坡椰坡囉咪

營業中

休息中

有時一個盞鬼的店名容易引起興趣，再加上全日免加一服務費就更吸引。坡椰坡囉咪是一間吃星馬菜的餐廳，位置介乎於銅鑼灣與灣仔之間。店舖很明亮，少量的裝飾看起來也很乾淨整潔，用餐環境整體感覺頗舒服。星期六都有午市和下午茶套餐，價格親民之外選擇都幾多。海南雞飯套餐 (HKD 69) 奉送例湯一碗，是喝起來幾滋潤的雪耳湯。雞加了錢轉成髀位 (+HKD 8) 皮滑肉嫩，十分鮮美。我自己喜歡蘸上黑醬油來吃，另外也可以配其辣醬和薑蓉。油飯方面，粒粒分明且油香均勻，單吃也很好味喔。還配了一碟菜。娘惹喇沙．海鮮 (HKD 72)這個喇沙可以自選配不同的配料，例如有厚切豬扒、香茅雞扒等。我選的海鮮有魷魚、蝦和青口，會需要+HKD 3，但海鮮的份量都不少的喔。除此之外還有魚片、豆腐卜和半隻蛋，好豐富。湯底的咖喱和椰香剛剛好，喜歡那種不偏不倚的味道，不會很辣又足夠惹味。可以選只要米粉或是油麵，摻摻都沒問題。我們點的午餐都有跟飲品，部份飯品會需要加錢點。凍檸檬柚子蜜梳打 (+HKD 15) & 椰奶咖啡 (+HKD 6)前者夠清新，後者在咖啡香中帶椰子的香味，入口順滑也不會苦。

娘惹喇沙（$52）麵底三選一，要咗掺摻；肉類三選一，要咗厚切豬扒。喇沙湯底唔辣，唔算好濃厚，偏向椰香味；摻摻份量足，油麵同米粉都正常，唔會太淋；厚切豬扒有驚喜，真厚切，一大塊斬開有七件，面層煎得香口，但食落唔乾，而且腍得嚟有咬口，唔錯；配菜有芽菜、豆卜、魚片、雞蛋，份量十足。焗迷你咖喱農夫包（$48）咖喱二選一，選了小印度蕃茄咖喱；肉類四選一，當然係至愛嘅牛脷啦。咖喱汁微辣帶茄酸味，味道都算濃厚；農夫包焗得夠脆，點咖喱無得輸，但略嫌咖喱汁唔夠多，唔夠點哂成個農夫包；牛脷兩片，煮得夠哂腍。凍美祿恐龍（+$15）大大杯加大大堆美祿粉，仲有幾粒棉花糖仔。下午茶嚟講，食品質素唔錯，都算幾抵食。PS：全日免收加一服務費。

今次同朋友嚟到灣仔食好東西，揀咗一間星馬菜小店，去食下佢哋特色嘅美食！餐廳環境闊落舒適，而且晚市有套餐可以點，一份主食＋飲品，甜品跟餐可以以優惠價添加。特別係焗農夫咖喱包，唔係度度都有得食，而且佢哋整得非常出色！焗農夫咖喱包＋咖喱牛脷焗得啱啱好，牛脷煎得軟嫩，農夫包外脆內軟，正！咖喱可以揀辣度，秘製咖哩香濃微辣，點包食一流。蕃茄咖喱就比較適合唔食辣嘅朋友。小食拼盤一共有3款小食，咖喱角、蝦餅等小食各3件，炸得非常香脆！秘制黑豉油撈麺 配 爐燒豬頸肉爐燒豬頸肉，色澤均勻，肉質軟嫩爽脆彈牙，搭配秘製黑豉油撈麺，更香口！班蘭千層糕煙韌口感，椰汁味濃郁，非常好吃！拉茶瀑布（凍）賣相超高嘅一杯飲品，而拉茶甜度適中、口感順滑。美祿恐龍(熱)瀑布式嘅美祿粉係面，仲有好多細細粒棉花糖係入面，超滿足！

喺灣仔食咗間幾抵食嘅星馬菜，全日免加一兩點半去嘅時候仲可以叫午餐/下午茶ღ海南雞飯套餐 $69加$8轉咗脾位 雞味香濃，雞肉嫩滑有肉汁醬汁附上三款，有黑醬汁、薑蓉同辣椒醬油飯夠香唔肥膩仲有例湯同菜跟埋ღ一口炸饅頭配鹹蛋黃醬牛舌 $45饅頭炸得香脆，夾上鹹香嘅鹹蛋黃同牛味香濃嘅牛舌，好惹味呀🤤ღ咖央多士半份配小食 $40小食有幾種選擇，春卷/蝦餅/咖喱角/魚餅/炸魚塊/蒜香雞翼/炸芝士條 揀咗蝦餅，熱辣辣新鮮炸起，炸粉薄身，鬆脆爽彈，正👍🏻多士同樣新鮮烘起，薄脆香口ღ追加小食 $22蒜香雞翼蒜香味十足，食落好香口ღ爆泡拉茶｜檸檬柚子蜜梳打跟餐加$15就有一杯大大杯，拉茶爆晒泡好吸引🤩檸檬柚子蜜梳打酸酸甜甜好清新✨

新加坡風格為主題之餐廳，非常抵吃。氣氛很棒，座位舒服，店員有禮，令人快樂串燒雞肉豬肉串燒金香，肉質嫩滑，濃郁甜美醬。份量大之串燒，不會有柴口感覺。吸引，香口又熱辣辣，香濃醬汁，滿滿新加坡風味，香濃之感覺海鮮湯摻摻湯底非常鮮甜，滿滿的大蝦，用上新鮮大蝦熬製，滿滿鮮香，新鮮彈牙，鮮味肉骨茶胡椒味香濃，肉質大份又腍，入味，配上脆口油炸鬼，很正宗。香噴噴感覺非常惹味，好好吃，香濃之藥材！食物味道濃郁又飽滿，小吃也不錯，飲品美味。美祿恐龍 新加坡國民飲品，美祿一定要試，灑滿美祿粉，濃郁！椰青香味滿滿

呢間餐廳好正呀！餐廳主打食新加坡菜，例如著名既海南雞飯、肉骨茶、喇沙等等應有盡有🙂我午市時間光顧，仲有例湯送，真材實料，好有驚喜😍😍是日嘅例湯係南瓜雪耳湯，有好濃郁嘅南瓜味，有好多我鍾意嘅南北杏，好滋潤。我叫咗一個炆牛肋骨煲套餐，喺灣仔鬧市都只係賣$69，套餐色香味俱全，仲包埋翠綠嘅生菜🥬牛肋骨炆得好腍好入味，好方便食用，女士嘅話更加可以keep住儀態咁享用🤣🤣飲品方面，我叫咗凍椰奶咖啡，比正常嘅咖啡有椰奶味，更具星加坡特色😍見到隔離位食炸物，搞到我又想食🤣 好彩叫午市套餐可以加$22 有一客小食，我就揀咗蝦餅 3件， 除咗蝦餅，仲有春卷、咖啡角、蒜香雞翼等等☝️，非常豐富🤭🤭坡椰坡囉咪 (灣仔)灣仔天樂里6號地舖

行經灣仔，俾依間個名勁吸睛嘅東南亞菜餐廳吸引住🤣 入面環境簡約明亮，地方闊落坐得好舒服👍 㨂咗一個下午茶必叫嘅雞扒包🤭 雞扒勁大塊差唔多係個包成倍🤩 上面塗滿甘香甜美嘅咖央醬😘 食落鹹香中帶一抹甘甜，滋味出奇地合拍😆 雞扒新鮮炸起，外層酥香內裡軟嫩，火喉控制得好好👍 另選了一客好多人叫嘅福建蝦湯麵🤤 麵底特登㨂風味十足嘅摻摻😚 彈牙有嚼感嘅油麵加上吸味可口嘅米粉，絕對係雙重享受☺️ 跟湯麵有足足五大隻新鮮海蝦✅ 超有誠意❤️ 食落啖啖肉好鮮美👍 勁高質😍 㨂咗兩杯高質特飲🤭 先來經典壯觀嘅美祿恐龍😎 大大杯飲料上，以美祿山作點綴😝 超級邪惡😈 飲落滋味濃郁醇香，甜美無比🥳 另一杯同樣突出嘅係爆泡拉茶🌟 真係爆多泡泡堆到瀉😝 飲落甜度恰到好處👍 奶香茶香平衡得好好🥰 超級好味😚 

今日味遊一間星馬菜小店🇸🇬🇲🇾有驚喜非常推薦如果經開過灣仔的你/你地 🙆🏻‍♀️▪️馬拉肉骨茶好香藥材味，排骨不算柴，配埋幾塊油炸鬼，點上黑醬油幾好味，好多杞子，極有風味，大推~▪️新加坡椰香咖哩厚切豬排咖哩陣陣椰香，微辣，有D細兜，早知要求俾多少少咖哩我啦，豬排連骨真厚切冇花假，出色~▪️爆泡拉茶好大杯，爆哂泡俾你打卡，泰式奶茶個feel~▪️炸蝦餅咩事咩事！未食過咁好味嘅蝦餅，炸粉薄，蝦餡好細滑，熱辣辣，呢個一定要食。▪️春卷炸得唔燶，點埋甜酸醬ok啦，冇興趣其實可以skip。▪️椰青清清地解下暑。

話說今日提早放工呢D機會真係唔會成日有🤭🤭🤭再去試下呢間星馬菜小店嘅下午茶🇸🇬🇲🇾自己嘆個tea先▪️迷你咖哩農夫包配新加坡咖哩牛腩麵包搽左蒜蓉牛油烘好，中間再釀入咖哩牛腩，佢個咖哩係幾好食又夠香濃，要彈的話，就係未算好辣，烘脆左嘅麵包好香口，啱哂點咖哩汁，今次揀左牛腩，好淰，成件事繼續有驚喜。▪️炸蝦餅要encore 嘅 item, 炸粉勁薄又炸得透，今日獨享三件，好滿足。▪️美祿恐龍上次試左爆泡拉茶，今日試另一特飲美祿恐龍，大量美祿粉舖面，再有少少棉花糖，少少甜好飲嘅~

焗農夫咖喱包 - $90CP值高嘅一道菜式，可以跟豬扒、雞扒、牛脷或牛腩，亦都可以揀新加坡咖喱或者小印度蕃茄咖喱，新加坡咖喱可以揀辣度，而蕃茄咖喱就比較適合唔食辣嘅朋友🙆🏻‍♀️我同朋友揀左新加坡咖哩同雞扒，首先農夫包焗得啱啱好，外脆內軟。蘸埋小辣嘅咖喱食好惹味，而雞扒都十分嫩滑，吸咗啲咖喱汁，食落都好Juicy。而且佢份量都多，兩個人食唔晒😂蝦餅(5件) - $50蝦餅炸到金黃色，比想像中鬆脆，而肉質十分彈牙，醬汁比較似泰式嘅酸辣醬，作為小食都幾開胃。魷魚灼通菜配馬拉汁 - $58因為落單嗰時通菜已經賣晒，所以我哋就改咗生菜，但感覺更加入味😋食落啖啖馬拉汁。而魷魚同樣好煙靭爽口，亦都容易咬斷，十分新鮮。爆泡拉茶 - $25一上枱見到已經覺得勁邪惡😈大大杯超滿足，飲落茶香味濃，唔會剩係得奶味，叫咗少甜，甜度適中，飲完都唔會覺得太膩。

其實之前開果時想去食好耐,都係最近先去,入面坐得比較逼,唔多舒適🤣午餐選擇唔算多,最後揀咗厚切豬扒配檳城椰漿飯,飯脚揀咗喇沙摻摻配雞扒。豬扒真係幾厚但望落啲肉係比較乾身,食落亦的確有啲乾,又未至於好硬但唔夠軟熟我少食椰漿飯,呢個聞同味道都有椰香,幾好,附上的例湯偏黃同油,似煲雞嘅湯,但飲落都清甜😊試咗啲香茅雞扒,正常發揮😌總結係冇乜特別🤐

平時喺屋企好少整牛脷👩🏻‍🍳除咗功夫多，要煮都唔容易。咁啱灣仔呢間新加坡🇸🇬餐廳有佢招牌咖喱，咁就梗係要入去試吓啦🙌✨【食後感】🍛咖喱秘製，唔算好辣♨️香口好食，帶有少少甜味😋🐄牛脷煎到脆香🫶🏻，肉質好軟嫩，外脆內軟，肉味濃郁🧂🍚飯一般白飯冇乜特別🥦西蘭花明顯係比較少，好似伴碟裝飾，如果佢份量多啲會比較吸引啲🥲✴️總體嚟講✔️份量充足💪✔️餐廳環境唔錯✨✔️醬汁同牛脷好夾🤝🤝✔️有飯有菜有肉，又是健康嘅一餐✔️以呢個價錢嚟講，絕對係物超所值

7月15日lunch time 沒有特別目的找一間食店, 行到天樂裡6號這一間。 之前幫襯過一次食咖哩豬扒飯正常水準。坐低之後 叫了海南雞飯套餐，等了一會送餐。見到碟海南雞全部部位都係雞胸而且全部都係雞殼部分，很多骨 於是同阿姐反映。我: 想反映下這些部位全部都係骨 阿姐回答: 做法又唔同會有骨我: 我知道我唔係食無骨海南雞飯， 但係全部都係雞殼阿姐話:咁仲健康啲啦我:我只有回答如果想健康，可能食齋會好啲跟住阿姐就走開咗完全冇理。其實個套餐都69蚊唔係特別平， 佢畀這些部位實在太差 而且服務態度都好一般，再加上佢啲肉係好嚡颯颯 ，其他賣海南雞的地方就算雞胸肉都係比較嫩滑。所以千祈唔好再幫襯 感覺十分之差

每日食晏都好多人，今日都排咗一陣先入到座。秘製黑豉油撈公仔麵配豬頸肉個黑豉油唔會太鹹，甜甜地，撈公仔麵好好食！個豬頸肉都爽口彈牙，點個酸辣汁食更加醒胃秘製黑豉油撈公仔麵配香茅雞扒雞扒有香茅味，配撈麵好好食娘惹喇沙配豬頸肉個喇沙湯底超讚！小小辣，濃濃嘅椰香味。個麵底係摻摻，即係米粉加油麵，好match 個湯！加埋豬頸肉好好食！仲有不得不試個飲品！嘔泡拉茶，應該係爆泡拉茶！打卡一流，仲要好好飲，小小甜，好香嘅茶味！個紅豆冰都唔錯，紅豆十足，椰奶夠香一間非常不錯的CP值高餐廳

下午茶 D 焗迷你咖哩農夫包（$47）凍美祿恐龍（+$15）咖哩可選新加坡咖哩或小印度蕃茄咖哩，揀咗前者。材料可選豬扒、雞扒、牛脷、牛腩，咁當然係揀牛脷啦。凍美祿恐龍OK大杯，美祿粉都算多，而且仲有幾粒細棉花糖。大約數分鐘，農夫包上枱，雖然叫迷你，但都有啲size。包是脆的，咖哩香濃微辣，點包食一流。有兩片厚切牛脷，好腍，軟熟。整體符合要求，味道不錯。