多多餅店

營業中

休息中

行完附近嘅市集過嚟…呢間出名鳥結糖，不過今次我買左曲奇，見人地話好食就買黎試下～曲奇最低消費$30，可以㨂3款味我㨂左咖啡，朱古力粒粒，綠茶咖啡牛油味好重，曲奇好脆，咖啡味還好，朱古力就唔太出…綠茶都一般般👀😳無咩特別，價錢都幾貴🫣🫣

多多喺美孚簡直係出晒名。佢嘅麵包日日新鮮出爐，然之後你行過間店嘅時候曲奇嘅香味會令你忍唔住停低要買。 多多嘅新鮮牛油曲奇選擇繁多，滿咗一個櫃嘅選擇，你可以自備姐姐聽，姐姐就會幫你夾落一個鐵盒度。朱古力咖啡曲奇，杏仁曲奇，抹茶曲奇，同埋經典牛油曲奇係必食之選。姐姐會按你揀咗幾多曲奇嚟磅重之後收錢佢嘅曲奇唔算平，但係味道好到可以送禮。 另一個推介就係佢嘅Custom蛋糕。呢度嘅蛋糕係好老土舊式嘅忌廉蛋糕，我揀咗一隻雞嘅圖案嚟訂生日蛋糕～佢嘅雞做得10分精緻，用忌廉嘅方法唧咗成個圖案出嚟，仲要係3D嘅。個蛋糕又高又大，我選擇咗黑森林嘅餡料，呢度嘅黑森林蛋糕就係最傳統最純嘅朱古力蛋糕加埋我哋細個食嘅嗰種提子啫喱餡喺個朱古力忌廉入邊！滿足感十足同埋價錢亦都係真係平過Custom蛋糕好多。我訂嘅嗰隻雞3D圖案出邊要千幾蚊，但係多多$300幫我整到出嚟，仲要係完全成舊都好好食！ 唔會有奇怪的糖皮或者任何唔食得既裝飾在上面！ 另一次我就訂咗個寵物小精靈嘅生日蛋糕。都係依然整得好高好靚成個蛋糕係3D嘅，亦都唧咗啲好靚嘅綠色忌廉嘅草喺上面。味道都係咁傳統咁好食。如果係有集團嘅蛋糕店買寵物小精靈蛋糕會係呢一

本身好鍾意食多多嘅十字包，今日去到多多， 本來都想買十字包食，但發現冇得賣， 搵咗全間舖頭都冇！跟住發現，喺本來賣十字包嘅位置竟然放咗阿華田鬆餅，而且係十字包嘅質底！！$20兩個。 我即刻買咗嚟試，發現都幾好味，鬆餅入面有淡淡嘅阿華田味道！如果鬆餅入面嘅提子可以變成朱古力豆就更加好了～

以前住美孚成日去多多買包，今日突然諗起呢度啲咖喱包，就行咗過嚟美孚買，減到有咁多人係間店到，就特別期待。點知返到屋企，一切開個包嚇親，冇見過啲包嘅餡整到咁偏，偏少少都唔緊要，佢直頭喺晒右邊，左邊一大舊剩係包，啲餡仲要比以前少咗好多，兩細啖食晒啲餡，雖然仍然係好好味，但係減咗咁多料好失望， $10一個包，啲餡得嗰啲啲，唔會再買。

點解呢家店入面嘅食物咁掂？今次歎嘅，一系列精心製作嘅小食令我印象深刻。班蘭曲奇嘅馥郁香氣完美糅合緊密嘅餅底，啖啖班蘭味，喺口中濃而不膩。朱古力花形曲奇仲帶有滿滿嘅驚喜，啲朱古力豐富得嚟又唔會過甜，食落真係得意過癮。呢度嘅咖啡朱古力曲奇正宗得嚟，仲意味深長，啲咖啡香氣同朱古力夾埋，喺口腔內舞動，真係好過癮！而家講吓甜品界嘅隱世巨星－脆心，呢款甜點真係唔容小覷，每一啖都充滿創意同驚喜，完美平衡嘅味道同脆爽口感，使之成為茶餘飯後甜品界嘅一大奪目新星。食品包裝樸實無華，但小食嘅質素，嗰份細心，喺味道之中都能夠感受得到。哎喲，再唔係，食貨嘅朋友們，唔使再茫然喺各大美食海洋裡迷航，趕緊嚟感受下這些（口感）錦上添花嘅美食啦！🌟🍪🌿

‘’多多‘’係美孚一間好出名嘅餅店，以手作鳥結糖聞名。但今次我地唔食名物而係食麵包華田朱古力鬆餅 $12鬆餅大大舊，華田味道不太濃，外層有點硬，在鬆餅中間加入朱古力，橙皮粒及提子乾，食材多但味道很融和肉鬆包 $10麵包質感鬆軟，鋪滿大量肉鬆，肉鬆帶鹹香，滿足到愛肉鬆嘅豬女香蔥雞角包 $13外層酥脆，裏面係雞批餡料，有火煺雞粒洋蔥，但可惜香蔥味欠奉，預期有點落差酥皮蛋撻 蛋撻size 比正常細，酥皮夠鬆化，蛋味夠濃，蛋漿好香好滑除左鳥結糖，麵包西餅外，仲有好多唔同自家手工食品，所以呢度人流不斷係有原因

特地从很远过来，本来当作结婚喜糖要买500盒糖果，去到问店员买多有没有得便宜呀，店员使劲摆手差点打到我并很大声对我脸说NO，真的有被吓到，再也不敢來了生意不是這麼做的吧？

員工態度極差、又無禮貌、又慢動作！早上已經很多客人，就可以無禮貌對待嗎？難道好食就可以唔優做嗎？可以在交易過程一句對話都沒有！講句價錢來收錢好辛苦嗎？！已經沒有笑容都算了！行過都要比人大大聲話，迫過去佢身邊行…地方窄、自己肥仲要話人？這樣對待客人，非常有問題！咁多年的出名的餅店，可以用這種服務態度，實在很難接受！我來買麵包都要受氣…已經不只一次是這樣吧！

一直都有買多多曲奇餅，雖然偏貴但一直香脆好味！可惜最近一個月買左兩次都變淋左，到底係未焗脆定放太耐呢比左兩次機會好失望⋯麵包同鳥結糖都重係好好食，希望唔好再差落去🙏🏻

前兩日去美孚做嘢所以就去咗多多餅店買最出名嘅鳥結糖。仲試埋曲奇餅同麵包。 曲奇餅真係好鬆脆好好食可惜只買咗30蚊😅鳥結糖 好脆但係略甜。希望以後有啲少甜版。 仲有大麥包而家仲賣緊13蚊都係良心店鋪了！ 而且麵包好結實好味。凱x个大麥包輕飘飄都要19蚊啦另外一提d工作人員服務好好。並冇見到態度差嘅服務員。 第一次幫襯整體感覺好好。希望下次可以再去試試其他款式嘅麵包😋😋

下午四時，客人唔多，但問多一句D阿姐都大大聲答，仲有阿姐搶著答，想催你快啲買，嗰度啲糖好多款，想睇多一陣。結果我忍唔住，向著嗰位搶答阿姐講，你可唔可以唔好咁大聲，我問緊另一個阿姐，同埋佢已經答緊我，結果佢走開⋯⋯上一次我去到，都係咁嘅情況，今次我真係頂唔順.....希望佢哋改善態度

芒果布甸嘅主要食材芒果係冇味道仲要係好生嘅咬落口感係爽口好犀利呀個師傅好好刀工批皮可以批到好貼好芒果肉竟然係硬繃繃如果鍾意食呢個口感嘅朋友就冇得彈我只係想食返一個正常芒果布甸

本身想買鳥結糖，但我喜歡既味道（西梅）因為疫情原材料問題，已經兩年冇出🥺廢事手空空離去，就諗住求其買個包然後就誤打誤撞揀中呢個 ～ 香蔥雞角。張相影得好衰，因為我本身冇諗住影，完全冇諗過佢會咁好食！蔥油餅既外層，原來裡面隱藏左雞批既餡料！外皮酥脆，裡面充滿雞粒同磨菇粒，超surprise!我會形容為蔥油餅同雞批結左婚既組合🤣如果可以焗熱，相信仲正！雖然大家都推薦多多既其他名物，但我反而想推薦呢個包👍🏻 都會去試下佢其他麵包！

今日去左探喺美孚住左多既Uncle, 佢講起美孚上當年時除了係風水好，街坊親切，仲講起呢我間多多餅店，仲推介我要下個鳥結糖，離開前仲帶左我去買番屋企食。包鳥結是朱古力脆心糖，好好味，一向都覺得鳥結糖麻麻地無乜特別，似白兔糖咁，或者因黐牙同埋我味食好一間好好味吧。多多既鳥結糖度完全冇唔會黐牙，入面仲有脆脆，口感勁有層次做得好出色，估佢無防腐劑，食用有效期短（最重要要減肥，不能食太多），去開美孚既朋友仔都可以去試。

以前食過佢啲鳥結糖，今次見到有曲奇，價錢其實都唔貴，咁就應該都幾好食，點知…揀咗三款味道最好食係燕麥紅莓曲奇，食到燕麥同埋紅莓口感，口感都幾鬆脆。但係另外兩款佢真係好難食，我真係好難想像牛油曲奇係冇牛油味，佢其中一款又有曲奇上面有啲朱古力，啲朱古力係cheap 嘢嚟！我覺得呢兩款牛油曲奇根本唔似曲奇！唯一嘅優點係佢哋口感都比較鬆化😂。真係唔好以為鳥結糖好食，其他嘢都會好食，啲牛油曲奇真係難食到不得了，不可一不可再。