壹碗麵 (已結業)

特登行入黎食, 都幾遠估唔到咁細間星期日十二點幾黎到, 唔係好多人一揭開個餐牌, 就有侍應走黎話俾我地知 無 駝鳥肉, 鵝腸, 豬手, 有無搞錯呀, 傳聞好食果幾樣都無 三個人, 兩個叫左 燒腩仔撈粗麵($30), 一個叫左 蝴蝶腩撈粗麵 ($30)燒腩仔, 真係燒得過左火, 其實我本身都幾鍾意食脆口食物, 但係呢次真係覺得太熱氣, D肉又硬得滯, 食完喉嚨係痛ge... 反而蝴蝶腩好食D, 真係未試過豬ge橫隔膜, 望落去似牛腩, 但係一D都唔un 撈粗麵: 都幾好味, 不過我略嫌D麵有D硬, 係煮得唔夠, 定係本身呢款麵係硬D, 我未食過呢款麵, 唔知呀 附送ge湯: 真係幾好味 沙嗲醬: 任落, 唔知我係咪落得太多 (兩羮), 味道就幾好, 但係我食完之後好口渴, 唔知關唔關D醬事 唔會再特登走入黎食 不過食到1 點幾時, 舖頭就多左好多人走入黎食, 要等位職員服務態度麻麻, 語氣好差

溏心浸酒蛋($10)醉蛋夠溏心，有帶少少酒香！無骨炸雞中翼 ($26)，一碟有4 隻，食得好方便，正。無渣菜心好爽正正正駝鳥肉撈粗($30)，切片駝鳥肉入味，粗麵很有嚼頭燒腩仔撈粗麵($28)，葱花芝麻好香，朋友激讚粗麵都附送一碗湯，冇味精好清甜

1月30日, 同呀比去開北角, 久聞呢間喺出晒名嘅阿鴻小吃隔離又有間壹碗麵喺openrice以光速冒起之撈麵店. 愛吃撈麵嘅我決心去試一試~::: 鴕鳥肉撈粗麵 ::: $30先來例水豬骨湯, 標榜無味精, 飲落係清甜但似味精味無乜豬味~ 慶幸飲完無口乾~鴕鳥肉撈粗望落好似無乜色水~ 除粗麵同鴕鳥肉外, 仲有豆角同芝麻伴食. 粗麵係闊麵咁嘅樣! 食得濃濃蛋味, 也有麵粉香, 都算彈牙, 但都幾勁鹼水味… 鴕鳥肉雖嫩口, 少了牛肉的膩感, 但食落亦較清淡. D豆角又無乜調味, 其實成碗麵味道都較淡… 整體原材料係唔錯, 但味道只屬一般.::: 燒腩仔撈粗麵 + 凍檸茶 ::: $30 + $12呢個色水明顯比另外嗰碟深色, 味道濃少少~ 燒腩仔火喉有d過龍, 所以有部份燒得燶咗d, 尤其係個皮, 有d硬同埋有燶味… 肉嗰部份都幾肥, 不過燒過就好d, 冇咁多油. 燒腩仔只屬一般… 由於粗麵都比較淡, 嗜辣人士可加辣椒醬, 味道幾特別, 仲有d甜甜地嘅味~冇得叫餐, 加杯凍檸茶加埋要$42, 好唔抵… 凍檸茶普通貨色, 冇乜好講.撈粗原本係d舊式野, 但佢加咗d新元素落去重新包裝~ 而且佢

周六晚上路過阿鴻小吃,幾十人正在門口等候,反而旁邊的"壹碗麵",小小店還能找到二人檯.不是因為吃不到阿鴻,而要來到此,見到此店在貴網內好評如潮,劉某人三番四次替其做勢,連麵廠被貴網拒絕刊登,也要在自己地頭穿鑿附會,實在惹笑.什麼天難從人願,說到孝感動天似的.作為消費者角度,當去光顧一間食店,付出幾多,就期望著拿會幾多.如果付出$100,但得回來的是五六十蚊的水準,食客是不會理會食店的背後,點去比心機,點有良心,照罵可也.大家去戲院看一套千萬大製作電影,完場後大叫回水,是同一個道理.我喜歡吃麵,被其粗麵的相片吸引著,是次目標是"撈粗野".各式的撈麵配料,樣樣都想試,但兩個人吃不下太多.見到是晚有溏心醉蛋供應,即刻一人來一隻.店主說要等一會才吃,效果會更好,清幽的酒香包圍整個蛋身,當將蛋打開,溏心如火山岩漿般湧出.生熟程度絕對恰好,每一淡都是香甜的蛋黃香,再混合碗內的酒一同吃,香味盅然.這隻蛋比平常吃慣的大,成本應該不便宜,賣$10是超值,大家來到吃撈麵,也不能錯過醉蛋.我的撈粗是蝴蝶腩,昔日牛下的源發,就是賣蝴蝶腩為名.此個連接著豬肺的部位,肉連著筋膜位,做得很入味,腩肉位稔熟鬆化之外,

近來大戰連連自覺也吃得有點過份,有時也要讓腸胃休息一下,尤其早兩天嚐了一餐比吃葷更油膩的所謂素菜後......想起這裡除了招牌撈麵外,其實一些素菜也是落足心機去做的.齋菜----冬茹要炆,木耳要浸,烤麩要手掰.吃的樣樣也是心機加功夫!清淡中能吃到食材本身的味道.不像一般的炆齋只吃到南乳味或濃烈的廉價麻油味.素三絲----每樣材料也切得幼細工整,看起來色彩繽紛!帶爽口的三色椒加上有點咽韌的荳干及微辣的炸菜絲,拿來剩吃當麵食也不錯.翠綠芥蘭----菜本身有甜味,爽脆無渣.溏心蛋----吃這個要看彩數,因每天限量發售!吃起來沒有太濃烈的鹵水或酒味,要到咬開後蛋黃流出,就感受得到這蛋的奇妙之處.就是雖然第一口好像味道略淡,但當咬開後蛋汁和鹵水味在口中混和後的感覺是恰到好處.蝦膏炆豬肉----主理人不日推出的新研發菜式!用上靚蝦膏來炆煮,味道是有香味而不死咸,皮層帶點咽韌,肥瘦相間脂肪在口內溶化的感覺和吃東坡肉不同,有點像吃啫喱與啫喱糖的分別.這餐雖不是大魚大肉但卻吃得很滿意,因吃到的是手工及心機.

賣相算幾好,,但同一樣係叫碗撈粗但唔係碗碗有得做set...menu又唔寫清楚 冇想像中咁好味...D麵冇乜味...好普通而且食到底勁多油..碗湯好重味精味...找數時聽錯比啊姐鬧,,佢拎到張單o係我面前...嘩...使唔使咁串啊...聽錯之ma...結論係唔會再食多次 失望

前陣子某一天，特地來到北角，想到「阿鴻小吃」拜訪，一試米芝蓮的推介到底如何美味。才不過晚上六時左右，來到和富道附近，老遠已看見阿鴻門前長長的人龍兵分兩路，一邊較長的，大概十來人正在買外賣，另一邊較短的也有接近十個人在等，連擺放在門口的椅子也坐滿了人，心想一場來到，都自己寫名和留電話登記住先啦！（原來自己登記是「阿鴻」的特色，是沒有侍應登記的，果真有派頭。）正在等待期間，因為老婆大人已肚餓，又不知要等多久，見「阿鴻」旁邊便是另一間在openrice也有不少食家給予好評的「壹碗麵」，裡面的客人少得多，只得兩檯食客在內，便轉過去吃麵了。這裡的招牌出品是它與別不同的「闊條撈粗麵」，較為特別的配菜就有燒腩仔、蝴蝶腩、駝鳥肉、鵝腸等。第一次幫襯，當然叫這裡的招牌菜啦！即來兩碟「燒腩仔撈粗」，一碟「豉油皇鵝腸」，再加碟「油菜」添。「燒腩仔撈粗」的粗麵果真夠粗，把撈麵的醬汁全部吸進去，食落夠晒入味。燒腩仔外皮甚脆，肉質也見肥瘦適中，味道濃郁，雖覺稍為鹹了一點，但和麵條一起吃，倒不錯呢！「豉油皇鵝腸」夠爽口，咬落口感十足，以鼓油皇調味的傳統做法，正路而好吃，只是稍嫌鵝腸不夠肥美，有點美中不足。這兒的「

「做人無夢想同做條鹹魚有咩分別？」，怕悶、不想做鹹魚的廣告人Michael，拋下收入穩定工作，在北角和富道街尾不起眼處開麵店做老闆，突破傳統構思的2cm特闊蛋麵味道佳而質素穩定，成為食友傳頌佳話，這位傻得可愛的有心主理人筆下闊麵，既有著廣東傳統平民麵食味道、亦隱含著兩位年輕當家鮮為人知的破格夢想．．．自壹碗麵起與Michael成了好友，他的闊麵別處吃不到，也就成了飯聚中常被拿出來作研究討論話題，食友對他的麵好奇，偶打趣問他是那來的麵？他聳聳肩道：「無特別啦，翻開黃頁隨便撞個‘林’撞出來的。」，偶卻不信世上豈有不勞而獲，這麼康的好事，嘮叨了幾天，他不敵疲勞轟炸，出賣了跟他一樣年輕有魄力的幕後功臣Nelson，說他就是近百年歷史麵廠掌舵人，吓．．．？今天壹碗麵出品的闊麵，仍保持軟熟柔韌兼富蛋香的高水準，無論配甘腴的套腸，又或炆得軟熟帶酒香的紅穀米炆豬腩亦同樣出色，好麵者必試！更多被飲食網站拒絕登記資料的佛記麵廠故事分享＠http://foodxfile.blogspot.com/2010/04/blog-post.html

同事狂話好食，帶我來試，真係多謝，真係好食:order 炆豬肉撈粗 + 蝴蝶腩撈粗，炆豬肉有肥有肉入味到頂無得頂，蝴蝶腩夠爽亦好，面的口感撈落Ｄ汁又非常match醉蛋又係very good，酒香pok鼻又無甘漏跟餐個例湯一Ｄ也不例我encore咗樣樣細節都有誠意 i like it

I looked with interest pictures posted by other reviewer and dropped by this place two times for different dishes. Nevertheless, I could only say it’s at best just so so and a nice change.Dishes here reminded me of Taiwanese and Southeast Asian dishes I had over past years. The rice seemed to have a clear influence from Taiwan. The ‘fettuccine’ noodle (Mee Pok) are closer to noodles I had in Singapore and Bangkok but the sauce/cooking style is more toward Singapore’s Bak Chor Mee which was mo

阿鴻摘了星, 一年下來, 連旁邊的壹碗麵也紅火起來。不是說這裡叼了阿鴻的光, 看這裡這麼多的好評, 就知道就是它自己也可以獨當一面。我相信, 有不少人是特地為了這碗麵而來的。食物的款式也增加了, 除了獨步全港的 2 cm 寬麵之外, 還有飯和很多新奇有趣的東西...多來吃了, 也在機緣巧合下認識了這裡的老闆, 對於食物背後的那份用心, 又知多了少少。最新的出品之一是鹵大腸, 用來配撈粗麵 ($30), 在座是有不少人叫的。大腸做得爽而少肥膏 - 可能沒有肥膏的大腸有些人會不喜歡啦, 但似乎大部人 (包括我) 對少肥的腸會比較受落。鹵水八角味 (我估) 較重, 其實可以去羶, 不錯不錯, 但配撈麵的濃汁又似乎蓋過前者之味, 單點大腸來吃我想會較好。另一味配撈麵的佳味是蝴蝶腩 ($30), 老闆說是豬的橫隔膜部份, 此等「下欄嘢」不能賣大錢卻又功夫多多, 肉質本身較韌, 兼有點筋, 真是牙力的挑戰; 此「筋肉擂台」式的肉食也幾合我的口味。加碟瑤柱豉油調製的青綠油菜, 是心思位, 也好味不過略鹹。(謝謝老闆!)隨麵上的豬骨湯比一年前來吃時清淡, 正是齋飲也鮮美。麵就真的要講彩數, 有時會黏在

無帶相機, 影唔到相tim....要左個鵝腸撈粗, 都ok, 鵝腸好新鮮好鮮味, 正....個撈粗會有個湯送, 反而lee個湯就好好味.

未番香港個時好想好想試 咁就特登同男朋友去 燒腩仔撈粗麵好夠味 有咬口 好好味呢! 燒腩仔好靚 幾香 湯好清甜我地最後就咁飲都得蝴蝶腩拼鵝腸撈粗蝴蠂腩好似牛腩 唔會話好香好滑 唔係我杯茶 鵝腸好爽口 同d麵好似樣 所以食落去唔知係麵定鵝腸 好好玩 哈哈如果多d蔥會更好 支可樂勁冰凍勁正!!!!!!!!!如果離開呢頭會再食 但係會想試阿鴻先 不過勁多人排

自從"阿鴻小食"榮登米芝蓮食店, 和富道亦因此而聲名大噪, 經常有慕名而來搵食既人. 其實呢條街仲有好多好野食, 好似"新和富", "津味居", "德興隆"等等, 而"壹碗麵"係我近期既"賣飛佛"!呢間麵店既麵雖然唔係至好食, 但勝在麵質爽口彈牙, 汁料豐富, 闊麵既口感同幼麵好唔同, 可能因為闊麵吸收左好多汁, 所以食落口好好味, 好滑!! 我最鍾意食佢地既炆豬肉, 脂肪同瘦肉既分佈好平均, 咬落口會感覺到啲肥油香味充滿口腔, 肉質嫩滑, 簡直係食到停唔到口, 女士們千祈唔好怕肥, 一定要試!! 另外燒腩肉都好味, 皮脆肉嫩, 但略為咸左少少.除左食物, 我覺得服務都好重要. 雖然每次幫襯都係一碗麵 (至多都係加多杯熱飲), 但收銀阿姐都好好笑容, 唔會因為我只係幫襯廿幾三十蚊仲要揀好耐都未揀定而黑面, 有時仲叫我坐低慢慢睇慢慢揀, 唔好心急! 去過幾次阿姐已經認得我, 雖然只係簡簡單單既一句問候, 一句寒暄, 但呢份富有人情味既街坊式食店, 我覺得而家响香港已經甚少lu...

十二月下旬‧晴人得閒，就會周圍走。來到這裡附近，見主理人米高在店外，又談幾句。見窩裡有幾件紅紅的炆豬肉，看樣子是五層肉，是我的至愛，來幾件試試。紅紅的，以為是南乳，原來是紅麯。即小時老人家用來釀酒的物事，用來炆豬肉，只有甜香，而加上豐腴美味的五花腩，人間美味。而這道菜是沒有什麼調味的，原味已經好味。雖然是飽，但面對美食，還是兩下手勢，一掃而光。撈起這裡的蛋麵來，更是不錯，可惜是日已吃飽，下次再來吃個豬腩撈麵。或是下飯，都是人間美味。還吃過紅麯醉豬手，都好吃，是很不錯的冷盤也試了醉蛋，夠溏心，有酒香，不過知道是限量產品，不知文章見光之時，推出市面沒有。