壽司絆

營業中

休息中

有日晏就去食午餐，點了壽司set 10件，等了大約20分鐘，鋪頭得2位員工，明白繁忙。但壽司質素真的好差，飯懷疑不是珍珠米，飯有點未熟，較為撐胃，魚生並不生鮮，特別是魷魚及三文魚。雖然唔貴，set只是54蚊，但質素完全是濫竽充數。 我認為食客會欣賞食物質素多過數量。社交媒體網站有好多人讚地區小店，但這一次體驗可說不敢苟同。

環境清靜，區內抵食之選，即叫即做普通午餐都係$4-50，有滾熱辣的茶提供，仲包括一罐飲品，汽水麵加錢，食物質素良好，沒有奇怪的味道，環境清靜，茶餐廳的價錢已經食到不錯的壽司質素。

叫左個芝士雞排丼飯既外賣，印象中既丼飯係會有蔬菜，飯一定係熱。拎到上手發覺中晒伏，呢間既丼飯淨係得兩塊即炸既急凍雞排同飯，飯仲係凍冰冰返屋企後試左啖飯發現味道係酸的，超級奇怪，唔肯定係壽司飯定係飯變壞左第一，如果我係超市或者donki買，飯凍既我覺得好合理，但宜家我係餐廳買，店家提供熱既飯應該係基本同合理吧第二，真係未食過丼飯既飯係酸的，酸既飯同炸物真係好唔夾，味道超奇怪，而且無提供蔬菜，食幾啖已經覺得好乾好濟第三，店家個menu淨係寫芝士雞排丼飯，完全無提及過會用炸同埋飯係酸，如果一早知道咁奇怪既配搭真係唔會幫襯，大拿拿五十蚊港幣。

7/5（日），約左朋友食呢間壽司絆，但因黃雨關係朋友未到，我就自己入去先。一趟開門感覺十分良好，光猛企理，天雨關係人又少，好適合慢慢食同同朋友好好傾計🥰我哋叫左一個 牛肉烏冬六貫壽司定食（55蚊） 同 帆立貝蝦三文魚丼飯（65蚊）。牛肉烏冬無乜特別，但六貫壽司頗為出色，尤其係蝦同鰻魚都十分新鮮，55蚊嚟講性價比超值。丼飯方面，友人表示所有刺身都十分新鮮，味道一流。而且份量不多，正好留肚試下其他壽司👍我哋之後仲叫左火炙系列嘅黑椒蝦，三文魚，帆立貝同左口魚。因為太吸引相機就無機會食先啦😂本人尤其中意黑椒蝦同三文魚，火炙完之後仲保留到食材鮮味，認真不俗。食完之後由於天雨持續，一坐就差唔多兩個鐘。可能人少少，店員無顯得不耐煩，仲係我哋走嘅時候好nice咁全員同我哋拜拜😜見你哋咁好service食物又得，好啦下次見🤭

無意中發現開咗一間新店，因此去試一下，雖然店面不大，小店一間。但環境也不錯，座位也舒服。結果有驚喜 👍🏻，食物質素唔錯，價錢合理，店員服務態度也很好！值得再去！

食過幾次都係得兩三枱 可能開個位唔太起眼希望多啲人支持呢間啦👍🏼環境光猛坐得舒服 起碼望落乾乾淨淨👍🏼食物質素抵食👍🏼壽司可以逐件嗌 👍🏼手機落單 勁方便👍🏼出餐速度快壽司食落唔會覺得唔新鮮 可以唔洗幫襯元x軍艦既紫菜食落仲係脆卜卜 唔會好似其他平價壽司淋哂 推介南瓜薯餅一件都好重手 南瓜餡好creamy 好有奶香味食落仲係熱辣辣 好正慈雲山真係冇咩有質素既壽司店揀既坐得舒服 店員又有禮貌 價錢又唔算貴

門口設計好有日本感內部裝潢簡約舒適雖然店舖不大但並無焗束感食物性價比極高起初以為只是普通小店但將壽司放入口就知佢哋既魚生同價錢唔成正比😍點解塊魚生咁厚咁新鮮但價錢相對便宜？真係抵食我推介必食炸蠔壽司🍣我本身鍾意食魚類基本上所有魚類壽司都無令人失望加上係🟡店值得支持！

講到食壽司🍣，喺附近都冇乜邊間又靚又坐得舒服。見到Openrice有呢間新開嘅良心小店，lunchtime同屋企人試下，果然新裝修嘅日系風令人特別放鬆😌。為免浪費，茶包去要求嘅時候先會供應。不得不讚店員姐姐其實好有心💓，見到媽咪怕凍會主動奉上一杯熱水，上菜又好好招呼，連媽咪都讚————————————————👅珍寶丼（$55）👉🏻雖然份量普通一碗，滿碗嘅壽司飯同刺身，女仔食晒都飽飽哋👧🏻，多款刺身可以滿足花心嘅我，每款一塊當然唔夠喉，但係都叫過下口癮👅壽司盛合一人前（$55）👉🏻一份9件精選壽司🍣，我覺得會唔夠飽就揀珍寶丼，細佬都叫多咗幾件壽司同手卷，放埋同一碟上菜，一向少語嘅細佬話OK啦————————————————🚩總結：可以一試嘅良心小店💛———————————————— 🌟注意：另收加一服務費————————————————📍 壽司絆地址：慈雲山蒲田里7-9號慈樂大廈地下1號舖.🗺地區：#bem黃大仙📥分類：#bem日本菜 #bem黃店日常💰人均消費：#bem51至100蚊

已經係第二次幫襯啦，第一次食得太快無影到相，今次要補番蟹肉海膽(左)，碎拖羅(右)蟹肉海膽幾好食，個海膽無咩腥味，都幾新鮮👍🏻 碎拖羅就無咩特別三文魚盛A三文魚真係好好食，三文魚腩咬落去d油脂勁正🤤👍🏻 炙燒都好好食，好香芝士味蒜蓉帶子 + 炙燒鰻魚 + 左口魚裙邊兩次都有叫呢三款，值得每次encore！蒜蓉好香，帶子好新鮮👍🏻左口魚裙邊唔識形容，但係好好食埋單計$338，壽司黎講真係好平，仲要咁好食😆 呢兩次都無買到希靈魚，希望下次幫襯嘅時候買到啦

中伏的雜錦魚生丼飯，一打開已經覺得中哂伏，賣相超級難睇加趕客，係面頭望落去已經見到勁多白飯位係冇餸蓋住，魚生勁細粒又冇刺身鮮味，吞拿魚口感好差，所有食材份量超小，已經好正常咁一啖飯夾小小魚生咁食，到最後食哂魚生仲剩左起碼3份1飯係到，加上食材質素好差，唔建議試，真係仲衰過X鮮。然後仲要去食多左一個麥當勞餐先至夠飽，真心唔抵。食過咁多間大型或小店既壽司店，以丼飯黎比，真係未食過咁差既丼飯，呢個地段收55蚊一個魚生丼飯，仲要比個咁既質素出黎，我係同區或跨區到港島都係差一兩蚊價錢內既丼飯，人地量足，料靚，有部份仲要有埋味噌湯加沙律，可見呢間幾咁搵笨！附近一樣價錢有其他高質過呢間，寧願行遠小小都唔會再去呢間到食，已經通知埋朋友唔洗試呢間伏野，真係搵笨，比寫手食評呃左，嬲！！

無食元氣大概n 年壽司朗就要成日排到2046最近都要去黃大仙和氣最近發現係以前阿爺廚房隔離開左間壽司今日終於有幸去試價錢好合理味道都好好員工們都好好希望你哋繼續堅持落去保持呢個初心叫左幾樣野試三文魚👍🏻👍🏻👍🏻👍🏻👍🏻三文魚腩👍🏻👍🏻👍🏻👍🏻👍🏻劍魚腩👍🏻👍🏻👍🏻👍🏻腐皮👍🏻👍🏻👍🏻👍🏻👍🏻左口魚邊👏🏻👍🏻👍🏻👍🏻👍🏻👍🏻牛肉薯餅👍🏻👍🏻👍🏻👍🏻👍🏻章魚丸👍🏻👍🏻👍🏻👍🏻👍🏻軟殼蟹手卷👍🏻👍🏻👍🏻👍🏻👍🏻鐵火卷👍🏻👍🏻👍🏻👍🏻👍🏻炸蝦壽司👍🏻👍🏻👍🏻👍🏻👍🏻5分最高- 我比爆佢！！！！我都會再黎食！ 味道好態度好！😎😎😎😎😎

香港是一個美食之都，但一直沒找到讓我們為之神魂癲倒的壽司店。所以今年聖誕便決定找一家number one壽司店慶祝，希望可以找到。經朋友們的推介，我們選擇了「壽司絆」。「壽司絆」位於慈雲山蒲田里7-9號慈樂大廈地下1號舖。我們去的那天是一個星期四的晚上，餐廳竟然近乎爆滿，讓我們很意外，於是決定購買外賣回家享受。刺身是我的最愛，所以我們點了一份傳統刺身(Traditional Sashimi)。我們選的刺身是吞拿魚、三文魚和kingfish，每一款都超級新鮮甜美！我們點了很多吞拿魚和三文魚，吞拿魚和三文魚是我們的最愛嘛。不太喜歡吃生海鮮的朋友，壽司絆菜單上部份的握壽司可以以輕灸的型式上桌，所以千萬不要因為怕吃生的就錯過他們家的壽司。沒有甚麼比新鮮海鮮刺身和煮得剛剛好的壽司飯的完美結合吃起來更令人感動。壽司絆在慈雲山的分店是剛開業的新店，裝修設計美輪美奐，如果你期待每隔一秒便會有壽司上桌的話，值得推介入座享用！

18/12/2021 和女兒、朋友一起到這裡用膳，餐廳感覺溫暖簡潔，空間也足夠，坐得挺舒服的女兒最開心，不但食了一個抵食的兒童餐(有烏冬、壽司、炸物等等，另有泡芙做甜品)，還吃了2個朱古力芝士蛋糕，她的胃口不少，吃了不少壽司刺身，真的吃個飽了！自己最愛吃的就是帶子和海膽，非常鮮甜，魚刺身當然不能少，非常新鮮。而飯和烏冬都相當不錯。今次我們主要食壽司和手卷，點了油揚湯烏冬，下次要試試他們的親子丼，看過價錢也非常合理。老闆後生健談，其他員工也非常有禮貌和友善，要什麼也很快回應我們，出黎消費最重要不用受氣嘛

見佢新開張決定試下，慈雲山難得有居酒屋格局。主要食左刺身、壽司、炸物。侍應服務有禮，會主動介紹當日既推介。刺身好新鮮，炸物個皮鬆脆，最有驚喜係海膽，啖啖肉，個顏色睇都知新鮮。坐左一晚不停食，埋單就三百幾一位，唔算平不過咁既食物質素算係咁，期待多d新菜色