影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
係奧海城睇完戲想食壽司郎估唔到唔係食飯時間都咁多人等位都差唔多一個鐘整體壽司味道都一般啦壽司飯一夾就散近期亦都冇咩新款推出最好食都係軟殼蟹壽司炸到脆身又多膏每次泥親都一定食
繼續閱讀
因朋友大推「炙燒焦糖鵝肝壽司」，所以抓緊平日放假的機會來食下午茶🔥逢星期一至五供應2-5pm的下午茶餐($40)，最初推出嘅時候多啲款揀，但而家只得三文魚盛合配烏冬或拉麵之前喺唔同分店都食過下午茶餐，呢間分店都唔係第一次食，水準穩定，每次都好滿意烏冬個湯幾好飲，但少少鹹，唔可以飲太多至於三文魚盛合都係一如既往的好味～同埋唔知點解下午茶餐三文魚盛合嘅三文魚我總係覺得好食過單點嘅三文魚🤣所以我好鍾意叫呢個餐😋明眼人應該不難留意到上圖的三文魚壽司飯有啲唔同，因為而家做緊期間限定「全部壽司均以赤醋飯提供」，正👍🏻於是其實我都有更仔細地食嚿飯，我覺得同白飯個分別係「juicy」啲、軟身啲、濕啲有味啲，整體口感好啲令我諗起不久前喺Donki買嘅三文魚腩壽司，都係呢種飯，我覺得非常好食⭐️⭐️⭐️⭐️⭐️好喇食完個下午茶餐，係時候叫萬眾期待的炙燒焦糖鵝肝($17一件)：一入口嗰下非常震驚味蕾，因為外層酥脆、一入口即溶嘅感覺非常正但第一口之後，中段就略為不似預期了，因為我expect會係滿口鵝肝味🙈（尤其正值上星期剛好在康得思酒店The Place食咗三塊燒鵝肝，所以對鵝肝味記憶猶新，甚至少少心心念念🥺）但呢件壽司唔太有鵝肝味，而aftertaste亦係強烈的焦糖味我睇咗好多壽司郎social media上網民嘅留言，都係一半話好好食、希望變成長期品項；一半話太多焦糖味令鵝肝味冇埞企，唔加焦糖會好啲，我非常認同，如果係淨燒鵝肝就好了食完鵝肝仲想食多少少，所以再加咗碟吞拿魚($12)：賣相賞心悅目！令我精神一振🤩吞拿魚一直係壽司郎賣點，每次必叫奧海城店雖然已開張一段時間（半年多啲），但依然好乾淨（MOKO同瓊華分店冇咁乾淨的），同埋窗口位夠開揚，好好坐最近埋單時我成日唔記得撳「結帳」🥲今次又唔記得撳，終於出狀況，就係畀完$92，我諗一諗點解咁貴嘅？睇睇張單先發現計多咗一碟鵝肝壽司，由$17變咗$34，我即刻同店員講計多咗，但因佢哋服務超迅速，我張枱已經還原咗畀下一位客人食緊，所以數唔返啲碟，要花多少少時間等店長去check，好在店長非常好人，check完最後都有退返錢畀我🙇🏻（店長哥哥如果睇到呢度，想同你講多聲唔好意思同麻煩晒你了🙇🏻 冇撳結帳係我唔好🥲）我出去埋單前都聽到店長哥哥同前台接待的店員細細聲講如果客人遲咗一兩分鐘埋單唔好催佢呀、畀人投訴太多喇，我覺得呢種人性化處理先係待客先道呢🥹 帶領店舖營運不容易，大家的努力客人係見到的🥹付款收據上面有問卷QR code，填妥問卷下次惠顧可以減3蚊，有效期1個月內，我每次都有用到～因為通常差不多1個月就會想再食壽司郎～（每次我都冇睇實到期日去用，而係真係自自然然再去就係在期限內😛）除咗減3蚊，填問卷係因為我真係鍾意填問卷，寫完呢個食評之後，我先發現喺問卷講漏咗… 我應該喺問卷建議吓增加下午茶組合的選擇，同埋鵝肝唔加焦糖😂今次我都有用上次嘅3蚊優惠，所以埋單只需$73😋
繼續閱讀
「你好，歡迎光臨！請問是第一次來用餐嗎？」小甘友善地說。「不是，我希望今天可以吃到好吃的壽司，因為上一次…」小甘打斷了我的回應：「請放心！絕對令你滿意的！」「啊？我還未說是甚麼事。」「人生就是充滿驚喜，你快點試試這碟鰻魚壽喜燒牛肉壽司吧。」我拿起雙筷，小心翼翼地夾起那塊充滿油脂的牛肉掀開一看。「這…？黑色的是…不過聞著真香啊。」「還有這碟蟹肉軍艦配海膽三文魚子雙味，你也試試！」我緩緩將海膽放入口中細心咀嚼，眉頭不自覺地皺起。「哇靠…是苦澀的…果然充滿驚喜。」「期間限定的喔，好好把握機會品嚐吧！」
繼續閱讀
心血來潮想食下壽司, 第一時間當然係諗壽司郎啦!係香港開左咁多間, 仍然有大把FANS, 我都係其中一個但實在太多人食啦, 都唔會成日去食今日黎左奧海城呢間, 等10:30開門食就唔洗等啦~人唔算多, 好開心唔洗等就有得入去食相信好多人都食過壽司郎嫁啦普通壽司都唔需要多提啦通常每次黎都會試下佢D限定壽司今次主打大切黑鮪中吞拿魚腩配蔥花吞拿魚蓉 $17係大切黑鮪中吞拿魚腩既上面，鋪上蔥花吞拿魚蓉，吞拿魚魚油的鮮味和甜味爆哂出黎大切白雪鮃$17睇落白雪雪, 以為無咩魚味, 點知又幾出鮮味, 有口感蟹肉忌廉可樂餅 $17一夾開D忌廉 爆哂出黎,我就麻麻地入邊咁稀既口感每次最鐘意都係食吞拿魚呀~!! 咁既價錢仲要求D咩丫!
繼續閱讀
黎到奧海城行個圈, 呢邊又唔算好多野食, 價錢有D都唔平,見有壽司郎又唔算太多人就等下啦入到去坐吧台, 除左相個D壽司都有點左其他, 不過始終覺得三文魚, 玉子同蟹棒壽司係比較吸引,其他既味道都係比較一般, 今次點既三文魚壽司口感比較好, 望落去都比較靚~玉子都算大大塊,口感正常~但係D飯都係比較易散, 一夾就散開, 搞到成日分開左幾舊咁食...不過壽司郎既位有個好處係有塊板隔住,同隔離食客分開, 除左講野唔會影響到人之外, 又減少口水橫飛既情況唔會互相影響~ 呢個設計仍然存在其實係幾好~總結黎講~ 壽司郎係諗唔到食咩既情況下去食其實係一個選擇~
繼續閱讀