土司工坊 (已結業)

星期日趁好多舖頭年後大減價去左元朗型點2期行街買衫，行到攰攰地走左去Toast Box食下午茶，叫左個叻沙湯米加一杯熱美祿。首先要讚一讚點餐時員工態度非常有禮有善。個叻沙湯米都幾好味，入面有2隻蝦、半隻蛋、幾數唔知係魚片定札肉同少少芽菜。個湯底味道啱啱好唔會過濃，D蝦非常新鮮D肉質仲彈牙唔會“梅”，雖然碗湯米唔係太熱，但都ok. 另外杯美祿用料非常足，味道好濃一D都唔會話因為跟餐加3蚊就有而“淡茂茂”。

過完年商埸舖頭大減價，剛剛同老婆去元朗型點二期商埸shopping完，行到攰攰地，又有點肚餓，見到個商埸附近有間Toast Box餐廳，就入去坐一陣食個快趣下午茶餐，順便休息一下。我自己叫咗碗冬陰公海鮮湯米線，再加杯熱咖啡，盛惠$61。米線份量略為少D，但好好味，如果湯底再熱一點就更加好。而杯咖啡味道不錯，夠熱又夠味，又唔太甜。呢間鋪頭的服務員的服務態度唔錯，有問又有答，並會對你微笑。在星期日的下午去食野，只是等了10分鐘就有得食是非常好，下次可以去再帮親。

從未去過咁差嘅食店，服務態度極差，冇人執拾人客已走剩餘的餐具，比個牌叫你等食物，食物未齊，2個服務員想過來收牌，已再同佢地講飮品未到，隔多陣有位阿姐再黎話飲品自己出去攞，但從來冇人講飲品自己拎，邊有咁離譜，冇下次😡

昨晚有事做，差不多八點幾才到這店。我想黎呢間食好耐喇，不過平時星期六日都好多人，根本好難有位。今次係平日夜晚，又過左多人的時候，所以大把位。因為不吃辣，所以叫了個煎蛋午餐肉通粉醫肚，加杯熱檸水。熱檸水一早拎得，通粉隨後送上。送上時，侍應還叮囑我小心熱，好窩心！通粉質感比較粉，我就麻麻地欣賞了。煎蛋和午餐肉都係普通野啦！一個人的晚餐，最緊要快，又可以嘆下。

今日返工前去咗元朗「形點 」間土司工房食下午茶，見到佢有個餐蛋麵套餐，價錢算ok，所以入去試下。當時舖頭入面唔算太多客人，所以好容易搵到位坐。餐蛋麵……………味道一般，碗麵拎埋位已經唔係太熱凍檸檬茶………… 完全冇茶味

幾年前去過新加坡，食過當地既toast box, 個時係第1次食叻沙，就已經比佢既味道迷上了，之後去馬拉試過，硬係覺得差少少，無新加坡食個個湯底咁正宗，導致係香港開左咁耐，我都無打算試~ 今次媽媽話想試下，就一於試試佢既味道啦！ 媽媽唔食辣，叫左雞翼煎蛋公仔麵餐，$36 食個公仔麵硬係覺得唔抵，不過出去餐廳就係咁架喇，我就糾結左好耐食娘惹叻沙定新加坡叻沙好，問左職員原來娘惹既酸甜d, 辣味少d, 我都係揀返正宗叻沙算！湯底都算濃，但都係無新加坡個邊咁香，可能始終廚師唔同，同埋要就返香港人口味，食落都唔係幾辣，椰味都食得出，但整體算係唔錯，加配左雞翼，好好味，皮脆肉嫩，正！神來之筆係個咖吔多士！！！ 超好味，好鍾意個醬，不得了，但16蚊2件仔就有d貴，可以自己買醬返屋企整

之前黎左呢度食DINNER, 第一次黎食咋, 點左個星洲叻沙套餐 (套餐跟杯南洋咖啡)..56蚊有DD貴不過都還可以既. 碗星洲叻沙味道都OK唔錯, 湯底幾香濃, 少少辣, 有D椰汁香味. 配菜都係蝦..魚片..豆卜..芽菜之類, 用米線做麵底, 份量都OK. 而最令我驚喜既係佢杯南洋咖啡 (+煉奶果隻) 係相當好飲! 杯咖啡肉眼望落去已經覺得色澤特別烏黑, 飲落去有香濃既啡香味, 但就冇乜苦澀味,  仲飲得出呢種係炭燒咖啡既味道! 下次再黎食既話必定會encore杯咖啡!

Its very convenient to visit this place and while shopping i was hungry and this place caught my eyes and I checked the menu , it was great and i chose smth interesting biryani🙌🏼 and it was lovely!! I will surely come back and eat❤️

呢間嘅分店其實都食過唔少次包括銅鑼灣尖沙咀等等一向都覺得快靚正元朗分店亦不例外除咗為持一向嘅水準以外，服務態度亦都唔錯今日點左個餐蛋麵配油菜加杯凍檸茶值得一提嘅係個菜今日整得好食

呢間土司工坊喺元朗其實已經開左好耐，佢未有新一期商場已經喺度。雖然依家呢個商場多左好多好西食，不過間唔中都會想食下d新加坡野嘅！叫左一個小魚椰漿飯配雞脾飯同一個星洲叻沙，小魚椰漿飯有一片蛋，有d炸魚仔放喺側邊。佢仲有d 類似xo醬嘅辣醬放喺旁邊俾你撈飯，d醬其實都幾辣下，又好惹味！至於佢d 炸魚仔好香口，加埋個飯一齊食會有多一種口感！另外叫左個星洲叻沙，有魚片、蝦、豆腐卜同埋芽菜。個米線煮得耐左少少，所以偏淋身，硬番少少會好d!有時嫌熱氣會再加個檸檬惹米水潤下喉，下下火。間中食一食當自己去左新加坡啦！

年終最尾的一天想來個完美的早餐始終堅持早上要有杯奶茶醒一醒神可惜結果有點令人失望未吃過土司工坊的早餐，見11點前仍有早餐售賣一份餐蛋治加通粉，餐飲當然選擇奶茶(走甜)，因為明知這裏南洋口味咖啡奶茶都是用煉奶沖的…！ 收銀姐姐應了走甜，再跟姐姐強調不用煉奶，因為沖飲品和收銀是同一位姐姐做的，每收一位客人落單，跟手即沖飲品給客人自取坐下，其餘的食物會有專人送上…埋位一試奶茶味道…心知不妙沒想到姐姐轉頭便已忘記了走甜，仍用煉奶沖調… 一問之下…姐姐二話不說立即在面前重新沖調…換上另一杯！雖然在面前做了幾下拉茶的動作，最後再用器皿在側邊的熱水盆中盛滿了熱滾水，以快速熟練的手法溝了杯茶一下，就是這一下立即令茶味變得淡薄，呷一口茶完全沒有茶味口感之餘更是嚡口的完全不能令到未吃的早餐已提不起興趣不過…件土司餐蛋治烘底有些驚喜相信多士是預先烘熱放涼，仍能保持香脆，再加上即炒滑蛋餐肉，成件事變得不同了被這份土司 挽回些少興趣通粉是蕃茄羅宋湯底，不太入味而且通粉未淋，入口感覺是湯還湯，通粉還通粉，似是剛剛混在一起！無話可說，或者不適宜在此吃早餐下次都係吃番南洋口味的喇沙，咖央多士比較合味一些！

是日早餐，土司工坊一直都是本人的日堂早餐飯堂之一，其中一個推介，就是相片中的娘惹麵線，入口可以感受到開胃的酸味中帶點微辣，味到非常過癮，可惜的是價錢不停加，份量則不增反減。順帶一提，她的咖啡係新加坡當地的手沖咖啡，沖法跟香港的茶餐廳差不多，但味道因爲過濾的次數更多，所以口感更乾淨。她的咖啡是有⭐️⭐️⭐️⭐️🤗。抵玩指數（滿分5⭐️）：⭐️⭐️土司工坊出品的娘惹麵線，在味道上是有其獨特之處，可惜性價比指數確實不高。

假日來到元朗YOHO閒逛，下午時間沒太多人，相對上能容易找到位置。傳統土司始終還是我的最愛，今次轉了選擇回熱奶茶將它加大，並加上煉奶，只因太耐沒喝'茶走'了。套餐依舊，蛋還是選回半熟強多於熟蛋。這次的咖椰吐司有輕微烤過頭的感覺，吐司依舊鬆脆，夾著一整片牛油，還有滿滿的咖椰沾滿整片吐司，味道美味，熱吃的時候是最好味的，所以絕不能放一回兒才吃，不然會變得不夠美味。簡簡單單一個下午茶，對於男士來說應該不會飽肚，三十多元一個下午茶，那要乎不同人看是否划算。

超鍾意食香蕉蛋糕。大型連鎖餅店既香蕉蛋糕全部試過，出色一點只有美心的，因香蕉味較濃。今日我發現左暫時最好食既，係吐司工坊既!!好香牛油味，蛋糕好濕潤(其他牌子全部都做唔到濕潤口感)，較實身，香蕉味濃，勁大件，仲只賣$12蚊!!十分推介

之前睇人地D食評話呢間麻麻地, 我當然唔會盡信喇~~ 親自試左先知丫嘛!叫左星洲叻沙, 個湯呢就好夠熱喇,味道都唔差,嘩但係一食D米線就出事囉!! 非常極度淋我諗無牙既都可以食到,無誇張另外叫左杯美祿好淡好淡… 唔掂其實我覺得佢味道ok ge… 都唔算貴. 不過個米線就真係有好大既改進空間囉!