埠 (已結業)

有驚喜既日本串燒。今次食朋友生日飯，一去到個環境就有驚喜, 被安排坐向窗邊位置，感覺開掦，放鬆，剩係呢個環境已經無晒Monday blue👍我地先叫左雞泡魚干同黑松露枝豆作前菜，雞泡魚乾好食，油脂清香，好有咬口，略嫌份量太少，唔夠喉！好在仲有枝豆，滿滿既黑松露，未上枱已經聞到好香，好食到停唔到口，好快就清晒兩碟前菜！原本諗住逐樣叫可以食熱辣辣既串燒，但原來餐廳會用個迷你串燒架，用熱石keep 住食物溫度，好用心，加分！主菜黎喇，d串燒幾特別，我自己最鐘意墨魚腸，又爽又入味。露筍豚肉都正，露筍包住豚肉一齊燒，燒到香甜多汁既豚肉，一d都唔乾，正！重有豆腐，估唔到燒豆腐可以咁好食，應該係加左特別醬汁！值得一提既係大蔥雞肉串同成條都係蔥既牛肉串，朋友十分鐘意，仲有舖滿紫穌葉既雞串，剌激味蕾，香氣十足！串燒普遍高質，唯一不足係燒廣島蠔，個汁好似太重味，蓋過左蠔既鮮味！作為蟹痴既我，最後忍唔住加左個松葉蟹稻庭烏冬，烏冬爽囗彈牙，蟹肉鮮甜，份量亦唔少，大滿足！另一加分之處係個職員超細心見我地分串燒食，主動話幫我地分，仲主動幫我地影合照，超好服務態度👍抵讚！下次想試埋清酒，芝士年糕同和牛串！

係西灣河海旁原來都有隱世串燒美食，其實一聽個名就應該知道呢間餐廳大概為處於海邊，入到去唔洗點等位，如果想坐正係海隔離就要一早book 定啦。呢間無論是環境和食物嘅級數都係附近認為食過數一數二咁好。蟹子沙律，就係有啊青瓜絲蟹柳絲同埋蟹子造成，當中覺得最欣賞嘅地方係青瓜每一條嘅粗幼程度都係一樣，所以成個口口感會非常之一致，而青瓜其實都非常之爽甜，食落去會打開咗你個味蕾，雖然份量唔算好多不過作為頭盤呢個係非常之唔錯。大蔥雞腿肉，大蔥本身嘅味道其實係非常之濃烈不過夾埋雞俾肉咁樣食就非常之夾，會令到沖嘅味道完全融入左雞脾肉入面，大葱面頭得非常之香，一上枱已經聞到非常之大浸嘅味道，而雞脾肉就非常之多汁，面頭美味燒到香脆，入面鎖死晒啲肉汁。雞翼即刻燒完即刻上枱熱辣辣呢個係基本嘅，然後唔會有過多嘅調味剩係得少少鹽已經非常之足夠，會食到雞肉嘅油脂同埋肉汁， 每一隻雞翼都幾大隻燒嘅時間亦都啱啱好 入面嘅肉係處於最嫩滑嘅時候唔會老曬。冬菇就略嫌面頭有少少燒得太黑不過菇味道重嘅，而且都爽口。如果入面可以再多番少少汁同埋調味會更加好。豆腐方面都係一樣少嘅時間好似有啲太長所以免頭黑咗少少。御飯盛，面頭係大量嘅大葱

下班後和朋友到鯉景灣海傍找晚餐吃。這裏有很多餐廳，氣氛很好。不過我們看到碼頭那邊有這家日式串燒餐廳，十分特別，便進去一試究竟。這家餐廳有一個小露台，可以坐在那裏一邊進食一邊近距離看渡輪進出，十分的酷！我們點了牛舌，甲羅燒拼松葉蟹肉飯團，姿煮金目鯛，廣島蠔，鵝肝雞翼和酒盜芝士。先來的是酒盜芝士，它是用鹽辛醃製過的魷魚配上芝士而成。酸酸鹹鹹的，十分開胃。然後是金目鯛魚。它是主要用豉油和糖煮的魚，醬汁很鮮甜，魚肉也很嫩滑，吸收了醬汁的精華，十分好吃。接下來都是串燒，店員上菜時還送上一個石烤爐，之後的串燒都會放在這個爐上烘著，保持溫度。第一個是鵝肝雞翼，雞翼去骨後，在內塞了滿滿的鵝肝，十分滋味。第二是牛舌，它的口感軟熟，感覺自己在吃A5和牛。然後是蠔，烤過後仍然保持了鮮味，亦不乾身。最後是飯團，賣相十分吸引，蟹蓋上盛著蟹醬蟹肉和蛋黃，混合一起後，淋到烤個的飯團上再一起吃，兩個味道相輔相成，填飽肚子。綜合來說，食物質素丶服務和氣氛都很好，下次要再來吃更多其他美食了。

上星期同媽媽食好西。 揀咗間 出名環境 100分嘅 日本餐廳。 果然冇令我失望， 佢個露台開咗，好清楚睇到出面嘅海景。 感覺好chill, 好適合同人摸住酒杯底喺嗰度傾計。估唔到佢嘅食物都幾高質。每次去到日本餐廳我都會叫燒牛舌。佢嘅牛舌厚身，中間林，外圍燒到焦焦地👍😋蟹籽沙律嘅青瓜絲切到好幼身，青瓜好新鮮爽脆，加埋沙律醬同埋蟹子一齊食，好味👍😋我仲好鐘意當日order嘅off menu嘅一夜乾。 條魚好多肉，好厚身， 醃到鹹鹹地，忍唔住快速甘食晒。芝士年糕都好出色！煙煙unun嘅外皮加埋流心cream cheese。甜甜地咸咸地，真係好鬼正。。。好想再order多碟！最後，食日本野點可以唔叫蟹。我地仲叫左松葉蟹肉鍋燒烏冬同埋松葉蟹肉飯團。烏冬都好大碗，我地每人都食到1大碗。 食完暖lublub❤️❤️❤️

不要說咁樣真係得?試著說不如試左先啦；不要說我覺得好哂時間，試著說賺個經驗，當交學費囉；只要調教一下自己心態，睇既野原來真係唔同，擴大自己眼光，自然唔會忽略日常生活中既小細節，令自己活得更加精彩。好似原來西灣河除左太安樓夜市可以掃街之外，係西灣河碼頭就有間隱世既居酒屋「埠 - Hatoba Japanese restaurant」一邊對住個海，一邊思考下人生哲理，寫意呢兩個字咪就係咁解！👇📌お肉 - ▪ 牛タン - $52▪ アメリカ牛肉 - $64▪ アスパラ豚肉巻き - $38▫ 黎得居酒屋，串燒就走唔甩啦，先試左個「牛舌」先，質感夠厚身，裡面咬落好似食緊棉花糖咁，非常軟腍。入口帶少少趙口，牛味夠突出，唔錯；再黎「蔥蒜牛肉」，鍾意濃味既朋友有福了，調味均勻適中，係面前有個熱石爐保持溫度，咁樣可以保持住食物既品質，呢點值得大讚；而食落肉質夠爽口嫩滑，散發住淡淡既牛香味，肉汁係口腔裡面瞬間爆發，一個字正；試埋個「豚肉露筍卷」，薄薄一浸既豚肉切片捲住新鮮既露筍，露筍食落夠清爽，加埋豚肉香，兩者味道好夾，抵讚！📌お食事 -▪ ネギとあられの釜めし - $78▫ 最鍾意有生雞蛋既釜飯，所以苛

呢間位於西灣河蘇豪區嘅日式料理，真係唔錯啊！🥰🥰食材高質，環境同服務都唔錯！以下係一啲我推薦嘅食物：———芝士年糕($42)外形好可愛，食落軟淋淋咁！外皮好似麻糬咁好煙韌，入面充滿住芝士～鹹甜鹹甜☺️好好食！.帶子雞翼($78)入面係包住帶子㗎！所以咬落有帶子嘅鮮甜🥰好特別，值得一試。.白鱔($68)燒鱔真係無得輸！唔會燒得過淋，仲有少少爽脆嘅咬口～個汁都好味！.墨魚腸($26)因為太好食所以叫咗兩串😂😂一串有三粒。好甜，有咬口(好似食緊花枝丸啲花枝😂）以為普通嘢黎點知有驚喜！要食啊真係🥰

埠 (西灣河).⚜️松葉蟹肉溫泉蛋沙律⚜️$98.男朋友表示頂瓜瓜，會比9/10分🤣 溫泉蛋流心好正，蛋汁mix埋沙律🥗菜，好好食！仲有凍松葉蟹肉.⚜️珍寶帶子⚜️$198.同食omakase入面其中一個菜式，熟帶子烹調得好食好少有！仲充滿住汁，紫菜包住食！.⚜️赤雞腎，大葱雞胸肉，雞軟骨，流心鵪鶉蛋⚜️.雞腎好爽口，大葱雞胸肉好香，流心鵪鶉蛋真係流心！ 呢個出面好少有得食呢到會有爐上串燒，一直熱住佢(⁎⁍̴̛ᴗ⁍̴̛⁎)⚜️冷稻庭烏冬⚜️.份量不多，但勝在非常彈牙，又夠冰凍！⚜️日本蘋果白桃蛋糕⚜️.想食甜品，食唔到蘋果味但充滿白桃香！順帶一提呢到嘅環境係非常之正，你可以request坐出面對住個海食，而且不時有船就係你前面經過，日落時分非常之chill!!!—————————————————-味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️環境：⭐️⭐️⭐️⭐️⭐️.📍 埠 (西灣河)西灣河鯉景灣太康街西灣河碼頭—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#food

今日難得放假想周圍行下，平時好少黎到港島，就黎左西灣河碼頭到feel下呼吸下啲新鮮空氣。行行下碼頭，見到呢間埠，餐廳正正對住個海，別有一番風味，見個位置咁靚一於就試下！係西灣河碼頭呢到就見到呢間埠。入面裝修得好靚，好有feel，仲可以係餐廳入面望到個海，亦都有位置係坐係出面，應該會幾浪漫，但今日有啲大風，所以就同朋友坐返室內啦menu都好多選擇，我同朋友都揀左好耐，大部份係食串燒，但都有前菜同主食呢個係松葉蟹肉溫泉蛋沙律，調味做得好足，沙律菜唔會乾爭爭，蟹肉份量都好多，同埋好有蟹鮮味，成盤沙律睇得又食得，唔會好似其他平價餐廳咁比一大碟沙律菜你就算，呢到啲細緻位都做得好足，成盤都好吸引我地仲叫左啲串燒，包括廣島蠔、白鱔、墨魚腸、牛舌、蔥蒜牛肉、豚大腸、大磨菇。當中想值得一提就係廣島蠔，燒得唔會好乾，洗得又乾淨，唔錯！仲有牛舌同豚大腸，牛舌好軟身好有牛味，完全唔似係冰鮮野，豚大腸外皮好脆，內裏軟身，又唔會好油，抵讚！因為怕唔夠飽，我地仲叫左個月見香蔥脆脆釜飯，staff會好好服務咁幫我地撈埋，唔洗自己整到一舊舊又論盡個飯調味適中，食得間中會有啲脆脆，雖然唔知係咩黎，但好有口感，好好食！我地

平時好少過黎西灣河，呢日黎探住喺附近既朋友，我地去左一間喺正西灣河碼頭旁邊既日式餐廳食晚餐。呢間餐廳喺正碼頭旁，我地又坐喺窗口位，所以風景一流，一望出去就係廣闊既海景！打開餐單，見到有好多好正既日本菜，包括係沙律、漬物、肉類、主食、甜品等等。我地點左煙薰鮭魚乾，呢個鮭魚乾燒得好惹味！另外，仲點左紫蘇紅菜頭大根沙律，呢個沙律味道清新，紅菜頭切成細絲，refreshing又好味道！前菜仲點左漬物三點盛，入面有牛蒡醬油漬、紅酒喬頭漬同埋螢光魷魚漬，好豐富！主食方面，我地點左松葉蟹肉鍋燒烏冬，蟹肉都幾大件，烏冬好彈牙，口感超好，湯汁手亦都好正。燒物方面，我地點左A5和牛同埋鵝肝雞翼。A5和牛肉味香濃，汁多肉嫩，雞翼入面既鵝肝亦都好肥美。

在日本旅遊時，真的是吃個不停，特別是日式串燒，可惜今年不宜旅遊。最近發現這間門面裝潢很低調既日式餐廳，鄰近西灣河碼頭及Soho東，旺中帶靜，邊食邊望住個海好Chill 。這家串燒即點即燒，而且品種很多，每串都很好吃，我地叫左白鱔  - 肉質細嫩，味道鮮美 。帶子雞翼 - 皮脆肉嫩，口感豐富。蔥蒜牛肉 - 蔥多蒜味甚濃，牛肉好juicy。除左串燒外，還點了健康惹味的黑松露枝豆、鮮味無比的螢光魷魚沖漬 、熱辣辣的鍋燒烏冬 ，烏冬彈牙。當中的芝士年糕最為吸引，半煎炸，外脆內軟，加上芝士流沙感覺，口感一流，想再encore。最後一人一客日本蘋果白桃蛋糕 ， 蛋糕清新香甜，細細份剛剛好。

好耐都冇食過日本燒物，今次做完apprasial ，同朋友去左公司附近既居酒屋食番餐好。居酒屋位於西灣河海濱旁邊，如果有幸坐到靠窗位置仲可以享受一個有浪漫既日式料理可惜今次坐靠牆，但地方都好闊落，有自己私人空間。我地先叫左個前菜，煙燻鮭魚乾燒得好脆，有三文魚既咸香，餐前開胃菜就最岩關東煮真係原鍋上  諗起日本冬天凍冰冰時食關東煮個種暖笠笠既感覺湯底好清甜，豆腐好滑，最中意食佢個油豆腐，煮得好入味。仲叫左個松葉蟹肉鍋燒烏冬，湯底清甜，烏冬真係好似讚歧烏冬咁滑，不過蟹肉好似食唔夠喉到壓軸啦，燒物我地叫左芝士年糕，雞翼同埋月見紫蘇免治雞肉棒雞翼： 已經好細心幫我地拆開，火候岩岩好，外皮脆之餘仍然keep 到好嫩滑肉質，甜度岩岩好雞肉棒： 因為見佢個名特別而叫，待應亦附上生雞蛋配上，雖然紫蘇味唔係好食得出，但係雞肉棒口感褂常好，配上燒汁燒都唔錯芝士年糕： 最令我中意係芝士年糕 我好耐冇食呢款，一定要燒先好食，出面軟淋淋，入面一啖咬，有D流心芝士流出黎，配上海苔爽脆同味道就更加畫龍點晴值得欣賞係： 會有個爐一直幫我地保溫, 包保一直都外脆內暖我地叫左杯Sapporo Draft Beer 同青檸

好耐都無係週末出走啦😢身為港島人嘅我，今日一於近近地去西灣河海旁嘆個brunch啦！鯉景灣soho區其實有好多五花八門嘅餐廳，今日就揀咗呢間係碼頭隔嚟嘅餐廳！我地11點幾就到咗，身為第一枱客，餐廳安排咗窗口位俾我地，真係非常之靠近個海呀！對住個海食飯都梳芙啲☺️呢道嘅雞泡魚乾燒得唔會好硬同乾，而且剪到幼身一條條，我同朋友食完一條又一條，簡直係停唔到口呀😋串燒定食非常豐富，有雞翼、豚肉露荀卷、美國牛肉、冬菇、日本絹豆腐、墨魚香腸、車厘茄、日本蕃薯肉類都唔會燒得太熟，恰到好處👍🏻牛肉半生熟，雞翼攤開嚟燒，兩邊燒得均勻，唔會一邊好熟。另外，最貼心嘅係底下有熱石助熱啲串燒，即使係同朋友傾住計食都唔怕凍曬！左口魚裙邊丼同松葉蟹貴精不貴多，令人食過翻尋味😋最後送上一口泡芙，為呢餐劃上一個美滿句號☺️

港島東Soho區多酒bar多食肆大家可能已經知道，但係鄰近既西灣河碼頭有一間食日本料理既小店，可能又未必好多人知道！今日剛剛過到港島東那邊有事要辨，除了認識太古商場外，近鯉景灣既Soho區亦有少許認識，從太古那邊沿海濱長廊行走到嘉亨灣那邊，步行只需十五分鐘。在碼頭旁，名叫埠，以串燒為主被安排坐在窗邊，可欣賞維港夜景餐牌有前菜，沙律，串燒，釜飯等以石燒爐上枱，可以有效熱住剛剛燒好既串燒, 相片中左起是燒廣島蠔，燒大蘑菇，燒紫蘇梅子雞腿肉，燒墨魚腸及燒白膳。甘多款之中我最愛廣島蠔，完全可以保留蠔既鮮味。蒽蒜牛肉，原汁原味👍🏻👍🏻鍋燒烏冬，湯底淸甜，烏冬彈牙月見香蔥脆脆釜飯，熱辣辣，伴以生蛋，大量蒽及紫菜，令到整個釜飯好香！甲羅燒併松葉蟹肉飯團，啖啖蟹膏配以飯團一起放入囗，好食到不得了😋

最近少咗好多出街因為疫情嘅問題 但咁啱朋友生日所以我都揀咗屋企附近嘅餐廳同佢慶祝我哋去咗西灣河蘇豪區嘅一間海邊日式高級餐廳食生日飯望住個無敵大海景心情都靚晒餐廳設計好高級令我覺得好似去咗日本銀座我哋叫咗兩碟開胃菜呢個係牛蒡醬油漬入口好Juicy酸酸地用嚟開胃簡直一流之後再叫咗個煙燻鮭魚乾呢個就係鹹鹹地嘅如果送飯一定食到幾碗啊 好正我就係個飯桶嚟嘅一定要食飯先至會飽所以就叫咗個御飯盛黎食 （飯·湯·茶漬）我平時呢就好少食雞翼嘅 但見到隔離枱點左雞翼 又見佢擺喺個爐頭上面幾有趣 我同朋友當然叫咗兩隻啦 我唔食猶自可一食完全停唔到 好香脆 咬落去勁Juice啲汁流晒出嚟 隔離枱都聞到佢嘅香味真係唔好講笑呀叫完我哋再叫多咗兩隻生日呢我就冇買蛋糕啦不過就叫咗個柚子雪葩俾我朋友嘆下愛陳去用咗真嘅柚子 入面嘅雪葩酸酸地勁開胃囉雖然冬天好凍但都要食完全停唔到口

今日喺港島行完山搵到呢間叫做埠嘅日式居酒屋地點位於西灣河碼頭就咁睇門面裝修已經非常之日式景觀更加冇得彈成個海景一覽無遺Menu設計得好靚佢以肉嘅種類分類食物就主打串燒一開始叫咗個海帶昆布清湯暖下個胃先昆布味好濃，湯底清甜之後我哋一共叫咗9串串燒，包括有車厘茄，大蘑菇，豚肉蘆筍卷，豚大腸，牛舌，大蔥雞脾肉，赤雞心，赤雞皮同埋赤雞腎上菜嘅時候職員會上埋個石爐係用黎將已經燒好咗嘅串燒做保溫佢燒好之後就會擺上個石爐度就唔怕掛住傾計搞到啲嘢食凍晒另外個店員仲會不時主動走過來問我地啲串燒調味啱唔啱非常之貼心另外叫左個甲羅燒配松葉蟹肉飯團首先要將甲羅燒同雞蛋撈埋一齊之後配上飯團一齊食蟹膏味道非常濃郁亦食得到放係飯團入面松葉蟹肉嘅鮮甜最後叫咗個松葉蟹肉鍋燒烏冬松葉蟹肉非常之鮮甜，配合埋個䁔粒粒嘅湯底同彈牙嘅烏冬好好食