堅信號上海生煎皇 (淘大商場2期)

營業中

休息中

食過好多間上海菜 堅信號味道算麻麻 擔擔麵湯底唔香，麵質太幼 排骨炸得唔夠香脆 但係又唔算差嘅，無咩驚喜咁囉，當就腳醫下肚都ok，因為都係大商場裡面，考慮埋鋪租，佢價錢都算抵，12:30前落單有早鳥優惠，亦都有學生優惠。

第一次試上海粗炒，聽就聽得多🤣開頭以為會係豉油炒烏冬咁既feel, 食落先知唔係 煙煙韌韌的口感，好味😆，豉油味都OK唔會話太鹹，不過一定要加嗰個辣椒醬甜甜辣辣先好食扣分位，真係超級油，頭兩啖都OK但係後尾真係太油啦總括嚟講，第一次試，下午茶食，$38 抵食😋

今次特登嚟同我食生煎包，再嗌咗一個風味豬扒擔擔麵。首先，係生煎包方面，推薦！生煎包個底部煎到有少少脆，但係食嘅時候真係要專心啲，我唔專心咁樣食，咬個下就將啲汁噴咗落去我男朋友件衫度，所以唔好太貪心，食嘅時候要小心啲。至於風味豬扒擔擔麵，我哋覺得一般般，擔擔面方面，佢個湯比較淡，唔會有平時出邊淡淡面嗰種花生香，整體嚟講都真係比較淡。風味豬扒，佢哋應該用咗另一種結法，但係我哋都係鍾意最平常嗰種豬扒多啲。

今天一心想去淘大分店品嘗貴公司食品，怎知一去到衹有一張兩人枱，其實撘枱係冇問題，衹不過個位太細同迫，我選擇出門口等飛，其後我見有客人都等位，之後我見到有客人離座，但最激氣就係個位男同事沒有看清楚派飛本簿嘅號碼完全沒有理會我張飛號，直至我比飛去睇佢先問我撘唔撘抬，我想知道貴公司是否1-2客就唔係客3位以上先叫貴賓，請問貴公司這樣代客不如叫我唔好來光顧。

我嘅味蕾今晚仿佛參加咗個繽紛派對呀！首先，厚切豬扒菜飯真係令人驚喜，豬扒呢，煎得外皮微微焦香，肉質又嫩滑得黎，真係一流👍。同埋，唔會好似其他地方咁油膩，真係啱晒平民口味，食埋一啖飯，爽呀！跟住，講下個小籠包，皮細滑之到不得了，一咬落去，湯汁四溢，鮮嘅汁液喺口腔裡盪漾，實在太正🤤！至於麻辣豬耳，籽籽脆口，辣得嚟唔熏天，微辣微麻嘅感覺刺激到每條味蕾，啱晒愛辣嘅你！而家講返個酸辣湯，酸酸辣辣嘅好像就係為咗提神咁，湯底夠味而唔會過咸，啄一啄令人胃口大開。啱啱講完，一諗起嗰碟孜然雞翼，我荷包都忍唔住想再掏錢，將啲香料味嘅雞翼一扫而光——真真係咁滋味!最後，提提你哋，一定要試吓個鮑汁菜心，簡單嘅烹調手法帶出菜心本身嘅清甜，最適合哋後來個清新收場。當嗰位好友輕輕啜一口桂圓紅棗茶，仿佛連我都覺得神清氣爽，養生又暖胃，完美收尾呢場食味盛宴。坐喺店裡，放眼望去，每一張面孔都陷入呢種滿足嘅美食境界。招呼好、環境舒服，這裏無論你一個人自在食，定係同三五知己大啖特啖，都絕對係一個好選擇。食飽食餐，撐得我行都行唔穩啦！🥢👏💯

下午茶幾抵食主食around 3x-4x, +$10 有酸辣湯, +14有2生煎包/小籠包 生煎包個皮硬、薄、乾、脆肉湯正常，肉餡正常個人口味，個皮敗北已經係失敗，唔會再食小籠肉湯餡同生煎一樣，皮還可以，微乾上海粗炒，真係食10間9間都好似炒烏冬咁，毫無穫氣， 冬菇肉絲耶菜份量不錯，鹹度適中，味道還好熱豆漿都有豆味，可以。 酸辣湯，非常足料，除左基本木耳，冬菇絲，荀絲，豆腐絲，仲有豬肚絲。湯質不錯似羹。P.s. 有隻已死大強在枱底🫥

今次見網上外賣平台有半價優惠叫咗個外賣返去試試糖醋脆黃魚菜飯/涼拌青瓜+凍酸梅湯 (原價 $120) $86糖醋脆黃魚味道就似魚版嘅咕嚕肉 酸酸甜甜入邊有菠蘿 紅/綠椒 椒都幾辣下而個魚係好夠酸 好啱我呢啲重度酸味愛好者青瓜用陳醋拌 正正常常啦生煎包好juicy 咬落去爆曬汁肉餡都幾多 煎到啱啱好 上軟底脆上海粗炒/上海醬蘿蔔+凍酸梅湯 $80  (原價 $111) $80粗炒偏油 味道有啲淡入邊有椰菜同些少肉蘿蔔酸酸地咁酸梅湯微甜解膩灌湯小籠包 (4隻) $40有配醋同薑絲但整體一般皮厚肉少 唔夠juicy食唔到肉嘅鮮甜 而且有啲鹹京汁茄子 $23茄子應該有過一過油所以好軟爛 但同時都偏油汁醬鹹鹹辣辣但茄子掛唔住汁 所以味道都係唔太夠整體而言份量都幾大份但味道就比較一般 而且都幾油膩生煎包會係所有入邊 比較值得食如果有優惠我覺得食得過但以原價而言性價比就唔太高

一家人叫咗蟹粉小籠包蟹粉撈麵生煎包豬扒擔擔麵各樣各樣，味道唔錯。食完當晚冇咩嘢，第二朝個個排隊去廁所。相信廚房應該好污糟。希望餐廳可以改善，不過怕怕唔敢再幫襯了。

今日打8號風球，但出面暫時都好風平浪靜，樓下食肆好多都重做緊生意，係超市買左少少餸準備聽日可能掛10號風球後，就唸住買個外賣返去做午餐。我今次揀堅信號既上海排骨菜飯跟一杯綠茶（51蚊），另外叫多份堅信生煎包兩隻（14蚊）。排骨炸得有少少過火，而且肉質比較鞋口，無晒水份，味道可以接受，份量都算多，而菜飯就無咩特別，正正常常，菜同飯既比例平均。而生煎包就做得唔錯，外皮有少少脆口，咬一少啖，先吸左入面既湯汁，湯味唔會過鹹，而家湯汁好充足又夠熱，再食到入面既餡料，有豬肉同少量蔬菜，以14蚊有兩粒都算幾抵食。

生煎包底部煎得好脆但未去到太焦太硬表皮唔會硬到缺水、亦唔會軟到一夾就穿食起嚟幾方便生煎包入面就真係好多汁佢啲廣告圖唔係呃人，啲汁真係會多到噴所以大家食個陣一定要小心一啖放入口好易被汁辣親喉嚨肉就反而冇咩特別算係少肉粒，口感比較軟熟調味正常

最近見到越來越多堅信號開店，相信佢嘅生意都唔錯。今日下午茶時段我就同我男朋友嚟咗位於九龍灣嘅呢一間堅信號。呢一間分店位置唔算多，而且位同位之間都比較逼夾，所以簡單食一餐就算。我同男朋友一人嗌咗一個餐，我叫咗生煎包加小籠包，有男朋友就叫做擔擔面。個人來講，我非常推薦佢嘅生煎包，佢嘅餡料非常之豐富，而且跑落去嘅時候都好Juicy，真係會爆汁。相較之下，佢嘅小籠包同擔擔麵就比較普通，但係都不過不失，唔會太難食。

又36度真係熱到無乜胃口 🥵 輕食一下堅信號下午茶餐 下午茶餐都幾多款式選擇 小籠包生煎包水餃擔擔麵上海粗炒都有 最後叫左韭菜豬肉餃配綠茶hea番陣降下溫先 😆下午茶 ： 韭菜豬肉水餃（6隻）配飲品 $38 可另追加小食地址：九龍灣牛頭角道77號淘大商場2期地下G187-188號舖 （港鐵九龍灣站 A 出口, 步行約10分鐘）#堅信號上海生煎皇 #堅信號 #下午茶 #淘大商場 #九龍灣美食 #平民美食

前排同朋友行街傾計，突然想食生煎包，於是就諗到呢間生煎包超超出名嘅堅信號～*堅信號生煎包（4隻）$36不愧係招牌生煎包，個底煎到卜卜脆，而且皮超級薄，輕輕一咬就可以咬穿，入面仲好鮮，好多湯汁，超級幸福～感覺食落有啲似煎脆咗嘅小籠包🤤*四川擔擔麵 $49 擔擔麵就其實冇咩特別，就係正常普通嘅擔擔麵，上面有少少肉碎同蔥花，但唔多。湯底唔算特別濃，叫咗中辣但完全唔辣，麻醬味偏重。麵質正常偏幼，食到一半基本已經淋曬😢

嗱，老實講一句啦。好耐冇食堅信號，今日再試，依然都係咁高水準👍兩個lunch set：秘製豬扒上海粗炒、川味口水雞先講個豬趴：好juicy、好香口，啖啖肉，冇乜肥邊！份量絕對冇呃秤！良心企業。口水雞：口感絕佳，麻辣口感和多層次的味道，辣中帶麻，麻中帶香，非常開胃。尤其是麻辣汁的調製，令人回味無窮。灌湯小籠包：餡料鮮美，皮薄湯多，口感鮮美。唯一需要注意就是慢慢食以防湯爆出來。堅信號—生煎包：食過好多地方的生煎包，唯獨覺得堅信號的生煎包最出色。出色之處在於底部的煎製，包的底部形成一層脆脆的焦皮，內部就係鮮嫩多汁的肉餡，口感豐富。汁水香味非常好，食一打都唔会嫌多。

今早打完乒乓球去了淘大花園的「堅信號上海生煎皇」食lunch。「堅信號」走中價路線，食物性價比高，除了美味的招牌生煎包外，我最推薦「川味口水雞」，雞肉嫩滑又不太辣，真是令人食指大動 !