圓圓 (已結業)

早已聽聞圓圓，知道佢地既珍珠都係每日手工現做，保證新鮮。因工作關係而到深水埗，特意前來一試是否與傳聞一樣，值得冠以深水埗第一黑糖珍珠奶！！珍珠的確係煙韌，不會程粉狀，有咬口，份量好多，每一啖也會吃到珍珠。 不過最驚喜的還是黑糖，完全不會死甜和過甜，實在唔怕極了坊間那些甜死人不償命的黑糖珍珠奶，像是在喝糖水 所以令人更覺得圓圓的甜度適中（我一般第一次飲的店都不會減甜，以便有機會再買時，可以清楚知道如何調整）。值得推薦

圓圓係一間低調高手嘅台式飲料店，就算星期六星期日都唔會好多人排隊，可能地點真係有啲唔方便，不過其實深水埗都幾多野食丫。呢間啲珍珠真係冇得輸，佢有兩種珍珠，一種係黑糖，另一種係黃金珍珠，黑糖珍珠係限量供應，每日都新鮮整，食落真係好Q彈，好有𡁻口又好夠味。冇得彈！而個茶底仲正！我飲過圓圓奶茶同圓圓炭焙烏龍奶茶！兩杯都好好飲！好香好正！特別係烏龍個杯！真係超香！完全冇得輸！必試！如果飲熱飲，啲珍珠就會淋身少少，但到佢凍返啲嘅時候，啲珍珠就會再q彈返！好正！

多月冇幫襯圓圓，九月仲熱到暈，嚟開深水埗買杯凍飲消消暑先～～圓圓由嫁來香港的台灣人妻主理之前見過老闆娘，今日唔喺度佢啲黑糖珍珠係好與別不同好Q彈，同埋啲黑糖好香，唔死甜，唔係白糖味，於是支持吓1:00pm左右嚟到，唔算多人由於我唔飲所有奶類嘢，又要黑糖珍珠基本上選擇唔係咁多選了黑糖珍珠紅茶（3分糖、少冰）等左3分鐘就有，好快現煮黑糖珍珠沉喺底，拿上手，杯底仲暖暖地因為現煮黑糖珍珠嘛所以要搞勻先好飲等待期間不斷有客人佢啲黑糖珍珠係招牌

係我公司附近有間台式飲品，其實我都成日經過，但次次見到都係食飽飯，想飲都飲唔落，所以有次終於特登去咗買。之前都會見到有好長嘅人龍，聽啲朋友講，依間係由台灣人開嘅台式飲品，所以都吸引咗好多人專程黎到去試下。而我又好好彩，當日就無人排隊，由比錢到走人都係5分鐘之內而我就叫咗杯黑糖鮮奶，佢地嘅黑糖又唔太甜，我覺得就剛剛好。而佢地又係用鮮奶去整的。今次我就無叫黑糖珍珠，但我知道佢地嘅珍珠係用返黑糖黎整，粒粒都彈牙同充滿黑糖味，所以如果你地會經過深水埗，不妨一試啊！

呢間野之前成日飲，今日經過就順便買。我同朋友買咗2杯，暑假期間有得減$5！🙈黑糖珍珠鮮奶的確有幾重嘅黑糖味🥳 奶味亦都好重🙈 珍珠都幾好食!幾Q彈😂 但我覺得珍珠份量實在有啲過多! 飲到最後仲剩返好多冇食到🙊 總括依然係唔錯嘅，有少少似一芳嘅味道？🙊 但我覺得以前db 嘅黑糖珍珠鮮奶更加好飲🙈 ..............................

聽聞深水埗有一間出名的奶茶店，作為奶茶迷就一定要去朝聖！今次，就叫左炭培烏龍奶茶！一取到杯奶茶，店員已十分細心地問：要否幫忙插飲管！一飲落去，真是十分解渴！濃濃的烏龍茶味，混合著淡淡的奶香味，多飲也不會覺得膩！最讚的是不會飲幾啖後，就只剩好多冰塊！真是又冰凍又多量！如果想增加口感的話，可以選擇荔枝椰果，黃金珍珠，布丁，鮮草凍，紅豆；我就最推薦在奶茶裡加入鮮草凍，真是多層口感享受！另外，在呢度叫微糖，真是減少好多糖量，多飲也不會好滯！

仍然都係黑糖珍珠鮮奶🙈雖然有朋友仔話我飲得太多，但呢間圓圓聽人講好飲，去到深水埗，都係要試一試，最最最貼近小編係台灣淡水飲過最好味既李圓圓。初飲一淡d珍珠都係熱既，軟身d既，呢個係好飲既基本，黑糖味最濃既都係佢，未攪勻個時會甜d，不過同d奶攪返勻就甜度啱啱好，奶亦都夠香滑。呢間果然係一致好評。

大熱天時行過冇乜大型商場嘅深水埗，見到有班人攞住杯珍珠奶茶，但又唔見係啲好出名嘅包裝噃。之後上網搜尋附近嘅台式奶茶店發現Double Bubble，據說奶茶店係由台灣人開嘅，亦都堅持不加添加劑，所以就一於去試吓！鋪頭細細間但係超級多人排隊，我叫咗杯黑糖珍珠鮮奶，都等左我成五分鐘。但係係值得嘅，好好飲！一拎上手杯嘢飲係熱嘅，以為整錯咗，但之後店員同我講要搖勻先好飲，又真係變返凍😅濃濃既黑糖味，甜到係固定冇得選擇既，但係飲落甜度岩岩好，珍珠口感軟硬度做得好好，唔使咬好耐先吞得落肚。

📍 圓圓 double bubble之前睇其他foodie既推薦，講到話呢間係全港最好飲既黑糖珍珠，講到咁點可以唔試。尋日同男朋友咁啱去到深水埗，間野又人係好洗排隊等，價錢牌比起其他連鎖店嘅黑糖珍珠飲品平啲-黑糖珍珠烏龍奶茶 (只限中杯) @ $25係我最愛既烏龍奶茶，加埋黑糖就fit曬我。黑糖有d驚佢太甜，叫左半糖少冰，黑糖珍珠好QQ，好有咬口，好重黑糖味，仲有啲焦香味。烏龍茶有炭焙味，帶有輕輕嘅甘香茶味。呢杯都可以算係我心目中top既珍珠奶茶之一。-圓圓珍珠炭培烏龍奶茶 （大杯，少冰少甜）$26圓圓系列原來係可以滿足兩個願望，有黑糖珍珠同黃金珍珠。偷飲男朋友個杯幾啖，呢杯既烏龍茶味更加濃，夠濃味又有茶香，唔係得死甜，可能係黑糖珍珠份量少左一半同埋有d冇咁甜既黃金珍珠。講真，呢杯更加啱我呢d好濃茶味既人。最欣賞佢既飲品飲完之後個口唔會好頸渴，整體中上，小店來講好出色。-地址： 深水埗欽州街74A號地下3號舖-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻👍🏻(5個👍🏻為滿分)

呢以日行幾分鐘街都熱到出晒汗咁☀️☀️🔥真係頂唔順岩岩係深水埗行行下，經過圓圓，記得有唔少朋友推薦過，就即刻買左杯銷售量Top3嘅奶茶三重奏消下暑🤒圓圓最特別係佢用黃金珍珠，比一般珍珠奶茶唔同，而且奶茶底幾香，值得再戰🥇🥇

今次經過西九龍中心見到呢間圓圓主打黑糖珍珠，忍唔住要圓買返杯先。見個價錢牌比起其他旺角銅鑼灣連鎖店賣嘅黑糖珍珠飲品平啲啲，可能都關地段事吧。點咗杯黑糖珍珠烏龍奶茶。基本上佢有得比顧客揀有無珍珠同有無加奶，所以同一個黑糖+烏龍佢會係餐牌上出現幾次，差啲睇到頭都暈🤣等咗一兩杯就到我，攪勻啲黑糖珍珠底之後一飲，發現啲黑糖味同一般之前飲開有啲唔同。其他地方飲過啲黑糖漿係有啲焦味同輕輕嘅甘香，飲落味道較濃啲。但呢隻嘅黑糖漿就再偏甜，連啲珍珠一咬落出都好甜，所以未必人人都岩，有需要都可能選擇返個甜度

深水埗區除咗一般茶餐廳外，愈來愈多年輕潮流嘅餐店，呢間圓圓都係到開咗好一段時間，主打係黑糖飲品。之前睇過網上報導好似話係台灣人走過黎開，啲黑糖仲要有每日新鮮煮，好似好正宗一排隊就聽到店員之間傾計係用國語，感覺好似真係台灣野喎點咗杯黑糖珍珠鮮奶一飲，好好味呀係好香好濃嘅黑糖漿！啲珍珠偏硬身，口感好強，好Q。一準備好拎上手個刻仲感覺到個杯底係暖嘅黑糖珍珠同鮮奶永遠都係最好嘅配搭，而呢個黑糖漿嘅甜度同鮮奶混得岩岩好，唔會話過份甜而且價錢黎講都算係抵！屬性價比高

小小既店舖坐落於深水埗西九龍中心對面，夜晚八點幾 有幾個顧客排隊等候，叫咗一杯大既"圓圓珍珠炭焙烏龍奶茶" ，少甜走冰，裏面有兩款珍珠混合，分別係黃金珍珠＆黑糖珍珠，珍珠非常有咬口勁煙靭，炭焙烏龍奶茶都好出色，好香好滑。圓圓珍珠炭焙烏龍奶茶，L size （$26）Order飲料既時候，店員細心咁問要唔要少甜和少冰，非常細心！！本以為有關黑糖既產品都沒有少甜既選擇，所以提醒了我要少甜和走冰，最後還有開飲品和篤飲筒既服務，非常細心。

深水埗西九龍中心對面起咗呢一間圓圓黑糖珍珠鮮奶雖然冰度甜度都冇得調教但飲落嘅甜度同冷凍度都係非常之適中佢嘅店舖好細 完全睇唔出佢係一間咁有實力嘅黑糖珍珠鋪頭 大家嚟到深水埗一定要試吓呢一間飲品店

雖然黑糖珍珠奶茶熱潮過咗一排，今日經過深水埗口痕，諗起呢間圓圓坊間評價都幾高，買杯試吓。黑糖珍珠鮮奶等3分鐘左右就有，一上手，係咁多杯以來最燙手嘅一杯！好熱呀啲黑糖漿，搞到用上面嘅凍奶冰敷左一陣先再拎上手影🥵🥶上下搖勻咗黎飲，黑糖味都幾足料，又唔算太甜。可惜珍珠硬硬地，要咬一段時間，扣左少少分（但媽媽又覺得OK喎，it depends啦🤪）。飲完之後個口亦都唔會好似鹿_巷個d咁頸渴，整體中上，小店來講好出色😼另外，側身牆有一幅獨角獸畫，打卡一流呀🦄️♥️-黑糖珍珠鮮奶 | $28-