蘿白豬肉丸蝦條米線，凍檸茶，腩汁加辣汁，埋單$5x。名物豬肉丸，內裡滿滿的蘿蔔絲，新鮮炸起，但後來回想，又唔係好食到有豬肉碎，其實係咪只係蘿蔔絲餅？無豬肉？再對比以前啲相，似乎而家配方係無乜（定無？）豬肉。但點都好，係好好食，出色。蝦卷，就係普通腐皮粟米蝦卷，okay，但唔覺有咩特別。豬紅，質地好，唔係一咬就碎係完整又少少煙靭咁，雖然無處理唔好嘅味，但調味偏淡，真係無乜味。豬腸，唔靭，無怪味，調味偏淡，唔香。蘿蔔，天然清甜味，食得出無話落重糖水去忟，所後勁係清水味浮現，質地軟淋但無過爛。湯底已加腩汁，亦加左兩大匙辣汁，不過食落偏淡唔太夠味，唔香味好寡。睇返餸同湯汁調味，好家常味道，係無落味精，但我重口味，所以成碗麵係唔算惹味，好似媽媽煮俾你食咁。呢間車仔麵價錢取勝，唔係難食，除左粒好似唔係豬肉丸係蘿蔔絲餅嘅野，無乜令我回頭嘅意欲。