園景軒餐廳

營業中

休息中

這幾天要喺麥當勞度st.John 上堂，附近的食肆少得可憐，最就腳就是對面女青年會園景軒餐廳，冇得揀之下，午市人流都集中在此！今日大約12:30到達餐廳，大約等了5分鐘才有座位！餐廳只提供午市餐牌，有六款選擇，我和朋友點了兩個午餐：蘿蔔炆魚鬆飯$60雞中翼拼扎肉喇沙米線$63套餐配有餐湯（蘿蔔雅雜菜湯）和餐包、飲品，蘿蔔炆魚鬆都算入味，味道不錯！喇沙湯底偏淡，沒有什麼驚喜！雖然差不多是獨市生意，但款式太少罷！如果你喜歡家庭式味道，這間餐廳適合你！

每次嚟都話冇食物賣。寫話下午四點關門，但係無論三點或一點半嚟，佢哋都係話冇嘢食賣。服務態度差勁，完全浪費社會同社會福利署資源。社企攞到資助之後就完全冇諗過生意是否可以持續，其實附近冇乜餐廳，肯做一定唔憂做。

午餐叫咗個三寶飯，有叉燒雞翼同埋煎蛋。啲叉燒又硬又無味，啲雞翼有味但係好硬又唔熱，成個飯得個煎蛋叫係正常啲。感覺我比60幾蚊就係食個煎蛋飯。。。。。但係個野飲同湯都算係正常。雖然係社企，但性價比極低，可以話係難食比我一定唔會再食。去st.john學完急救嘅不如行多兩步落下面文利買個飯盒食 $38有個飯仲要好食。…………………………………………………………..…………………………………………………………..

今日食評有✍🏻 園景軒@ymca試食指數⭐️⭐️⭐店舖衛生⭐️⭐️⭐⭐侍應態度⭐️⭐⭐️⭐((每項5⭐️為滿分)) ·位於麥當勞道YMCA的六樓地段比較山旮旯不過工作經開就去試吓午市套餐有多款選擇我揀了香煎龍利魚柳日式咖喱汁配意粉(@$62)套餐跟中湯及飲品一杯(+$4)·🐟香煎龍利魚柳好「香煎」⭐️⭐️⭐⭐/5係好味😋同時都預咗係油膩同熱氣🥵🍝意粉係即時烚出嚟️⭐⭐/5冇過冷河或都落鑊dull一dull 所以痴住晒不過質感唔差🥄日式咖喱汁⭐/5就。。。。唔知點評量少，唔夠撈粉有啲「傑」不過味道係ok🍵中湯⭐⭐/5唔好期望太高😂餐湯嚟講算正常·雖然食物質素一般不過全場姐姐都好親切呢點加分👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

以為社企餐廳會無質素? 呢間餐廳絕對會令你改觀! 早前到St John上堂, 由於午飯時間只得一小時, 就到了對面的女青食午膳! 午市價錢實惠, 包湯, 餐包和飲品。四寶飯 $59有齊叉燒, 滷水雞翼, 紅腸同咸蛋。份量比相像中大, 而且餸都唔少。叉燒半肥瘦, 雞翼大隻又醃得入味, 可以話係exceed我expectation!雖然以老人家作侍應, 但服務質素不俗。喺半山以$60都找, 食到一頓午飯, 整體性價比高, 難怪頗多客人光顧!

逢黃金假期，哇！纜車的人潮都排到路中，逼得波力士大人鳴笛，其實這樣的好天氣，應該好好的行纜山徑，走上難有的英式石階，亦可看到來往的山頂纜車，比實際坐在擁擠車廂內，更有風情。行累了，在麥當奴道上的女青年會裡，即可享受半山區平實的午市，有餐包、有前湯、主餐搭飲，都在50-60元的價錢，亦有大片玻璃窗，可以賞好景湯品有中湯：蓮藕湯與西湯：南瓜湯，可以選擇，我們剛好各點一式，蓮藕湯品，不會太鹹，南瓜湯品則是可配佐餐包一起食用，都是不錯的選擇。主餐，則是點了香草燒雞扒意粉與香煎百加地汁豬柳飯，肉質皆是不會過乾的排餐，以這種事先預熱的排餐質地可以說是正常麻麻地，肉的份量亦是足夠的。飲品，則是特別加了6元點了紅豆冰奶茶，約杯中1/3的紅豆粒，雖沒熬煮的軟嫩，但也不會太過甜膩，仍可吃到紅豆的香氣，配上奶茶，算是最佳組合。環境舒適的餐廳，平價實惠，走走行山半山區，這絕對是最好休憩享食之地。

半山返工，有時都想lunch時出去食餐飯吐一吐返工d悶氣。幫親咗3年(原本一星期兩至三次，之後一星期一次，再之後兩星期一次)，感覺係越做越差！本是好支持社企，亦欣賞這群長者退休後仍努力工作。雖然價錢都略貴，但都以行動來支持佢哋。食物係有點創意，但味道就一般。最令我決定以後不再幫親的是佢哋嘅態度！那個中曲髮帶黑框眼鏡的女仕，我去到餐廳時(我食飯係12:00-1:00)大把枱是無人坐的，但佢總是要我同其他人答枱，話一陣會多人。我又唔係坐張吉嘅八人枱中間，我都只係坐張二人枱啫，咁樣你都要我搭枱坐，仲要唔止一次！心諗我都只係想食餐飯舒舒服服啫，你叫我搭枱同去茶餐廳有乜分別！d嘢食又唔係特別好食，貴又貴過人！落去穿過籃球場間文記嘅洋蔥汁豬扒意仲好食過你多多聲啦！Fusion隔離又有叉燒飯，把幾火以後都永不幫親！

這幾天要上半山上堂，因是上全日的關係，中午要各自出去食lunch, 但只有一小時，真的不足夠落去山下食好野唯有焗住山上邊搵野食，呢間餐廳位於六樓風景特別靚，地方都好乾淨，味道就.........見人見志啦，我覺得這兒係附近不錯既選擇今日試了黑椒豬扒意粉，粟米湯，凍檸茶，望落都幾精緻架，收貨啦

上星期六，有幸得到ST John通知，臨時有位上急救堂，就答應去上。課堂導師都強調過附近只有一間飯堂開／只是買面包食；由於急救堂需要體力，弱質纖纖的我梗要食飽Ｄ先上到堂。現場有一新樓盤地盤，所以要與工人們一同食飯。在排隊時已經出現人龍，在得一個收銀情況下，排了１０分鐘先買到飯票，接著排隊拎餐的時間都是２－３分鐘都ＯＫ接受。叫左個多飯的雜扒飯，但飯好似冇多到....跟餐配埋西湯同鮮茄洋蔥汁，但最後拎到係中湯，始終呢間都係社企，比多一Ｄ機會弱勢人士多一Ｄ工作經驗吧！味道可以，最好的是冇味精，食左都不用狂補水。

此食店服務太差, 決定終身不再光顧!   從未曾有餐廰職員態度如此差，叫顧客"你可以走啦"!!!!!!我也是因為報讀ST JOHN 課程, 午飯時間去光顧。本人眼見身邊各枱顧客食物已到齊大概都食完了 (大家都相若時間入座點餐),大概都等了約25分鐘 於是跟職員催促一下，但發現都沒有職員幫我跟進，用餐時間有限，故我走去近廚房再三催促。然後有位中長曲髮戴黑框眼鏡的女職員過來, 反問我是否叫了C 餐，是否湯,餐包都已經端上來，我都一一回答，意想不到，那女職員竟然跟我回答 : "那個餐沒有了, 這個你要不要食？" 我答道：不要, 我唔食得蟹 (我本人對蟹敏感)。然後女職員竟然回答：那你可以走啦，反正你都已吃過了包及湯這是什麼道理？ 我喝了湯便可以走？套餐是包餐湯及主菜，主菜未來我作用顧客要被她趕走？其實套餐售罄實屬常見，職員絶對可以先跟我溝通，然後讓我再作選擇; 錯不在我，錯在職員疏忽及溝通不足，為何反要我作為顧客被職員惡言再向叫我離開？最後我沒法子只能選他們現有的套餐並狼吞虎嚥地用膳。連坐在我對面的陌生人也覺得職員太過份，怎能叫人呆等這樣久然後叫顧客離開？  而且價錢未算太便宜，只是沒有選擇

見天氣秋高氣爽，所以係中環徒步行上半山，去一睹友人所講既平民靚景餐廳到左之後發現呢度除左係平民餐廳仲係學生飯堂點左秋天推介鴨腿肉骨茶飯同豬肋骨意粉味道ok, 份量以60零蚊價錢 加上半山景已經係值回票價服務放面， 首先好欣賞係中環都生存到既社企，人手雖然短缺， 但嬸嬸都十分禮貌同好快幫我地點餐下次一定會再黎食Lunch

昨天中午忽然想去半山走一圈，想起附近有一間社企餐廳一直想試，咁就不如這天lunch 試下啦。入座後，侍應auntie 好快手就拿menu給我。這天天氣有點寒冷，於是叫了牛扒餐（$66），當係補充下體力啦。 餐湯同麵包好快就來到，非常有效率！ 先說湯，味道不錯的，有一些椰菜及甘筍在湯裏，顔色淡淡的（証明冇乜點落牛精，好事來的！） 至於麵包，就像一塊超迷你印度薄餅（如圓），味道淡到基本可説甚麼味道都沒有！ 好快，主菜來了！！牛扒比我想像中大塊，而且幾淋及幾有肉味，不過個蒜茸汁就麻麻，因為非常醎同食唔出蒜茸味(可能d醎味蓋過哂）。整體來說，除了那塊'麵包'有點搞笑之外，這個扒餐是合格有餘的！六十多塊錢可享用草飼牛，又有view, 又是社企， 令長者門可以老有所為，真是值得多点幫襯呢！ Ps. 此店只做午市，晚餐不要來吃啊！

今日約左個舊同事食LUNCH, 佢就介紹左呢間YWCA, 好中學FEEL. 入到黎個環境唔錯, 好光猛, 坐得舒服, 又有中環半山境, 咁既價錢, 仲想點.飽同忌廉餐湯, 飽暖笠笠, 個湯有D水, 不過個味都OK, 有菜味, 我飲哂.香辣蕃茄汁鮮蝦意粉, 一D都唔辣, 岩哂我, D蝦好爽口, 意粉都炒得幾香, 我同我舊同事都叫左呢款, 我估係佢地一齊炒, 仲要係上左我個碟先, D青椒同菇去哂佢個碟度, 咁無計啦, 唯有我係佢個碟度夾返D過黎啦. 都唔錯呀! 好味, 有驚喜!D待應全部都係公公婆婆, 佢地做野都好勤快, 態度認真, 唔錯呀! 雖然今日開學, 但都唔算多人, 可以再黎呀. 

今日8月5日由於要去麥當勞道st john上堂，上堂既地方位於半山，附近幾乎無咩食肆可以選擇，所以早一日就上openrice睇下有咩好推介，見到呢間餐廳話係退休人仕開既，食評又講到幾好咁，於是放食晏就同兩位朋友(其中一位女朋友)黎到呢間餐廳時食個午餐。入到去，餐廳都坐滿八成客人，雖然有位，但我地都企左一陣等佢地黎招呼我地入座(因為有張四人座位豎立了留座的牌)；坐了大慨五分鐘，我地諗好左食D咩野，當我地示意點菜時，侍應(都係一班年老長輩)忙著，好不容易才''截停''一位嬸嬸，但佢就同我地講等一陣，唔好催，我實照顧住你地既 !過左一陣終於點左三個午餐：白汁火腿雞絲飯，焗豬扒飯，雞扒飯白汁火腿雞絲飯，雞扒飯- 好細份，味道同K lunch果d差無幾焗豬扒飯 - 相比前兩者份量比較正常，味道唔清楚，無問過朋友..隨餐奉送 餐包，西湯(入面有紅豆，幾撮意粉@@ 真係井底之蛙未飲過)，同埋是日清熱熱飲(竹蔗水..勁淡同熱茶無分別) 加埋凍飲其實我地未上午餐時想叫餐飲，但佢地都無望到我地，一係就揮佢手，佢就只會唔望住你揮你手 (老朋友打招呼!？)，到真係黎果陣，嬸嬸黎料喇!!我：兩杯凍奶茶，一杯凍檸

知道這間由退休人士的餐廳重開，於是和同事一起上去試下。個view好舒服, 望中環, lunch set 有湯, 有主菜, 健康特飲 (好似日日唔同) 和飲品朋友order 茄汁牛柳絲意粉, 個汁好好味, 而我就食蒜蓉豬扒飯, 都幾"淋", 食得出唔係用肉鬆粉的, 個汁也不錯。 仲有凍檸檳唔駛加$, 好扺, 應該會再去。