城景閣

營業中

休息中

呢間自助餐已經第二次來，呢間我覺得係幾抵食，價錢大約四百多，已經好多款唔同的海鮮任食冷盤任食：有生蠔，凍蝦，布朗蟹，雪花蟹腳，蜆，青口，呢啲海鮮都好高質，生蠔同蟹腳已經回本，而且食落去都好新鮮刺身類：三文魚，吞拿魚，鯛魚，希靈魚，魚生都係好新鮮壽司我覺得啲飯硬咗啲每人限量焗鮑魚一隻熟食都有澳洲和牛，咖喱青口，上湯龍蝦蟹鉗等….有啲推介：黑松露海膽蒸蛋：個蛋幾滑，上面仲鋪海膽同黑松露幾夾亦有燉中湯老火湯：蓮藕髮菜蠔豉湯，有少少淡甜品類：亦有唔少款cake,芒果mouusecake做得唔錯Häagen-Dazs雪糕有幾款雪糕口味任食水果亦有西瓜，哈密瓜，橙等..飲品亦有咖啡，蘋果汁同橙汁紅白酒都係任飲（記得年滿十八歲）

地方優雅環境衞生不俗，食物質量良好，款式不少，中西合璧的口味，甜品，雪糕，生果充足，剛巧遇上生日週期還送我半磅生日蛋糕🎂，價錢性價比高，用餐又一好去處，非常好的一個體驗。

有生蠔、有長脚蟹、有幾款刺身，又有紅白餐酒同獅威啤酒任飲、雪糕任食，四佰幾蚊位，對得著個價；60歲以上長者仲有優惠，晚餐時間1830～2130，真係抵食噶！晚餐仲會奉送每位半隻芝士焗波龍，幾好味，不過肉少啲。頭盤有日式炸生蠔杯，不過好似就一輪，之後冇見添加。我手快快攞咗4杯，又食到一樣想食嘅嘢。🤗🤗明檔有喇沙供應，試咗一細碗。喇沙湯底好濃，味道係唔錯，不過濃到唔似麵湯，似湯汁，稀返少少會好啲。生果比較普通，蛋糕甜品過得去啦！

當日係平日，同老豆生日正日，一家人去咗城景國際酒店食晚市自助餐，呢度係平便，提供的不是松葉蟹，而係比較便宜的紅楚蟹，蟹肉比較削，冇鮮味，所以食完－轉冇食啦，餐廳提供好多其他熟食海鮮同肉類，如芝士焗蝦，煎魚柳，豬手，炆牛肋骨，人參雞太淡，沙津普通，仲有兩款咖喱，－款係素咖喱，－款有雞肉，夠香都有啲辣，唔錯。缺點係冇提供熟嘅蔬菜，只係有生嘅沙津。待應都足夠，服務幾好。叫收碟同加水都好快做到。

跟大家講返，呢次食評嘅體驗嚟自一間嘅餐廳，我梗係要同大家分享下啲感受。第一樣打入眼簾嘅，就係佢哋嘅焗鮑魚，🤤口口都飽含芝士同海膽醬嘅豐饒，軟滑得黎好唔錯。生蠔就冇得輸，盡管細小啲，但味道好正，新鮮得滯。金沙炒蝦嘅味道真係夠晒霸氣，咸蛋黃層層包住蝦仁，口口都係脆嘅滋味。話說啲天婦羅呀，佢哋嘅海老、南瓜同埋紫薯，每樣清脆得嚟又夠脆，真係攪到我停唔到口。🍤另外，啲上湯魚肚雲耳同娃娃菜，搭配得好天衣無縫，魚肚軟綿綿嘅同時，菜仔又夠哂甜。飲品方面，白酒紅油啤酒無限添，真係啱晒飲啖茶嘅老友幫襯。最後提一提Movenpick雪糕，啲口味選多到講唔哂，🍦呢個甜品真係令人忘形！整體嚟講，食物選擇多，味道上乘，環境頗有格調，真係一個港式夜晚嘅美食好去處。無論同三五知己，定係大班人馬，搵間呢度，絕對可以歎到一頓好滋味！👌

2024年和家人第一次見面, 去食餐自助午餐, 又唔想食太貴, 於是打電話去訂座, 價錢和openrice的優惠一樣, 所以亦不需要使用都能享有同樣優惠, 差唔多十二点到達餐廳, d人陸續入來, 不過我見大班人比較多, 食物種類都算ok, 有熱食有沙律有糕點有生果有雪糕有中西湯有粥有湯粉, 我覺得意粉煮得幾好食, 揚州炒飯也是👍, 青口夠大只也唔錯👍中湯夠熱又清甜😋亦飲左二碗, 蝦同墨魚仔也很新鮮👍魚生的質素也不差🥰 食左沙律, 雖然不是太多選擇但食到係新鮮, 甜品揀左外面走廊雪櫃的款式, 倘算ok, 唔會太甜❤️ 紅豆沙亦夠熱, 食到有少少陳皮味, 又唔會好甜, 佢有熱飲同凍飲, 我飲左橙汁😘成人依家收278, 長者收248, 免加一, 如果12:00坐到14:30, 其實都唔錯👍👍👍

買三送一，平均七五折星期一至四連加一$396一位閒日客人唔算多，地方闊落職員好親切，服務態度好嘢食選擇偏少，蟹腳同三文魚唔錯不過生蠔唔太新鮮，食咗兩隻就唔想再食

第二天早上精神奕奕走到City Café 城景閣享用房間包含的2位自助早餐。早餐陣容相當豐富中、西美味早點也有供應，當中包括有穀物早餐、餐包、各式多士及鬆餅等，另外還有自助Pancake機可隨便享用。 中間這個冰鎮自助區放有新鮮的沙律菜、青瓜、粟米、車厘茄、芝士、凍肉、切件水果及我喜歡吃的杯裝乳酪。西式熱食方面有薯角、烤車厘茄、雜菜、漢堡扒、腸仔、炒蛋、煙肉、烚蛋及薯餅。中式美點則有燒賣、‎素香茜餃、豉油皇腸粉、鹹瘦肉粥、雪菜肉絲湯麵或米粉。飲品則有鮮奶、橙汁、凍咖啡、凍紅茶還有熱紅茶及咖啡機可隨意飲用。我們夾手夾腳取了一檯這麼多美食，吃罷後真的滿足到一個點啊。   

因為屋企人唔食得多嘢，又想食自助餐過下口癮，城景就幾啱啦👍🏻價錢平民，款式唔係話好多但咩都有啲～以下總結小小：-海鮮方面有青口、蝦、墨魚仔，青口一般但蝦幾爽但彈牙，墨魚仔會encore-刺身有三文魚、吞拿魚、鯛魚（？）同鮑片，刺生味道較淡，鯛魚仲有啲根😕，不過都本住宗旨：過下口癮-熟食方面最impress係有羊髀，但沒有牛扒～-仲有燴海鮮、魚扒比較得我心，屋企人鍾意食咖哩牛脷，都幾淋👍🏻👍🏻-中菜我就最喜歡魚肚🫶🏾但切成咗好多細粒😂比較難淨係夾佢-甜品款式都相對多～喜歡焦糖燉蛋同桂花十勝紅豆糕🙌🏻-雪糕是movenpick , 有5隻味喔！還可以加薄薄的cone,食起嚟脆口同雪糕好夾😚$268免加一嚟講都真係唔差了，如果親朋戚友滿60歲仲可以減$20！

近來已經很少食自助餐,因為已經開始食不了太多太飽,偏偏自助餐價錢偏貴,不吃多一點的話又太蝕,今次來城景閣,是因為有朋友生日,兼且有買三送一,亦算不錯。只是食物種類而言,好似比較少選擇,生蠔每次廚師只俾兩個,想食多一點的就要分幾次出去,挺麻煩的。長腳蟹肉好乾身,沒有鮮味多汁的口感。魚生都OK新鮮,其他就維持一般水準,如果收正常價的話就不會選這間了。

復活節食buffet lunch，city cafe算抵食。再加上復活節期間可免費參與「咖啡渣紮染工作坊」，的確係復活節留港唔錯嘅節目。一開始見到甜品櫃有movenpick雪糕，和staff 即場焗嘅窩夫，未食正餐先食甜品🤣， 雪糕揀咗maple walnut 味道，同窩夫好夾。餐廳供應魚生，吞拿魚……三文魚……鯛魚……味道不過不失海鮮冷盤只有三款，海蝦尚算唔錯熱葷種類唔多，大致上基本的都有，海南雞飯、雲吞擔擔麵、蔬菜、肉類…… 最有驚喜的是咖哩鴨配薄餅，咖哩味道剛剛好、好味😋，鱸魚都唔錯，肉質嫩滑，仲有潤喉嘅海底椰雪梨湯。甜品種類唔多，有生果... 腐竹糖水，當中麵包pudding焗得好味👍最後都係忍不住，再食多2球movenpick雪糕(swiss chocolate & creme brulee)作結😆。食完lunch buffet仲可以去玩工作坊，一個豐富嘅復活節

收費：$ 498 免加一價錢均真，免加一都省左$50，心理上舒服好多😂環境：陰暗啲，裝修唔光鮮，本身都算係比較舊嘅酒店，所以冇翻新就感覺殘舊每位送一隻芝士蘑菇汁焗鮑魚，個汁好味，蘑菇足料，鮑魚爽彈，不過鮑魚味淡壽司好多款式，賣相都唔差，不過個人黎講Buffet唔好食飯類😂眼見好多人同我一樣，所以我見到壽司類都係由頭放到尾，無人問津刺身多款不過唔吸引，都係三文魚、吞拿魚、鯛魚、八爪魚、希靈魚，連雪場蟹腳都放左係刺身果邊取。刺身新鮮大件，唔會切到好細，要你行幾轉生蠔Creamy 帶苦，應該係半殼急凍蠔，睇樣已感覺唔新鮮唔靚芝士種類多，切好晒排靚仔，有Emmental、Brie、Cheddar同一走核桃Cream Cheese，我係芝士狂所以食左好多煙三文魚偏鹹，都係Buffet少見嘅Cold CutParma Ham又係Buffet少見，Ham嘅鹹香到位，只係唔夠肥唔夠油潤焗蠔有三款：芝士焗、菠菜焗、煙肉焗最好味係芝士焗，菠菜偏健康，味道不足，煙肉就搶晒蠔味，落左過量煙肉甜品一般般，唔係突出位，都係普通泡芙、Cream Cake之類重點要食多啲Movenpick雪糕，口味都好多，師傅同樣

✨油麻地抵食Lunch Buffet✨第一次去油麻地城景酒店食lunch buffet, 本身期望唔太高🙈 但係食物味道同埋質素令我喜出望外✨ 麻雀雖小, 但整體食物味道不俗👍——- 環境方面 ——-Rating: 6.5 out of 10餐廳座位比較多, 環境相對有少少擠迫🙈 由於lunch buffet 價錢經濟, 所以吸引咗唔少老人家去食👍 更睇得出餐廳長期有熟客呢😝——- 食物方面 ——-Overall rating: 7.5 out of 10與一般自助餐一樣, 餐廳提供熟食, 少量海鮮🦐, 甜品🍨等😋😋熟食主要以粥粉麵飯為主，但係都未算話好特別🙈 較為好食嘅，反而係海鮮刺身同埋甜品😋 海鮮刺身方面, 有各式各樣嘅壽司🍣, 仲有墨魚🐙同埋青口✨ 我當日都食咗好多碟呢😝而家甜品方面, 餐廳提供各式各樣嘅中西式甜品👍👍👍 賣相好靚✨ 大家如果嚟嘅話，最好最後留返個肚食個movenpick 雪糕😋🍦仲有窩夫可以揀呢——- Information ——-📍城景閣 (油麻地)📍油麻地窩打老道23號城景國際1樓

2022年12月12日星期一，我及家人一行四人來到城景閣食自助午餐。成人288，長者258。這裡大部分都是熱菜，款式都算多，有小菜，有粥，有粉麫，有pizza，這裏的熱菜我覺得正正常常咁，沒有驁喜，又不會難食。壽司雖然款式唔多，但就好好食。甜品就好驚喜。我同細妹一至認同，這裏的甜品真是非常好味。這間餐廳特別適合我們，因為我家人都不太喜歡食凍野生冷野。孝順仔女可以帶父母來聚餐，其實我見大部分客人都比較年長，可能老人家都是喜歡食熱野多。自己順便嘆下甜品。每張枱下面都有放行李的箱，給個like到埋單我先知，288，258已經包加一，又賺了哈哈。

女朋友新工請左佢 即刻上網搵間自助餐廳慶祝下下午4點打去book都有位 6點半開始食到9點半 一共三個鐘個場唔大 個係座位比較闊落 同時距離都好充足 環境幾舒服長方形嘅場 一眼睇晒有咩食 唔需要東奔西走 飲品同部分甜品放左出走廊收碟速度幾快 通常食完一陣就有人黎收碟食物補充得都好快 未見有食物冇哂每位會送一份芝士焗龍蝦🦞當過下口癮就可以喇刺身有帶子 甜蝦 希靈魚 八爪魚 三文魚 立魚同呑拿魚 魚類冇咩味 不過帶子甜蝦唔錯 八爪魚亦唔會好韌 解凍做得唔錯凍海鮮有蟹腳 面包蟹 蝦 藍青口 半殼青口 蜆 海鮮鮮味唔夠熱葷唔知食緊啲咩🤦🏻‍♂️正確黎講唔熱嘅 全部只係微暖最好味嘅係個中湯😂甜品方面選擇都幾多 質素都幾好