坡椰坡囉咪

營業中

休息中

這次和同事收工短聚，決定一齊食重口味的星馬菜，便來到近銅鑼灣的「坡椰坡羅蜜」🌟 這間餐廳菜式選擇多樣化，價格實惠，尤其是晚餐套餐吸引不少顧客。由於我們都想試試其他招牌菜，最後選擇了散叫幾款 🤭🤭1. 焗咖喱農夫包 + 牛舌（$93）🔥農夫包的外皮烘焗得酥脆，入口不韌，內裡則有香濃的咖喱醬，味道濃郁豐厚，但不算太辣。咖喱和牛舌的搭配不錯。🐮 牛舌厚切，數量有五塊左右，口感軟嫩，而額外附上的黃咖喱汁適合蘸在麵包上。這份菜式的份量也不小，較適合兩人一齊分享👍🏻🙌🏻2. 串燒（$88 / 八串）🔥菜單上可以選擇串燒肉類（🐔/🐷），我們明明選了4串豬肉和4串雞肉，但上菜後卻發現全部都是雞肉串。由於吃到最後才發現這個失誤，就沒有特意向店員反映。不過，雞肉串本身的味道中規中矩，肉質尚算嫩滑，搭配經典的沙嗲醬，雖然味道不錯，但並沒有特別驚喜，相對比較普通🤔🙈整體而言，菜式味道符合星馬菜的特點，尤其是咖喱類的食物。價格方面合理，尤其是沒有加一服務費，對於經濟實惠的聚餐來說是一大優勢。😋💪🏻 若你是喜歡星馬菜的重口味愛好者，這間餐廳是穩妥的選擇～

🇸🇬🥢🥣灣仔街頭經濟新加坡菜✨免加一🆗馬來肉骨茶套餐 -$75成個套餐睇落都好豐富，除咗主菜肉骨茶，仲有三件幾脆口嘅油炸鬼、一碗白飯，及一碟生菜。排骨量都算多，而且已經好入味，容易做到骨肉分離。個湯裏面仲有杞子同埋龍眼肉，如果有埋豆卜金菇呢啲配料就更好。湯底未算係好濃郁，但係呢個價錢嚟講已經算係性價比高。🆗美祿恐龍（凍） - +$15晚市套餐會包普通嘢飲，但係轉呢杯美祿恐龍就要加少少錢。都好大杯，外表好吸睛，上面有好多美祿粉，但係唔知點解美祿味唔香濃，而且成杯嘢都好甜。🆗馬拉盞炒通菜- $62 通菜都算幾大碟，調味剛剛好，微辣惹味，通菜好翠綠，但係莖嘅部份仲係比較生，偏硬，葉嘅部份就幾入味。

見食評幾好，過嚟一試下午茶，幾十蚊有咁嘅質數，讚👍1）迷你咖喱農夫包-新加坡椰香咖喱厚切豬扒，咖喱香少許辣，美味😋厚切豬扒有食叉燒嘅感覺😋2）咖央多伴蝦餅，多士和蝦餅香脆，點蝦餅嘅醬有好香蒜味😋

趁6點左右無咁多人即刻入去食😁肉骨茶套餐 $75肉骨茶湯底好濃郁，呢個啱晒冬天食😏陣陣藥材香氣撲鼻，入口香濃，入面有冬菇，杞子，三嚿排骨。排骨肉質比較實淨，唔似炆餸果啲咁林身。肉骨茶飲到杞子既甜味，感覺好有藥膳feel。我最鍾意就係先畢一匙羹飯之後再潷啲湯浸住啲飯咁食😁。焗咖喱包豬扒（黃咖喱）$93堅係好大個包😆食落個包好有脆豬feel，充滿牛油味而且仲好鬆脆，配厚切切豬扒。店員問咖喱要邊款，黃咖喱定紅咖喱？我問有咩分別。店員解說黃咖喱是椰香味重的星加坡黃咖喱，紅咖喱即是印度咖喱，蕃茄味重啲。咁我最後揀咗黃咖喱。椰汁冰$20 無咩特別，正常咁啦～

最近朋友約我去灣仔食飯，一聽個名已經覺得好特別，晚飯時間完全係坐滿晒，我哋今日嚟到都要排一陣隊，不過好快就有得入座。呢度餐牌都有好多選擇，最後我哋叫咗幾樣嘢都超好食！首先就係呢度都有啲好吸引嘅套餐，我哋要咗炆牛肋骨煲套餐，牛肋骨真係炆得好腍，好入味。另外一個就要左福建蝦湯麵，呢到有得改麵底做我最鍾意嘅摻摻，一半米粉一半油麵，更多variety更好食！湯底亦都好濃郁，啲蝦又大隻又新鮮，真係幾好食。我哋都叫咗兩樣嘢大家一齊分享，就係馬拉盞炒菜同蝦餅。炒菜炒得好清脆，又唔會過油，加埋啲蒜香真係好惹味蝦餅亦都炸得超級脆，加埋個醬汁食就最正！叫咗一個熱嘅爆泡拉茶，覺得都幾特別，真係超多泡泡，用嚟打卡幾好。甜品就要咗一個斑斕千層糕，唔會太甜，作為飯後總結都唔錯。

《坡椰坡囉咪》被餐廳名字吸引的星加坡菜餐廳：坡椰坡囉咪🤣🍜🍜🍜🍜🍜沙嗲串燒 ($84/6支) - 沙嗲串燒醃得入口，燒得香口又惹味，可豬雞各半半，點上甜甜地嘅沙嗲更加好食。娘惹喇沙 ($75) - 香濃的椰香喇沙湯底，配上蛋面及粉粉，超級掛湯，點了豬頸肉配喇沙，肉質香甜有咬口。焗農夫咖哩包 ($90) - 農夫包焗得酥脆可口，面包吸上星加坡式椰香咖哩汁，口感煙韌，厚切牛舌啖啖肉，份量豐富。美禄恐龍 ($15) 檸檬柚子蜜 ($9)

最近發現到灣仔開張咗一間新餐廳，係主打新加坡菜嘅「坡椰坡囉咪」，兩個人去簡簡單單食個二人套餐便已足矣。二人套餐（單點$248），海南雞半隻，雞皮口感薄身、爽滑，皮下帶有膠原蛋白啫喱，雞肉肉質嫩滑，一夾起雞件，已經見到有雞油、雞汁於雞肉表面，做到皮爽肉滑嘅條件之外，食落雞味濃郁，配以薑蓉、酸辣醬、黑醬油食用，味道正宗。魷魚炒通菜配馬拉汁（跟餐$0），表面鋪滿炸蒜，魷魚口感不韌，食落有鮮味，通菜口感爽脆，略嫌兩者食落係獨立分開的，馬拉汁味道獨特，類似混合了蝦醬、蠔油、甜醬。小食兩款拼盤（跟餐$0），蝦餅口感薄身，炸漿加入了麵包糠，令外層部分食落更加脆口，肉質彈牙，味道鮮甜；魚餅內有檸檬葉，配以蒜蓉酸辣汁食用，味道更佳。油酥餅（跟餐$28），口感帶點煙韌，食落好香口。雞油飯（跟餐$3），雞油味道濃香，帶點香茅味道，所以食落不會覺得太過油膩。白飯（跟餐$0），飯粒口感軟硬適中。是日例湯（跟餐$0），好足料，內有陳皮、豬骨、雞架、紅蘿蔔、花生、眉豆，味道清甜。是日甜品（跟餐$0），芒果西米千層糕味道香甜，斑蘭千層糕味道清香，略嫌口感偏粉、不太煙韌，未能做到千層層次分明嘅效果，配以紅豆、椰汁食用，

見到好搞鬼嘅餐廳名「坡椰坡囉咪」🤪原來係食新加坡菜🇸🇬.小食拼盤(細)🥢有炸芝士條🧀咖喱角🫔蝦餅各3件🍤同樣附有酸辣汁，3款都幾好味💯尤其芝士條鹹香得嚟又唔會膩☺️.海鮮娘惹喇沙摻摻🍜喇沙湯底椰香Creamy微辣🥥有青口🐚魷魚🦑蝦🦐豆卜、半隻雞蛋🍳魚片同芽菜😍非常足料，米粉同油麵質地適中😋.香茅雞扒檳城椰漿飯🍚香茅雞扒煎到外脆內嫩🐓超Juicy，點少少醬汁更惹味🤤椰漿飯帶雞油香同薑味🫚略嫌椰漿味較淡🥺配上花生🥜半隻雞蛋🥚蔬菜🥦魚仔乾🐟仲有例湯🥣豐富又健康😉.炸魚塊(5件)🐠魚肉嫩滑😛沾上酸辣汁🌶️好開胃😌.熱爆泡拉茶🫖泡泡真係好膨拜🫧奶味同茶味比例剛好，加上煉奶少少甜，唔錯😊.熱即磨咖啡☕️

去灣仔做嘢，上網搵食，睇到坡椰坡囉咪都幾好咁，就去一試。馬拉肉骨茶 $1482-3人的份量,有濃濃的藥材香。有數塊豬軟骨，軟骨卜卜脆，配料有冬菇杞子。藥材味完全滲入冬菇同肉，好味。豬軟骨再蘸上醬油，味道更豐富。喝一口湯，整個身體都暖和了起來。福建蝦湯麵 $75麵選了摻摻，有米粉同油麵，湯麵端上來的時候，湯頭的香氣馬上撲鼻而來。喇沙湯底，但又唔會太濃味，帶少少辣。蝦都幾大隻，肉都幾新鮮。麵煮得剛剛好，好掛湯。香茅雞扒煎蛋飯 $66 跟例湯發揮正常，雞扒前煎至外金黃肉嫩，煎蛋搭配上特製嘅甜醬汁，整體唔錯。凍美祿恐龍 $15好好飲，有好多美祿粉，味道夠濃，好解渴。

今天下午，我和朋友前往位於灣仔的「坡椰坡囉咪」餐廳，享受了一頓美味的下午茶。這家餐廳以其獨特的菜式和舒適的環境而聞名，讓我們期待已久。我們首先點了豬扒包，外脆內嫩的豬扒搭配松軟的包子，口感十分絕妙。隨後，我們品嚐了黑豉油雞扒撈麵，雞扒鮮嫩多汁，麵條吸附了濃郁的醬汁，讓人一口接一口，停不下來。接著，我們來到甜品部分，點了咖央多士。這道甜品是酥脆的吐司，上面淋上香濃的咖央醬，甜而不膩，讓人心情愉悅。最後，我們還嘗試了熱美禄恐龙，這是一款受歡迎的飲品，冰涼爽口，令人精神煥發。整體而言，這次的用餐體驗非常愉快。不僅食物美味，餐廳的服務也很周到。我們都表示下次還會再來，繼續探索更多美食！

今日經過天樂里，肚仔餓，就入咗呢間餐廳我哋叫咗焗農夫咖喱包配厚切豬扒同炆牛肋骨煲🍲再加埋瀑布拉茶焗農夫咖喱包配厚切豬扒，麵包焗得好香脆，咖喱好香，唔會太辣，麵包吸晒咖喱汁，好正👍🏻豬扒好腍，肥瘦適中😋麵包好大個，兩個人食完個包都已經飽咗大半😅炆牛肋骨煲，牛肋骨份量好多，炆得好腍好入味，白蘿蔔炆得超級甜，呢個煲送飯一流👍🏻瀑布拉茶，好澎湃，茶味夠濃，一啲都唔澀👍🏻整體都唔錯，可一可再😋

脆卜卜嘅咖喱包，真係令人食慾大開配上椰香嘅咖喱同牛腩，濃濃的咖喱香味撲鼻而來，而牛腩燉得入味多汁，咬一口，肉質軟綿，再配埋脆卜卜嘅包又更加好食。而佢嘅海南雞飯都唔輸蝕，一碟金黃的雞肉配上香噴噴的飯，睇起來就已經胃口大開。雞肉鮮嫩多汁，配上辣椒醬，一口下去，鹹香辣甜交錯。而且套餐嘅海南雞飯有免費嘅油飯同埋湯附送。接著是甜品時間，芒果千層糕配上紅豆和椰汁。千層糕層次分明，口感細膩，芒果的清甜與紅豆的香濃搭配得天衣無縫，椰汁的清香更是為這道甜品增色不少。最後就是飲品了，凍爆泡拉茶和凍美祿恐龍。啲泡多到爆出嚟，真係好澎湃，好適合打卡。又或者另一杯美祿恐龍大量嘅美祿堆積喺杯上邊，都非常之好睇。

都幾經常嚟呢個餐廳食lunch，食過都幾多款餐，肉骨茶、新加坡咖喱、牛肋骨呢啲都唔錯，不過最近最鍾意就係豬扒喇沙😆 豬扒好入味，啖啖肉，唔會太乾又唔會太油👍🏻 喇沙可以揀油面、米粉或者兩溝，我自己就鍾意米粉😽喇沙湯都幾夠椰香creamy，唔辣嘅，配有魚片豆卜同埋半隻蛋。飲品我覺得熱咖啡都幾好，不過呢一日我就揀咗凍檸茶走甜🤭性價比好高，lunch time都幾多人，建議早啲到！呢份餐$69，凍飲加$3

有時一個盞鬼的店名容易引起興趣，再加上全日免加一服務費就更吸引。坡椰坡囉咪是一間吃星馬菜的餐廳，位置介乎於銅鑼灣與灣仔之間。店舖很明亮，少量的裝飾看起來也很乾淨整潔，用餐環境整體感覺頗舒服。星期六都有午市和下午茶套餐，價格親民之外選擇都幾多。海南雞飯套餐 (HKD 69) 奉送例湯一碗，是喝起來幾滋潤的雪耳湯。雞加了錢轉成髀位 (+HKD 8) 皮滑肉嫩，十分鮮美。我自己喜歡蘸上黑醬油來吃，另外也可以配其辣醬和薑蓉。油飯方面，粒粒分明且油香均勻，單吃也很好味喔。還配了一碟菜。娘惹喇沙．海鮮 (HKD 72)這個喇沙可以自選配不同的配料，例如有厚切豬扒、香茅雞扒等。我選的海鮮有魷魚、蝦和青口，會需要+HKD 3，但海鮮的份量都不少的喔。除此之外還有魚片、豆腐卜和半隻蛋，好豐富。湯底的咖喱和椰香剛剛好，喜歡那種不偏不倚的味道，不會很辣又足夠惹味。可以選只要米粉或是油麵，摻摻都沒問題。我們點的午餐都有跟飲品，部份飯品會需要加錢點。凍檸檬柚子蜜梳打 (+HKD 15) & 椰奶咖啡 (+HKD 6)前者夠清新，後者在咖啡香中帶椰子的香味，入口順滑也不會苦。

娘惹喇沙（$52）麵底三選一，要咗掺摻；肉類三選一，要咗厚切豬扒。喇沙湯底唔辣，唔算好濃厚，偏向椰香味；摻摻份量足，油麵同米粉都正常，唔會太淋；厚切豬扒有驚喜，真厚切，一大塊斬開有七件，面層煎得香口，但食落唔乾，而且腍得嚟有咬口，唔錯；配菜有芽菜、豆卜、魚片、雞蛋，份量十足。焗迷你咖喱農夫包（$48）咖喱二選一，選了小印度蕃茄咖喱；肉類四選一，當然係至愛嘅牛脷啦。咖喱汁微辣帶茄酸味，味道都算濃厚；農夫包焗得夠脆，點咖喱無得輸，但略嫌咖喱汁唔夠多，唔夠點哂成個農夫包；牛脷兩片，煮得夠哂腍。凍美祿恐龍（+$15）大大杯加大大堆美祿粉，仲有幾粒棉花糖仔。下午茶嚟講，食品質素唔錯，都算幾抵食。PS：全日免收加一服務費。