壹燒鵝 (興裕大廈) (已結業)

想試三蛋叉燒飯好耐～咁啱係公司附近所以放lunch嚟試吓$48連湯連嘢飲係天后都算價格實惠！飯份量都好多下 味道就正常 叉燒略嫌乾柴咗少少 但蛋煎得幾好～不過齋啡好難飲齋啡真係好難飲 大家千祈唔好試⋯

再一次俾大家團結嘅畫面感動左，今日同好多人一樣過左海，為免人多，我地一早就出發，喺天后呢邊食左飯先。沿路都見到好多餐廳排隊，我地隨便入到來，打算食燒味。壹燒鵝位於永興街，鋪面唔算大，但當日客人頗多，地下滿座，店員安排我地到二樓，哦，原來樓上都仲有位。地方闊落，呢個位好搞笑，仲有幾隻鵝。而家好多燒味店都採用比較新式嘅裝潢，吸引多左年輕人。除左燒味，都有一般小菜、飯麵。一人燒味餐：點左姐姐推介嘅二人餐，又真係幾抵食嘅。二人餐158，包左燒鵝拼兩款自選燒味(叉燒、油雞、切雞、燒肉)；一款60蚊以下小菜、灼菜/雲耳青瓜、白飯同冷熱飲品兩杯，基本上已經好夠食雲耳青瓜勁開胃，蒜香微辣，雲耳夠腍點左咖啡同檸茶，正常水準，咖啡唔錯。燒鵝拼玫瑰豉油雞、蜜汁叉燒賣相幾靚，燒鵝好香，我地鐘意偏瘦嘅，外皮薄脆，真係來多碟都唔夠喉叉燒份量不少，切成一口size，肥瘦3:7，入口軟腍，完全唔乾，帶少少蜜汁甜味，個人認為邊位如果脆啲更正！油雞唔錯，去皮肉滑小菜揀左滑蛋炒蝦球，份量足夠二人食，炒滑蛋名符其實夠滑，雖然略油左啲，不過唔油點會滑呢，哈。蝦球爽彈，唔係普通蝦仁仔，收貨

在附近找朋友聊天，聊天時提到燒味，便心癮起非吃不可,即時到街上看看有那間燒味店可吃🤣🤣從炮台山一直往天后走，看到這家燒味店，人流都算多，那就吃一下吧😈😈點了一個1人雙拼燒味飯套餐，有燒鵝及叉燒雙拼，一碟油菜及一杯飲品，而套餐的凍飲，還要是不用再加錢，點套餐很抵🤣🤣而叉燒及燒鵝等燒味，聽說都是自家製的燒鵝的肉，比平常吃到的多肉，不會很肥膩的那種~叉燒也不肥膩，甜度都剛剛好，叉燒醬不會很濃味，吃得較舒服燒腩仔，一層肉一層腩，肉質較鬆軟，豬皮亦脆卜卜

今日偶然嘅機會之下, 就去咗天后, 臨走之前, 經過一間餐廳, 佢專食燒鵝嘅, 就入去食啦裏面有個二人餐, 有燒味拼盤, 再加一個自選小菜, 另外仲有包埋一個油菜, 連嘢飲都係158蚊, 唔想煩嘅我, 就一於選這個 , 拼盤有燒鵝, 再加兩款燒味, 燒鵝嘅​燒鵝​鵝肉​口感​幼滑軟嫩富鵝香, 加酸梅醬一齊食非常滋味叉燒肥瘦到啱啱好好, 香甜 再加埋​嫩滑的白​切雞​, ​又香又嫩​口感​好小菜有好多款選擇, 我就點選咗番茄蛋牛肉, 一股香噴噴個蛋味, 非常CHARMING, 蛋又夠香濃, 牛肉非常之滑, 蕃茄令到菜式酸酸甜甜, ​皮的​番茄​更容易釋出​番茄​風味，且能夠讓​口感​更提, 送飯 一流

星期日到天后探朋友，由中午開始至傍晚，由於她廚藝一般，沒打算留我在家用膳，就這樣我們兩人就到她經過幫襯的食店開餐。「壹.燒鵝」以燒鵝作招徠，門前玻璃掛著一隻又一隻，肉身肥美的燒鵝，當然，除了燒鵝外，其實也有其他少炒。餐牌上食品選擇多，小菜類+12升級為套餐，配白飯及熱飲。燒鵝飯+咸蛋今天真的非常好運，因為廚師給了我燒鵝脾呢～燒鵝脾大大隻，鵝皮亮澤，皮薄且脂肪層不厚，油膩感不感，入口皮脆肉嫩，與薄薄的鵝脂融為一體，非常好吃，而咸蛋是加錢另配，個人認為咸蛋與燒鵝是perfect match。黃金鮮魷球小菜的份量非常多，而味道亦很特別，平日吃到的黃金菜式，味道通常是鹹的，但這個剛好相反，味道帶甜，而鮮魷口感QQ，爽滑彈牙，鮮味十足。吃得飽飽，埋單不同$150元，我和好友都真心覺得超值抵食~

今日做野做到三點多先有時間食晏，就腳就到公司附近食燒味飯。入到餐廳跟以往舊式的燒味鋪完全不一樣，沒有滑滑地板，燈火光明，裝璜附有時代感，最喜愛這鵝公仔，十分趣緻先點了一人套餐，鵝脾併叉燒，跟青瓜雲耳，再來一杯鹹檸七這裡有廚房自制燒味，所以比起在工廠做好再送到餐廳的更加新鮮。先說鵝脾，皮簿肉嫩，肉質彈牙，點上酸梅醬一流，而叉燒也燒得很好，沒有過火，十分值得。青瓜雲耳酸辣程度剛好，而且份量特別多，十分滿足這裡還有鹹檸七，令忙了一天的我可消消悶氣以這價錢，可以食到新鮮燒制的燒味，再也不用山長水遠走到新界那邊了，十分超值

自從試過呢度嘅燒味之後，真係念念不忘，好多酒樓嘅燒鵝都比唔想，呢度自家製真係別有一番風味，今日咁啱喺銅鑼灣行緊街，就有心思思行咗過嚟天后呢邊食飯今次嚟到發現多咗好多選擇，有好多唔同小菜嘅選擇，仲有二人餐四人餐，又有滑蛋叉燒飯，炒飯等等，所以無論你係一個人嚟食定兩個人撐枱腳定係一家大細開飯，呢度都滿足到你！嗌個二人餐已經可以試到三款燒味，當然唔少得有燒鵝，我就揀咗油雞同燒腩仔！燒鵝皮脆肉嫰，一咬落去超多汁，可以送幾碗飯！油雞一樣夠晒入味，肉質滑dodo！燒腩仔肥瘦均勻，咬落去個皮仲係脆卜卜！小菜要咗個黃金魷，鹹蛋味超香夠晒惹未！

同朋友去天后晚餐, 經過壹•燒鵝門口, 被掛喺門口嘅燒鵝吸引住，於是就walk in 入去食啦。入面環境都幾舒適， 我地㨂左卡位坐，staff 都幾細心親切，叫野食既時候我地唔係好識睇個menu，佢都解釋得好好👍 我地㨂左二人套餐，價錢都幾大眾化同合理，一次過可以品嘗三種燒味簡直 可以滿足有選擇困難症嘅朋友仔😋一份燒鵝+自選兩份燒味（燒肉同切雞）：加左$40改左燒鵝肶，香而不膩而且好有鵝味， 送飯一流。燒肉皮脆肉香。 切雞點上秘製燒鵝醬汁意外地夾喎。小菜（沙嗲金菇肥牛煲）：同出面好吾同，住家菜d，啱哂鐘意淡口味嘅我！另外不得不讚佢個老火湯（老黄瓜排骨湯），完全真材實料，料足湯味夠濃，加埋粟米天然甜味，係家的味道。😋突如其來既一餐，都幾有驚喜👍

一個人去到天后，本身諗住先食個糖水再去銅鑼灣同朋友食晚餐。點知朋友見到有間燒味店，就話想去食個廣東燒味啦！我地見到餐廳環境乾淨整齊，周圍都有好多食客，我地就去食個晚餐啦！我地叫左兩個主菜，加$12可以配白飯和飲品，好抵食啊。我叫左豉油皇鵝腸，朋友叫左叉燒炒蛋，剛剛好可以share食啊。豉油皇好惹味，鵝腸好爽口，無腥臭味，入口爽嫩好肥美，果然是燒味世家。叉燒半肥瘦，入口炭燒香加上蛋味重雞蛋，非常出色。

我好中意食燒味,特別係燒鵝同CHAR SIU,聽講呢間野出既燒鵝同CHAR SIU係自家製既,味道應該同平時果D唔同,就好想品嘗下啦!朋友同我各自叫左一樣,可以互相HAPPY SHARE下。佢叫左個雙蛋飯,有SALTY EGG同RUNNY EGGS,RUNNY EGGS下係CHAR SIU來的,都好大碟下。我食左佢隻SALTY EGGS,好岩拌飯呀!不過我叫左燒鵝加河粉,中意呢度可以唔跟飯,有唔同種類既麵選。呢度D燒鵝肉質都好唔錯呀!睇黎真係呢度既主打,好多DECORATIONS都係GOOSE有關,連個店名都係。最大發現係呢度係可以電子ORDER,好新潮咁呀!呢度上菜都好快下,岩晒趕時間既人。

一家大細過黎天后食晚餐，屋企提示食呢間壹·燒鵝，我開頭重以為好DRY一定係食燒味添！打開個MENU勁SURPRISE LOL 原來係有家常小菜！價位重要只係 AROUND $70 包埋白飯／例湯／野飲，大大碟抵食到震！蜜糖黑椒牛仔骨 $84 ( 呢個價錢已經包埋另外+$12的白飯同野飲) 洋蔥，配菜同牛仔骨同超足料😍😍😍😍😍😍牛仔骨啖啖肉，份量又多，唔會係用骨擺碟擺到好大兜咁 >_< D 汁都較得岩岩好，甜甜咸咸咁。重要好多洋蔥，D 洋蔥都好痴汁，正 >_< 菜心炒豬頸肉 $64  ( 呢個價錢已經包埋另外+$12的白飯同野飲) 個菜心的份量完全係out of my expectation lol 而且炒得好香 : ) 不過豬頸肉可以再入味D  但依家清清地都好唔錯！！！（我覺得呢間餐廳既DISHES同煮法都偏向好健康，各位女士唔怕肥，日日唔煮飯落來食都冇問題 )虫草花滑雞 $57 好開心終於食到出面餐廳的蒸滑雞 geh 雞係唔肥 >_< (好肥見到黃色一舊舊脂肪....)但唔肥得來又勁滑！推介！而且足料有虫草花！正！勁大份量金銀蛋時菜

行過門口聞到好香，於是入去食，下庄一份，白飯一碗。上菜第一眼見到肉有光澤，有好多汁，鵝脾肥美大件，皮很薄，皮下脂肪半溶狀態肥美好吃，肉又夠香夠嫩，非常有食燒鵝的香味，汁的味一樣香濃，一般都配埋酸甜汁，點少少食更加好味。價錢方面，燒鵝$460隻，$140嘅下庄，同時有雞有叉燒，可以接受。叫餸食飯都得，炒粉麵都有，$50-$60左右。環境方面，比較附近一家著名食燒鵝茶的茶餐廳舒服，非常乾淨，鵝嘅質素唔差得過佢。見到下午茶餐非常抵食，時間唔啱，下次來食。

人在 天后 , 感覺飢腸轆轆 , 手軟腳軟 ,眼見對面有間餐廳 , "壹·燒鵝" 在櫥窗內掛了很多燒味 , 很是吸引 , 於是入去幫襯 , 吃個燒鵝飯 ~餐廳內有句 slogan, 就是 "goose food is good mood", 筆者相當認同 ~Menu ~讀個 menu, 發覺原來除了燒味之外 , 還有很多小炒 , 而且種類頗多 ~先點一杯 凍檸檬茶 (走甜) , 爽一爽 , 清一清口腔 ~例湯-粟米雞腳煲蟲草花 : 喝得出是沒有味精的老火湯 , 味道不錯 ~燒鵝拼叉燒飯 : 這家的燒味都是自家燒製的 , 半肥瘦叉燒肉腍亦有蜜甜香 ; 燒鵝 , 皮脆 , 肉嫩多汁 , 皮與肉中間帶有薄薄的脂肪 , 那豐腴的脂肪和濃郁的燒鵝肉味 , 叫人再三回味 ~土魷蒸肉餅 : 肉餅打得輕柔鬆軟 , 配合了土魷的香口鹹鮮 , 不論是口感和味道都不俗 , 若不太挑剔的話 , 應該會覺得好吃 ~本篇完 ~

今日因為晏左收工，費事返到屋企好夜先有飯食，所以約埋幾個同事一齊食埋食先返屋企。呢間小店之前lunch經過已經想試，但因為間鋪頭入邊枱唔係好多，所以lunch都冇試到，今日終於有機會食到。因為最近嘅事，而家晚上出去食飯，都唔會好多人，入到去已經有幾台客喺度食緊晚飯. 我哋三個人決定一人揀一個餸. 因為呢度嗰啲名係啲燒鵝做招牌咁我第一時間就揀咗一個燒鵝例牌，同事就揀咗燒腩仔同埋黑椒牛仔骨，，跟住再叫咗兩個白飯Share 同一人一杯野飲. 本身係餐牌都見到有啲一人，二人ge燒味或者小菜，不過太中意食燒鵝，所以決定散叫😂. 等咗一陣，碟燒鵝就送到，因為朋友中意食胸肉，所以碟鵝我哋揀咗個上庒，咬落去啲皮少少脆，但隻鵝唔算好肥，咬落唔算油，仲幾有鵝味，不錯👍🏻跟住再等咗一陣，就上埋個燒腩仔，個賣相唔錯，即刻夾返件，估唔到係熱熱哋的，佢哋上枱前原來有整返熱先，非常之有誠意，值得一讚🥇跟住好快就上埋個黑椒牛仔骨，上菜之際，忍唔住同個待應傾咗幾句，同埋讚賞下個燒鵝同埋燒腩仔，估唔到佢話原來啲燒味係佢哋自家制的，每日新鮮製造，難怪咁好味啦。 但真係估唔到，而家仲有小店係會咁認真咁自己做燒味而家

原來唔使入深井都可以食到新鮮製作靚燒味！依幾個月主力揀幫襯小店，今晚在天后吃燒味飯，雖然區區有燒味店，但即日新鮮自家製就無乜幾多間。 玻璃窗上也有鵝的踪影呢這家店的燒鵝、叉燒也是自家製，咁有心更加要支持一下！看到廚房內的大爐呢 !  除了傳統落單，這家小店居然可以用自己部手機SCAN QR CODE落單，完全不用向外求 只要scan QR CODE, 就可以揀食物單點和餐和飲品也可以，細心位是叉燒可以揀半肥瘦、全瘦等，燒鵝和油雞等可以揀全脾(當然要加錢)，飲品也可揀少冰/走冰等，可睇得到店主是多麼貼心！ 真心要勁讚今日叫咗個一人燒味套餐、追加了半隻鹹蛋、一份烚菜。一人燒味套餐內有燒味雙拼（燒鵝脾拼瘦叉燒）、雲耳青瓜、例湯、白飯。 落單乾手淨腳轉過頭STAFF陸續送上我的ORDER是日例湯係粉葛赤小豆豬骨湯，飲完無口渴感。叉燒和燒鵝也是暖暖的，瘦叉燒夠入味呢 !  在外用膳也盡量吃瘦的叉燒燒鵝脾很不錯！ 吃時最愛醮一醮酸甜醬同吃, 滋味倍增呢 !