地道館車仔麵

營業中

休息中

下午茶餐豬扒粗$27完全街坊價豬扒入味，軟淋淋又沒有雪藏味，湯加了辣汁很惹味，如果收多幾蚊加幾條菜就perfect!裝修就是街坊餐廳的裝修，職員很nice。有機會再去附近會再去試他家車仔麵。

今晚入愛民村練波，大約7點45分到地道館 💪裡面人唔多 平日夜晚愛民村較舒服嘅選擇呀~嗌返（實際：剔餐紙）以往好鍾意嘅碟頭飯~招牌豬扒蝦條蛋飯 + 凍荷蘭谷古（濃味朱古力）$55豬扒飯印象以前上碟有塊生菜“吸油”，以前望落會精緻啲食落第一啖味道口感 解餓一流！！！豬扒軟腍，有肉感有嚼勁，鹹香有微微椒鹽同五香粉味道，油脂分佈均勻，唔會好多碎骨豬扒邊邊有塊肥肉加味（好多時唔覺意我會食左 😂）煎蛋蛋汁留落鬆軟白飯，同鮮味十足嘅豉油汁拌飯一流 🤤招牌蝦條外皮鬆脆，裡面蝦膠彈牙，有蔥/青豆係裡面令口感有層次 每次食碟頭飯都會希望可以多兩條蝦條 😋凍谷古同平時一樣，保持水準 🤩比平時朱古力味道相對會濃啲，奶味唔咁重，朱古力味更香濃調製應該有落淡奶，飲落好似食緊半黑半牛奶朱古力嘅感覺，十足十懷舊冰室味道 🤤希望呢間有得長做啦，每次經何文田都會諗起呢間餐廳架~飯麵全部都掂 😍

呢日一試嘅車仔麵簡直係平民美食界嘅小確幸！選擇豬紅同靚靚腩肉，伴隨嘅粗麵底同咖喱湯底完成呢碗温暖。車仔麵底加上獨特嘅咖喱湯底，濃香得來唔會太重口，簡直係咸香結合嘅完美例子👌。靚腩肉煮得淋身入味，每一啖都係肉汁四溢，豬紅又腍又juicy，勁滑唔會太腥，食落口感正啦😋。啲粗麵就保持得彈牙有嚼勁，同湯底掂晒！另外，柚子蜜飲品濃郁得嚟清新，解辣又解膩，真係飲兩口就陶醉喇🍹。整體上，餸量豐富，湯底夠味，加上服務態度好，等待時間都唔係太落，真係一個好地方令人想再嚟多幾轉，搵食嘅時候點少得呢個選擇呢？🍜🥢👍

難得何文田呢個美食沙漠係有特色小店，呢間開左大概幾年既地道館到宜家都仲係咁多人。環境係比較新既設計而唔係舊式車仔麵d店咁，下午真係好受歡迎坐得比較逼。叫左一碗車仔麵（咖哩魷魚，魚腐，腩肉，腸仔），秘製汁另上。成碗麵一拎到台就覺得勁野味，滿滿咁盛裝左哂成個碗。秘製汁都幾辣下，好彩另上左。成個麵都算大兜，夠哂飽。值得讚既係魷魚幾爽口，魚腐係炸過既。杯奶茶就合格，茶奶平均。除左車仔麵之外都仲有其他野可以試下。

放假同老公去何文田體育館做完gym，經過愛民邨，見到有車仔麵店，當然要入去幫襯下😋雖然口講要減肥，但做完運動，一於點齊想吃的餸😳我就點了酸齋、豬紅、鳳爪、咖哩魷魚和蘿蔔，湯底選了秘製汁🤤蘿蔔好甜，沒有渣！鳳爪同咖哩魷魚好入味～而老公就點了豬紅、咖哩魷魚、包心蟹籽丸和肥牛，湯底選了腩汁～肥牛好嫩，份量多，豬紅都不錯！每碗車仔麵都會送生菜🥬另外，三餸連飲品都只是$46，抵吃😆

三餸車仔麵誠意推介呢間車仔麵，車仔麵嘅湯底非常濃郁，每一款餸亦都好入味，麵條彈牙，叫咗腩肉，豬腸，金菇，腩肉真係驚喜到我，厚切不特止，仲要超入味，入口軟滑，豬腸亦都好濃郁滷水味，再配埋麻辣醬汁嘅湯底，每一啖入口都好幸福嘅感覺烤雞扒蔥油撈麵呢度嘅店舖唔止車仔麵，好味，連呢個烤雞扒都非常好味，雞扒超級大塊，亦都敲到雞扒外皮趣博博，但係入邊嘅肉就非常Juice多汁同埋好滑，不過略嫌蔥油撈麵，味道比較淡咗一啲，但係整體上碗麵都好好味炸雙皮奶原來真係唔止食麵先好食，原來佢哋嘅小食都一樣咁好味，呢一款炸雙皮奶同平時普通嘅炸鮮奶唔同之處就係佢有兩層外皮，所以入口係非常脆卜卜之餘，裏面嘅鮮奶都好似留心咁流出來，份量亦都唔少，兩個人可以當甜品食剛剛好👍🏻呢間車仔麵店真係擺入心，無論係服務態度，環境，賣相，味道都係一間非常唔錯嘅店舖👍🏻

放正後到家附近的車仔麵～他在區內小有名氣 街坊都愛幫襯除了有好味的湯頭 和好足料的餸還有暖暖的人情味～ 店員很熱心親貼呢♡推介 #招牌豬手 #豬大腸 #超甜蘿蔔！經過這區也不訪試試這平民美食吧ヽ（´∀｀）ノ♡ 𝘽𝙤𝙤𝙠𝙢𝙖𝙧𝙠 ₍ᐢ.ˬ.ᐢ₎˗ˏˋ想吃就收藏起來吧ˎˊ˗—✎ 車仔麵 - 兩餸麵 $40 , 加餸$8款性價比真的超高！分量十分滿足～□ 豬手爽彈厚肉 很入味！□ 豬大腸乾淨無異味 爽滑入味□ 超驚喜！蘿蔔超級甜 嫩淋無渣 大愛□ 腩汁味道剛好 不會過咸以下是這次點的作參考～ 超豐富ฅ'ω'ฅ✓招牌豬手 ✓豬大腸 ✓蘿蔔✓冬菇 ✓唐生菜 ✓幼麵 ✓腩汁✽好味指數：★★★★/5—｜ 𝘼𝘽𝙊𝙐𝙏 ｜⚐ 地道館車仔麵 @localhouse1218地址： 何文田忠孝街60號愛民廣場地下G2號舖人均消費：HK$50-60 (ppl)回訪指數：🤤🤤🤤🤤/5環境舒適：🪑🪑🪑/5

#何文田 #愛民廣場 開咗間 #車仔麵 😍係7-11後面環境都舒服 有卡位同長方枱 #價錢親民 仲有周星馳電影睇🤣🤣最近仲出咗 #蔥油系列 不過今次都係想食車仔麵多啲🤤🤤#車仔麵 $40 有兩餸一麵 額外餸加$8熱飲 +$3 凍飲 +$5識食 一定揀 #油麵 加 #腩汁 😋湯底夠濃郁#豬大腸 另加$3好入味 洗得夠乾淨 夠腍得嚟有點咬口#水魷魚 #滷水雞中翼 另加$2水魷魚 烚得剛剛好 又夠厚肉雞翼大大隻 仲要有2️⃣隻🤭好入滷水味😋😋#雞翼尖 #蘿白 呢兩款絕對係食車仔麵 #必食之選 蘿白好腍 又入湯味👍🏻雞翼尖約有8隻 都係好好味🤤佢地個滷水汁調較得夠味得嚟帶點甜好滿足🥰好耐冇食到間地道得嚟又好味嘅車仔麵啦🥰

港式地道親民車仔麵店性價比高、親民的美食，大大碗，配料足料，湯底清甜不錯。車仔麵店在民居商場地鋪，勝在價錢親民合理，車仔麵 (清湯米粉) ，配料我選了肥厚豬潤、豬紅、陳記白魚蛋、唐生菜。-豬膶肥厚，不會過乾，內裏juicy，味道不腥帶點薑味，感覺不滯。-配料陳記白魚蛋共有三粒，超級爽口彈牙，咀嚼後帶魚香-豬紅細細粒，質感不會太過死實，入口鬆軟，車仔麵必點車仔麵店位於屋邨內的地鋪，不算難找尋，店內設有卡位，食物味道不錯，bookmark會二訪😋

一向都知道何文田有間頗出名既車仔麵舖，今日同朋友去附近打完波之後，就決定慕名拜訪下😍一去到門口，就俾佢既裝修吸引咗😄 入面有好有特色既裝飾品😃😃我叫咗碗三餸車仔麵😝 有雞翼尖、牛腩和韮菜，當然仲要配一杯飲品啦😃 今次我就叫咗豆漿。車仔麵- 性價比高😃 大大碗好味又夠飽肚朋友叫咗日式豬扒炒烏冬，有隻少少流心太陽蛋，有驚喜😃😃我地仲叫咗個好正既小食，炸鮮奶食物唔錯，價錢又大眾化，可以經常幫襯呀😃😃地道館車仔麵 (何文田)何文田忠孝街60號愛民廣場地下G2號舖

因為有事去開附近，街坊商場雖然唔華麗，但價錢親民，會有可能搵到好食平民食物😆⭐️車仔麵（秘製辣🌶汁湯底、粗麵餅）配料我選擇了靚靚腩肉、豬紅、包心蟹籽丸、魚皮餃，以及加配豆漿🥛仲有送生葉🥬湯底係腩汁上加了一匙辣🌶醬，一開始食以為唔太辣，但後勁好勁，越食越辣。鍾意食辣之人可以一試😋粗麵餅口感彈牙。腩肉應該係滷水汁煮，好入味，正👍🏻豆漿甜度適中，可以解一解麵嘅辣味🥵除了車仔麵，仲有飯、小食、炒烏冬、其他麵類選擇。

地道館車仔麵 (何文田)車仔麵🍜🍜湯底腩汁🥩🥩滷水雞中翼，肉質非常嫩滑，入口即化，炆到好淋❤️❤️好正😋😋魚腐，口感一流，有魚香味😊😊唐生菜🥬好fresh😆😆食車仔麵叫菜可以有湯汁精華🥰🥰車仔麵烏冬口感十分彈牙，煮得十分入味。加上濃郁的腩汁，好好食👍👍熱柑橘蜜🍹🍹非常健康的飲品🥳🥳熱柑橘蜜味道非常清新，而且加了一些蜜糖之後，甜度適中，好舒服🤩🤩地址：何文田忠孝街60號愛民廣場地下G2號舖整體評分：4/5味道：4/5抵食：4/5環境：4/5

隔咗一排冇嚟愛民邨呢間車仔麵店幫襯，皆因之前兩次幫襯經驗都唔太好，連續兩次都漏單，今日路過決定再俾一次機會佢。可能已經有一排冇食，百物騰貴之下，不知不覺又加咗價。雖然貴咗，但係食物質素比之前好返啲。不過始終份量都係比較少。例如要加錢嘅「靚靚豬腩肉」，雖然好似比之前切厚咗、大塊咗同入味咗，但只係得三塊咁大把，而白魚蛋都係三粒。反而非肉類嘅冬菇，可能因為成本平啲，就有五粒，而冬菇亦都係我覺得味道最好嘅餸。後記：食完呢碗三餸車仔麵，去到下晝三四點開始肚餓🤣 如果你係非常大食嘅話，我只能建議你點多一兩個餸，或者… 去第二度食啦…

平日夜晚到訪，人流極少。但車仔麵好高質，食落感受到店對食物的重視。兩餸麵加熱飲只需$40，每加一款餸加$8，好抵食。腸仔 / 紅腸：坊間普遍都用水煮。而這裡的腸仔及紅腸都是煎的，而且十分香脆。牛腩：車仔麵必點菜式，忟得又淋又入味。陳皮魚旦：好彈牙，另一款車仔麵必點菜式。酸齋：有點過甜，略為失色。秘製辣汁選擇了小辣，食落好香好惹味。唯獨覺得不太夠辣，下次再光臨時會挑選中辣。整體來講，食物好高質，坐得舒服。有機會一定再來。

係何文田返左約七年工 食過呢間車仔麵兩次 對上嗰次已經係一年前😶 佢唔止有車仔麵 仲有飯類同小食 午飯時間 1240 唔駛等位直入四人卡位 今日係輕食mode 所以就嗌左仲兩餸車仔麵配熱飲 $40車仔麵🥘 1.5/5落餐: 幼麵 x 午餐肉 x 蝦條 (另加$1) x 麻辣沙嗲汁個湯味重 唔會死鹹 麻辣味唔突出 算正常發揮👌個麵煮得幾淋下 有啲糊口 唔討好😓 啲餸呢 份量少得可憐😔 如圖 午餐肉得半塊 感覺有輕輕煎過既 蝦條呢 旦係一條切開所謂刁兩條 蝦條既肉餡較散 口感一般 😓熱飲: 茶走☕️ 3.5/5茶走入口奶味較茶味重 無澀味 甜度適中 其實係唔錯既🙃 奶茶透明膠杯上 都係用黑白淡奶杯更有港式味道ps: 同事嗌左豬扒蝦條飯同雞扒蛋飯 話味道頗鹹😖 我明既 呢啲價錢唔可以要求太多 旦以相約既價錢 我會推薦愛民茶餐廳既茶餐 $3X or 百分百 麻酸辣豬扒米線配熱飲 $5X