圍威喂 (誠信中心) (已結業)

呢間喺公司附近，但係一直未有機會食，上星前趁住同同事食飯，就嚟試吓。泰式濃湯牛三寶船河 $78三寶係牛丸、肥牛、牛腩，份量足夠，味道濃，但估唔到肥牛有筋，有點失望。海南雞飯 $78見到其他枱都多人點呢個，啲雞幾滑，配油飯，跟餐有一份生菜🥬，整體不過不失。滾濃湯椰香冬陰功海鮮湯泡飯 $72呢一個最有驚喜，冬陰功湯底惹味，但唔會太辣，另外都幾多海鮮配料（有蝦、大量蜆肉、青口、魷魚）因為配飯，所以呢個都幾飽。跟餐加$3 有指定熱飲/凍飲或半價點額外餐飲。不過，上凍飲時間太耐了，同事食完，杯珍珠奶都未黎到。

刷新眼界-2件蝦餅正價$94，特價$74今日去朋友荔枝角屋企作客，其中叫左份蝦餅，圖片眼見係4件$94，到手後2件，打電話查詢，職員話係有3件，我話我到手得2件，佢同其他人講左就改口話外賣得2件，要堂食先有3件👍🏻👍🏻原價$94得2件，折實咗都要74元，尺寸仲要係迷你版😂😂呢間餐廳，食水太深啦。之前曾經堂食過，食物味道普通，知道佢係貴，但係唔知道佢個蝦餅原來咁矜貴😂😂重點係味道都係普普通通😓😓

因為公司喺附近，所以成日都會嚟食午餐。就算開OT都會落嚟買個晚餐。今次試咗佢哋嘅豬頸肉撈麵，好多塊豬頸肉同埋個麵一啲都唔多油，覺得好好食，再加埋少少櫻花蝦同埋辣辣地同事話呢個應該係之前冇最近有，所以就即刻order咗，希望keep住放喺餐牌啦🥰🥰

於2024年2月16日午餐。店名跟餐廳裝修作風一致有趣，上網查一查先發現只剩荔枝角分店。海南雞河粉🐔採用了雞上脾，雞肉肥瘦適中，。本人很介意雞皮上看到有毛毛，但這個不但沒有，且雞皮、雞肉都幼嫩，滑身，不配醬汁都很美味。河粉滑身，吸了清雞湯的味道，一道愈簡單的菜，愈難做得好，這個真是要鼓掌。冬陰公海鮮湯飯🦐第一觀感，就是足料，湯飯上面舖滿剝了殼的蝦、魷魚、青口、蜆肉。冬陰公湯煮得香濃，蕃茄的甜、檸檬的酸和香茅的香等配料，湯酸酸甜甜，十分開胃。雖然吃得出是冰鮮蝦，但肉身都爽口，青口意想不到的甜。湯撈飯真是一絕。-檸蜜水好味道，蜜糖很香花味-外賣自取9折地址: 荔枝角青山道495號誠信中心地下1號舖

店內一個後生女侍應服務態度差勁，首先我同小朋友一齊用餐，食物黎到後我叫嗰位女侍應比一個碗仔我，再之後我唔該再問佢攞多杯水，佢竟然好冇禮貌咁同我講下次一次過講，其實成個用餐過程，我都冇再麻煩過佢，只係問佢拎咗呢兩樣嘢，可能因為咁令到佢要行兩轉，其實今時今日咁嘅服務態度真係好差，其實唔想返工可以選擇唔好做，對住客人可以咁冇禮貌，香港飲食業真係比呢啲人害死。從此blacklist,希望店家再培訓店員。激氣到浪費咗我咁多時間上，OpenRice寫食評。

之前食過都無咁差，今次外賣午市lunch咁嘅賣相唔包飲品就62，食到一半都反胃，個汁無咖哩味又無椰香味，得果一舊茄子仔，好似食緊忌廉溝飯咁。雞扒又硬又老，無下次，唔推介。

馬來西亞泰國菜的合體，看似星馬泰又像泰國菜，主要是裝修環境都很精緻，餐具，配套都很精緻，都是菜式口味一般喂，白飯也偏硬，不過以上價錢不過不失 以路過的打工仔來說是個不錯收工的選擇😉

荔枝角雖然多咗好多餐廳，不過幾次經過圍威喂都因為人多冇入到去，今日係星期日嘅tea time, 有半個場任我坐，諗都唔諗就選擇一試。炭燒豬扒流心蛋多士（丹麥包）豬扒有驚喜, 薄得嚟唔會乾身，都會食到好juicy入味，味道少少鹹香👍🏻👍🏻丹麥包烘脆外面，香脆鬆軟，正😋

I booked the restaurant at 6pm on 3 June  (Sat) for 4 pax and planning to celebrate my friend's birthday at this restaurant. I called the restaurant one day before asking if I can put a cake at the restaurant earlier at 2pm on Sat. However, the staff rejected saying that the fridge space is limited and cannot help to keep the cake. This is totally disappointed and so I cancelled the booking.  Never want to go back for this unfriendly service. 

夜晚想搵間平平哋、企理嘅東南亞泰國菜食飯？以下落嚟介紹嘅餐廳，人均都只係$150 ，價格相當親民！原來平日夜晚都好多人幫襯，各年齡層都有，裝修方面鮮艷有活力，原來仲係生酮友好嘅餐廳，有幾款菜式都好生酮人士享用！喺荔枝角同埋荃灣均設分店！🌸🌸🌸🌸🌸🌸🌸🌸🌸🌸🌸🌸🍃黃咖哩軟殼蝦 蝦頭油豬頸肉炒無米飯 $128好有泰式風味，蝦嘅肉質不錯黃咖哩不太辣帶有椰子香，好岩港人口味，豬頸肉切細容易入口炒無米飯最啱就係生酮人士食用，口感鬆散，比米飯更好吃🍃圍喂威！炒金邊粉 $98口感好有彈性，加上各種蔬菜、醬汁同雞蛋嘅配搭，味道好豐富。辣度適中，好啱食。🍃泰奶茶雪糕配油酥餅 $58呢個甜品好特別，泰奶茶🥤嘅味道好濃郁，仲有少少茶葉渣係裡面 自家製作有誠意香脆熱辣辣既油酥餅 配埋 雪糕整道甜品嘅設計好得意好新鮮🍃就是一杯檸檬水（跟餐）🍃桂圓紅棗茶 熱 $28

今日想快趣食個飯，附近見到呢間餐廳好似食物賣相都不錯就去食。叫左個大蝦炒金邊粉，因為餐牌金邊粉旁特別寫左可轉素食。所以我order 個時專登講，係要大蝦金邊粉。野食好快黎到，咁我用筷子翻一翻，見唔到有蝦，就好有禮貌同店員講，唔好意思，我睇一睇好似無蝦(用筷子翻一翻啲粉比佢睇)。我怕可能搞錯左係素食餐。後生女侍應就拎去同廚房廚師講，廚師就話，係入面啲蝦呀，之後就同個女侍應嘈起上黎，我之後淨係聽到。“ 咁你同個客講佢咁蠢咁都搵唔到隻蝦囉!! “我足足聽到3次，係好大聲咁講真係乜食慾都無哂，就算我搵唔到，好好聲聲同我解釋翻咪可以，唔需要咁講野呀麻？？最後，全場唯一最落力，最好態度既姨姨侍應過黎同我解釋翻其實有2隻蝦，平時放係面，今日可能炒左入去。其實我並不介意，好好解釋翻我完全接受。根本唔需要之前咁樣講野，完全唔會尊重人。成餐食到背脊骨落，我以後都唔會幫襯呢間。

喺荔枝角搵嘢食，行行吓就嚟到呢間餐廳圍威喂。見個名都幾特別，估唔到係食泰國嘢。叫左個泰式船河同雞肉串燒。泰式船河會跟一份魚皮。份量中規中矩，味道都不過不失。但價錢真係貴喺荔枝角呢啲工業地方。

長沙灣好多平價好東西,但見到間新簇簇又新潮裝修咁顯眼都係想試一試.餐單以泰式麵同飯為主,同時間亦有好多台式飲品,但食物質素卻係預料之外～馬拉盞香葉牛肉炒河($78)炒得幾惹味,配料紅青椒份量佔整碟粉1/3但亦比蝦頭油豬頸肉炒飯($75)好後者完全零蝦油味,豬頸肉極少,而且價值偏貴跟餐加配蝦餅($30)估唔到得2塊雖然彈牙但勁薄身完全唔符合價格總括而然味道唔差但份量偏少,杯奶茶幾好飲好大杯,但都應該無下次～

走去荔枝角工廠區搵個朋友食午餐，佢話一定要襯呢個機會食呢間泰國菜。去到見到門面光鮮，比一般工廠區餐廳靚，就已經覺得呢間餐廳唔錯。點左海南雞飯同豬頸肉炒飯。海南雞飯多肉，味道好，唯一不足係飯量少，唔夠食。差唔多食完個海南雞飯，豬頸肉炒飯仲未到，搞麥鬼？問問侍應，原來即叫即炒，一講完就送到。同海南雞飯唔同，炒飯個份量多好多，又夠熱，味道濃，絕對值得一試！午餐包埋野飲，叫左杯檸蜜，食完炒飯飲返杯，潤一潤喉真係一絕。意想唔到工廠區都出到環境好價錢正味道一流嘅餐廳！

因為突然間好想食泰國野，所以收工我地兩個人去左圍威喂食晚餐😍😍 見到佢有個2人套餐我地就即刻叫左，因為唔洗左諗右諗🤣🤣個2人餐都幾豐富，包括有小食拼盤、豬肉生菜包、青咖哩雞、炒金邊粉、馬拉盞通菜、飯/薄餅、同兩杯飲品，因為我地兩個女仔驚食唔晒，所以就揀左薄餅冇揀飯😆不過當個青咖哩雞上菜既時候我地就覺得好似配飯好食D，但原來配薄餅都一樣咁好食😍青咖哩都有少少辣，不過辣得黎都好開胃👍🏻👍🏻小食拼盤共有4款每款2件，一人一舊啱啱好😆個豬肉生菜包都有少少辣好有泰式風味！雖然睇落去份量每樣都唔多，但兩個女仔都食到超級飽，不過如果係兩個男仔食就可能要再加野了~ 同埋佢上菜都好快，整體都好滿意，下一次會試下散叫佢D野食😆