坤記煲仔小菜

營業中

休息中

鋪頭6點開門, 上次我地5:50嚟到已經有起碼30人排緊隊今次我地5點嚟到排隊, 前面有4-6個人早已排緊, 好彩店家放咗好多櫈俾客人坐住等如果5點半先嚟到排隊嘅朋友, 好大機會要等到第2/3輪先有得食, 而第2輪最快都要等到7點 (注意返: 坤記無用餐時間上限)一坐低我地即刻嗌咗煲仔飯, 因為廚房爐頭都有限, 如果唔夠人快嘅話嗌完可能要等較耐時間, 我地就等咗20mins臘味油鴨飯$105 (加咗臘腸$20, 雞蛋$10)口感唔錯, 可惜煲仔飯汁唔夠香另外叫咗兩個小菜, 分別係椒絲腐乳通菜$65西檸煎軟雞$80兩個小菜都唔係好夠鑊氣, 不過坤記本來就唔係出名食小菜, 所以都可以接受, 而且價錢又唔太貴建議大家揀平日嚟試下, 可能唔使等咁耐

态度十分恶劣 ！！客人跟她有仇似的，好吃的店千千万万，如果你是想受气就来这家店吧，上餐直接摔到桌子上，还不是我点的食物，没有菜了问都不问直接换成别的完全不搭边的菜，要求重新点单直接不搭理，难道我来就是给阿姨撒气的？？

天氣突然凍左好多🥶，係時候食下煲仔飯。揀左間非常出名既煲仔飯名店，由於上網都話要排好耐，所以都有定心理準備🤣。6點開，平日我地5點半去到都排左超過20人，最後排左1個鐘左右終於入到啦。！白鱔田雞煲仔飯-白鱔同田雞都好鮮同肉厚-煲仔飯粒粒分明，飯焦勁脆-最重要係個煲仔飯鼓油！好香，唔會太甜太鹹遮左食材嘅鮮味椒鹽鮮魷-炸得好靚岩岩好-份量都幾多-呢個有重口味 ,餸啤酒～正！家鄉小炒皇-比平時食既小炒皇多左d 臘肉冬菇-越食越惹味-好夠鑊氣2個人食到勁飽！基本上檯檯都有叫煲仔飯，另外都有見到唔少食羊腩煲，下次可以試試。估唔到煲仔飯好食之外，小食類都好出色，唔怪得好多街坊排隊，排甘耐都值得呀，好好食。推介！ 😋

天氣咁凍最啱食煲仔飯(๑˃ᴗ˂)ﻭ呢日到訪獲米芝蓮推介嘅坤記晚市開𝟼 點，𝟻 點𝟸𝟶 分去到餐廳門口已經大排長龍最後等到𝟽 點先入座，少𝚍 恆心都未必食到！-♡︎西檸煎軟雞 $𝟾𝟶-♡︎紅燒豆腐 $𝟽𝟻-落單起計大約要等半個鐘煲仔飯先上枱建議叫𝚍 小炒食住先～我地嗌左西檸雞同紅燒豆腐兩樣都係水準以上 – 熱辣辣、足料、好食(●’◡’●)ﾉ-♡︎白鱔滑雞飯 $𝟷𝟸𝟶➜ 𝙵𝚘𝚕𝚕𝚘𝚠 𝚑𝚔𝚏𝚘𝚘𝚍_𝚗𝚘𝚝𝚎 𝚏𝚘𝚛 𝚖𝚘𝚛𝚎-♡︎臘味排骨飯 $𝟷𝟶𝟻火候控制得好，𝚍 飯焦金黃色好靚仔呢✨-可能本身期望太高試完之後覺得冇想像中咁驚豔整體黎講食物係有水準嘅唔介意排隊等下嘅一試無妨！

近日大規模降溫，大西北居民表示凍到震 🥶 雖然在冷氣加持下，食客不必受天氣限制，四季照舊「烚吓烚吓」，但煲仔飯這種傳統美食，依然堅持秋冬才出動 ❄️ 原因無他，在 40 度高溫下製作煲仔飯，只怕臘鴨未熟廚師已經化成一灘水 👨🏽‍🍳💦坤記、嚐囍兩大米芝蓮煲仔飯名店，多年來鬥得難分難解 ⚡️ 去年已到訪過後者，今次跑來慕名已久的坤記煲仔小菜，香港人排隊乃是兵家常事，在門外的心情緊張又期待，後來發現 30 分鐘的等待絕對值得 😸店內環境市井熱鬧，煲仔飯即叫即煮 🔥 專門的師傅在灶台前同時照顧七八個柯打——煮飯、鋪上食材、揭蓋加油、關蓋焗出飯焦、調整火力…♨️ 將生米煮成熟飯的過程講究得很 🍚 火太猛怕燶，不溫不火飯焦則無法成形，多年練成的「鐵砂掌」，使師傅可以徒手處理滾燙砂煲，這時切忌心急，耐心等候不要催單喔～🫶🏻選擇了最愛的白鱔田雞煲仔飯 ($120)，亦是最考驗食材品質的組合，白鱔魚皮富彈性、肉質爽滑，滲出天然油香 🐟 田雞大件肉厚又彈牙，配上豉汁好好食！☺️👍🏻上檯時自行淋入豉油再焗 2 分鐘 ( 建議一圈起兩圈止，因太多豉油會浸濕飯焦 )。砂煲受熱均勻可輕易起出原塊飯焦，火候控制得宜、飯粒乾

天氣開始凍就係食煲仔飯嘅時節，本來提議朋友一齊去食廟街煲仔飯，結果佢話西環有一檔好好食邀請我一齊去試，我地當日去到未夠7點但係我地最終排到8點幾先至入到去，去到其實已經見到超過20人係門口排隊，喺門口睇先知原來佢已經連續囉左三年嘅米芝蓮餐廳，咁我就話好啦我地一齊排下喇睇下係咪真係咁好食，我地叫左個臘味滑雞飯 椒鹽九肚魚，通菜炒鮮魷同埋咕嚕肉，其實除左咕嚕肉嘅肉汁有d硬之外其他三款餸都好食，但當然值唔值得排過幾鐘去食碗煲仔飯就見仁見智啦！如果你有時間又好想食嘅個人建議你早少少做過6點鐘去就唔使排隊啦

—～—～—～—～—～—～—～—～—～—～—～—📍坤記煲仔小菜地址: 西環西營盤皇后大道西263號和益大廈地下1號舖營業時間：星期一至六11:00-14:30，18:00-22:30星期日 18:00-22:30 踏入秋冬季🥶🌬️大家除左諗起圍爐取暖打邊爐🍲之外，又會諗起啲咩呢？小編就諗起食煲仔飯喇🤤由細到大都同哥哥爭飯焦食既我 大個左終於可以一個人食曬成煲飯焦喇🤣🤣🤣哈哈哈🔸自選煲仔飯 - 潤腸白鱔🐟🐠田雞煲仔飯秋風起食臘味😆食煲仔飯，就梗係唔少得臘腸或者潤腸呢個主角啦😝鍾意揀晒自己鍾意食嘅嘢黎食嘅小編，自選煲仔飯就啱晒我🤣冒着香噴噴嘅煙嘅煲仔飯上枱之後 ，淋上食煲仔飯必備嘅豉油 （因為要有燶燶的飯焦），等幾分鐘之後開蓋就開吃喇😍潤腸酒味好重，臘味嘅油份滲晒落去啲飯粒到，超好味，精華所在👍🏼肥死都抵😂田雞肉質滑嫩，白鱔都夠滑，成個飯都好正，重點係，啲飯焦係原塊起架🤣🤣🤣爽死小編我😋😋😋推介指數 ⭐⭐⭐⭐️⭐️食物質素😋😋😋😋😋🔸薑蔥蠔煲🦪除左專程入黎食煲仔飯之外，聽聞佢啲小菜都好出色，今次我地就嗌左個薑蔥蠔煲，啲蠔好入味，肉質都唔錯，少彈牙唔會霉，最欣賞佢好多蔥 哈哈 因為我係蔥怪🤣😂🤣😂推

昨天朋友提意食煲仔飯，即刻上OpenRice 搵， 搵咗好耐，終於俾我睇到呢間好多好評， 但路途遙遠嘅煲仔飯店，我們居然義無反顧由九龍去西環， 仲要六點開門，我地就5:30去到門口， 諗住食頭圍，點知見到已有二、三十人在門口，我哋係等開門之際，不停上網睇附近有冇第二選擇， 萬一頭圍入唔到，就食其他嘢。 最後好好彩，我地食到頭圍呀！為咗一煲飯我地係可以去到咁盡🤣🤣🤣魚類不是我最愛，但見人人都話白鱔好食，我又試吓， 叫咗白鱔雞煲， 嚟到打開蓋已經好香啊，白鱔同雞都好入味， 而且個飯係有飯焦架！朋友食潤腸雞煲， 佢話好耐冇食過咁好食嘅雞煲一定會再嚟，下次要試鹹魚肉餅，因為聞到隔離嗰煲好香

食坤記分店煲仔飯，至少八年，每年至少四五次原來分店，已經結業，沒有感到難過，因為分店除咗煲仔飯比較出色之外，其他嘢其實非常一般，小菜如是，服務方面，對大部份人來說，你冇俾人鬧，冇俾阿姐呼喝，其實已經係萬幸，但我從來都冇中招。去了正店幫襯，是日星期六，下午六點開門， 5:15已經有四個人排隊，我就係其中一個， 5:30 ，人龍已經有24個，比已執笠的分店更加誇張。六點開始放行， 10分鐘之內，已經坐滿了人。叫咗白鱔煲仔飯，田雞煲仔飯，米粒，餸菜上隹，對得住$120嘅收費。白鱔同埋田雞嘅肉質，彈牙及大件。飯煮得好，亦都有飯焦。落單至到煲仔飯上枱，大概只係15分鐘。比分店快好多，以前喺分店嗰度食，最快半個鐘，試過45分鐘，但一樣都係6點入舖。椒鹽九肚魚，非常出色，炸槳均勻，香脆可口，唔會過分鹹，比分店做得更加好，分店嘅椒鹽九肚魚，做得幾差，賣相唔好，炸槳過厚，而且冇味，呢樣野比人垢病好多次。正店椒絲腐乳通菜，炒得相當唔錯，服務方面，冇俾阿姐鬧，阿姐亦都有多多關照，好多人都投訴坤記正店分店服務態度奇差，係真嘅，關鍵在於，你識唔識得同佢哋溝通，第一，你唔可以講嘢太蠢，問埋啲低B野，第二你唔可以做

西營盤著名煲仔飯，等了幾個月羊腩煲啱啱上市。6:00已經開始有人排隊，好彩同朋友一齊一早過來，我們第一台入餐廳。四個人點了專登過來食的枝竹羊腩煲、兩個煲仔飯：潤腸滑雞同臘腸白鱔煲仔飯，加埋啫啫田雞煲同椒鹽鮮魷。羊腩煲差唔多食完加追一份枝竹同埋一份豬潤，連同生菜，正如食火鍋。煲仔飯絕對冇失望，上菜時香氣撲面，加上豉油，飯底渣渣聲，潤腸食落香油滿嘴，可惜每人分得只有一舊，下次應該叫雙潤腸。羊腩煲羊腩有好多件，枝竹朔滿湯汁，點上腐乳汁，更加味美。埋單每人百零蚊，價廉物美。

天氣涼涼地，想食啲暖笠笠既野，見公司附近 有得食煲仔飯，收工去食，見好多人等位，我同同事等左半個鐘.入到去叫左鍋蛋肉片飯，椒鹽豆腐和椒鹽魚肚.店員話煲仔飯要等30分鐘，所以豆腐同魚肚先上，味道不錯. 有傾有講個飯就送到黎，見住佢係側邊用火一個個煮出黎，所以上到枱仲好熱.個飯好好食，加左蛋同豉油個飯好滑.食到去個底仲有飯焦，識食一定係食個飯焦，正最後埋單500幾3個人，都幾抵，熱辣辣咁送上來，下次收工再拉大隊去食

坤記煲仔飯位於西營盤皇后大道西轉入內街桂香街，夜晚六七點之後條街好靜但係舖頭入面就好旺🤩無他客人嚟度都係食佢好味嘅煲仔飯同煲仔小菜當然仲有其他炒粉麵飯🥰坐定定叫支啤酒啤啤佢🍻，睇下menu今晚食乜先😝冇辦法煲仔飯首選依然係窩蛋牛肉飯，飯嚟到開蓋打雞蛋豉油淋一個圈再冚蓋焗一陣，睇顏色就知道牛肉煲到啱啱好粉紅色食落去嫩滑，有飯焦脆卜卜唔會燶，豉油都唔會太鹹唔會太甜😋😋😋😋😋特別版洋蔥爆田雞，點解話特別版係因為老闆話青蔥賣曬所以我同佢講攻洋沖得唔得佢話ok冇問題田雞食落口唔會太乾仲滑加埋個洋蔥同個汁幾惹未😋😋😋😋

作為外區人，難得踩入西環，當然要去搵食，問左地膽推介呢間馳名煲仔菜，冬天期間晚飯時間一位難求，當日我哋特地食早段晚飯時間，先walk in 安排到最後一張台😌黎呢度目標好清晰，就係食佢既白鱔煲仔飯😳肥美既白鱔，肉質爽滑，鱔味濃郁，啖啖食出魚油香味😍😍😍下一口係金黃色既脆口既飯焦，配上特製既豉油，將每啖飯升級做人間美食💗 一口接一口，講番都好想再去食啊！🫣誠意推介坤記煲仔飯🤗下次再見啦！☺️

時常晚膳都去坤記食煲仔飯和豬骨㷛，今日午飯時間經過西營盤，見佢啱啱開，入去食個套餐先。Lunch menu 都幾多選擇，有套餐小菜、煲仔菜，炒粉、麵、飯等🌠生炒排骨$56份量都算多，但排骨唔夠熱，偏硬，厚粉，伴碟洋葱，應該係預先炸好排骨，打個甜酸獻，將排骨和洋葱菠蘿混合，味道認真麻麻👎🌠豆腐班腩煲$56情況和生炒排骨一樣，上枱夠熱，唯味道還可以，班腩有5件，預先炸好，偏硬，豆腐有6,7件，用菜芯墊底。套餐連湯、白飯一碗、熱飲一杯，價錢算抵，但味道真係麻麻地nor.

星期五晚上專登去坤記排隊食 都預咗佢多人㗎啦因為見到入面做無虛席,我一個人都要等咗半個鐘左右。環境講起先, 啲位都幾密,不過我一個人坐雙人枱都尚算舒服! 裏面好鬼嘈,直頭大排檔咁樣,氣氛的確唔錯!!同埋冷氣都好夠勁👍🏻見到menu好多中式小菜, 不過今次我係專程去食煲仔飯!!😍😍我叫咗個「滑雞白鱔煲仔飯」（$115）另追加潤腸一條($20）, 叫多支青島啤飲住等😂個煲仔飯等咗大約廿零分鐘! 飲下啤酒打下機好快過🤭煲仔飯終於到! 佢一打開個蓋 , 熱辣辣出晒煙好香, 賣相已經非常吸引👍🏻白鱔超好食爽滑彈牙,豉汁味都好夠❤️雞都好滑,佢畀嘅係雞翼位, 啲雞size比較迷你啲,不過肉質唔錯! 起碼唔係骨慘慘😄潤腸都係推介之一!! 食嗰陣時我諗起蛇王二以前啲潤腸!好濃味又軟熟粉粉地❤️❤️各位真係要追加潤腸!! D飯都好唔錯!飯焦亦都好脆好香!(見圖)整體煲仔飯超級好食!我直頭想畀五星星😂