壹碗麵 (已結業)

28-11-2009睇了 Babedolphin 及搵食兄的食評, 對呢度的勁闊粗麵好有興趣, 今日放工後專程來試試. 先嚟菜心 (油菜 $10), 叫嚟純粹想有點纖維素食吓, 估唔到有驚喜 -- 勁熱, 菜心好嫩, 但最正係落了瑤柱的甜豉油汁, 有點腩汁 feel 又有點「走辣 XO 醬」feel, 食唔停口 連油菜都做得咁好, 勁!一心想食的鵝腸售罄 (!? 2:30pm 咋喎!!!), 唯有叫鴕鳥肉撈粗 ($30)... 勁粗的粗麵係呢度招牌, 薄薄的, 帶點爽口, 每一條都沾上了甜醬汁 (同油菜的甜豉油汁味道近乎一樣, 唔知用咩整的?), 加埋芝麻及蔥花一齊食, 正 鴕鳥肉嫩腍, 似「走牛味」的牛肉, 味道較淡又唔油膩, 感覺更健康; 另外仲有豆乾, 芽菜及紅黃綠「3 色椒」, 前兩者無乜特別, 後者我至憎, 唔講太多了 另飲了杯凍鴛鴦 ($6), 係「勁多奶咖啡」的味道, 唔算好喜歡.而因為之前食了九記腩伊, 搞到要戇居居坐喺度等我食嘢的朋友就只飲了杯凍朱古力 ($6), 賣相麻麻, 睇怕...小店環境乾淨企理又骨緻; 阿姐就十分熱情好客又風趣, 服務貼心, 值得

女友 OT，近八點先收工，趕不及入場看 Abbamania 演唱會，見她悶悶不樂，不如去附近食番碗撈粗啦！一直都想試試壹碗麵的撈粗，可惜上周二來到北角卻遇上休息日，唯有去津味館吃涮羊肉 (寫評將不日登出)。壹碗麵位於和富道，毗鄰是米芝蓮一星食店阿鴻小吃，店子不大，幸晚上人流不多，坐得幾舒服的。撈粗是必點的，問題在配料選擇上，阿姐見我有點懷疑，作出推介：「我老闆整既燒腩仔好好食架，煎到脆卜卜，要唔要菜心？靚到索索聲架！」。在她的介紹下，要了招牌燒腩仔撈粗麵 ($28)、鴕鳥肉撈粗麵、灼菜心及凍鴛鴦。金黃色的撈粗麵，加入芝麻及芽菜，趁熱先撈勻麵條，粗麵闊大，壓成薄身，質感滑溜柔軟，跟平時吃的大有不同，配上味道濃郁的祕製醬汁後十分到位，上佳之作。配料方面，燒腩仔皮煎得香脆，油脂不多，入口充滿咸香，倒算不俗；鴕鳥肉也不差，筋位不多，入口腍滑非常，可以一試。隨麵附送例湯一碗，餐牌上寫的是豬骨湯，入口卻像清雞湯，不帶味精，不錯。灼菜心本身已十分嫩滑，加上沙茶醬後，更是惹味。最後的是無冰凍鴛鴦，阿姐生鬼的插上兩支飲管，造型十分抵死，「嘻嘻，情侶凍鴛鴦來了，無冰的，我老闆沖得好好飲架」。可惜，入口只是

白胡椒豬骨湯：有些少味精既味道。１。牛腩湯麵：粗麵好似加菲貓鍾意食既闊條麵咁樣，牛腩炆得好入味。２。豬頸肉撈麵：爽口，醬汁甜甜地，加埋Ｄsesame粒同蔥粒都幾好。３。春卷拼盤：春卷，咖喱角，鳳尾蝦卷，味道都不錯。

是食友推介的一間小店，聞說老闆從前從事廣告印刷，卻不知什麼原因就來開麵店，對於百呎「夢想小店」，我是再忙也想去試試的，在店內卻遇上一位善談阿姐及喜歡試菜及親力親為主理的老闆。甫坐下已覺有點熱，看看餐牌，款式都是炆為主，看門外大招牌的闊麵點頗吸引，阿姐說燒腩是即煎的，我不介意吃些有趣事物，就點下了燒腩肉拼闊麵。我的撈闊麵來了，配一碗家常清湯，這碗清湯有著雞熬出來的鮮甜，亦有豬肉的甜。撈粗是薄闊的麵，金黃的麵條未算很薄卻很軟熟帶韌性，店主說由鰂魚涌的麵廠訂來。豬腩肉是附近燒肉舖訂來的，不著羶味，皮煎得香。飲食業眾生相，我遇過不少有心經營的老闆，Micheal也稱得上是有趣的一位，加油。更詳盡的文章分享請參閱：

Since I saw the good pictures of the noodles in sauce, I have been budding to come here.However, the portions were very small, even with the extra vegetables we ordered, I still felt hungry.I was expecting there would be some French beans on top of the noodles as shown on the OR pictures, but there was none.Having said that, I really liked the egg based noodles here, they were wide and flat. Lacked elasticity as it was egg based. I love noodles in soy sauce especially when there is no pork oil

今天於和富道工作，工作完畢時大概11:45，見這間店子在半開狀態，有位阿姐在店外掃地，我便膽粗粗的問她有得吃東西沒有，阿姐立即非常熱情的款待我進去，說當然有得吃啦，還開電視給我看驚我悶，哈哈，真的很貼心呢。她說我可以慢慢選擇不用急，最後我要了個牛腩撈麵加杯柚子蜜，不知是否要等一段時間呢，老闆還驚我悶給了我一兩本雜誌，說要我稍等一會。這裡的服務真的很甜心很好，阿姐很熱切的和我談天說地，又提我說太早不要吃太熱氣的東西等等，像把我當老朋友似的。等了大概十分鐘麵便來了，阿姐還說送了我一舊腩肉給我嚐嚐，我當然立即連聲道謝。麵來到賣相很漂亮呢，是很有層次的感覺，而且覺得好像很大份，真有點懷疑吃不吃得完。阿姐說老闆聽到我叫肚餓加了麵的份量呢，嘩，難怪感覺很大碗似的。為免浪費食物，我當然努力的吃啦。麵的質感很特別，外形像闊條麵，但它又不是那麼有彈性，感覺是較淋的且帶一點蛋香。伴醬油吃我已經覺得很夠味了，不需再加調味料呢。牛腩份量也頗多，雖然是偏瘦的，卻一點也不難咀嚼，炆得很淋很易入口，而且很有肉味，是很惹味的。再嘗一口阿姐送的腩肉，嘩，真的挺好吃，半肥瘦，但又不會覺得很膩，很甘香，真的不錯。豬骨湯底應

Noticed this shop opening a few months ago, yet can't recall whether it arrived before or after the Tofu Shop next door. Being a Pappardelle and Tagliatelle noodles freak, I came with high expectations.*************腩肉撈麵 - This is the shops Signature Dish, with slow-braised pork belly in theory but not likely from the most fatty 5 layered belly part. (To be honest, I can't help but think these are probably stewed from left over 燒肉, their other signature noodles apart from Emu meat.) They're pre

同朋友夜晚諗唔到食咩,行下行下就黎左依間小店幫襯。佢可以揀撈飯,撈麵或者湯麵,見佢做得招牌就梗係試下個撈粗啦~我就揀左燒腩仔撈粗麵,我個fd就揀左豬頸肉撈粗麵。都唔算等左好耐就有得食,佢既粗麵比其他店舖既麵特別闊,味道都唔錯,我覺得比一般粗麵好。燒腩仔同豬頸肉都好香口,食落唔會覺得肥膩。特別鍾意佢既清湯,味道剛剛好而且唔會口乾,同一般麵店d味精湯完全唔同,撈麵覺得特別好食~飲埋野$30埋單,絕對抵食~(望到隔離枱叫牛腩都好似唔錯,下次可以一試!)

與灣仔某明星食堂同名 當然不同老闆吧被上文食家$13碗的燒腩仔撈麵吸引出發去魚排前打去這間麵店打了個底燒腩脆卜卜 但無下午茶 收原價$25都合理但唔知係咪隔離飯香總是覺得無其他食家相中影出來這麼好而且需時都頗長令我險些遲到如果趕時間 真係要計準時間才好

估唔到第一篇食評係寫呢間開正係我屋企樓下既車仔麵檔仔，我會慢慢將食評覆蓋範圍逐步擴大架啦。果日同GF去行行下有D肚餓，見呢間野開左2個幾月都未試過，貪新鮮既我地就走左入去啦。入到去個環境都幾新淨舒適，比一般傳統車仔麵檔高檔少少。睇下個菜單，原來不單止係車仔麵咁簡單，招牌原來係超闊撈粗至真，咁我地初黎貴境都無理由唔試下架嘛。於是我地一齊SHARE一碗我至愛食既燒腩仔配「撈粗」啦。可能人少既關係等左無幾耐就有得食，賣相都真係唔曳，食2啖發覺塊皮唔得脆，同埋有D乾身。第1印象唔係話好好，但食落其實都幾香口下，我斷估係佢有翻煎過既關係。跟住另外跟碗豬骨湯，我地心稔多數都係味精湯啦。不過飲飲下發現又唔多覺口乾，又有淡淡既豬骨味，仲有少少肉絲添，所以湯底似乎唔係一般坊間既「味之素上湯」，而係泵本之作！呢樣野令我為之感動。最後另外會有少少配菜，又幾惹味喎！不過得果少少不多夠喉，詢問之下原來係三絲，吸引我下次再黎試下佢地既炒三絲撈粗麵！總括而言，係一間有HEART有POTENTIAL既小舖頭。

見到和富開左幾間新食肆，當然要去試下，第一站就係呢間壹碗麵一直對粗麵同闊麵情有獨鐘，無論係中式還是西式，我都好鐘意闊麵，見呢間以特粗撈闊麵做噱頭，當然要試下～六點幾去到，可能天時尚早，成間鋪得我地兩個諗住叫特色撈麵，諗住咁多款，實有款中啩，跟住出現左McDull故事的情景：＂唔該要豬手撈粗吖！＂＂豬手唔煮飪，好硬喎！＂＂豬腩肉撈粗呢？＂＂豬腩肉賣晒喎。＂又唔想要鴕鳥肉，就嬲嬲地叫自選車仔撈粗算了～$5/餸，$10撈粗闊麵，我叫左魚皮餃，牛筋丸同蘿白撈粗，要芝麻醬～豬骨湯另上，唔算好味精，都OK～牛筋丸極韌，唔好食～魚皮餃正常～蘿白係驚喜，好甜唔咸但係佢話：＂唔夠蘿白＂跟住送左件豆卜豆卜比較甜，唔似我一般食個Ｄ～撈粗闊麵真係夠晒粗同闊，但係芝麻醬唔香，同蔥花無乜分別texture一般，除左真係＂闊＂，無乜特別～有Ｄ失望雖然服務夠Nice，但係招牌菜十樣有九樣無，真係需要改善呀～和富同一條街有咁多間食肆，加上有勝利小厨同阿鴻兩大頭爭生意，要做落去真係要花點心思

自問沒有那麼豪氣去吃肥仔周的同名貴價麵店, 得知自家地頭有一家平民版的, 好奇之下又來吃一吃。一家開了約一個月的麵店，開在賣蔡瀾撈麵聞名的阿鴻小吃旁邊，究竟有什麼把炮呢？ 秘訣就是自家創製的特闊粗麵了。掛頭牌的招牌特闊撈粗麵的款式不多，但都有一些特色材料如鵝腸、豬頸肉、駝鳥肉等。我就要了駝鳥肉撈粗麵 ($26), 配料可選芝麻、蔥花或辣汁, 要了蔥花。撈麵是跟豬骨湯底上的。傳說中的招牌特闊撈粗麵，上桌時已事先以特製醬汁撈好，跟一碗浸著湯汁的駝鳥肉片，和豬骨湯底，分別奉客。上菜的碗匙顯然也花過心思 (見圖)。麵條看來跟意大利寬條麵有點相似，只是捍的極薄，類近絲帶或是健身用的橡筋帶 ! 麵的口感卻又不是眼見的那麼「橡筋」，反而是近似雲吞皮但再 QQ 一點的...最少我還沒在別處吃過這種質感的麵條了喇。撈麵汁帶輕微的香料味，油潤感適中而豉油味不會過重以至搶去了麵的味道。加上香辛的蔥粒，簡簡單單的壹碗麵，已令人滿足。麵雖不錯，但驚喜的地方卻在於那碗駝鳥肉。被譽為健康食品的駝鳥肉，味似牛肉但脂肪和膽固醇都比牛肉低得多，令我甘心做住一次駝鳥咁多啦！食落 medium well 又果然有生灼牛肉片的