壽司達人

營業中

休息中

今日經外賣APP order左壽司，送到來外賣袋內只得一支鼓油，里里外外搵左幾次連一包wasabi都無，以為佢學板長咁將wasabi直接包在壽司里面啦，點知掀開件魚生都係唔見有wasabi，最後兩盒壽司只蘸鼓油勉強食左一盒，掉左一盒，打電話去同店舖講外賣無放wasabi，講完後店員完全唔出聲又唔比反應，我以為電話斷線，喂左好多聲，之後聽到電話那邊問我 ”咁你想點??!” 哩間舖一定唔會再幫襯，刺身無鮮味、飯又硬、真心難食、服務態度仲要極度惡劣

之前見過呢間堂食同外賣都多人，今日就去試試點知落完單之後，見到有兩隻曱甴，廚房內處理食物嘅職員，無戴口罩都唔緊要，咳都唔避，直接咳晒d食物上面，我叫左個豬軟骨定食，連前菜同刺身壽司，前菜正常水準，刺身壽司飯係熱嘅，同埋係爛飯，又太多壽司醋豬軟骨飯變左豬軟骨湯烏冬，烏冬湯底勁咸，粟米無味，蟹柳，烏冬，食得出全部係平價貨仲要等我20分鐘，我食完晒，我朋友個刺身飯都未到真係唔方再有下次，好失望未去過嘅朋友，可以唔洗去試

呢間壽司店係由屯門地膽朋友介紹，喺華都商場入面，位置少少偏僻，餐廳內只有數張枱，再加餐廳外幾張摺枱。但至今已回訪超過十多次。最喜歡佢地既ABCD套餐，十分抵食，魚生飯，壽司，冷盤及炸物全部都好高質素，十分足料，亦絕對無魚腥奇怪味道，每次去都滿載而歸，希望小店撐住，繼續加油👍🏻

火炙卷物拼盤 $98(火炙三文魚汁燒加州反卷、火炙三文魚蟹籽加州反卷、火炙三文魚芝士加州反卷、火炙帶子加州反卷)4款火炙完都幾好食有啲蟹籽/芝士/汁係面頭唔會出事嘅combination口感味道都幾好 而且都幾抵食 唔錯唔錯卷物拼盤 $90(加州飯卷、鰻魚飯卷、三文魚加州飯卷)食食吓先發現2盤都係卷物 都係玉子青瓜蟹柳😂依盤有啲頹 連切都未切開 面頭啲料又散開晒芝士蟹籽花之戀 $36好重芝士味😂似係生啪緊芝士咁蟹籽花之戀 $34散開咗味道就ok geh~油甘魚壽司 $28豬軟骨飯定食 $65有飯有壽司又有小食 都幾豐盛豬軟骨幾淋幾入味壽司就…除咗頹 都唔知講咩好😂芝士汁燒玉子 $18都唔錯中華沙律小食 $19

最近疫情都仲係好嚴重，所以都係買外賣返屋企食穩陣啲。最鍾意佢有唔同嘅Combination 比我配搭。今次叫左A+B+C 組合1️⃣A1)芝麻八爪魚+B4)汁燒三文魚冷烏冬+C4)玉子燒八爪魚夠爽，烏冬雖然浸喺湯入面，但拎到返屋企都依然彈牙，完全冇變漿。經火炙後嘅三文魚带啲焦香，加埋玉子粒、青瓜粒、蟹子，口感豐富，至於醬汁唔會好鹹，味道啱啱好。玉子燒厚實且蛋味濃，亦唔會過甜。另外仲叫左個差唔多嘅2️⃣A1)芝麻八爪魚+B8)汁燒三文魚飯+C2)汁燒三文魚卷三文魚卷嘅魚肉厚身，食落啖啖肉，唔會淨係好似食緊成舊飯嘅感覺。

A+B+C 💰54A芝麻八爪魚+B蟹籽三文魚飯+C汁燒三文魚卷（4件）A+B+D💰62A味付螺肉+B汁燒三文魚冷烏冬+D章魚丸（5件）已光顧很多遍了！想吃壽司又不想排長龍？可以外賣回家慢慢嘆！份量十足，味道頂呱呱👍😋

壽司達人既款式多而且好食，食物質素高，價錢大眾化。以往多數幫襯大型連鎖日式壽司店，但今年疫情持續，減少出外用餐，反而令我多咗幫襯壽司達人，我個人黎講好鍾意食日式食品、壽司，大型既店鋪食壽司多數價錢都係比較貴，而家唔洗出去就已經食到抵食壽司而且又好食，叫外賣送到黎都仲好新鮮，價錢又唔算貴！真係好開心店舖位置雖小唔太起眼，但當我試過第一次之後就愛上，而且每次叫烏冬或者日式咖喱飯都係味道一樣好食保持到水準！講到底都係想大家支持有質素既小店！A+B+C+D 餐抵食又正！

又係要諗食咩嘅時候！最近我就鍾意食壽司除咗元氣之外 好彩屋企附近都仲有第二個選擇住咗屯門之後，發現華都都有好多嘢食食壽司嘅話有時男朋友帶我嚟呢度食，佢啲壽司都係即整即叫，好新鮮㗎！男朋友鍾意食套餐，食佢啲定食，或者丼飯當晚記得男朋友食咗個唔知什麼海鮮飯佢有套餐ABC三樣嗌齊都係70-80蚊好似我就鍾意食佢啲小食同埋壽司😻夠晒多款價錢親民，夜晚都仲要等位等一段時間㗎！當日我就梗係叫返自己鍾意食嘅鰻魚同埋玉子燒啦 再加上喜歡食嘅吞拿魚自創壽司🍣隻燒吞拿魚乾左啲囉 可能吞拿魚本身佢唔係拖羅呢 口感欠奉 不過小店來講算唔錯 下次要記得食返呢個大燒鰻魚 超正😻

夏日炎炎 無乜胃口中午想食壽司 揾到華都一間小店叫壽司達人兩個人叫左六件壽司同一個定食壽司上的刺身切得好薄⋯⋯但咁既價錢真的沒有要求定食有魚生飯，壽司同刺身魚生厚切 味道沒有怪味 尚算新鮮～埋單一百二十蚊左右 還算ok

朋友帶路，專程走去屯門食壽司😆西鐵站行錯路，行了一大段路都未到，真係好似好隱蔽，但其實位置就係個商場，樓下就極方便有巴士出市區😂😂店舖地方很小，沒裝修，主打街坊生意，這個天氣坐門口會好啲😅 坐席期間，看見客源不斷，堂食外賣都沒停過👍🏻隨便點了好幾款壽司，問店主什麼新鮮的🤨來個平民Omakase😋😋壽司先來北寄貝、帶子、蝦、海膽、鰻魚、蟹棒、鵝肝、油甘魚腩加刺身三文魚腩、蝦🦐，來多份炸蠔最後追加🍣海膽、鵝肝、油甘魚腩、希靈魚店雖小，但品質卻非一般，價錢合理，性價比高👍🏻👍🏻👍🏻

.🔺壽司達人行過見到呢間唔起眼嘅小店好多人排隊@@ 睇完menu覺得幾岩口味就入左去試😋.好推薦大家食ABCD自選配搭set!價錢係$38-$66不等😏貪心嘅小編揀晒ABCD😚😚分別有味付螺肉🐚角切魚生飯🍱汁燒三文魚加州卷(4件)🍣同三文魚剌身(4件)🐟4款野食都只係$66🤩.小編另外仲點左手握壽司 價錢係$4起🤘🏻真係好抵好抵好抵😧.食物質素方面 小編覺得超出呢個價錢😋三文魚好厚切 食落仲好肥美好重油脂🤤壽司都好味味 如果紫菜再脆D就更加完美🤭.呢間小店只有大概14個座位🙈唔係sell環境 但小編絕對會再翻兜🤗

行過華都見有d餓，朋友之前都有黎食過，就帶左我黎呢間《壽司達人》食個晏。店入面空間吾係好大，想坐得舒服d，可以擇坐門口外邊。天氣涼涼地，無所謂喇。其實都有幾多人黎食呢間平民壽司。我諗都係屬於大家既飯店之一。餐牌既選擇都好多下，可以跟住黎自由配搭，而且價錢吾係話貴。我就擇左B7既蟹籽三文魚飯🍣 + C4玉子燒 + D1三文魚刺身（4件）係$62蚊。魚生黎講好大片，都有大約六大片，而且都算新鮮，如果淨魚生飯黎講$38好抵。至於個玉子燒燒得幾靚，又大舊，不過我覺得有d甜，食完會好濟....朋友叫左個E4 炸餃子烏冬定食 $52蚊。餃子黎講炸得都算ok，配埋沙律醬，食落都脆口。反而我覺得蝦壽司同魷魚個件比較乾身，麻麻地。烏冬湯底都比較清，質素可接受，而且都大碗。另外加罐裝飲品都係只需$5咋！

務翻啲正業先😀極高性價比小店！定食餐$38起，招牌汁燒三文魚便當，小pin中學就食佢㗎喇～————————————————————🔹 汁燒三文魚飯 + 蟹籽沙律 ($38+$14)🔹 角切三文魚飯 + 厚切三文魚4切 + 汁燒三文魚加州卷 ($38+$14 +$8 ).嚟到一定要試個汁燒！呢個味道係第2度揾唔到！係店外已經會聞到三文魚焦香嘅味道，食落入口即溶，甜醬汁撈埋飯、玉子、蟹籽，正！🍱 厚切三文魚真係勁抵食！❤️好厚肉好大塊～個蟹籽沙律係用拉麵碗裝🥗🥙大份到嚇親我！仲有加8蚊就有嘅加州卷，好抵食！不過小店好細，可能要坐出面無冷氣🤪

華都商場上期講到有好多平、靚、正嘅食肆，今次都係係依個商場搵另一間食，再介紹比大家，今次嘅餐廳就係日式平價之選，叫做壽司達人。佢地餐廳啊餐方法都幾特別，係分開唔同區去選擇，不同區嘅食品嘅配撘都有唔同嘅價錢。換句話講，想食正餐嘅，就可以簡多啲，想當小食、下午茶咁食嘅，就可以相應叫少啲。我同朋友兩人各叫了一個B+C+D嘅午餐，望落去都好正常，份量都唔少。三文魚飯都夠新鮮，壽司方面都不過不失，而小食就整得好好味，炸蠔同小丸子都好岀色。價錢上，好難係岀面搵到好過佢質素嘅魚生飯，所以都好推介

舖位位置係個商場外圍，都幾隱閉，因為唔係住屯門，行左一圈先搵到😂店面非常細，眼見三張摺枱，但真係唔好比門面呃到！因為食物質素真係非常唔錯！店員亦好有禮貌（記得係一個四眼肥哥哥）嗌左個汁燒三文魚鵝肝定食，前菜正常，壽司上嘅刺身估唔到幾好，唔會好似平時d平價壽司咁有陣雪味主角汁燒三文魚鵝肝飯就真係無得輸！超級足料！啖啖都食到燒三文魚碎！醬汁足夠，唔會食落乾爭爭！鵝肝拍得住酒店級，有一陣焦糖面，食落又香又甜！🤤以後如果去開屯門，都會再黎幫襯！👍🏻👍🏻👍🏻