影片
更多
2020-06-19
347 瀏覽
話說今日係我同仔仔嘅週年紀念日，其實都冇話特別想食好嘢，但咁啱之前講咗成半年幾想食威靈頓牛扒，又喺連登睇到呢間黃店評價好好，咁就諗住趁慶祝食餐好感覺冇咁肉赤啦。我哋係今日興起決定，所以去到先知威靈頓牛扒起碼早一日訂，少少失望，但唔緊要，諗住試下其他，好食嘅話，對佢哋嘅威靈頓牛扒更有期待。於是我哋叫咗兩個set，一碟香煎法國鴨肉鵝肝同一碟美國安格斯頂級肉眼，另外叫多個番茄意大利飯。意大利飯始終唔太啱亞洲人中意食熟米嘅口味，所以唔評價，但係鵝肝同鴨肉我喺出面食過，亦都自己係屋企整過，絕對有足夠理由俾第一set一個負皮，係講緊如果負皮可以俾多幾個我絕對不吝起勢俾。鵝肝好燶，唔係焦脆輕微個隻，係上下表面黑色一片，入口苦澀。至於香味? sorry我淨係食到花生油味，咁鵝肝嘅油脂香有幾多，大家估到啦。入口即化? 偏乾身，內裏綿爛。我個人覺得似鴨肝多啲lor。有啲出面壽司細鋪會有鵝肝壽司，網上睇話大多係用鴨肝代替。我可以講，分分鐘個啲仲好食啲。以為咁就完?未。鴨肉仲犀利。如果食過超市煙鴨胸/煙燻鴨胸，對比之下，我覺得個啲鴨味重好多。好啦，輪到第二碟所謂頂級肉眼。真係不知所謂，我哋要3成熟，mediu
於是我哋叫咗兩個set，一碟香煎法國鴨肉鵝肝同一碟美國安格斯頂級肉眼，另外叫多個番茄意大利飯。意大利飯始終唔太啱亞洲人中意食熟米嘅口味，所以唔評價，但係鵝肝同鴨肉我喺出面食過，亦都自己係屋企整過，絕對有足夠理由俾第一set一個負皮，係講緊如果負皮可以俾多幾個我絕對不吝起勢俾。鵝肝好燶，唔係焦脆輕微個隻，係上下表面黑色一片，入口苦澀。至於香味? sorry我淨係食到花生油味，咁鵝肝嘅油脂香有幾多，大家估到啦。入口即化? 偏乾身，內裏綿爛。我個人覺得似鴨肝多啲lor。有啲出面壽司細鋪會有鵝肝壽司，網上睇話大多係用鴨肝代替。我可以講，分分鐘個啲仲好食啲。
以為咁就完?未。鴨肉仲犀利。如果食過超市煙鴨胸/煙燻鴨胸，對比之下，我覺得個啲鴨味重好多。
好啦，輪到第二碟所謂頂級肉眼。真係不知所謂，我哋要3成熟，medium rare，嚟到未切開，把刀落去已經知瀨嘢。好難切，硬身，且多筋，切開見到一啲血（或者有啲人話係肌紅蛋白)都冇。係冇。話佢係5成我都覺得俾面，事實更加接近7成。焗住食咗一舊，真係嬲嬲哋，同望落一樣，韌，熟，多筋。實在無奈，同咗waitress講，佢問介唔介意切開中間，切開佢冇聲出，話，幫你換過碟。btw，冇道歉。一句唔好意思都冇，攞走咗。總之，換咗一碟，今次...唉，3成同5成之間啦。肉質，我諗超市98蚊舊個啲大概好食好多。新嗰碟一樣，韌，多筋。
總結成餐飯，最好食係佐碟薯蓉同黑醋沙律，順帶一提，佢上菜之前送嘅牛角包同不知名麵包真係好乾身。
如果願意俾700幾蚊兩個人嚟食差過超市鴨胸嘅香煎鴨肉，肉眼同味道似扮鵝肝嘅鴨肝，咁不妨一試，或許有驚喜。
張貼
