壹食就醉

營業中

休息中

尖沙咀金巴利道沿途都好多餐廳今次就試左「壹食就醉」🍻-環境都唔錯, 有啲似私房菜格局, 座位闊落坐得幾舒服👍🏻-💁🏻‍♀️清酒卜卜蜆成煲蜆上枱即煮, 睇住啲蜆卜卜卜卜咁開口😆就煮完時店員會淋上清酒, 時間岩岩好, 保留返清酒香味唔會蒸發晒🍶份量方面都好多架❗️-💁🏻‍♀️黃金蝦又邪惡又好味😈咸蛋黃外皮又薄又脆又香☺️由蝦頭至蝦尾好完美好均勻咁比咸蛋黃包住左🦐無論係就咁食, 定配酒/配飯, 都唔錯😙-

最近去左呢間壹食就醉食飯，個名幾得意，點解會醉呢？🤔相信係同佢嘅signature清酒🍶卜卜蜆有關，我地兩個人就叫左個細架啦🤗卜卜蜆會喺上左枱先煮嘅，睇住佢地開哂口，待應就會幫你倒sake落去🍶，之後就食得喇，蜆夠新鮮，清甜😋，個湯就甜甜地同有清酒味👍🏻，不過就唔會醉嘅🙃另外仲叫左個黃金蝦🦐，好香咸蛋味呀🥚，蝦外面嘅咸蛋漿唔會太厚，薄薄地，唔錯😋，蝦都幾大隻，蝦頭仲有蝦膏添🤤

在尖沙咀逛街前先去吃點東西墊墊肚子想吃一點點海鮮於是去了一家位於金巴利道的樓上火鍋店一進門店員很有禮貌的帶我們去坐位上然後細心的講解他們家的人氣菜色這裡的總類繁多最後我點了他們的推薦的菜色1. 清酒卜卜蜆鍋2. 黃金蝦現在店裡做活動如果點讚和分享會贈送飲料一壺今天點了潤喉羅漢果雖然這是小鍋的卜卜蜆但是沒想到蜆是滿滿的一鍋而且每粒都有肉絕對不是平時吃的沒有肉只有殻的蜆本身鍋物是微暖的加熱後等待蜆肉熟的時候我趁店員不留意就偷偷的喝了一小口清酒！結果發現清酒🍶意外的醇不比用錢買來喝的清酒差！本來我在苦惱什麼時候加清酒的時候店員很貼心的過來幫我們煮卜卜蜆從翻面、攪拌以致加清酒都是店員一手包辦服務超級好蜆肉新鮮絕無腥味而且每粒都沒有沙子！可見店家處理貝殻類的也是一絲不苟喔！湯底好濃因為加了蜆的精華令到湯底濃郁再升華多喝也不會感到咸另外，黃金蝦煮得亦十分出色蝦🦐很大隻每隻蝦身都能平均的沾上咸蛋黃雖然被滿滿的咸蛋包裹但黃金蝦一點都不咸不用配飯也不會覺得咸蝦的肉質很多彈牙又新鮮沒有老了或不新鮮的霉爛因為讚好和在社交平台分享食物送的羅漢果一點也不馬虎因為份量多而且足料一壺羅漢果水也有四五片羅漢果如果想安

地點位於尖沙咀同佐敦中間, 係商廈一樓, 旺中帶靜.2個人去食, 俾左張4人台, 好闊落. 另外個格局唔錯, 行高檔路線點左個卜卜蜆鍋, 一碟黃金蝦, 再炒多個蒜蓉油麥菜.個卜卜蜆鍋用火爐佐住, 煮得差唔多開口就倒上一支清酒.有好香既酒味. 個湯底無作調味, 食番蜆本身既味道, 鐘意清淡可以一試.黃金蝦做得唔錯, 蝦夠新鮮, 爽彈, 調味恰到好處, 好香既咸蛋黃味. 脆到蝦頭都可以食到.最後蒜蓉油麥菜, 有家的味道.

等兩小時都未上哂野，我已經叫啲好普通嘅火鍋材料、午餐肉都要等1個半小時先上🤭阿姐同我講話人手唔夠有得食就已經好啦！多謝晒喎！原來我有一碟或者兩碟嘢食緊已經好好！火鍋配料5新鮮！墨魚丸同蝦丸唔彈牙！韭菜餃唔新鮮！湯底勁無味！　叫佢俾個沙嗲醬我係發霉！最重要最重要最重要係啲人冇禮貌！尤其是有個男人喺度懷疑佢係老細、黑口黑面好似我欠佢錢咁！我唔明點解會有人寫佢啲嘢好食！貼錢買難受！埋單嘅時候Visa機用唔到！男人黑口黑面！😡如果廚房真係唔夠人手就唔好比咁多客訂抬啦⋯⋯

本人本想通過app訂枱慶祝媽咪生日～但顯示最多只能訂六人(我要訂七位)，OK~唸住打去查詢下可以點處理(或者分開訂同一個時間入坐然後拼枱又或者訂六位到時加一位)點知接線個個人一聽到係想通過apps就話就算你甘訂都唔會幫你拼枱啵而且唔會俾足折扣你地～我聽入聽既感覺係俾唔起折扣既咪唔好放上飲食優惠平臺賣廣告啦～😳甘既服務業俾我都唔會想去食況且要食落個肚㗎啵～難食都算，點知到時會唔會加料我嘆😨😱第一次真的生氣而寫下告訴大家～謝謝

間野係住宅一樓都叫容易搵到食物黎講質素都可以服務可以話係冇服務，十分差成間餐廳都睇唔到要$20茶錢 去到俾錢先知有茶錢用apps 可以有半價，但其實同佢套餐差唔多為左食物唔會再去

一 直都好想食卜卜蜆，食評見到呢間講話唔錯所以就去試下 ，其實一去到就知道 ，佢係攞會所牌，我朋友已經有啲擔心， 不過其實食物各樣都算係正常嘅 終於嚟到試個卜卜蜆～ 滿心歡喜但係都冇乜味 ，啲蜆係有好多，粒粒都有蜆肉，不過啲蜆肉真係好細粒， 根本就冇乜質感， 所以其實都有啲失望😔我哋叫咗兩個小菜， 椒鹽鮮魷同埋豆豉鯪魚油麥菜 反而小菜就炒得幾好但係唔係好有驚喜嗰種。 不過價錢係幾抵嘅 我哋叫呢個套餐288蚊就有一個細嘅卜卜蜆鍋同兩個小菜， 當平時食下飯其實都ok 嘅！P. S 今次佢安排咗我哋坐嗰間房好似都未執拾完咁有兩張枱挨咗喺牆度， 感覺好似 唔似一間菜館😐

今次一行三人去左佐敦食野，店鋪位於佐敦同tst中間，我就由tst行過去大約十分鐘就到，到達時吾太多人，所以直接就有位🤓-卜卜蜆有白酒成份，好香酒味。黃金蝦好脆而蝦都好新鮮，但分量上吾算話太多。三色蛋味道清清地又吾油，最後個雞煲都幾野味，配飯一流。

依幾日放假，一於要同男朋友搵好野食，近年香港興起食卜卜蜆，難得有機會去開尖沙咀，就決定黎依到食好野。依到位於尖沙咀婚紗街個頭，位置唔難搵，門口有姐姐派傳單又會幫手開門，幾好服務上到一樓一開門就聞到小小濃濃嘅酒香，未食到就醉。難得黎到，必叫嘅當然係要卜卜蜆喇，兩個人食就叫個細份。 等左陣好快就上枱，蜆嘅份量都唔少，上枱個時店員會比一瓶酒我地，等啲蜆差唔多煮好再倒入去濃濃嘅酒配卜卜蜆係最佳配搭。另外，因為蜆份量都多同只有兩個人食，我地另外叫左份黃金炸蝦🍤新鮮即炸，所以要等耐小小，蝦都算大隻同新鮮，不過大家記得要襯熱食。依到服務都好好，店員好主動幫我地換碟，環境闊落好岩約埋三五知己一齊黎食「醉」。

咩叫做鹹味，未食過可能唔知，但在這裏，你可以嘗到這種味道。咩叫做小菜，可能個個都食過，但在這裏，每個菜式份量只可以做小菜。咩叫做貴嘢，但在這裹，你只要點幾度菜，一隻金牛會從你錢包跑出來。四周環境還可以、潔淨、寧靜。餐具、佈置都得體。但最重要係服務態度，華哥都講過啦，在這裏感受到自己的不存在。在這裏，點了第一度菜卜卜蜆，肉脆彈牙，食完嘅外殼花紋似隻蝴蝶，能帶你到淺水中感受鹹味，係要讚嘅。第二度菜黃金蝦，古語云書中自有黃金屋，呢度蝦中滿佈黃金，味道鮮中帶鹹，不錯不錯。但六隻蝦收你二佰大元還要加一。第三度菜南乳炆豬手煲，豬手入味夠鬆軟，但份量只有六嚿，汁就超鹹，但唔係食鹹豬手，哈哈。最後一度炒紫淮山，淮山清甜爽脆，其他配菜：如雲耳及西芹都一流，全日精選正

啫啫滑雞煲 💰128 7⃣呢道菜上檯超級新鮮滾熱辣，都可能因為佢夠熱，令到隔離檯都聞到濃郁到爆雞味。雞肉超級嫩滑兼多汁，放係底蒜頭好惹味，煮到最味好林身。無論調味定係話火候都控制得恰到好處！黃金蒜茸三色蛋 💰78 8⃣其實小編覺得蒸蛋真係一個高深學問，特別尤其係三色蛋。小編真係好鬼想跑去廚房，跪地叩頭問個廚師點整。個蛋蒸到好滑身，表面無任何一個空氣泡泡。既而入面鹹蛋同埋面頭皮蛋，一起食超級豐富個味道，配一桶飯都話咁易辣！黃金蝦 💰198 7⃣香港都唔係最近先興流行「黃金熱潮」，如果你地都鍾意呢味野，咁你一定要order呢個。點解，脆卜卜既蝦包住好薄既鹹蛋漿，食落去鹹香之餘又脆口。

早食飯用咗半價優惠，小菜火鍋都好抵食，叫咗清酒卜卜蜆都幾多細沙，所以再叫過其他菜式，最尾叫咗鹽燒鮑魚，啫啫雞煲，生炒骨同埋薑蔥爆魚腩，啲小菜都幾惹味，值得推薦！

今日係尖咀接女朋友收工，女友突然想食蜆，於是搵到呢間食蜆既餐廳。「壹食就醉」究竟係咪咁易醉呢？提提大家最好行樓梯，不過搭𨋢都得，都上一層姐入面格局幾似D私房菜咁 感覺好好餸菜款式都比較多佢地個蒜頭安格斯牛仔粒好似好吸引不過留返下次先登登登登「清酒卜卜蜆」個侍應妹妹話等佢煮一陣，之後先落D酒落去滾啦滾啦 加酒加酒先D蜆食落比較鮮，唔錯唔錯佢地推介我地呢個「黃金蝦」蛋黃味重，但記得要搣殼食呀佢地做緊推廣話要Like佢地Facebook就有野飲送！唔知我下次黎會唔會再有呢

香港嘅食肆餐廳實在太多，要突圍而出，除咗做優惠，仲有乜嘢辦法？有時候我都覺得餐廳好慘，明明香港人口好多，應該可以滿足餐廳嘅營業額，但係香港嘅地少人多問題解決唔到，有時想約朋友食飯，呢度限時一個鐘，嗰度限時個半鐘，一啲都唔盡興😕所以計我話，如果想吸引人去食飯，就一定唔可以有限制時間，就好似尖沙咀呢一間樓上私房菜形式經營嘅中餐廳，除咗有供應火鍋，仲有供應小菜。唔係朋友推介，都唔識得上嚟。呢一日我同男朋友叫咗兩個餸，一個係佢哋最出名嘅青酒卜卜蜆煲，另外一個就係馬拉盞炒通菜。 先講前者清酒湯底令人印象難忘，唔會話極度濃香酒味接受唔到，反而佢做到係出到酒味之餘亦都唔會唱到蜆嘅鮮味。蜆唔係話超級巨型嗰一種，但係因為份量多，所以都食到啖啖肉。.馬拉盞通菜係好多餐廳都有嘅菜式，但係呢度嘅通菜，仲落咗啲辣椒去提升佢嘅味道層次。讚好送飲品