回味館 (已結業)

男朋友一直大力推薦呢一度嘅回鍋肉客飯今日下午終於有時間同男朋友黎試吓啦男朋友喺回味館首選！會跟一個白飯同一杯飲品， 忘記咗價錢啦但係唔貴囉綠色嗰啲尖椒好好食，我鍾意食唔太爽身， 而且又會辣辣地嘅尖椒，雖然好油但係真係好惹味如果成碟回鍋肉可以再辣少少就好啦（純粹個人口味）我呢就叫左呢個下午茶size嘅鹹菜胡椒豬肚湯米線，好平喎31蚊咋仲送熱飲對於我雀仔胃黎講，份量真係啱啱好吖～胡椒湯好飲好夠味，米線ok，但豬肚冇味有少少敗筆咁囉不過整體來講真係唔錯架啦

約差不多十年前屯門新墟成日幫襯，之後搬咗屯門近青菱徑(紅橋酒樓附近)，近年竟又搬近我居住元朗區，正！😊 本身我食開一間午餐會好專一，現在市區上班，同一間店都食咗五年到依家。十年前屯門新墟附近工作，差不多每日都去幫襯，當時都幫襯咗約三年。 事頭婆外表凶悍、實則非常講得笑，事無大小，包括佢屋企嘢，都拎嚟分享講笑！新年去仲封利是俾我添，好親切！ 😘 講返佢食物質素，味道微辣好開胃，尤其我中意有菜有肉，「回味館」就算午餐及散叫，大部份都有伴菜，個人覺得較健康，又醒胃，而且份量又夠飽，有湯有飲品，午餐凍飲價格 $42 又實惠，大家值得一試。 又講返元朗呢間，睇「食在元朗」，已發覺有間「回味館」新開，但個人唔敢肯定，究竟係咪自己認識果間呢？但睇返會員post嘅食物照片，食物風格令我更肯定！終於上年去搵下試下，最初都唔清楚實際座標，都喺附近兜咗一輪，最後先搵到。 自己及同朋友去食好多次，大前提目的都係想重遇事頭婆，期望大家吹下水回味下。但每次都只見事頭婆，喺水吧內沖茶水，而且每次都係繁忙時間，所以好多次都不便行近水吧打擾佢！ 加上認識了差不多十年、識飲識食資深女網友，原來都係成日幫襯，感謝佢最近成日

睇OpenRice 無意中見到呢間餐廳評語幾好，其實住元朗咁耐，都一直吾知有呢間餐廳，即管試下，第一次來，都幾多人，剛剛剩低一張枱。好多嘢想試，今次揀左.... 睇相 (呢度啲餐全部會配埋例湯同一碗白飯，碗飯好大碗，正常食量係食吾哂。當然如果你叫湯飯，就吾會再送例湯。如果加配飲品，熱飲另+ $2，凍飲另+ $3，真係好抵食) 見呢度評語有人讚川味回鍋肉，就叫呢個。果然好惹味又好食，肉有好多塊，份量好夠，雖然油左啲，不過炒回鍋肉不嬲都油嘅，用辣油炒吖嘛通菜牛肉，份量好大，味道好好胡椒豬肚雞 (湯飯)，呢度啲湯飯，飯係另上，我鐘意另上。雞雖然細細舊 (吾係雞扒肉那種，係有骨那種冰鮮雞) 但都幾好食，豬肚都好多，不過覺得個湯就咸左啲我冇影個餐牌，仲有好多款可以揀。本來今次想食呢度評論講過嘅薑蔥魚腩飯，但原來呢款吾係固定菜式；呢度每日都會有A -F 指定特別套餐。呢度啲例湯好飲，吾似有啲茶餐廳，例湯十足係豬骨飛水那種味道。叫左3樣嘢先$150，好抵。下次想試麻婆豆腐飯、薑蔥鴛鴦雞、仲有蠔仔肉碎湯飯。

今晚帶男友試下近期元朗友口中好hit既的回味館。剛到門口，淨係睇門面，我地都唔抱有好大既期望我地叫左兩個經濟客飯餐，鴛鴦雞同菜心炒牛肉，菜心炒牛肉好有穫氣，四十幾蚊但有大排檔既穫氣，真係幾抵，仲送幾足料既例湯，Cp值一流，味道都唔錯，食到我地汁都撈埋唯一美中不足係鴛鴦雞既肉少左dd，蔥同料頭比較多，但總體黎講都值得一去！

好好好好好飽！Full to the max. 要等少少位，中午最好一兩個人就算。Recommended lunch for 1-2 people. 好多野揀。推薦蠔仔，無得輸。食米線，比較細條，硬度適中，我喜歡。最正係連個湯都飲曬！本身份量大（$4x唔包野飲），加埋湯就飽上加飽！Many choices, must-try oysters mixian noodles. Al dente for me. So good I HAD to have the soup. 雞都不錯，可以試下。Can try to chicken one too.

上兩次黎都見到有人食辣子雞、搞到心思思好想試下係咪真係時咁好食係就係夠香夠麻又惹味、略嫌雞件碎濕濕份量少、如果大舊番些少我會吃得更滋味京都肉排豬扒分量適中吾算少，味道無挑剔p.s : 還是覺得第一次食的回鍋肉及麻婆豆腐更出色可惜當時無影相

上一次試了麻婆豆腐同回鍋肉非常惹味今次帶朋友去食，本來想叫辣子雞，但係朋友聞到隔離碟醬爆鴛鴦雞球好香又想食我揀左薑蔥魚腩煲，魚腩份量吾少，新鮮無腥味，薑蔥非常惹味淨䓤送飯已經好味醬爆鴛鴦雞球吾算辣好惹味，2人食清光如果要評分，我認為上次麻婆豆腐同回鍋肉更出色P.S:食左幾舊先記得影相

今朝已經係第二日光顧回味館早餐。嗌既係超濃茄茸鮮牛肉通粉作為蕃茄控既我，對蕃茄湯底有份堅持好多餐廳既湯底係有蕃茄味，不過都未至於令我覺得好想再食多次呢一間餐廳既湯底竟然係有大大塊茄肉係碗通入面，而且勁多茄茸，加上有炒洋蔥，芹菜絲，椰菜絲做配料。鐘意蕃茄既朋友真係值得一試！

回味館最近榮登爸媽至HIT食堂，小店小小不起眼，卻晚晚座無虛𥱊，何解？很多人都不好川辣麻辣，爸爸也是，此店將川風元素小量加入粵菜中，卻成功找住了爸爸的味蕾，爸爸每次來都會說，單聽聽爐火和鑊氣聲已值回票價，說罷，"逢逢"的爐火聲又從廚房傳來。小店每晚會供應幾款套餐，小菜連白飯、老火例湯約30-50多元，加3元可再配餐飲。我嚐過涼瓜炒牛肉和椒鹽豬扒，都是即叫即做，全是鑊氣十足，涼瓜口感軟硬適中，而味道亦拿捏得剛好，另外，廚師在椒鹽豬排裡加入了脆肉瓜，但卻無影響其菜式原有風味，很驚喜。小店的胡椒豬肚雞湯用木盆盛器保溫，我們一家四口叫了半隻雞的份量，加上裡面其他材料，一家四口份量已很足夠。很欣賞尖椒泡菜雞柳，川式泡菜酸酸辣辣很開胃，推介！而川式駌鴦蒸烏頭因配料的味道未能進入魚肉，這個不特別推介。小店尚有其他加入四川口味小菜，例如醬爆生蠔就是我想一試的，可惜當晚已售完了。