堅信號上海生煎皇 (福榮街)

營業中

休息中

之前喺旺角嘅分店食咗外賣生煎包，已經覺得好好食，個皮好脆有肉汁。今次去呢間深水埗堂食，服務都算唔算，一開始比左杯熱水同餐具，小籠包，雞絲粉皮，秘製豬扒！雞絲粉皮唔錯，夠麻醬，個粉皮都爽口，雞肉絲分量唔算太少，$28 值得叫。小籠包最後先到比較遲，但$32 四粒 算抵食，正常期望甘，我覺得生煎包畀小籠包好食，下次會再食生煎包，因為個脆皮真係好正！另外，覺得必點就係呢個秘製豬扒。因為做完運動想補充蛋白質，所以就冇叫豬扒飯，叫咗個淨豬扒。個豬扒夠淋，肉汁好夠，好似食緊叉燒咁，但係又好夠味，一塊$46有啲貴，但真心推薦要試試！

一場嚟到深水埗黃金買 電腦 買明天我就覺得好肚餓。過咗去對面食 街找嘢食， 見到有間上可以就入去試下。呢度下午茶餐幾抵 50蚊就已經有好多嘢食， 我哋好口渴 我叫咗杯熱豆漿飲下， 熱豆漿豆味好濃， 充滿大 豆的香味。之後就負咗紅油抄手， 我油抄手行咗十足 用 新鮮豬肉， 配合 辣椒醬 分外惹味。上海小籠包皮薄餡靚， 一啖咬落去有好多汁， 配上甜醋 特別好味。之後就到雞絲粉皮， 覺得啲粉皮醬汁撈都好好味 粉皮好薄好滑溜。最後仲叫咗上海生煎包， 皮薄餡靚 即叫即煎 非常惹味。

知道呢間係江若琳同Oscar 開嘅食店，同男朋友行過想試吓呢間生煎包係咪真係咁好味😃 都算係唔錯呀😋上海生煎包 2 隻 $20一個圓餅形狀，因為平時食開嘅都有一個尖頂形🤣 餐廳有張紙教你點嘆呢個生煎包（附圖），因為湯汁好多，一不小心就辣親咀就麻煩😛😛 講返個餡都幾好, 包同餡料都配合得幾好，果然係值得推介嘅👍🏻灌湯小籠包 2 隻 $18同生煎包比較，我覺得生煎包好食d ! 小籠包皮好薄，但又唔會穿，整得係幾靚嘅，而且餡料唔會過多過少；size 一口就放得入。秘製厚切豬扒擔擔麵 $62推介👍🏻👍🏻 豬扒無肥肉，好入味，入口好香好食😋!!! 擔擔麵有少少辣嘅，但還可以接受；份量適中，剛好；擔擔麵麵條都幾好，軟硬適中，味道有香嘅花生味！凍豆漿 $12

呢日黎到深水埗，想食下小籠包，見到堅信號就黎試下～但黎到堅信號又冇理由唔叫佢既生煎包試下～見到佢晚市套餐有小籠包之餘仲可以加錢叫其他小食，我就梗係加左錢試下佢個生煎包，試完之後我下次如果要二選一我一定係揀生煎包！因為真係好正！雖然佢個生煎包既size唔係好大，但個包入面既餡真係超足料，有成舊肉之餘仲有足夠既湯汁，食落去如果唔小心一咬，應該會俾d熱湯汁辣親個口🤣生煎包個底部夠脆，入面又夠juicy,兩粒其實都唔係好夠喉，想再食多幾粒hahaha另外仲叫左小籠包，相對生煎包真係有d失色，但又唔係唔好食，不過生煎包再正dd! 好耐冇食過紅燒肉，所以叫左個紅燒肉菜飯，因為紅燒肉肥，所以揀左菜飯去減輕個罪惡感hahaha 紅燒肉夠哂入味同肥瘦分明，唔會太肥或太瘦，真係岩岩好！另外仲叫左孜然雞翼同加左個$5既酸辣湯，酸辣湯$5真係好抵加，唔算大碗，但係飲一碗都好飽！ 個味又夠濃，同埋夠哂多料，孜然雞翼就估佢唔到咁香孜然味！都非常之食得過！

終於放寬限聚令，晚上終於可以出街食飯喇👏🏻👏🏻，突然間好掛住堅信號嘅爆汁生煎包，放工去深水埗食埋先番屋企！見佢地有新搞作「堅麻辣系列」👍🏻👍🏻👍🏻堅信號生煎包$36/4個水準依舊，生煎包煎得相當香脆，一咬落去爆哂汁，超正！雞絲粉皮$28雖然係小食，但份量相當多，有多條雞絲和粉皮，粉皮質地夠滑👍🏻👍🏻麻辣萵筍$22呢款小食好惹味好開胃，萵筍爽脆，配上特製麻辣汁食落零舍醒神！😆😆😆麻辣酸菜魚配白飯$72鍾意食酸菜魚嘅我，見到呢款菜式即點，湯底超香濃，岩哂鍾意食辣嘅我，魚塊係炸過嘅，而且配菜不少，除咗酸菜之外，仲有豆腐和薯粉，所以相當抵食👍🏻👍🏻👍🏻今晚兩個人食咗咁多嘢埋單$200都唔使，唔怪之得平日都咁多人嚟幫襯啦👏🏻👏🏻👏🏻

放工要去深水步黃金買野, 順便去呢間食生煎包~次次食都唔會令我地失望! 真係好脆好多汁!!!個皮又唔會乾, 同埋每次都熱辣辣上枱, 抵讚!!另外叫左個豬排麵, 同埋紅燒肉菜飯~豬排帶甜, 好淋, 同埋幾香炸又唔會熱氣~麵條好煙韌, 湯比較清, 唔錯!男朋友叫既紅燒肉, 腩肉層次分明, 好淋又唔會爛, 炆得夠入味! 而且以腩肉黎講唔係好肥, 女仔都唔怕食!! 特別係肥肉位好香好正!!個汁都好岩送飯, 值得一試!!

好食生煎包外賣自取～#生煎包 豬肉餡熱騰騰超多汁(๑•᎑•๑)推介，小籠包不推介#京汁茄子 #🍆 bb辣，茄子色水幾好夠淋，醬汁味道不錯，不會咸#雞絲粉皮粉皮薄切幼滑，但醬料不夠比較清淡，而且好像是普通的黃金芝麻醬ᶘ ᵒᴥᵒᶅ個人口味評分：7/10 #堅信號上海生煎皇深水埗福榮街98號地舖

疫情關係無得堂食...加上係深水埗返工，就搵下有無外賣嚕🙈其實一直都想試食堅信號嘅生煎包(因為真係好多人讚)，但叫餐又驚食唔哂，淨食生煎包又驚奄悶，所以最後都未試到🤣但另一個亮點嘅上海特色食物就吸引咗我🤤外婆紅燒肉🤤簡直就係三高與口舌滿足之生死決戰🙈最後都係預早經openrice嘅外賣自取落單(第一次用🙈但又真係好方便👍) 然後係預定時間去拎就👌👍最後係叫咗🤤外婆紅燒肉菜飯😋紅燒肉外表發黑發亮🤩 帶有微微的甜 🤫食落軟滑而不覺得油膩，口感醇厚又層次分明🤤色香味俱全，亦有白菜仔、蔥花同百頁結配搭，加埋菜飯🤤絕配！＃自費 ＃不是業配文 ＃SamsungNote20相機直出

今日去左深水埗行街，午餐當然要係呢個美食區解決，深水埗出名多平靚正野食，唔食都對唔住自己今次試左堅信號生煎皇，生煎包真係無得頂門口簡單，而且裝修唔會奢侈，外賣堂食指示清楚座位分隔好開，可以放心食嘢今日平日唔使等位，正仲要貼心俾一個袋裝口罩，唔使週圍揾位放餐牌見到食物都算多選擇，仲有套餐揀幫你慳多d，老板幾有心思，就算想食辣或者食素都有幾多選擇熱辣辣嘅生煎包到啦，一黎就聞到好香嘅味道但記得唔好一大啖咬，因為會有好多好多汁爆出黎d汁多到浸住d餡，我果然無黎錯我地仲叫左厚切豬扒菜飯、雞絲粉皮、生菜，豬扒既質素絶對比想像中高，好淋好嫩滑，仲要醃得好入味真係有驚喜菜飯咁健康當然要配埋一齊食雞絲粉皮都係必食，粉皮切得比較幼，芝麻醬更加容易沾滿粉皮，食落有粉皮既煙韌又有芝麻醬既香味，加上青瓜爽口，正鮑汁生菜原本以為無咩特別，仲有d怕鮑汁好似出面餐廳又鹹又重味，食第一條仲特登撥開d汁，點知食落又唔覺佢死鹹，個汁調得唔錯，抵讚最後飲埋杯蜂蜜抹香綠茶🍵無得彈

識食生煎包一定係去上海生煎皇！今次LUNCH黎食，原來LUNCH SET好抵WOR！60幾蚊起～仲有2粒生煎包～都幾抵食！叫左一份京蔥牛肉跟拉麵～份量都唔少～牛肉好淋滑～唔會太咸！外婆紅燒肉有驚喜！五花肉唔會好肥～怕肥都可以食！因為層肥肉真係好薄～但係咬落又唔韌好淋！個汁甜甜地好好食！另外叫左麻辣酸菜魚，近期新出既～冬天食呢D真係正，入面仲有薯粉好彈牙好好食！最後重點就係生煎包！必叫！真係熱辣辣超爆汁！係會辣親個咀架！真係好好食！！

今日叫咗uber eat 外賣 厚切豬扒菜飯+芝麻五菜沙律+生煎包一隻 生煎包沒有配醋 難道一個生煎包沒有配醬汁？ 另外最嚴重食物溫度好似擺咗好耐 幾乎感覺到食物是凍的 是預先裝的飯盒？感覺好差需要改善一下基本質素繼續努力！

當年屋企鄰近有間生煎飽店,佢地廚房有塊大玻璃窗,途人可以清楚睇佢地制作過程,而D生煎飽外相極吸引,但出奇地難食! (自問自己唔係咀刁人士,如果我都覺得難食的話相信外星人先會食!)從此對D生煎飽有小小介心.路過無數次深水埗堅信記,店內總係人滿,怕排隊無機會幫襯,今次經過見無咩人,女友又話啱咀形,終於有機會入去幫襯.但係….. 吸引我幫襯唔係生煎飽!打從20年前睇梁望峯嘅旅遊書,到現時李純恩嘅專欄,都介紹過上海有間麵店叫阿娘麵,佢地嘅黃魚麵一級捧!好想試試可惜我窮,到阿娘麵老板娘仙遊都未有機會親身去上海試試.極為可惜.今次係堅信記menu上見到有黃魚麵,即管試試香港嘅黃魚麵係咩一回事.生煎飽,小籠飽,厚切豬扒湯麵,外婆紅燒肉都叫咗一客.“外婆紅燒肉,你自己個肚腩咪有一大舊囉!”女友吋我…“我果舊唔係外婆紅燒肉嘛!係外公紅燒肉!”夾件生煎飽打算放入口,女友馬上 warning! 小心辣咀!無錯,不論生煎飽同小籠飽都係辣咀,但好奇怪,記憶中食親辣咀嘅生煎飽同小籠飽,都唔多覺餐廳貼出溫馨提示.生煎飽採用倒轉煎嘅方法,而所謂嘅底部煎得香脆,餡料充足豬肉唔會過咸.飽底香脆,飽面有芝麻,餡料及湯汁足夠

明星效應嘅食肆通常都係曇花一現，如果要持續咁經營落去，就一定要以食物質素為先。而上海生煎皇，睇住佢由小店開始，慢慢逐步逐步喺唔同嘅地方開分店，就知道佢有一定嘅實力，並非虛有其表。要留得住食客嘅胃，秘訣好簡單，就係抵食同好食，而堅信號就冇因為上咗軌道而大幅加價，價錢仍然非常親民大眾化，所以就算而家疫情下嘅午市時間，餐廳內都不乏顧客捧場。生煎包係佢嘅招牌菜式，每次嚟到都必食，佢嘅生煎包真係夠晒正宗，同我第一次喺上海食到嘅一樣，底部香脆而不硬，咬開嘅時候係有爆汁嘅效果。我就覺得比起某間米芝蓮推介餐廳正宗好味得多。皮蛋豆腐好滑，切成薄片，上面再加上皮蛋同雪菜，淋上醬汁，凍凍地好好味。食過前菜後，就食午市套餐，一份主菜加小食連飲品都只係$53起，份量仲好多，真係好抵食。堅信號秘製厚切豬扒真係好厚身，肥瘦適中，煎香後再搽蜜糖，食落甜甜地，配埋菜飯真係冇得彈！雞絲粉皮薄而滑，上面有雞絲青瓜仲加咗麻醬，係一道非常好味嘅開胃小食。另外仲叫咗個四川擔擔麵套餐，今次揀咗京汁茄子做小食。擔擔麵嘅湯底非常濃郁，帶微微的辣，麵質相對地較林身，同出面一般擔擔麵感覺唔同。京汁茄子係一個涼拌，佢嘅京汁甜甜地，加咗雪菜絲

放工都在福榮街食開Tea，呢間見佢都開左一排，平時好多人，又唔太想食連鎖店，今日早收見未係好多人就試下。一入黎就有店員搵位，同比口罩套，好有禮貌。環保能的我雖然知道佢係乜乜肺炎影響所以用即棄餐具，但都想用返可清洗餐具，驚喜就來了。她們會主動用熱水（真是很熱那種）浸住餐具奉上。讓人很放心。一放心就想食多少少，下午茶時間叫2個餐+小食都唔係特別貴。成檯食物，未食已經有另一種滿足感。試下佢個面，係我較鍾意嘅煙韌、較粗的上海麵。湯底較清，但都飲得出有上湯。清淡嘅麵係要襯托入味嘅豬手，颯得好淋，筷子可以插入去。D筋位可以輕易咬開，水準之作。麻辣鳳爪，辣味唔重，亦唔係好酸，很適合我嘅口味。食住熱辣辣嘅麵同生煎包再食下爽脆冰涼嘅鳳爪調和返個溫度就非常夾。孜然雞翼，表皮香脆，肉質嫩滑多汁，孜然味好自然均勻，唔會搶走雞翼嘅肉味。最正的無可否認的確是呢個生煎包。它的外皮實在非常爽脆香口，而奇妙嘅係裡面嘅湯汁多到標出黎，但就算我上左檯10幾分鐘先食（怕熱），表皮都冇比湯汁浸淋，好有心思同技巧嘅設計。除此之外，裡面嘅湯汁同肉餡都係份量十足，相當鮮味。完食照。埋單時候也和收銀哥哥傾了幾句，一邊食的時候也發現店員

今日返工放lunch時去左附近一間食上海菜既餐廳到食飯。呢間餐廳好體貼，會提供裝口罩既袋比客人。呢度有啲午市套餐，入面有主菜同小食，仲送埋野飲，勁抵食！今次就點左1號餐，主菜係呢個雪菜黃魚濃湯拉麵，呢個拉麵係即叫即製，所以需要一啲時間。黃魚炸到好香脆，勁惹味。拉麵既湯底都好香好濃郁！小食當然就揀呢到既招牌生煎包啦，生煎包真係我喺香港食過最好味既！包入面係勁多汁，好juicy！食既時候要小心，如果唔係真係有機親嘴。入面既肉好有鮮味，個包係微脆，唔錯！跟餐加兩蚊點左熱豆漿，正宗既上海風味啊！冬天特別想食一啲滋潤啲既野，所以另外點左蟲早花雲吞雞盅，啲雞好滑，湯好清甜，落左好多料，夠哂滋補。呢餐食到勁飽，好滿足！