影片
港鐵朗屏站 D 出口, 步行約5分鐘
繼續閱讀
電話號碼
95504855
營業時間
*11/2: 21:00 收爐
以上資料只供參考, 請與餐廳確認詳情
服務好差 之前幾次買串魚蛋燒買睇下門面啲文宣比個女人店員黑口黑面 我唔係見你黃店支持一下你 你都唔洗黑口黑面啤著啲顧客既 感覺十分不滿 黃店不一定態度好 不吐不快 野食都覺得只係麻麻
繼續閱讀
幾年前住元朗區，多寶仲係隔離街既細鋪，當時隨意買左串牛丸食，食完就上左癮，牛丸頗大粒，雖然唔算係話好重牛味，但味道同口感已叫非常不錯，自製既咖哩汁亦好有特色，味道不重亦不會太辣，汁料偏薄身亦不選好掛汁，但配合起上嚟又剛剛好唔會好似一般既小食店只係靠食好濃既醬汁咁，淡薄低調既醬汁反而更突出到牛丸既味道到多年後佢地已搬大一點既鋪我亦已搬返去屯門，但經過開元朗都會特登走去幫襯多寶，當試過佢地既燒賣後更驚為天人，我夠膽講佢地既燒賣係我食過最好食既，燒賣本身既味道已勝過我印像中所有食過既燒賣，而且豉油調得恰到好處非常美味。燒賣同牛丸相信佢地都只係攞貨唔係自製，但可以做到特別好食相信就係細節處理得好，煮/蒸幾耐，保持既温度，配搭既醬汁豉油調味等等，依d大同小異既大路小食如果無心同熱誠既話係好難做到令人留下深刻印像的招牌雞蛋仔係大路既味道，只要夠熱保持到外脆內軟就一定好食，而且佢地比一般坊間既感覺厚身飽滿一點，內裡軟糯，食完飽肚感頗高。佢地既菊花茶可選擇有糖或無糖版本都好飲，有糖既都係偏少甜口味，就算無糖都好易人入口亦更健康，個人推介先試有糖版本，之前星期五同星期六日更會有羅漢果版本菊花茶，唔知依家仲有無供應。整體嚟講依對夫妻檔店主肯定係本身都熱愛美食同對質素有要求，選用既來貨同自己既調味同配方都有自己堅持先可以做到咁穩定既質素，絕對推介大家經過一定要支持下佢地
繼續閱讀
試過就番唔到轉頭嘅一間小食店。由細鋪食到大鋪，佢地依然係咁熱情同有禮貌！會間唔中問下暖，充滿人情味❤️ 小食價錢夠晒平民又好食！💛雞蛋仔 ($15)熱辣辣嘅雞蛋仔食落外脆內軟！每粒都係半空心狀態，充滿蛋味。呢個價錢黎講真係冇野挑剔🤩💛燒賣 ($9)一串有五粒，燒賣熱辣辣之餘仲煙煙韌韌。唔會齋得厚厚麵團，係有啲魚味。豉油同辣油更加係個精粹，加埋一齊令到燒賣味道昇華唔少😋———————————————————————🌼評分：5個🌕為滿分🫧味道：🌕🌕🌕🌕🫧環境：🌕🌕🌕🫧性價：🌕🌕🌕🌖🫧回頭：🌕🌕🌕🌕
繼續閱讀
今天入開嚟食C3嘅底食意粉.順便喺元朗區再搜尋覓食.去到元朗西巴士總站附近.喺元朗廣場條巷仔到有一間雞蛋仔及燒賣小食（多寶雞蛋仔）佢哋賣嘅小食款式非常之多.但係佢哋最出名嘅一定係雞蛋仔.雞蛋仔好多地方都有得賣.今次我哋實行試吓佢哋嘅燒賣.燒賣都係周圍都有得賣.但係要食到好好食嘅就難啲！我哋點選如下：燒賣 / 炸腸仔 / 格仔夾餅 燒賣熱辣辣.彈牙.食得出有魚肉鮮味.不是用麵粉打出嚟嗰啲.就算凍左都唔會變硬.配埋醬油即時食.好食.心食之推介！👍😋😋😋炸香腸.剛剛炸好.新鮮滾熱辣.再係腸仔面頭落啲七味粉.好食過炸魚蛋.腸仔本身都有啲鹹.七味粉不要落得太多！👍😋😋😋格仔夾餅.花生醬及煉奶剛好.唔會漏到周邊都係.餅皮香脆.內裏軟滑.相信係同埋雞蛋仔啲蛋漿.👍😋😋😋📌多寶雞蛋仔 (元朗)元朗擊壤路9號金寶大廈地下11號舖
繼續閱讀
在附近剪完髮，下午茶時間，想吃點輕食，在google map搜尋「雞蛋仔」，找到這間評價不錯的多寶雞蛋仔，就去試試。買的時候新鮮做好熱辣辣的；軟熟，涼了都不會變好硬；裏面是偏向實心，粉偏多，吃完會飽的；沒有眼前一亮的外脆內軟（每個人喜歡的都不一樣，或者有人會喜歡）甜度方面有少許甜；有蛋香
繼續閱讀