圍威喂 (誠信中心) (已結業)

叫外賣食，圍威喂，睇落個名幾得意就落左單叫了一個檳城炒粿條個粿條似香港的河粉，個醬汁咸咸甜好開胃，有驚喜的地方是有臘腸，第一次覺得同河粉是夾的，整碟炒粿條就算外賣來到依然夠鑊氣，真不錯

Met up with boyfriend as he had to pick up something near by. We decided to have lunch before the pick up and came across this cheeky place called Wai Wai Wai.  Or more like the different tonations of the word in Cantonese.It's definitely quirky. The whole place is designed that way  right down to the napkins.During lunch, they have a lunch menu that includes a drink for $3. Menu is in English and Chinese. They seemed to serve Malaysian/Singaporean type of dishes.Instead of my usual ice lemon te

夜黑風高殺人夜的一個晚上，我對著電話Whatsapp錄音，深情地唱著"別問我是誰，請與我相見，我的真心沒人能夠體會"可惜她還是一口拒絕了我一片真誠與真心，為此，我沉思了很久，還是不明白"像我這樣本質靈魂的男人不多，為何還要讓我難過"。翌日見完客後，咁唯有自己一個去環境簡約，骨緻的圍威喂啦。1. 炒鹹牛肉厚蛋吐司：厚蛋的嫰滑，但吐司仍然感受到脆口，吐司包皮金黃，啊，唔係，係表皮金黃，蛋和牛肉煎得夠結實，成個大隻佬咁，再幫大隻佬搽上薄薄的牛油，保證係女人都流口水。2. 巴打凍檸茶-+$3：正所謂：如果生活給我一個檸檬，我就嗌杯檸檬茶先。茶味淡身，香而不澀，特別心思在外間少見，加片青檸拼出西柚果香，味道微微酸微微澀，飲到我一路對住yanny微微笑，一路問佢今日係咪19號，因為我開始有點兒懷念當年的19號。被女人拒絕真係好Hurt的，男人同女人之間的關係就好像鼻哥窿和手指公，鼻哥窿痕癢在哪裡，手指公就出現在哪裡，鼻哥窿可以拒絕手指公的撫癢，手指公卻無法拒絕鼻哥窿的誘惑，再這樣下去，舒服既係鼻哥窿，辛苦既就係手指公。

#cassiegolaichikok-If there was no TMR, how hard would you play? 點玩我就唔知，不過點食我就知道啦！今次瘦編就黎到荔枝角D2 Place附近嘅一間文青系餐廳，由Supergirl嘅Yanny開，裝修好時尚好有品味。😋-餐廳主打東南亞菜式，不過我自己覺得以泰國菜為主。小食叫左個蒜容牛油雞翼($58)，熱辣辣新鮮炸起，好脆口。主食叫左豬頸肉青咖喱($88)同泰式香葉肉碎炒飯($78)，青咖喱好香又唔會太辣，豬頸肉夠嫩有咬口，有好多舊，份量足料，炒飯夠鑊氣，配埋青咖喱汁一流！🤩-飲品方面啲名改得好有心思，叫左杯「香港的奶茶」，雖然只係普通奶茶，但係都有茶餐廳水準。另外，啲餐具設計真係好靚，食完個炒飯之後，係有彩蛋嫁！（碌到後面嘅圖就會睇到🤓）👉🏾👉🏾-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4) 回購評分▶️️️🌕🌕🌕🌕🌗 (4.5)-➡️ 圍威喂 (荔枝角)📍 荔枝角青山道495號誠信中心地下1號舖-

由於自己喺附近做野 所以成日會經過圍威喂 中午lunch時段都幾多人但由於我兩次都係夜晚黎食工廠區附近無乜人所以都吾使等位其實個鋪頭係幾有特色除左打小人呢個gimmick店內裝修都幾有特色今次試左幾款特色小食都吾錯 海南雞好滑 去左骨 食得好方便要讚下個油飯 一啲都吾油但好香 好好食豬頸肉沙律 🥗酸酸甜甜 好開胃份量正常 生菜包個肉粒好有味辣辣地 炒得好香春卷係好明顯即叫即整個皮好脆 檳城炒棵條棵條啫係河粉好香口 少少辣 同份量都幾多馬拉盞炒通菜 吾太油 啱啱好整體黎講 雖然吾係超平但味道對得起個價錢

今日突然想食泰菜，搵下搵下就搵到圍威喂。首先覺得個名幾得意，再睇埋餐廳門口個大餐牌就決定一試。午餐選擇款式都算多，基本泰菜的炒金邊粉炒飯湯河都齊晒，朋友揀左香辣肉碎煎蛋飯，而我就試咗香辣（少辣）豬頸肉炒飯。炒飯賣相雖然好一般，但味道唔錯呀😋豬頸肉切成一粒粒去炒，保持到豬頸肉應有嘅口感。份量都幾多，佢個少辣亦控制得非常好，對我唔太食到辣嘅人嚟講啱啱好，而且真係未必間間餐廳肯做少辣。加埋杯熱檸蜜都係$71，有咁樣嘅份量+質素係個好好嘅選擇，可以再幫襯😋👍🏼

近期在抗疫時期 都忙在處理同購入抗疫産品小左蒲頭出街 放假當日想鬆一鬆 出去食個下午茶先 响IG見到嗰post 張紙巾好有趣同女子組合Supergirl@Yanny開嘅就吸引左我黎食下嘢喇餐廳主打係東南亞菜 下午茶亦好多選擇有想過食海南雞飯嘅 但都係想食咸牛肉厚蛋三文治🥪$34同Order咗杯名好有趣嘅 （唔洗返工飲拿鐡$32 跟餐半價拿鐵咖啡拉花精美奶泡亦打得细緻飲一口覺得好滑😋咸牛肉厚蛋三文治🥪 黎到與名一樣夾住超厚咸牛肉同厚蛋視覺上巳經好吸引一咬落去鬆軟既麵包啖啖滿口配料超滿足 咸牛肉多到最後要搵支叉再食過 餐廳環境都有D打咭位 同埋逢星期六有請人來專打小人玩味十足😂下次再過開黎食下海南雞同其他東南亞菜先#food#圍威喂#東南亞菜#咸牛肉厚蛋三文冶#唔洗返工飲拿鐵#yanny

去行完荔枝角啲商場，想搵間嘢食食，見到間裝修環境獨特嘅餐廳🍴所以就去左呢間東南亞菜圍威喂試下🗣聽到隔離枱叫左個青咖哩雞肉炒飯🍚炒飯頂鋪左啲脆脆，炒飯好有鑊氣，幾乾身👍🏻聞落好香青咖哩味🍛但食落唔辣，雞肉肉質嫩滑🐓裏面仲有蛋花🍳豆角、辣椒🌶️圍威喂！生菜包🥬肉碎同辣椒撈埋一齊，食落有少少辣少少酸😋而且生菜同肉碎份量絕不吝嗇，食完都有少少飽☺️凍台灣黑糖鮮奶🥛黑糖好足夠，鮮奶充滿黑糖嘅甜味🤤凍京都抹茶鮮奶🍵抹茶味啱啱好

今日喺荔枝角收工，同事建議去青山道食泰菜，來到這間裝潢新穎時尚年青的"圍威喂"餐廳，入到餐廳有特色打卡牆，坐得舒適。看看餐牌，有泰越式小食、泰式前菜、咖喱、冬蔭公湯、泰式炒河、金邊粉、粿條、串燒、小炒等等。圍威喂！炒金邊粉 $85我點了這款招牌炒金邊粉，賣相有特式，外層的蛋是網狀的包著滿滿的金邊粉，整體汁潤不乾，配有泰式辣粉，蘸上一點辣度十足十分惹味。青咖喱 生滾雞球 $88青咖喱濃稠度正好，帶點微辣微甜，雞肉嫩滑入味，配菜有豆角、茄子、椰菜和西蘭花等，配上咖喱都十分美味，不得不叫一碗白飯$11，拌上咖喱汁下飯十分滿足。台灣蜂檸蜜 $18

荔枝角越來越多新野食而且帶住2個小朋友出去盡可能都搵D坐得舒服少少既餐廳係工廈區比我搵到呢間平靚正既東南亞菜😍餐廳裝潢有花過心思, 令我都有影低相紀錄一下📷時間就黎3點, 所以決定order下午茶就算係下午茶Menu,都不缺飯麵選擇無骨海南雞飯係出色既👍D雞肉好嫩,而且個醬汁都較得好惹味我自己個日唔係太肚餓諗住叫個吐司就OK, 點知黎到勁大份😂個賣相真心唔錯👍食下食下又比我食哂成份雞翼即叫即炸, 個皮勁脆勁香口野飲有成頁選擇, D名仲有特別改過我呢杯係唔想返工飲拿鐵😆埋單價錢好合理, 只係比茶餐廳貴少少餐廳逢星期六會邀請專人黎幫手打小人🤣有機會可以過黎觀摩下

放工想輕鬆一下，終是同閠蜜去左荔枝角D2 place 附近既餐廳搵食。呢間餐廳坐得幾舒服，主打東南亞fusion 菜。我地兩個叫左三道菜：青木瓜沙律、青咖喱豬頸肉、泰式蟹肉炒飯、仲有杯台北士林夜市愛玉冰個泰式青木瓜沙律係推介菜式之一，木瓜都幾新鮮，個沙律好惹味，一開始微辣，之後愈食愈辣青咖哩豬頸肉咖哩味濃，豬頸肉夠多泰式蟹籽沙律，外表平凡，但連蟹籽同蟹肉拌炒飯食，個炒飯有香既碎蛋，食同埋青豆粒，口味豐富又唔會乾。新年派利是封😎埋單309蚊，人均消費150左右。

公司迫放假, 今日下午請假去荔枝角香官睇下有乜嘢靚衫, 順便搵間新餐廳食個平靚正下午茶｡ 其實荔枝角香官附近的餐廳選擇不太多，大多數都是一些茶餐廳。突然見到有一間名字非常吸引的餐廳，急不及待跑進去｡ 餐廳名字【圍威喂】非常本地化口味｡餐廳不大, 但是設計modern 走年青路線｡霓虹光管寫住 "If there was no tmr, how hard would you PLAY" 好好提醒我們這些打公仔不要只有工作沒有生活｡最抵死是餐廳於指定日子提供打小人服務，俾大家寫上唔開心的事唔喜歡的人，搵專人打小人讓大家減壓。正！餐巾都好可愛, 喜歡這些有心思，注重細節的本地餐廳看一看下午茶餐牌，有一面是麵包吐司選擇，一面是馬來西亞分粉麵選擇，原來這一間是馬來西亞餐廳？【馬來西亞怡保海南雞湯河 $49】原本想要河粉，點知竟然賣哂唯有轉左米粉。海南雞跟了三個醬汁: 黑豉油、xo 辣椒、酸甜醬， 少了我喜愛的薑蓉醬。雞件數量適當而且切得公整，雞件不太瘦而且皮下有些脂肪，剛剛好｡ 這個海南雞飯選用走地20天的粟米雞，肉質嫩滑｡雞的味道是不錯不過配米粉好似不太麻麻，都係襯番油飯比較好味。下午茶餐跟了

呢日去接女朋友做私事，所以我地就係佢公司附近既呢間餐廳食個靚靚下午茶啦！咁我就叫左一個無骨海南雞飯同埋溏心蛋雞扒吐司，野飲就凍奶茶同熱檸蜜。海南雞飯配既係油飯，我一向覺得海南雞就係要配油飯先係王道！呢到既油飯粒尚算分明，味道唔錯。而雞既份量其實都唔少，睇相好似得面果層，但其實佢下低仲有層簿簿既雞肉，雞肉幾嫩滑，唔會煮得過熟，配埋相中中間果隻醬汁就更加惹味，微辣得黎好岩配飯食！個set仲包左個油菜仔，咁菜既份量就如圖啦。另外女朋友叫既吐司，賣相好靚，但奇怪既係溏心蛋黎到變左太陽蛋，雞扒就煎到外皮香脆，篤穿埋個太陽蛋再配埋香脆雞扒同吐司食出奇地夾，而且雞扒都好入味。而奶茶不嬲都係我至愛，呢到既奶茶茶味都幾足，係我鐘意飲既味道。總結黎講，如果係附近番工或者咁岩經過既話，呢到不失為一個好既選擇呀！完！

特色餐廳呢間主題餐廳好特別，主打東南亞菜式，嚟食咗個早餐 ，係香港人減壓之選，每逢星期六會有專人幫人打小人，仲可以寫字條留低你既心情，餐廳環境舒適，亦相當寧靜，傾計非常適合，侍應生服務態度好，餐廳好有設計同創意。我既order有：▪慢煮雞胸肉拼黑松露火腿豬肉蕃茄湯通粉蕃茄湯底濃，火腿豬肉黑松露味道突出，雞胸肉雖不太入味及有點鞋，但所有食材配搭起來，整體上味道不錯。▪黑松露炒蛋吐司黑松露味道依然突出，蛋炒得夠滑，烘底多士口感不錯。飲品點了熱檬水，價錢亦合理，早餐來說份量不少， 整體來說，食物水準不差，值得試試。

日日都煩惱食乜好 友人話依間好ok 一於去試下 捉埋幾個朋友仔一齊試這個不錯 仲送油菜 不過雞肥左啲 唔夠滑 中間個汁同雞好夾😋炒得好香 份糧好足 豬頸肉有點硬哈哈 😄要食晒啲飯先得架👆🏻麻麻地的春卷 🤷🏻‍♀️杯檸蜜好味這個金邊粉🤦🏻‍♀️完全唔入味 湯有湯味 （淡）粉就有粉嘅味 各樣食材嘅味道都係分開的 這個有點普通依個正呀 個雞扒做得好好 好入味 不過佢寫住糖心蛋 依隻明明係太陽蛋 多士硬左啲啲 整體都好正下次再嚟試其他嘢 都幾好 無介紹錯