夏娃 (已結業)

無意中見到呢間 lunch set幾抵食👍👍👍... $5x 一個 lunch set... 包飲品、主菜同湯... 當然要貴亦有貴嘅餐!呢間走德國菜路線... 環境都ok... 但枱與枱之間唔算濶落!今次lunch order 咗燒春雞意大利飯... 唔駛一百蚊... 已經有半隻春雞... 抵食!😍又order咗温泉蛋煙肉長通粉... 份量唔算多... 啱女士... 男士食完可能個肚會空虚d... 不過真係好平... 五十幾蚊咋!😆另外... 叫咗客德國脆咸豬手set... 店員話做緊promotion... 送海蝦意大利飯! 初時冇為意... 嚟到先知碟海蝦意大利飯都有返咁上吓份量... 結果呢個餐都夠2個人食!🤭 唔駛二百蚊... 以份量同好味程度計... 超值呀!👏

高質午餐真係抵食好食，估唔到$60左右可以咁好食。Set Lunch仲包埋餐湯或者沙律再加埋餐飲，價錢由最平的$48至最貴的$168，選擇都算多。我地兩個人都揀餐湯，正常野啦，熱辣辣好開心。個餐我地就揀咗日式蜜糖芥末雞扒飯同煙三文魚沙律卷配普羅旺斯茄汁燉菜長通粉，兩個都唔錯。日式蜜糖芥末雞扒飯舊雞扒好厚好大舊，個日式蜜糖芥末汁其實有D似鰻魚汁，都幾好味，製作都幾認真。煙三文魚沙律卷配普羅旺斯茄汁燉菜長通粉個名真係長，講到底其實就係茄汁三文魚長通粉，不過好有心機咁樣卷起D三文魚，食落去又真係比起就咁食煙三文魚嘅口感更正。另外佢個普羅旺斯茄汁又真係同就咁番茄汁好味D，估唔到一個大約$60的Lunch Set一D都唔Hea。呢間野主打賣德國啤酒，叫咗一杯試下，係德國手工啤黎嘅，係麥啤，麥味好香，帶少少波羅嘅水果味，幾特別幾好飲。

北角和富道都有好多好野食，其中一間食德國菜既夏娃，口碑唔錯，友人又話想飲杯啤酒，呢間啱哂今晚一於試吓，餐廳唔大，枱櫈以木為主，二人位略嫌有少少逼，不過唔緊要，試吓D野好唔好食先。▪️Bitburger Premium Beer 🍺 500ML $68好好飲既麥啤，香濃麥味易入口，送熱氣一流▪️香脆薯條配黑松露蛋黃醬 🍟$48我最喜愛粗薯條，配埋餐廳自家制家既醬好好味，食下傾下好快食晒，我地唔夠食又再叫多碟😂😂▪️招牌德國脆皮鹹豬手配酸椰菜薯角 🐷$208豬手未切時唔記得影左相先，餐廳好貼心會切埋，豬手皮好脆，而且肥瘦適中，而且調味幾好，冇加任何醬汁都夠味，每啖肉都夾住少少肥，正，配埋酸椰菜解下油膩，重有個脆薯角都炸得好味既▪️香煎鵝肝大蝦海鮮汁意大利飯 🧆$188鵝肝和意大利飯都係我至愛，首先飯汁夠濃，好香蝦味海鮮汁➕埋芝士包住每粒飯，好食，另外大蝦爽口，鹅肝煎到外脆內軟，如果大塊D或者多一舊更好😂😂

話說前前後後無論堂食定外賣都幫襯咗好多次，原來成日都唔記得寫下食評係食物上，睇得岀廚師好有heart好有心機，用嘅食材絕對唔會是但！每一次堂食、外賣，我都會叫一客鵝肝多士！件鵝肝多士真係好岀色！食落入口即溶！而且一d都唔會腥口！之前食過第二間嘅鵝肝，超腥口，仲要價錢貴！d意粉都好好食！每次d意粉汁嘅份量都控制得好好，食完完全唔會漏！其他食物，好似湯品，原來全部都係由廚師自己用新鮮食材煮嘅！絕對唔會用罐頭湯嚟扮嘢！

夏娃開店數年，在北角都相信已打響了名堂"性價比之王"。原因呼之欲出，就是以比市價更低的價錢便可以吃到與市面相同甚至是更高水準的食物。本人並沒有吹噓，就以lunch menu為例，巨型蜜糖芥茉雞扒飯包餐湯，凍飲都只是$70有找。近日更推出新menu，其中一款8onz紐西蘭肉眼扒更只賣$108，就算weekend加埋10% $120仍有找。而鎮店之寶德國豬手更是頂呱呱，無懈可擊的。原因是，一般出面的德豬都較咸，而皮與肉之間的脂肪層亦較厚，因此一般人吃完便會感到好喝喉及感到好"膩"，短時間內都不用再吃了，明顯不是太適合香港人吃。但夏娃的豬手調較至適合港人口味，肉不會太咸，脂肪層亦相對較少2/3，因此口感不會因此而感到肥膩，短時間內再食也可。這豬手吃過返尋味，因此我也不斷介紹朋友到食，無一不讚嘆其美味。

一行七人去咗北角呢間夏娃食午餐，星期日去嘅話建議訂位。訂咗位即刻入座。叫咗招牌菜蝸牛腸、豬手同豬肋骨等等，追加一個前菜Parma ham配蜜瓜同埋加咗個甜品，埋單都係$850有找！就算素食者都唔使擔心，喺主菜單揀一個主菜，餐廳侍應講以嗰個價錢為set lunch，包沙律或者湯同飲品。豬手好好食！同酸菜好夾。蝸牛腸預期中嘅味道，分量足夠…尤其豬手好大碟！如果全部女士一定食唔晒要分享！我哋食唔晒要將啲豬手打包，侍應好貼心比錫紙我哋包走啲豬骨返屋企。雖然侍應人手看似不足但仍然盡量滿足客人需要。一定會再幫襯！

本人致電外賣，在預定時間到達，入到去冇人理會，當人透明，到搵到人問，就話唔知外賣幾時有，結果等了超過預定時間半小時，追問幾時有，答案係「唔知」，態度非常惡劣，完全冇意識跟進，到我企到累，要求佢有得拎時打電話俾我，結果等多20分鐘，都係冇人打俾我，一名高瘦侍應，仲話「我好唔得閒，點打俾你？」，咁嘅服務態度，非常惡劣，好差。以前都幫襯過呢間好多次，一次差過一次，食物質素越來越下如從前，以後不會再幫襯。

第二次黎食 依然咁好味咁抵食！$78 帶到我返去歐洲既感覺🥰 仲包餐湯同餐飲 餐湯咁岩係我鐘意既蘑菇忌廉湯😍 好creamy 好好飲😍 好想黎多碗🤣 寫寫下好想今個weekend再去食腸仔😂

今日難得同姐妹周年紀念約會，就揀左呢間北角嘅夏娃去食喇諗住食下德國豬手，飲下德國啤chill下🧏🏻‍♀️🧏🏻‍♀️♥️♥️嚟到好彩有訂位咋，坐左一陣已經full曬🥲勁呀！我哋叫左個2人餐dinner set，沙律有煙三文魚卷，頭盤嚟講份量還可以喇，有心機嘅擺盤，跟住有2碗餐湯。等左15分鐘左右就出今晚嘅主角喇德國豬手喇，我哋特登叫佢唔好切比我哋打左卡先😆唔好意思港女左我個姐妹一見到，嘩！點食啊佢仲用隻手嚟量一量🤫🤫🤫因為疫情關係，佢哋醬料轉左用獨立包裝嘅芥末，仲要係Heinz牌子，呢隻黃芥末配豬手好夾好出呀豬手味不得了，隔無奈，意粉又到了woooo~~~~係帶子意粉🍝呢個意粉不得了呢，賣相太靚了汁水包住曬啲意粉😮‍💨😮‍💨😮‍💨食完一啖又想嚟一啖😚好滿足了，跟住咁上下就上甜品窩夫了，呢個甜品因為太飽關係都食唔曬😭我哋見到仲有西班牙菜乳豬，呢個又係好想試，唯有下次喇😆我哋會再嚟架等我♥️

放假就係要Hea，去呢度Hea就啱晒，叫D小食叫個Main Course飲吓啤酒，過一個懶洋洋嘅下午。先點啤酒先，叫咗5號仔Tap 5，呢隻德國手工啤好飲，好fruity好香果味，配住肉類邊飲邊食一樂也。德式蝸牛香腸 - 開頭以為咁大舊肉會好滯，點知肉味好香，食下食下唔覺唔覺就食晒，沙律菜夠新鮮好味。薯條 - 就係薯條咁簡單啦，餸酒必備。西班牙海鮮炒飯 - 其實脆皮豬手同西班牙海鮮炒飯二選一，最後決定食西班牙海鮮炒飯，海鮮多過飯，D海鮮都唔錯，炒飯炒得夠乾身，好味道。

收工食乜好🤔❓又係北角啊‼️北角完全係一個美食森林🤩又有好多唔同菜式嘅選擇🥰 和富道又係必黎搵食嘅地方😋♥招牌德國脆皮咸豬肘，酸椰菜燒薯角 $168上枱已經係切好晒🥰肉嫩皮脆，但豬偏肥，食落會覺得好油膩🙈個人鍾意食瘦肉多啲，可以配上酸野菜食，豬唔算好大隻，飛走埋啲肥膏唔算食咗好多🙈薯角好食😋♥輕煎刺身帶子配黑松露卡邦尼意粉🍝 $88超好食意粉😍😍😍意粉控都滿足到🥰 硬度啱啱好，卡邦尼醬汁唔會好渴亦都唔會好稀 perfect match✨ 帶子得兩粒都唔夠喉😂♡️ 總括黎講都係高質嘅德國菜😍下次仲想去試吓德國香腸添😋 食豬手飲啤酒都幾chill🥰

🍽🍴🍽🍴🍽🍴🍗🍗🍗🍗🍗🍽🍴🍽🍴🍽-🥢煙三文魚沙律卷配蜜糖芥未醬 $55 🆗-本身睇個名唔知點解以為係越式米紙卷就嗌咗💩，所以上菜嘅時候見到碟野嚇咗一嚇，心諗一定唔夠飽😵。不過估唔到佢啲三文魚卷到細細嚿，攤翻開其實都有1-2大塊，食落又幾飽肚🤪。-🥢德國春雞配黑松露野菌意大利飯 $68 🆗-肉質唔鞋而且仲幾多肉汁，份量十足🐓。但個飯都就似忌廉湯飯多啲🥲，好在啲菇菌都幾鮮甜。-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 10/10整體 𝗢𝘃𝗲𝗿𝗮𝗹𝗹 7.25/10-📌 Lunch Set星期一至日都提供，會連沙律/餐湯同指定餐飲～- 🍽🍴🍽🍴🍽🍗🍗🍗🍗🍗🍴🍽🍴🍽🍴🍽

這家以德國菜為主打的小餐廳CP值高，值得一試。問店員有什麼必食推介，他介紹了三款菜式，分別是德國豬手、西班牙海鮮飯及西班牙乳豬，於是就點了這三款，反正兩男兩女應該可以順利完成三度菜。先到的是西班牙乳豬，肥瘦適中，乳豬皮很脆，咬下去時有肉汁流出，因為半肥瘦，所以很香。第二度吃的是德國豬手，不是很大隻，估計是豬前腿，皮做得夠脆，而肉則偏瘦，所以我比較喜歡用豬後腿做的德國豬手。最後上場的是西班牙海鮮飯，份量比想像中大，選用的海鮮亦算新鮮，特別是那些蝦，因為蝦頭味道最能知道其新鮮情度。三款都很好味，值得推介。

這是我第一次寫食評，因為實在太過份！唔想其他人中伏，所以一定要寫！😤😤😤見到openrice有自取外賣$28優惠，諗住試下，叫咗帶子刺身黑松露意大利飯，原價$78 ，特價$28。點知見到個餐呆咗😳😳😳份量小得可憐，連小朋友都唔夠食，兩啖食完！其實做優惠減少份量都好正常，但係呢個size絕對唔會係$78原價囉！太離譜！擺明呃人！以後都唔會再幫襯！同埋我買完後，此店舖已立即delete 了優惠，好心咁小家就唔好俾人優惠！咁唔老實！所以大家見到佢有優惠，都要三思！

和富道上的一間小小西餐廳，推門入去見到空間十足，掛滿德國國旗，夜晚嚟氣氛應該會唔錯。周末都可以點set lunch menu，包餐湯飲品，都幾抵食。燒春雞份量十足，啖啖肉，淨係食隻雞都夠飽。但隻雞應該無咩醃過，調味又唔太足，所以食落有點淡味。 燉飯質感唔錯，但黑松露味也是偏淡。德國蝸牛腸比想像中幼身，份量偏細份，但有薯條搭救，薯條不錯，炸得香脆。整體嚟講，食物質素不過不失，但份量都幾足，叫做對得住個價錢，抵食