土司工坊 (PopCorn 1)

營業中

休息中

新年期間去左將軍澳親戚屋企拜年，見到唔少餐廳都無開門，見到土司工坊有開門，係食新加坡野食，見到D食物相都幾好食咁，所以忍唔住入左去食，叫左個新加坡無骨海南雞飯，今年行好運呀🥹竟然比左隻雞腿我呀😍勁開心!!油飯幾好食，唔太油膩，岩岩好，雞腿好好食，塊皮好滑，雞肉好嫩滑，仲要無骨嫁，湯及醬油方面就正常啦😝仲飲左杯南洋咖啡，咖啡味特別濃郁，仲要好滑，好似我塊面一樣咁滑嫁😝黎到將軍澳竟然可以食到咁好食既野，真係唔錯😎上網睇到竟然有6間分店嫁，希望可以開多幾間分店啦，可以方便食到，呢D店舖應該多D宣傳下，難得咁好食👍🏻大家經過真係要去食下，見到有好多野食下，下次食個土司都唔錯😍

叫了無骨海南雞喇沙，如圖，職員話係咁，似乎我唔係第一個，網上都見有其他食評都講，希望呢間公司檢討下，食無骨海南雞都係唔想食骨啫。職員話係公司嘅政策，佢都冇辦法。

叫咗兩碗無骨海南雞喇沙，但係兩碗都有成隻雞翼，點樣去叫無骨海南雞呢？問職員，我話成隻雞翼喎？！佢話佢地係咁，底下會係有肉。。。喇沙湯不過不失，米線好淋，塊魚片好唔掂。。

將軍澳站附近既平民餐廳食來食去都係果幾間，之前土司工房係坑口曾經有過分店，而家終於係將軍澳站開返一間，總算為附近居民提供多一個速食選擇。餐廳以自助搵位及購票嘅快餐模式營運，套餐分為主食（飯面類）同輕食（吐司，雞蛋等）。飯面類當中有多款不同配料的喇沙可給選擇，而輕食類就貼近新加坡本土的早餐店所售賣的組合，有咖央多士，配一份溫泉蛋，附送一杯餐飲，可以選擇馬來拉茶，咖啡等南洋特色飲品。今次試嘅係炸雞扒喇沙同埋咖央多士套餐。炸雞扒炸粉唔厚，而且肉質夠滑，而喇沙湯底夠椰香味，亦唔會太辣。至於多士都算合格，溫泉蛋我哋就用咗最正宗嘅新加坡食法，加入豉油，再點多士食用。以幾十蚊嘅價錢都算係滿意嘅一餐

岩岩搬到黎將軍澳，自己一個人都唔知食咩好，都係是但入間餐廳試下。見到佢地有新加坡既南洋咖啡及咖椰牛油配傳統土司，仲係有蛋配埋，好懷念新加坡既食物😋估唔到整得好好食，真係好接近新加坡既味道🥰係香港真係好少可以食到咁既味道，希望多D人支持佢地😎希望香港多D唔同種類餐廳可以選擇😁環境方面好舒服，坐得好舒服，裝潢得都幾好，感覺好Relax😎我去果時仲做緊好多優惠同埋有得打卡就可以嬴到$1000現金券，我自己都忍唔住打左卡，希望可以嬴到啦😁希望可以多D地方見到呢間餐廳啦，平時去唔同商場都好少見到，我自己覺得呢間餐廳可以開多D分店，咁好食既美食應該要俾多D人知道先得!!

土司工房的沙嗲牛肉公仔麵確實唔錯。麵條麵條煮得恰到好處，彈牙爽口，能夠很好地吸附沙嗲湯的味道，讓每一口都充滿香氣。牛肉牛肉片嫩滑多汁，分量充足，沙嗲醬的味道完美地滲透到牛肉裡，帶出濃郁的香味。沙嗲湯汁湯底濃郁而不過鹹，花生和香料好足料，亦有微辣的口感。沙嗲牛肉公仔麵是一個讓人滿意的選擇，無論是味道或是口感都很出色。👍

自從以前公司附近有呢間餐廳佢執咗笠之後就冇再食過啦，近排發現屋企附近又開返所以即刻去幫襯。最鍾意食佢嘅土司，不過今日要食飽啲有活動。今日就食住海南雞飯先。發現細碟左好多，只係啱啱好夠飽。好彩有碟青菜頂一頂啦但雞肉方面鞋左好多，有啲傷心。好彩有返杯凍檸茶陪伴我。。。。。另外一提，碗湯係極度鹹㗎，所以唔好飲咁多啦。希望下次下午茶去食土司嘅時候會重拾返以往嘅味道啦。唔知而家邊度仲有吐司工房呢，我仲好懷念喺星加坡食嘅時候真係好好味㗎。

叫咗個午餐肉蛋公仔麵加杯奶茶收$42好貴，仲要比錯五香肉丁，算啦無換照食，點知啲五香肉丁勁肥，啲醬汁未解凍咁，好難食！個公仔麵無嘢好講，唯獨是隻蛋正常啲。唔會再幫襯。

將軍澳popcorn呢間Toast Box真係不知所謂，今日12點鬆啲去都唔係多人時間，兩三個人排隊買嘢食，收銀賣嘢嗰條友仔真係好嘢，啲人排喺度幾分鐘都唔賣嘢，又入吓啲飲筒，又搞吓呢又搞吓＂路＂，問佢賣嘢未佢又話搞埋啲嘢🤦🏻‍♂️🤦🏻‍♂️大佬呀，知你忙，都唔好浪費客人啲時間啦，得嗰兩三條友排隊你賣咗嘢先搞其他嘢啦。你唔做生意？我咪過隔離將軍澳廣場幫襯囉，又唔係得你一間餐廳🤦🏻‍♂️下次請我都唔會嚟啦。所以話一個再好嘅商場，把關得唔好，只會事倍功半，做衰自己個商場🤦🏻‍♂️香港有啲餐廳話生意差經濟唔好，其實連自己基本嘅本分都做唔好，怪得乜嘢人。PS: 呢張相係我過隔籬將軍澳廣場買完嘢食返嚟補影，排隊啲人都唔知要排幾耐🤣🤣#ToastBox#土司工房#PopCornTKO#PopCorn#MTRMalls

重新裝修的吐司工坊見座位很舒適，充滿期待，點了一份雙拼麵早餐：南洋沙嗲牛肉煎蛋通粉，質素差得難以接受，從來未食過一份咁難食的早餐，通粉很硬，牛肉又乾又硬，隻蛋煎到老晒，湯底冇味，食咗幾啖已放棄，唯一可取係杯南洋奶茶，希望管理層可以注意食物質素，如果係咁好快又玩完

之前係地下個層，真係都可以話好食，但今次上嚟開呢間新店，真係差到不得了！碗喇沙麵入面啲麵全部係碎架！好似啲人食剩or 平時剪短俾小朋友個隻碎，即刻同員工反應，佢哋有換過碗，話可能㕑房將個麵煮耐左，但係其實之後個碗都係咁，已經冇乜胃口，再加上我見到其他食客碗喇沙麵都係咁，咁我就知應該係餐廳入咗隻差貨，唔單止係咁，個喇沙湯仲要酸架！真係唔好食，而且啲魚蛋冇味，魚片又勁硬！油菜上碟，又要夾雜咗一啲碎濕濕嘅幾條米線，啲菜又煮到勁老！個海南雞啲雞份量又少又冇味，最後杯奶茶根本就係花奶溝水再冰，真係唔好食又難飲，唔會再嚟。

一間餐廳繁忙時間賣乜無乜，唔知餐廳個管理平時係點，以前喺G/F開鋪初頭係幾好食，之後到咖哩雞轉咗供應雞翼就開始出事，好難食，連啲汁都稀到一個點，開始時不時好早就賣晒某啲items，以為汁完笠今次重開會有改善，估唔到仲衰過之前，講食物質素先，個蛋撻可以凍到個皮都硬硬地都夠膽賣，其次啲湯粉個湯底又稀又水，大家唔好期望太高。第二，啲嘢食夜晚6,7點叫乜無乜，大部份食物無準備又無心做嘅話不如執咗佢空返個鋪位出嚟開其他餐廳好過啦，唔會再幫襯，咁嘅質素執笠完全唔可惜。

食物真實版同相片賣相差極大，星洲海鮮叻沙，湯冇味，餸(包括𧎚、魚片同豆卜）是凍的, 而且晚上8點幾已經只得兩三款食物可以揀，其他賣哂，飲品亦都係，在其他分店冇咁離譜，慎入😰

這店新開，如同一個品牌，食物質素OK，只是早餐時段，備餐服務員和收銀員都係兩個人，堂食冇人清理之前食客餐飲，次次要自己幫佢執枱才有位坐😅。再次去，叫外賣自取（費事次次幫佢做額外清潔）$38 早餐set加$5 公仔麵，是大X樂價錢，差別在於那杯大size南洋咖啡，所以都OK.

10:45 排隊買早餐， 現場得三四 枱客， 我在 收銀機面前排了三、四分鐘， 收銀員說 現在做不切做早餐， 現在沒有早餐了， 但早餐是11:00點截的， 現在香港這樣服務態度， 真係唔得囉