城中泰

營業中

休息中

第一次食，但唔會有下次！！1） 落單五分鐘食物已經送黎，但食物上枱全部都唔熱，最多暖.2）冬蔭功湯$158，味道淡都算，打正旗號話大頭蝦冬蔭功湯，但啲蝦霉架⋯3）送菜既時候冇位放，侍應係企響度示意叫我幫佢執好啲餸菜比位佢放.之後仲要眼啤啤4） 所謂經理未入門口就懶熱情，坐低點完菜諗住問下佢會員coupon啲野，即刻勁唔願答，求其㩒個版面出嚟應酬左就算5） 食左八百幾蚊，啲野唔好食，仲要幫手做埋侍應果份，下次落屯門食好過，起碼相同價錢，人地正宗好多，好味好多，起碼食完唔洗一肚氣

menu好多選擇。多人一齊食。就樣樣都試下。太開心囉。生蝦刺身好新鮮蝦肉好厚好爽。個汁好香但好辣啊。小食併盤好豐富好多選擇。 蝦餅魚餅係最好味既。紅咖哩牛腩。個咖哩汁有椰香十分惹味。牛腩好腍。份量亦都好多。用蒜蓉包沾汁更好食。蒜蓉包焗得十分香脆。蒜蓉醬好足夠好入味。淨食已經好正。沾咖哩汁一流。豬手好入味。鐵板上好正。最正係塊豬皮。好軟好厚好豐富骨膠原。煎蠔餅推介啊…的蠔勁大粒。粒粒都勁肥美。勁多。多到跌出嚟。冬陰功一般冇咩特別。就裏面啲菇同埋蝦好好食。火山骨其實好似煲既排骨沾泰汁。由於唔喜愛湯渣同辣。冇特別喜愛呢味餸。豬頸肉燒得好香。推介。汁都好配好惹味。海南雞既雞肉夠嫩滑，推介。串燒拼盤ok，三樣都好食。芒果糯米飯。 糯米飯好香。椰汁好濃郁。但呢日個芒果太生唔甜。榴槤窩夫。榴槤好濃。窩夫熱辣辣好食。呢個推介。

天水圍看似好多食店，但可以令人回頭吃的少之有少🫠嘉湖商場內有大約十幾間提供早餐嘅餐廳，「城中泰」店舖較大較光猛，亦要等位，所以試一試😅好多選擇，不過我想睇吓啲基本嘢，最簡單最難整得好食。多士：不薄不乾 ～OK餐肉：一般，不太Juicy煎蛋：不錯，蛋黃仲郁郁吓👍🏻雞翼：細細不Juicy，不算難食，但下次唔會揀湯米：湯底無味嘅！失望，要問侍應拎辣椒油😣檸檬茶：茶底不過不失服務：好好👍🏻餐廳清潔度：Good

天水圍都唔係好多泰國菜館俾我哋喺商場搵到呢間就入去試吓啦， 估唔到佢有幾好食喎而且最出色嘅就係柚子沙律， 70幾蚊仲要一大碟自己買都唔得， 個東鑫湯都好好飲真係泰國人煮嘅味道👩🏻‍🍳

午市套餐馬拉盞炒飯，配豬頸肉～免加一馬拉盞炒飯好惹味～配上豬頸肉份量啱啱好豬頸肉爽口彈牙配上炒飯嘅鑊氣配合得啱啱好～呢一個值得推介份量又唔細～可以食飽飽飽個肚可以繼續開工

午市套餐凍飲加$3總共$68另加一服務費 味道嚟講比較濃郁，都幾好味，亦都好大份好多意粉好飽，服務環境乾淨企理服務員態度良好，我食落就好似有啲辣辣哈哈哈 整體上都合格推介

~📍 城中泰 (天水圍)🔹🔹🔹🔹🔹🔹🔹🔹🔹🔹🔹🔹🔹🔹🔹炭燒泰式串燒🍢串燒我哋揀咗豬同雞各兩串，有好香既炭燒味，啖啖肉，點埋個沙嗲味既醬汁，味道好夾👍馬拉盞炒椰菜苗🥬泰國菜最鍾意嘅蔬菜就係椰菜苗，因為覺得比較特別，佢哋要馬拉盞炒都煮到好入味😋蝦頭膏海鮮炒飯🦐呢個炒飯用蝦頭膏真係好香，入邊除咗有幾隻大蝦同魷魚外，仲會有啲櫻花蝦仔👍覺得好有心思凍泰式奶茶🥤非常正宗嘅泰式奶茶👍就算冇叫少甜都唔會十分之甜☺️榴槤雪糕waffle🧇呢個飯後甜品一定要叫，係佢地餐廳主打新推出嘅榴槤雪糕窩夫，榴槤蓉配合奶油再配埋脆脆地嘅窩夫一齊食簡直係冇得彈🤤另外雪糕我哋仲叫咗3.6牛乳雪糕，都係好好味😋🔹🔹🔹🔹🔹🔹🔹🔹🔹🔹🔹🔹🔹🔹🔹

今晚突然好想食泰國菜喺銀座隔離搵到呢間泰菜平日夜晚人數都唔少，覺得應該幾穩陣一於入去試吓😙😙次次食泰菜都會叫個咖喱送飯！平時多數食青咖喱，今日試吓另一款泰古法馬沙文咖喱牛腩少少辣，咖喱汁好龍口牛腩大部份都炆得好淋，仲有唔少薯仔撈飯一流！正👏🏻👏🏻👏🏻另外叫咗一碟炒通菜通菜非常新鮮，爽口，好好食👍🏻冬陰功湯鱸魚片平時食鱸魚多數係食酸菜魚呢一個就好似泰式版酸菜魚咁🤣冬陰功湯底非常正，魷魚片軟滑無骨！

餐廳好闊落，枱與枱之間嘅空間感十足，而且有啲綠色嘅植物做裝飾，令人感覺好放鬆😎🔸蛋咖哩蟹肉窩夫窩夫超香牛油味，上面鋪滿滑蛋同蟹肉，視覺上已經滿份💯，咖喱另上，充滿儀式感，咖喱係蛋咖哩超級掛汁🔸炭燒牛柳沙律牛柳燒到7成熟，岩岩好，沙律係泰式沙律，酸酸辣辣超惹味🔸海南雞(半隻)半隻雞size都算大隻，佔據左2/3隻碟呀，而且雞皮黃黃超吸引，食落雞肉嫩滑，有雞味，配上三色蘸醬(泰色雞醬、醬油羔、薑蓉)增加風味🔸蒜蓉金磚（4件）因為叫左咖喱，所以係薄餅同金磚之間爭扎左一下，金磚烤得香脆，蒜蓉味唔算好濃郁，唔使驚食完會重味🔸芒果塔沙冰    超級打卡，芒果沙冰加上芒芒爆爆珠再加上芒果冰條，食辣野飲佢真係有爽到

# #元朗 #天水圍 @midtownthaihk不知道多少年沒有去過嘉湖銀座商場, 連名字改了我也不知道, 現在是的名字是 +Woo!! 內部變了不少, 餐廳是以前沒有的, 先試試泰國菜! 炭燒牛柳沙律 $78 ~ 優惠價, 原價 $98! 特價的也絶不欺場, 牛柳很嫩很滑, 牛肉味濃, 份量很多, 有很香的炭香味!, 搭配新鮮沙律菜, 酸酸甜甜的, 很開胃! 炭燒泰式豬頸肉 $78 ~ 很不錯, 不會油膩, 不會一口油, 切得夠薄, 食下完全沒負擔, 還有很香的炭香味! 椰香青咖喱 $88 ~ 可選配牛腩 / 魚柳 / 雞肉 / 雜菜! 雞肉份量很多, 肉很嫩滑, 先煎過再煮, 有著焦香味道! 椰香咖喱很容易入口, 微微的辣, 很不錯! 手工薄餅 $28/2件、蒜蓉金磚 $28/4件 ~ 有咖喱, 怎能沒有薄餅, 看見鄰桌的金磗, 必須點一客, 很鬆脆, 不會太重蒜蓉味道, 跟咖喱很搭! 椰汁椰青雙色冰粉 $28 ~ 椰汁糕、椰青糕、炸椰絲! 很清甜, 很香椰青的味道, 層次十分豐富! 芒果椰子塔沙冰 $42 ~ 看見相片已經決定要食, 芒果味超濃郁, 還有一枝雪條, 又划算了吧!

有一段時間冇食泰國菜啦！今日朋友推介位於銀座新開不久的 "城中泰"，試吓由泰藉廚師烹製的泰國菜美食。銀座翻新過後，煥然一新，更有活力。入到餐廳內，覺得樓底都好高，地方闊落，燈光明亮，裝修雅致舒適。餐牌款式都好多，而且價錢唔貴，都好似幾抵食，雖然係正宗泰國菜，但食物味道都好啱香港人。泰式冬蔭明爐鱸魚片鍋    $118依個魚片鍋底下有爐熱住，就算等一陣再食都唔會凍咗，鱸魚同湯熱騰騰的。湯底係冬蔭功湯，少少辣辣地，好重香料味，酸辣交融，即時刺激味蕾  ;  鱸魚鮮嫩，肉質爽滑，浸在冬蔭功湯裡，吸入晒湯嘅精華，好香好味道。椰香青咖喱牛腩    $88青咖喱味道濃而不鹹，反倒有點椰香、微辣味，牛腩炆得好軟腍，底部連住筋部，又帶點咬口感。另外點了份手工薄餅 $28，油酥味好香，口感煙韌，質地軟身，沾上青咖喱汁，越食越滋味。炭燒泰式串燒    $68串燒係泰國菜必食嘅我，雞豬各兩串，燒得焦香肉質仍嫩，點了自家製沙嗲醬汁，惹味香濃。泰國鮮椰青    $39依個椰青十分多水，滿滿的，飲落去，新鮮又有清涼感，飲完椰青水，仲食埋椰青肉，椰青肉好軟，軟到用小匙一劃，就可以劃下椰青肉，爽口清甜。無糖可樂   

◐天水圍泰國菜｜創意特色蛋咖喱蟹肉窩夫城中泰位於置富嘉湖商場，搭輕鐵於銀座站落車，行過對面商場就見到，位置方便。平時食泰國菜，生蝦刺身是必不可少，剛好遇見特價，順理成章，點左泰式生蝦刺身，同埋炭燒牛柳沙律做前菜。生蝦刺身辣辣地，惹味又過隱。而牛柳沙律大大份，好味夾抵食！剛好撞上特價，那就是只能用抵！中間配上菠蘿梳打以及青檸梳打，解渴又解辣。之後再點了冬陰功鮮蝦炒意粉，以及蛋咖喱蟹肉窩夫，這兩道菜都帶著一點點fusion , 意粉配上冬陰功作為醬汁，有一點點帶著海鮮味道的辣，是幾特別。但後者的蛋咖喱蟹肉窩夫的創意值更高，平時食的咖喱麵包蟹的那塊麵包外皮都很硬，就算浸滿咖喱後都要一點牙力，但這道菜用窩夫代替，脆卜卜亦不費牙力，同時又可以沾滿香滑濃郁的蛋咖喱，真的不錯。

好一陣無來嘉湖銀座了，上次來時已經知佢改左名做+woo，但仍然較習慣叫銀座😆今次黎發覺商場大裝修中，仲多左好多新食店添，揀左一間叫城中泰嘅餐廳食晚飯，好耐無食泰國菜了。都八點幾了，但餐廳仲係八成滿座，氣氛不錯😌隨意落了一點主食，比較期待甜品呢🤭🦀泰式咖喱軟殼蟹點了個軟殼蟹咖喱，原來咖喱汁同軟殼蟹分開上，咁幾好唔怕啲軟殼蟹淋咗。軟殼蟹係大size，炸起上黎香脆又鮮味，正喎。咖喱汁本身都香口，啲汁梗係要留返黎點包食啦。🫓薄餅 & 🍞蒜蓉金磚兩樣都想用黎配咖喱，唔知點邊樣好就叫晒兩樣啦😎香口酥脆，配上滿滿的咖喱汁真係好正㗎。🥗炭燒牛柳沙律再點左一份沙律，是期間限定的特價菜，牛柳嫩滑又甘香，沙律有生洋蔥、芹菜等，加上醬汁酸酸辣辣好開胃，抵食呢🤤🧇榴蓮窩夫食完正餐就叫上甜品了，一上枱已聞到榴蓮香啦，氣味都幾大㗎🤭榴蓮蓉再加上榴蓮雪糕，味道香甜濃郁，窩夫即烘的外脆內軟，一客有兩件，同朋友分食啱啱好🤤好味好味，真系幾滿足😍

之前一直想試，今日終於過嚟食，叫左2個茶餐。1. 豬頸肉豬扒撈檬$48分別有3塊豬扒同豬頸肉，肉算多，但檬粉偏乾同硬。2. 雞翼朱古力多士$43雞翼入味，唔錯，但只有2隻，朱古力多士不用點糖漿已夠甜。整體唔錯👍

係商場搵食，最後俾佢個榴蓮雪糕窩芙吸引左！賣相好吸引，兩大舊D24呀！甜品最後先食，食主食先鐵板脆蠔餅 $118超大塊，上枱炸炸聲，出晒煙！食落超級脆，好香口！蠔大只，份量都多，唔會剩係得粉，咬落好juicy，好味！蝦頭膏海鮮炒飯 $88材料好豐富，有好多蝦同墨魚仔！飯炒得粒粒分明，唔會太咸，好香既蝦膏同櫻花蝦既味道！炭燒牛柳沙律 $78佢呢款做緊特價，原價要$98，所以叫黎試下牛柳好稔，點埋個汁食好味！沙律相對地辣，好惹味！好有泰式風味！最後上埋個甜品！！面頭既Lotus焦糖餅好好食，好香焦糖味！識簡貨！D24榴連係人間極品！好大舊，啖啖肉，好香甜，好creamy！！個窩芙係係穌皮底，特別，外脆內軟既感覺，好味！好滿足既一餐！