堅信號上海生煎皇 (將軍澳廣場)

營業中

休息中

“堅信號生煎包”($20/2隻)“灌湯小籠包”($18/2隻)“上海排骨擔擔麵”($62)“秘製豬扒菜飯”($62)一路都好鍾意食生煎包🤤去開將軍澳見到呢間堅信號一於入去食吓😆呢道提供平價上海菜😋除咗生煎包,仲有小籠包,粗炒,擔擔麵等菜式掃qrcode就可以落單夠哂方便叫咗生煎包,小籠包同2個主食生煎包熱辣辣,外層香脆,一咬落去爆哂汁😍小籠包都充滿湯汁😚略嫌個皮厚咗少少🤏🏻主食就要咗上海排骨擔擔麵同秘製豬扒菜飯🐷擔擔麵花生味香濃🥜湯底偏甜如果辣返啲會好食啲🌶個排骨炸到金黃酥脆😋唔錯☺️豬扒菜飯夠哂大碟😆豬扒食落帶甜,肉質腍滑完全唔韌☺️食完好飽好滿足🤣

太耐無食佢最出名嘅生煎包了,剛碰到下午茶時間,見舖內又唔多,來一個担担麵加兩隻生煎包同熱豆漿醫醫個肚先😁下午茶餐都有7至8款揀,由小食同飯都提供,唔怕你揀唔到！！掃完個QR code 無耐就有嘢食到！先來熱豆漿同生煎包,豆漿正常唔甜,個生煎包真係無得頂,包底煎到脆,但包面一D都唔硬同乾,入面仲有滿滿嘅湯,好彩阿姐話定個包好熱,唔好一大啖食,如果唔係就會燙親咀,阿姐真係無講錯嘅！担担麵叫咗中辣,但一D都唔都唔辣,反而個湯底好重花生味,麵嘅份量亦不少...食完哂成餐連晚飯都可以唔使食了🤣🤣個餐包担担麵$38, 加$2轉豆漿,加$13兩隻生煎包,埋單$53...中位價,值嘅！

早幾日經過見到呢間下午茶好抵～～聽聞佢地既生煎包好好味，而我同屋企人又未試過，於是買左外賣返去食😋😋-🥟招牌生煎包(2隻) + 灌湯小籠包(4隻) $46✨我另外再加($12)加多兩隻生煎包～～生煎包脹卜卜，賣相十分吸引🤤🤤底部煎得好香脆，內裡餡料鮮甜多汁，口感豐富❤️❤️小籠包都唔錯，一啖咬落去已爆哂汁！！而且皮薄適中，湯汁夠香濃！擺左一陣都仲暖暖地好好味👍🏻👍🏻套餐包一杯飲品🥤，整體幾抵食🥳🥳

👀被門口的抵食套餐海報吸引入嚟, 坐低後才知道原來星期六,日及公眾假期是沒有套餐供應的！有點失望😌還好店內服務貼心, 現在疫情下,入座後, 便放上紙袋給客人放口罩, 然後遞上已放入整套餐具的大杯熱水, 唔使擔心餐具唔夠乾淨感覺良好👍沒有“辣度“選擇的酸辣湯 $25湯底口感唔會太傑身漿口😋酸辣味道適中, 唔會太酸又唔會太辣🌶️🍆京汁茄子 $28這款是涼菜帶麻香及少少辣味🥬鮑汁菜心 $27“鮑汁“應該是蠔油及鮑魚汁的混合醬料菜心尚算鮮嫩脆口🥟上海菜肉水餃（8隻）$40雞湯味道,水餃餡料豐富但略嫌餃皮比較厚身😉檯面上还貼有吃生煎包教學三部曲🥢爆湯生煎包（2隻/4隻）選擇外皮厚薄適中,底部煎得好脆口包皮面洒上的黑白芝麻好香內裏豬肉餡料好有口感混和肉汁及濃味湯汁一啖咬落去真係爆曬汁😋不愧為招牌菜式👍

如外買自取記得要點齊食物先好離開因為客人回到家先發現該店舖漏俾食物，再致電該分店要求去就近分店(新都城分店)取回食店漏俾嘅食品，點知去到客人指定嘅分店時，職員全不知情

放工返到將軍澳好鬼死肚餓 好多鋪頭都排長龍買外賣 喺呢度唔使等 冇人排隊 就貪快試下 怪自己攞咗外賣冇檢查 就返咗屋企 點知真係中伏呢盒睇落好似醫院餐嘅飯盒 盛惠70蚊首先一打開見到已經唔開胃 本人食嘢冇乜要求 食得飽就算 都可以激鬼氣到開個account嚟畀評語我明明要糖醋排骨 畀錯咗一盒唔知乜嘢魚都算啦返咗屋企費事煩 一餐半餐冇所謂啦點知一入口 啲魚食落一陣腥味 食咗兩啖放棄個生煎包硬過石頭 啲肉鞋颯颯中伏首選 唔會再嚟 想試下伏味就去啦

今日學識咗咩人唔可以相信？堅信號嘅人唔可以相信…今日去咗堅信號度食下午茶，睇餐牌都好似幾抵食，所以揀佢嚟食，我揀咗個A1下午茶餐$43 (招牌生煎包兩隻+灌湯小籠包四隻）然後加咗$2轉飲凍豆漿，再加$16追加一碟雞絲粉皮。招牌生煎包 - 話得係招牌都唔會差，爆汁有，底部脆。味道OK，不過有時就嫌佢太大個好似有啲飽😅 灌湯小籠包 - 我唔鍾意食，因為佢好似有浸怪味，我本身好鍾意食小籠包，唯獨是今次我覺得唔好食，同埋有一個行為好戇居，佢擺咗一執薑絲係中間，但係佢又唔比隻碟我，唔通佢叫我將啲醋直接落啲小籠包度？！唔係好明佢想點？！問啲服務員，先至識得拎隻碗俾我，真係唔該晒。凍豆漿 - 我叫嘅係凍豆漿，所以一大啖就飲落去，點知係熱豆漿！ 我同服務員講我頭先係咪落單嘅時候係唔係落凍豆漿，佢答我係，我話但係呢杯熱㗎熱死我，跟住佢幫我換過杯凍豆漿，無論係凍豆漿定熱豆漿，原來都係用同一款杯…😑雞絲粉皮 - 首先佢用嘅係和風芝麻醬，呢隻芝麻醬基本上你點咩都好食，同埋佢用咗呢種醬係咪應該改名叫和風雞絲粉皮呢？因為我覺得似食緊和風沙律！

第一，出面show出黎餐牌有套餐，點知入到去無得叫，問完先知公眾假期無得叫，ok!就當我無睇清楚第二，出餐好慢….，員工就多，但企哂係度，因為無餐出，廚房好似無人做野咁係坐低叫做有杯熱水放係枱洗筷子同放低d碗仔比你無下次！！！！

🥟堅信號上海生煎皇係將軍澳行來行去都諗唔到食咩，就是旦入一間到食啦🥲蟹粉小籠包 $29湯汁冇生煎包咁多，皮厚薄適中，蟹粉多，正常發揮上海粗炒 $59炒麵夠惹味，但啲麵有咬口到似未煮熟😅外婆紅燒肉菜飯 $68個汁惹味，肉入味，但徧鞋，菜飯得麻油味😵‍💫生煎包 2個 $10 跟餐 招牌菜都幾好，好多肉汁，一咬爆汁，底夠脆雞絲粉皮 $10 跟餐粉皮好厚，啲雞應該叫雞肉唔係雞絲，粗得呢好鞋淨係食到日式芝麻醬，難食😵麻辣海帶絲拼蓮藕片:正常發揮，惹味上海醬蘿蔔:酸酸甜甜，幾開胃豆漿 $5 跟餐茉香綠茶 $0跟餐2個人埋單 $181 ，平均一個人都唔洗$100岀去食上海菜都唔會平，呢到叫做有套餐嗌但係食物質素真係麻麻，淨係生煎包算ok如果你真係諗唔到食咩，可以去試下嘅😱ps:食生煎包好啦。。。。

突然想生煎包，就去樓下堅信號食個晚餐生煎包 ～ 熱辣辣好多肉汁雪菜黃魚濃湯拉麵 ～ 呢個係舖頭推介嘅, 黃與炸到脆卜卜，又冇骨好香口，拉麵好爽滑雞絲粉皮 ～ 略嫌雞肉同粉皮比較鞋，芝麻醬份量亦偏少麻辣無骨鳳爪 ～ 鍾意食辣一流，麻辣感覺好正

尋晚臨瞓前，突然心心念念好想食小籠包🤤🤤🤤，結果瞓著之後，發夢發咗一晚，夢嘅內容全部都係食、食同食🙈🙈🙈左手一啖小籠包，右手一口山煎包作為一個專業的吃貨，相信大家都會明白呢啲事成日都發生喺水晶嘅身上😂😂😂好不容易捱到醒，一起身已經搞到勁餓餓到想食埋山煎包，於是就openrice搜尋吓屋企附近邊到有得食呢兩樣嘢啦，原來都唔係好多間有齊，最後比我搵到堅信號原來喺將軍澳開咗分店，讀書的時候，曾經有朋友專程帶我去過佢旺角的第一間分店㗎，朋友話係前歌手Oscar開，所以果時排咗大半個鐘先朝聖成功🙈🙈🙈好彩今次將軍澳呢間分店唔係等咗好耐就可以入座了，入座見到枱面上有紙袋比你放口罩，亦都有放定熱水比客人洗餐具，疫情下覺得呢間餐廳都幾貼心，不過第一次去呢間舖話要自己掃二維碼落單有啲寧亂，而啲員工好多都係姐姐來，店內人手唔係好夠，想搵人幫自己點餐都有啲難度好彩最後都比我成功研究到點用個點餐系統，可以叫我心心念念的山煎包同小籠包山煎包山煎包係先上的，真係熱辣辣，一咬落去仲爆汁添，真心幾正依然維持到當年旺角總店令我留下深刻印象的感覺，不過當年旺角店的山煎包好似再大個啲啲，而家好似縮咗水咁小籠包小籠包反而等咗

點左下午茶招牌生煎包同涼拌蓮藕，食物係正常的，唔好有特別太大期望。涼拌蓮藕冰凍爽脆，醬汁味道係唔錯的。生煎包個包皮食落粉左啲，口感好削。至於個餡調味正常，豬肉都有啲鮮味，肉汁多👍🏻 豬肉質感一般，不過都明白食肆啲肉都好難做到彈牙嘅口感。服務方面，個別侍應成日黑口黑面，又唔出聲又唔俾反應🤷🏻‍♀️ 但明明我見啲客人都幾有禮貌問佢哋野。遇到客人嘅一啲特別要求亦欠缺處理嘅反應。樓面嘅環境衛生幾好👌🏻

之前係其他地方食過ok，諗住屋企附近開就試下。7點左右去到，拎飛等5張2人檯，點知見到有人直接行入去講幾多位就入得，結果我同職員講2位都係入得，咁拎飛黎有咩意義？叫左擔擔麵、小籠包同豬扒菜飯，小籠包個皮好厚，完全唔知咩味，豬扒菜飯個飯d味好奇怪、豬扒叫好食少少，擔擔麵算係叫做ok。成間舖頭既職員講野好大聲好亂，有檯無人抹，個個都好似扮到好忙咁，收銀一個根本做唔切，又要處理外賣自取，又要收堂食既錢，其他職員係哂入面唔知做乜。

我係openrice外賣自取兩隻生煎包+一份雞絲涼皮，番到屋企打開外賣盒⋯⋯竟然發現雞絲涼皮完全冇醬冇汁俾我！！！搵勻外賣袋都冇另外包裝嘅醬汁！！！痴線！！！無諗過外賣竟然可以咁過份！咁重要嘅涼拌醬汁都唔記得落！！涼皮一d味道都冇！！完全食唔落！！！番到屋企先發現外賣係咁，真係把幾火！！！即時打電話返店鋪，電話冇人聽！！！服務質素點解可以差到咁？！遇過最差嘅外賣！！！！！！！blacklisted

堅信號生煎皇 生煎包 小籠包專門店 新鮮的豬肉餡料製作 皮身夠薄,輕輕一切就爆汁,吃時要小心肉汁豐富鮮甜 麻辣無骨鳳爪 HK$35保留鳳爪既爽脆感,麻辣調味令食起來更美味辣度輕微,大人細路都可以試試將軍澳唐德街1號將軍澳廣場1樓126-129號舖Shop 126-129, 1/F, TKO Plaza, 1 Tong Tak Street, Tseung Kwan O消費$100評分8/10