夏麵館 (樂富廣場)

營業中

休息中

令人驚嘆的金牌菜肉炒飯（HKD58)初頭見到賣相呆了，咁樣既金牌炒飯，我對碟炒飯仲有d期望，但一試，飯身硬，味淡，用料孤寒，白飯不如。金牌...？黃金蝦球（HKD118)份量少、賣相差、一碟所謂蝦球竟有一半是番薯扮蝦球。另外，叫了糖醋魚,小籠包及蟹粉豆腐煲（HKD98)，味道認真麻麻，晚市價錢昂貴，但所有野都令人失望及難以置信。夏麵館，成功列入黑名單。帶著屋企人諗住黎食餐好野....真係非常失望。

今日約人食飯,我中意食澱粉類食物,好似包同烏冬咁所以特別中情於上海菜😋,朋友就話不如試下夏麵館,反正唔遠,我地去到午餐都就變晚餐啦😑,入到去見到佢既裝潢,好古色古香,燈罩都用瓷泥做,木既枱櫈,坐就唔係話好坐,但算有風味🙈好彩唔洗等,坐底左我就劃單好餓ㄚ😖我地叫左4個套餐排骨擔擔麵,都算唔錯,但唔特别,之後白律肉絲炒年糕,我就覺得煮軟些會更好食,另外個上海炒麵同配既小籠包,係我今餐最欣賞既👍,唔太濃,但吸引人ㄧ口接ㄧ口到食完,所以我地配左4籠,真係好誇張.最後係香辣牛腩麵,配豆沙鍋餠,個餅味道好淡,咬ㄧ啖就唔想食🙈但我地都好乖咁食完,個麵用准山麵想試試,結論係我唔中意,我覺得都可以,但佢已被我分類去見到可能會食,但唔見唔會諗起既餐廳😂

樂富分店的經理態度非常之差處理客人的投訴完全不理會要分枱埋單又唔可以我同佢投訴佢又話要報警，對客人的投訴一於不理會我對此非常之失望是緣是我哋買了一些卷，他說不可以用在套餐我們說我們明白然後我們套餐比回現金其他正價餐才用那些卷但他說一定不可以非常難以理解因為我們套餐不是用卷的為什麼不可以呢？

經過了夏麵館附近，看到午市套餐組合選舉很多，有涼菜、主食和飲品，$48-72，取決你點的主食而價錢有所不同。四喜烤麩，外看美𧢝，顔色對的。但醬汁只有顏色而沒什麼味道，唔鹹唔甜，烤麩浸發唔夠，炆得也未夠時間，食落韌。排骨擔擔麵，排骨分碟上。排骨最好盡快熱辣辣吃便吃到炸皮酥脆。過一會兒變温了，炸皮變得軟厚，最後要除皮吃。擔擔麵是陽春麵，份量很多，似是幼身的上海麵，尙算麵質彈牙，湯底有濃濃花生味，內有花生碎、炸蒜碎、蔥粒、肉碎等，頗惹味，忍不住喝了唔少湯呢！熱豆漿，又是一大杯，湯麵加豆漿唔飽就假。

都不是第一次在這間店食午餐，因為味道及價錢方面都是合理，而且在我食飯的時間不算太多人，很好。今次想講講佢地個午餐，有很多的選擇，而且有前菜、主食及飲品，都好豐富。我們兩人，點了兩份餐，都是湯面為主。這份蒜蓉四季豆、酸辣湯水餃面、熱豆漿，份量足，碗面很大，以一個普通女生的食量，可以分兩餐。豆的味道清新，爽脆，酸辣湯面味道剛好，材料都足夠，面亦不會太林，水餃皮厚了一點，但味道不錯，豆漿亦有豆味。這個餐整體都很好，係我每次來食的選擇。朋友點了這份烤夫、嫩雞煨面、凍豆漿，同樣婉面都很大。烤夫比較乾身及淡味，可以再多汁少少，面的湯好好味，而面線亦不會太林，因為好多時食煨面就好似食糊仔咁，但這間不會，剛剛好，還有一點點菜，食起來不錯。整餐都好滿意，可以再食。

樂富川菜真係選擇不多，見到呢間有川菜既 就試下。下午茶$50連飲品（星期六和日 +$4）再加一，價錢都算幾平。牛腩麵既牛腩真係好食 唔鞋唔硬 湯底和麵質適中，不太濃。雞扒麵既雞扒略微咸 但雞扒肉好滑，湯底好香既花生醬味，但飲落又唔係好濃。紅油抄手普普通通。酸辣湯就真係麻麻地，好酸但唔辣。座位不算迫 唔會痴住隔離枱。服務方面，員工除左零表情外，都無咩特別。咁岩樂富廣場既商舖裝修 所以食緊野都聽到好吵整體上 呢個價錢 好過食餐廳啦！會再食。

今日我見肚子不太舒服，放工去了夏麵館食晚餐！ 由於去到時巳夜深，所以一去到沒有人等位，職員直接安排入座！看看餐牌，麵的種類很多！ 由於我想食得清淡，於是我點了一碗青菜嫩雞繪麵（淋麵）！等了約7至8分鐘，我碗青菜嫩雞繪麵來了，估唔到碗麵都幾大碗，比想像中大得很！雖然我叫左淋麵，但我又不覺得麵煮得特別淋，但麵的質地也可以接受！ 而且麵吸收了雞湯精華，很惹味，吃了一口就愛上了！加上整碗的雞肉同小棠菜也是切粒的，不但容易入口，而且令整碗麵看起來特別豐富！最後，我把這碗嫩雞繪麵吃光了，很滿足呢！到賣單時，有意外驚喜！ 原本9點後入座有9折！ 太開心了！

同靚女女朋友第2次黎食依間，因為以中菜黎講又飽，味道都OK。依個係1人晚市套餐：60-70幾蚊有個1大碟既小菜加白飯加個湯，咁我地就叫左魚香茄子、飲酸辣湯，再加個高力豆沙。例外再加2個小食：3隻鍋貼同3條春卷。因為上次食完有coupon，所以今次叫滿$100又可以免費有籠小籠包。個酸辣湯幾惹味，偏酸少辣，都幾開胃，而且幾足料：有菇有木耳絲等，我覺得2個人share1碗好D，因為食1碗對我黎講酸得濟。主菜魚香茄子我覺得中上，因為佢味道好香，而且份量都幾多，個汁唔會好鹹，攞黎送飯都唔錯，不過可能多油左D，所以好快飽同膩。其他小食就正常味道。小籠包就幾多汁，加埋D醋一齊食無咁膩。最後既高力豆沙就係今餐最好食既！個皮好軟熟，好香口，裡面有1大堆紅豆沙。其實有2個既，只係女朋友忍唔住食左！埋單$140幾，我覺得OK！

呢間夏麵館都幾隱閉下係商場度都要行得幾入下 係mcdonald隔離都揾左一輪佢地既lunch set有得簡前菜 主食 同一杯飲品前菜就推介烤夫 幾好味主菜如果簡飯既話 會好大碟！建議share味道就不過不失 都係咁Menu如下

約咗朋友食午餐，午市套餐真係好多選擇兼抵食。一人60幾蚊就有前菜，主食，甜品同飲品，抵到呢⋯⋯其中麵麩味道都可接受雞絲粉皮，不過不失呢個粗炒有d失望，麵質好怪，淋淋哋，味道似醬油炒麵，但唔好食個蛋白炒飯又係無乜味。另外，叫了高力豆沙都好味。若論呢個價錢比咁多嘢你食，都唔好要求咁多，填飽個肚就算嘞！

母親節無專登出去搵餐廳，諗住係樂富搵番間好啲嘅慶祝下就ok～ 本身諗住食元氣，點知多人到排後二百幾個，臨時轉食夏麵館，排少啲人見到多咗暑期工人手，可能撞啱節日最等人用，佢地都做嘢爽手，除咗有幾下聽到佢地講粗口問候母親唔係咁好💩 同埋啲餐具超污衊，用茶洗完都仲有油，換咗新一套都係咁老上海炒麵第一碟上嘅菜，無記錯係order完五分鐘就上咗💁🏻 但完全唔熱唔暖，啲麵條腍腍地無咬口，同埋配菜唔夠得幾條，味道係正常的津白肉絲炒年糕年糕size唔均勻，有啲仲厚過個手掌咁款，同埋一啲煙韌但一啲腍咗自選涼菜五小碟涼拌小木耳、四喜烤夫、雞絲粉皮、鎮江水晶肉、虎皮素鵝虎皮素鵝夠熱夠新鮮，外表超脆同香口👍🏿四喜烤夫唔夠味其他正常無特別賽螃蟹味道好淡，蝦肉亦過份爽口，唔夠蝦嘅鮮味，好普通下次唔會再叫排骨擔擔麵走咗辣，麵條曲曲地，同出面嘅直身麵條唔同，無乜口感，質地較腍。湯頭面層望落好濃，不過入面其實好清，味道不濃，好少花生同花生味排骨夠香口👍🏿 炸皮厚度適中，肉質好腍易咬，一啲都唔韌👍🏿鮮肉小籠包小籠包皮唔厚，咬落有口感，唔會蒸到淋哂。𥚃面肉湯清甜，顏色透徹菜肉大餛飩湯底夠味，大餛飩餡料足夠，肉味香濃，咬落有

今日同屋企人嚟左呢度，因為佢地都鍾情上海菜。叫咗五小碟($98)，一次過滿足晒五個願望。涼拌小木耳，虎皮素鵝，雞絲粉皮， 鎮江水晶肉，同埋海哲。本來想叫嘅四喜烤夫同埋糖醋排骨午市已經賣晒，有啲失望。好彩呢個拼盤整體來講都叫有水準，木耳略腍，海哲夠色水但味比較單一。如果想有多啲唔同嘅選擇，試吓唔同嘅菜式，點都係叫拼盤抵啲嘅。擔擔面超級大碗，啲湯好似唔駛錢咁。上枱熱辣辣，辣味麻味撲鼻。先試一試湯，湯底夠濃，微辣，醬可以多少少。麵質算彈牙，偏腍但唔痴牙，掛湯力好。 豬肉碎同花生碎都夠，。唯一可以挑剔嘅係，可以多啲蔥，另外因為個湯太多，要將所有豬肉碎同埋花生碎撈起有難度！ 鱔糊面都係大大碗，我哋一行四人叫三個餸就已經夠飽。相比起擔擔麵， 清湯麵就比較失色。初初見佢大大碟鱔糊，以為好抵食，睇真啲原來有一半都係筍。黃鱔都算煮得爽嘅，不過屋企人就話，始終冇以前啲鱔咁好食，食左好多地方都食唔翻以前嘅味道。 屋企人鍾情食鱔糊，我諗應該係，對回憶嘅情意結吧。

樂富廣場三樓有間叫夏麵館，除左麵有好多選擇，鮮蟹粉，涼菜，炒麵拌麵，小菜，點心，湯麵，年糕同甜品，真係好多款，不過我推介吃排骨菜飯和麵，排骨肥而不油，麵就幼嫩，再吃埋擂沙湯丸，價錢合理，地方坐得舒服，服務後生侍應好耐性

我差不多每星期都去樂富廣場，因為是約了網球波友在摩士公園或聯合道公園打波。通常都會在打波前或之後到廣場覓食。 樂富廣場餐館都是大約中下價，選擇很多。我之前每星期來都會選一間來試試，當然要符合幾個條件，味道當然要好、不需排隊、吃完後不會俾人趕、價錢大約$60 - 80。麥當勞價錢低但始終是快餐、有一間意大利餐館符合食完長坐都無問題，但不知為何質素越來越差。 眾裹尋他，夏麵館是暫時首選。 他們有午巿自選套餐，可選涼菜/點心 ＋麵、飯、年榚 （一款）＋飲品。  今午我選了蒜香四季豆、酥炸雞排麵和熱豆漿，麵算頗彈牙，排雞則炸皮肉大多分開了。  我今次特別試試另一款麵，其實我的首選是黃魚煨麵。對比之前，我發覺午飯來的客多了，對餐館來說是好事，但我卻不好意思久留了。

12點3黎到樂富的夏麵館，幸運地不用等位，入座不久便人滿。是次午餐點了涼拌粉皮 +炸醬牛肉拌麵 +熱豆漿 （$55)。難得的事，這間麵館的上海面十分彈牙，微辣的炸醬溢出著慢慢的肉香，和彈牙的上海麵拌在一起，非常完美。另外，一般店鋪的熱豆漿普遍都會有一股奇怪的漿糊味，尤其粥麵鋪。然而夏麵館的豆漿裝在果汁杯上，溫熱的豆漿散發著濃濃的豆香，毫無漿糊味，實在抵讚。這間夏麵館還有4人同行一人免費的優惠，1點前結賬還有85折，以這麼如此高水準的上海麵來說十分滿意。