土司工坊 (荷里活廣場) (已結業)

两個人去咗荷里活廣場嘅toast box食晚飯 主要係想試下佢嘅肉骨茶味道如何 因為本人對新加坡嘅肉骨茶有一種特別嘅情懷之前食過toast box嘅椰漿飯同叻沙同奶茶 覺得唔錯 所以今次要試下肉骨茶薏米水好大杯 好多薏米 好爽口清甜嘅感覺有一排冇嚟過吐司工房 原來裝奶茶嘅杯換咗款式 有啲掛住以前嗰個款式 配上奶茶特別好味但佢嘅茶味仲係咁濃 每次嚟都係必點的熱飲重頭戲肉骨茶套餐 ($80)好多料 有两但個大骨加好多豆卜同菜 仲有啲丸 肉加上甜豉油 好味 但肉骨茶嘅湯底並唔濃郁 略嫌比較清淡 而叻沙套餐 ($66)叻沙湯底仲係咁正 唔會太辣 好香嘅椰香味 碗麵嘅份量好大 完全食唔晒

吐司工房Kay Gor 放假當然係要見朋友啦去開附近嘅荷里活廣場，就當然係搵食啦吐司工房，一間好耐冇食嘅餐廳假日都唔係好多人唔需要揾位同朋友各自都點左個咖喱雞扒面食咖喱味咖喱味好足👍🏻而且湯底濃郁雞扒件數都好多，外皮炸出嚟卜卜脆油面就比較碎，要改善下另外點左個凍奶茶有馬拉奶茶味，同香港嘅茶走有點分別但稍為茶味比較少另外叫咗個咖央多士多士十分脆而且配搭咖央同牛油10分地道馬拉嘅感覺，不過食得多會有點飽滿分💯

荷李活廣場餐廳不多，在星期日下午基本每一家都在排隊，只有這家能夠舒適地馬上坐下來。先點餐再找位置。點了叻沙套餐，配上地道咖啡。當天好像空調壞了，每個人都熱得汗流朓背。餐廳服務生不足，用過的餐廳都疊起來，幸好食客都自律放得好好的。傳統叻沙，湯底濃郁，味道不錯。配料也很充足，有鮮蝦，魚蛋，雞蛋，豆卜。整體不錯，食物準備速度也很快。咖啡和拉茶都正宗，濃郁黑咖啡，甜度剛好，是馬來西亞風味。希望餐廳能增加人手，改善餐廳環境。

星期五晚攰到咩咁，無咩胃口，其他舖又多人等位。呢間有位，價錢又同一商場食店比較平d，所以坐低咗。當我地睇餐牌講緊食咩嘅時候，啱啱沙發位有一枱客走。清潔嘅姨姨提我地過去坐，咁沙發位真係舒服d嘅~ 唔該阿姨~ 點好餐之後，攞咗飲品就返位等。檸檬薏米水跟餐唔洗加錢，而且唔甜，所以我嚟呢間差不多次次都飲一大杯。呢個牛肉飯一向都係我嘅必然選擇。不過上年年頭食過兩三次d牛肉太硬咬唔到之後，就好耐無嚟食喇。今次d牛肉好諗，汁嘅味道都無變。凍元醃酸瓜嗰d唔係幾涷，有d雪味。蝦片仲脆脆地。眼利嘅朋友可能已經發現張單係寫通心粉，而我地食咗公仔麵。圓形機響，我朋友去攞餐，我點嘅兩樣嘢錯曬。我出去換番巴東牛肉黃薑飯返嚟咋。而朋友就算啦算啦咁食咗公仔麵，本嚟佢想食通心粉架...仲有嗰晚返到屋企，我個肚有d唔舒服，不過我朋友就無事。都係隔一排先再嚟食我最愛嘅巴東牛肉黃薑飯...

仲記得Toast Box啱啱開張嘅時候，一份早餐只係廿幾蚊，我最鍾意食佢嘅花生醬多士餐，件多士夠大份， 啲花生醬又香，煎蛋係流心嘅，同埋佢杯南洋咖啡真係好香，味道一流。但係而家就唔同啦。首先唔講佢已經加到40幾蚊一份早餐，佢個花生醬多士唔知點解好硬，又難咬，唔小心啲食真係可能會整親牙肉。仲有佢嘅奶茶，唔知係咪落得太多煉奶，得個甜字，試過飲到一半要叫佢加多啲茶俾我。依家有時行過都好想食佢嘅早餐，但係諗起啲質素一路下降緊，都會選擇食其他餐廳。如果遲啲有機會，我都想再試下佢嘅早餐，睇吓有冇改善。

今日又去鑽石山行街，見肚餓就同老公去食個下午茶。餐廳光猛，清枱快，自助形式自由度高，係食個快餐嘅好選擇。我地叫咗兩個餐。餐肉蛋公仔麵配茶走($38)。餐蛋麵就不過不失，可以有幾好味丫~但杯茶走就好香濃喇，都有啲似響新加坡飲過嘅味道。肉鬆厚多士配雙蛋加檸檬薏米水($37+4)。多士脆身夠曬厚，肉鬆夠味又多，配埋兩隻蛋真係好豐富。薏米水足料，酸酸甜甜，好多薏米，唔會淨係得水。總結係，簡簡單單食一餐，價錢又唔貴，仲想點~

夜晚去食toast box, 自己帶支環保飲管去用，但大頭蝦唔記得拎走，心諗一定俾人掉咗，第二日打去試下問，竟然幫我留起咗！服務好細心呀！唔該哂嘢食唔太貴都保持水準！

今朝身痕忽然想去toast box 食個新加坡早餐，因為好耐冇食過，有啲掛住份咖椰土司同半熟蛋🤤。到左落單時，因為太熱(是日大暑），所以飲唔到凍野，就叫左哈哈哈--美祿恐龍。咁肆無忌多皆因今日會由早忙到晚，預左體力會勁消耗，所以食多啲都唔怕.... 個賣相都唔錯，雞蛋半熟程度準確，加醬油胡椒粉好😋👍但個咖椰土司就令人太失望了，個咖椰醬好少同完全唔香，得個甜字，多士亦好似唔夠新鮮🤔幸好我飲品要左美祿恐龍，嗰種濃郁嘅美祿味道為整份早餐加番唔少分數。我估如果點左kopi隨時中伏，咁就會破壞我全日嘅心情囉！

我平時好少去荷里活，但朋友住附近，話想食過tea，佢又鍾意辣嘢咁就陪佢食呢間！其實之前係其他分店食過，本身鍾意個湯底！我係咩湯都會飲嘅人！但今次覺得唔太好味，可能質素差咗定唔知分店問題啦！我食咗一半到就唔食了，覺得味淡之餘仲食到我唔太開胃😅我平時食嘢好快手，今次食咗勁耐都未食哂，朋友仲以為我唔舒服😂佢見我食到咁咁上下就去咗Starbucks買杯嘢坐低傾計算😂多士比時都會試，但食完個喇沙真係無咩動力買多士😂希望只係個別分店咁啦，我真係幾鍾意食喇沙嫁😭

周末天氣太熱，其實都係只係適合室內活動，係鑽石山商場行街，行左幾個鐘腳都有小小攰，又有小小口乾，想休息下。與其買杯奶茶，不如我坐低食個tea，價錢可能都係差唔多。 我同朋友都鍾意飲咖啡，之前去新加坡都會食依間餐廳，既然鑽石山都有，所以就坐低買個餐，食下抖下。 因為都係下午茶，唔係太肚餓，而且都係想飲咖啡為主，所以就叫左個多士餐。 叫左個T2 餐，肉鬆厚土司 加煎蛋再加杯咖啡 咖啡有加煉奶同埋淡奶，甜甜地好飲 肉鬆厚土司岩我口味，因為我鍾意食肉鬆 煎蛋就一定要加醬油，咁先有畫龍點精的作用。 食完抖完又可以再行街街了。

好耐之前到過Toast Box飲佢啲咖啡，嘩十分難飲，可能係我自己唔識欣賞佢啲所謂既南洋咖啡啦，心想咖啡唔好飲，其他既都唔好得去邊! 至此無再黎光顧了。但日前經過佢門口見有推出冬陰功湯麵，好想試下，於是決定一試，最多唔飲佢啲咖啡啫，咁就改試下佢啲奶茶啦，點知奶茶令我十分驚喜，一試傾心好好味，好香滑好飲過好多茶餐廳啊因為一杯不理想既咖啡而錯失左品嚐咁巧味既奶茶潻! 為左你(奶茶)，我會再來光顧的冬陰功湯麵，咪道夠濃郁星洲叻沙，香濃美味熱奶茶好香滑，好飲過好多茶餐廳，推介蘆薈蘋果茶，芳香滋潤有時都唔可以單憑一樣唔好既產品而定佢生死既，咁當然一間店舖能夠經年站立得穩，都應該有佢生存之道既

星期五晚上去左土司工坊食野。首先你要到收銀機點餐，但唔知係人手不足定收銀果個人要兼顧埋水吧，排曬長龍，店員仲沖梗野飲，到佢沖完曬一大壺既美祿先得閒理排梗隊既人。叫左咖哩雞配印度飛餅餐，$58，只包奶茶或咖啡，如果想飲熱檸水可力美祿果啲，都要加$3，非常唔抵，茶餐廳都識同價錢啦，同埋我叫左美祿，飲完又唔覺得有咩特別。咖哩雞配印度飛餅，三個字，唔好味。得一舊雞腿，其餘既係豆卜同薯仔，兩件飛餅，熱既，不過唔脆，兩舊超厚粉團，難食到冇食曬。又貴又唔好食，份量又少，呃錢。

想食星加坡美食不一定要飛過去,可以去Toasr Box佢係一間連鎖式嘅餐廳,幾乎每一區都會有,最出名就係喇湯底，會有少少辣,但一定要試下,仲有麵包多士都好出名.這碗就係喇沙麵,記得撈勻之後先食, 十分惹味, 下次你一定會再想食.仲有以上粉麵精選餐廳裝修好清雅而又舒服感覺,地方又夠大, 又光猛舒服.有多款美食及下午茶有特價餐,價錢便宜,可以因自己喜好而選擇.開放式廚房可以一邊食,一邊睇下廚師的廚藝, 可以乘機學煮野食.純白色的設計,長長的餐枱,可以幾個朋友坐 下來慢慢嘆.

星期日去荷里活廣場睇戲，睇完戲想食個下午茶。不過，星期日，唔係到到都有下午茶，好多都係正價食品，就算有tea set ,都唔會有toast box $35咁抵食。一份tea ,有潮州辣蝦米包，兩隻煎蛋，一杯南洋咖啡。潮州辣蝦米包，麵包微脆，內裡鬆軟，而且少少甜。辣蝦米好香口，咸咸辣辣，真係有好多粒蝦米喺到。比起平時食餐包只係配牛油或果醬，呢款包真係好特別，好東南亞風味。個煎蛋其實無咩特別，但值得一提係，餐廳自助枱放左啲醬油, 煎蛋配上呢種醬油後，味道昇華。呢隻唔似我哋食開嘅豉油，質地有啲似意大利黑醋。南洋咖啡今次我揀左配煉奶。口感好滑，南洋咖啡好香。餐廳職員先用滾水沖一沖個杯，感覺衛生。之後落煉奶，花奶，最後倒咖啡時係好似拉茶咁，用心之作。作為$35一個餐，真係超值。

土司工房中午好耐冇食過，之前都係去開佐敦，第1次去鑽石山呢間，可能星期日+附近冇乜食肆，所以人頭湧湧，要自己係入面等位，環境設計都好光猛同舒服唔知係咪太耐冇食土司工房，餐牌好似愈黎愈少野食，冇乜選擇，連巴東牛/雞都冇，唔知係咪只有佐敦個間先有呢？！叫左個「小魚椰漿飯配雞槌」（$52）：水準真係差左，椰漿飯冇乜味，雞炸得太硬，隻蛋點解咁樣？叫左個「傳統土司」：不過不失，脆口的奶茶：跟餐的，keep到水準，好滑同埋唔駛落糖都夠味