夏麵館 (置富第一城)

營業中

休息中

筆者住在沙田區，週末晚上去了夏麵館吃上海菜。餐廳近來推出新菜式，而且還有優惠。餐廳的座位頗為舒適闊落，可以和家人悠閑地吃晚餐。📌 三蝦煨麵(蝦子，蝦腦，河蝦仁) 原價$148，嚐鮮價$138河蝦仁、蝦腦和蝦子的精華融入至湯底中，整體味道也不會太鹹和太膩，煨麵走清新的路線。河蝦仁質感彈牙，約有二十隻。麵條軟硬適中，還帶有微微的韌性，而且份量十足，兩位女士share吃也夠飽。📌蟹粉炒粉皮 原價$138，嚐鮮價$128這道菜式口感上偏濕潤，粉皮質感彈牙，蟹肉、蟹黃和蟹粉的份量充足，蟹香在口腔中久久不散。這款菜式也可當作一份主食，頗為飽肚。📌開心果高力 原價$82，嚐鮮價$72愛吃開心果的食客應該相當喜愛這道即點即製的甜品。外層炸得鬆軟又可口，裡面的開心果醬味道濃厚。

見噤耐冇食過小籠包，剛剛同朋友經過見到呢間上海菜館，一於同朋友入去坐低品嚐一番先除左叫左生煎小籠包，還有蟹粉撈飯、花雕醉雞、開心果高力、酸梅湯和豆漿蟹粉撈飯：好多蟹粉遮蓋白飯，一定要撈勻白飯一齊食，啖啖白飯都包含住濃濃嘅蟹粉，非常甘香美味生煎小籠包：熱辣辣大大粒，皮薄煙靭，咬開後好多熱辣辣肉汁流出，肉質鮮美花雕醉雞：雞肉嫩滑彈牙，入口渗出濃濃嘅花雕酒香開心果高力：熱辣辣入口外皮鬆軟，內裹開心果餡料香濃，甜度適中，點埋砂糖食美味可口酸梅湯和豆漿：入口香濃，好足料，明顯係冇溝水下次有機會可試其他食物或大閘蟹宴都幾吸引，味道應該唔差

之前食過夏麵館分店，今次第一城開咗，就過去食嘢先，店內有4人枱或圓枱，員工有禮貌。涼菜五寶雞絲粉皮淋上雞絲粉皮的野味花生醬，醬汁不會太杰，加埋有青瓜絲嘅清爽，夾埋濃香花生醬，令人食不停口。涼拌小木耳木耳爽脆口感，芫荽帶清香，味帶麻辣好味又醒胃。鎮江水晶肉冰涼口感的水晶肉，望落晶凝通透，咬落肉質清爽，口感層次豐富。熱爆燻魚入口脆香嘅燻魚，味道濃郁，燻魚肉質唔會太乾，沾一沾黑醋汁，冇咁膩口。醉香豬手酒香味濃，豬手帶酒香夠晒入味，肉質Q彈爽口，最後可以飲埋d酒添。蟹粉撈飯滿滿的蟹粉蓋過白飯，入口嘅蟹粉，軟綿綿嘅口感，蟹肉鮮甜，味道濃厚，最啱配搭白飯，可以加少許醋，令蟹粉更提鮮。開心果鍋餅鍋餅外皮香脆，乾身唔油膩，入面係開心果蓉，果蓉質感綿密，亦不會太甜。生煎小籠包煎到香香的小籠包，皮薄香口，咬開就有肉汁流出，肉嫩味濃，沾少少薑醋更好味道。

今日收工係第一城搵食😋比個開心果2重奏吸引左😍🍚蟹粉撈飯咁邪惡嘅嘢食 點可以唔食？😈😈鮮嫩嘅蟹肉 加埋香濃嘅鮮拆蟹粉交織 加埋一啖白飯 蟹膏嘅香味 充斥晒成個口腔 😍加埋白飯嘅甜味 好味到無法抗拒可以極速清碟😎🍜三蝦煨麵 以 蝦子+蝦腦+河蝦仁 為主要材料展現出唔同層次嘅蝦味 一定要慢慢品嚐超級多河蝦仁 蝦腦增添左濃郁嘅鮮味 麵條吸收晒個湯嘅精華 好味到停唔到🥰🍘開心果鍋餅好surprise 呢到都有開心果味🥰🥰外皮酥脆 裏面包着濃濃嘅開心果餡甜度適中 唔會搶開心果嘅香味 即叫即煎 超熱辣辣😋又蝦又蟹 再加埋開心果 真係好滿足😌職員都好nice 加水加得好快呢張餐牌樣樣都想試🤤🤤🤤下次要試埋個 蟹粉炒粉皮😍😍生煎小籠包😍😍

突然間好想食擔擔麵 所以就落咗去幫襯哩間夏麵館🍜點了一碗擔擔麵 一籠小籠包同埋一杯酸梅汁重點！碗麵一上枱 我見到個湯底就覺得已中伏 點知食咗兩啖已經唔想食 超級難食到爆 麵底唔得👎🏽👎🏽同埋只有很少的肉碎 連花生都無🥜👎🏽👎🏽湯底無花生/花生醬味 辣又唔辣 淡味到不得了 淨係得顏色 非常差勁👎🏽😑另外小籠包都係好睇唔好食 唉😮‍💨仲有啊 食食下 坐位隔離滴水 無職員主動處理🙄不過通知咗後都有處理返所以都真係明白點解到lunch time都仲有咁多位 真的可以不用再來😅😅

鍾意食小籠包嘅我見到沙田第一城有夏麵館。我又好耐未食過上海菜就去試吓。晚反時間都坐得幾張枱，真係要支持下香港小店。佢哋而家多左D優惠吸引客人👍例如食夠$88可以半價叫一碟指定小菜⋯⋯我哋就叫左2籠小籠包都算皮薄多汁熱辣辣好味😋半價叫左碟咕嚕蝦球，我個人就覺得炸粉比較多但個汁都係夠酸甜的⋯⋯還有叫了個雞絲粉皮、排骨擔擔麵同埋唔夠熱嘅酸辣湯，味道都不過不失的☺️

和同事去夏麵館食午餐，竟然不用等位之餘，店內食客亦寥寥可數。店舖內的餐桌座椅感覺殘舊，所以起初都有點擔心食物的味道如何。午市自選套餐的選項內容豐富，由主食、涼菜或點心及飲品組合而成，和同事共點了三份套餐來分享。津白肉絲炒年糕 ($75)，年糕口感煙韌，除了有津白、肉絲、還有冬菇絲，鑊氣十足，味道鹹香入味。嫩雞煨麵 ($70)，奶白色的雞湯底帶有奶香，清淡味美。青菜及雞肉份量充足，雞肉嫩滑。拉麵份量多，好大碗，麵質爽滑，不會過稔。酸辣湯水餃麵 ($77)，酸辣湯底用料充足，酸辣度平衡，不會太過辣。水餃的肉餡飽滿帶肉汁，惟餃皮稍厚。麵的份量多，再加上水餃，好飽肚！四喜烤麩，烤麩夠入味，香濃微甜，只是鬆軟度一般。涼拌粉皮，粉皮加入大量青瓜絲及麻醬，並灑上白芝麻。嫩滑的粉皮加上充滿芝麻香的麻醬，味道不錯，很開胃。黑金桂花蜜藕，切片的蓮藕澆上桂花蜜糖，軟稔的蓮藕帶點甜味，不算很好吃，而同事們更覺得是奇怪的配搭。跟餐的飲品有三款是不用加錢，豆漿、西洋菜蜜及酸梅湯，我選了豆漿，普普通通，夠甜但沒什麼豆香。涼菜點心的份量比想像中多，整體食物的味道不俗！大大份的午餐，三個女生食到超飽！

本身趕時間其他食肆都要等位，見依間有擔擔面午餐就求其入去試吓，點知就中伏。要咗個午市上海擔擔麵乜餸都冇只得啲碎水肉粒少量花生，最重要係個湯勁淡，剩係得啲辣油冇乜味，裝修又茶記風格俾埋啲單邊大家樂單人枱，你坐冷氣又唔夠一邊食一邊流汗。最後都冇食晒嗱嗱臨食完閃人未見過咁垃圾嘅上海淡淡。同樣價錢價位嘅去上海姥姥用嘅料味道都比佢好好多埋單嗰陣時仲要原來收茶錢同埋加一 共$77食埋啲咁嘅嘢。根本就搵笨。咁嘅垃圾舖頭仲好意思收人加一和茶錢，痴線。怪唔之得裏面冇乜人食。

The food quality has massively degraded compared to a year ago. The rice dumpling claimed to have scallop and shrimp in it, and was priced at 80 hkd. There is no shrimp at all; only two tiny pieces of scallop that is half the size of my pinkie nail. You can order the same one at a local place for less than half the price. The dumplings with the soup are also way smaller than what they used to be. It tastes like dough. In summary, overpriced food with poor quality, not worth the buck.

平日晚市，坐位太多，10枱客都沒有，好多食物都沒有貨，如最基本小籠包，甜品豆沙鍋餅都沒有，侍應企晒係度講嘢，上菜勁快，但味道差，已經沒有以前夏麵館的味道，但現在點餐叫咩無咩，上海菜式最基本小籠包都沒有，唔會再來光顧，味道好鹹，食完好口渴，炸排骨，炸漿勁厚，味道唔好食，醉雞好淡口，沒有酒味。

最近轉左甜品及包點menu，冇左雷沙湯丸已經有點失望，就打算試吓佢個「忘返榴槤酥」啦！酥皮係好好嘅，但誰知個餡硬到呢，黑黑的，甜甜的，好硬的，唔知係乜？唔知點解叫做「榴槤」囉！😅

星期六食下午茶，諗住近近地，去附近食，最初諗住去元氣，朋友話想食上海麵，所以去呢度試吓，叫咗兩個豬扒擔擔麵，連加一要$80一個人，點知質素都係非常非常普通，唔會再去了

午餐時間好多鋪頭都要等位，呢間反而有位，就黎食下。叫左豬排麵，小食四喜烤夫，飲品酸梅湯麵好大碗，分量好多，豬排都係平時食開上海菜豬排既調味，四喜烤夫平時少食，甜甜地幾得意，而且小食分量都唔算少。 酸梅湯就太濃同同偏甜，需要加水溝稀飲。總結：主食配小食同飲品＄75加一，午餐價錢黎講算少貴，偶爾食一次都ok，分量真係大，如果係女仔食可以3個人share兩個餐，食物質素正常，係附近又想食上海菜都可以試下。

行咗好耐，肚仔餓，要食麵醫肚。開胃菜青瓜就普普通通的，有少少蝦仁點綴。一份酥炸雞排麵落完 order即上，大大碗份量，雞排香酥，麵似手工做，有口感。牛腩麵竟然是用煲盛住上，可能咁就等耐少少，辣味有，還好不是太強烈，可接受。高力豆沙，新鮮熱辣辣的，加埋糖霜唔會好甜。完～

見咁少人，以為只係地點問題。錯。D飯硬嘅：菜肉飯搵唔到肉，d菜切到微細，應該用咗好多功夫，但係份量超少。紅油抄手冇味嘅。擔擔麵點可以做到完全冇味道又唔熱。總之食物一言難盡。唯一個菜心仲食得落。杯酸梅湯叫做Ok.唔會再來。