夜首爾

營業中

休息中

暑假期間，一家人去了首爾旅行，品嚐了當地多款美食，今天在尖沙咀的寶勒巷找到了一家正宗韓國人主理的韓國餐廳《夜首爾》，終於再次尋回這種正宗味道，真是十分滿足。韓式餐廳一向有多款醃製前菜，這裡亦不例外，有泡菜、青瓜、芽菜、海帶、菠菜、薯仔和茄子等，非常開胃。馬鈴薯排骨鍋，份量足夠，大大塊排骨，湯底味道適中，濃郁香甜，非常惹味。雞肉石頭拌飯，有多款配菜，熱辣辣端上桌，再把雞肉和配菜拌勻後，少許微微飯焦，口感非常好，真是十分美味。雪濃湯是另一道必點菜，牛肉加幼麵，湯底濃郁，喝一口湯特別暖身，配白飯，一碗湯飯完美配搭。柚子水，柚子加了梳打水，柚子味清甜。梅子水，梅子味道酸酸甜甜，喝了感覺有助消化。餐廳環境非常舒適，空間寬敞，坐得舒服，還有韓國流行音樂襯托下用餐很有氣氛。無論是食物質素，還是店員的友善態度，都值得再次光臨。現在惠顧還可享全單八折優惠！期待下次再來試試他們的烤肉、醬油蟹，品嚐更多美味菜式！

人氣韓國菜餐廳!!7點半左右已經座無虛席有烤肉/火鍋及套餐適合朋友聚餐店員好快手就奉上七小碟前菜份量同味道都有誠意！✨醬油蝦 $240 8pcs蝦肉新鮮彈牙醬油唔係走甜甜路線辣椒香氣滿溢集鹹鮮辣於一身🦐✨豆漿麵 $98🤍推薦！奶白色湯底！比起清新淡雅既水冷麵我更愛風味濃郁既豆漿湯底～口感帶點 Creamy自然嘅豆漿香甜味配搭青瓜絲更清新～✨馬鈴薯排骨鍋 $420適合多人分享嘅鍋物！熱辣辣既湯鍋😍冬日下增添不少暖意排骨份量多湯底香口，帶點微微辣令人忍唔住一口接一口~

今天中午，我和朋友相約到尖沙咀寶勒巷的「夜首爾」餐廳用餐。這家餐廳位於寶力大廈地舖，環境舒適，非常適合聚餐。我們一進門，就被韓國風格的裝潢吸引，彷彿瞬間來到了首爾。我們點了幾道人氣菜式，首先上桌的是韓國前菜，色香味俱全，讓人食欲大開。接著是醬油蝦與醬油蟹，這兩道海鮮菜式鮮嫩多汁，醬汁更是絕配，讓我們情不自禁地多吃了幾口。特別是醬油蟹，肉質鮮美，口感滑順，讓人回味無窮。而牛胸肉大醬湯則是另一番風味，湯底濃郁，牛肉軟嫩，搭配白飯簡直是絕配。這碗湯在寒冷的冬天讓我們感到暖和，彷彿整個人都被包裹在幸福的感覺中。用餐過程中，我們不斷地聊天、分享生活點滴，讓午餐變得格外愉快。這頓午餐不僅滿足，還增進了友誼。下次有機會，我們一定還會再來這裡品嚐更多美食！

尖沙咀既餐廳比較多。但最近幾個月發現到一間正宗傳統韓國餐廳。我朋友介紹要去食。因為他老婆系極之喜歡食韓國菜。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。唔系太逼的感覺。**牛肉炒年糕**年糕的質地柔韌，經過高溫炒製後，外表微微香軟。內裡卻保持著彈性。牛肉切片厚薄適中，經過醃製後，肉質鮮嫩多汁，與年糕的口感形成了完美的搭配。炒菜時加入的青蔥和紅椒，不僅增添了色彩，還帶來了清新的香氣。每一口都能感受到牛肉的鮮美與年糕的Q彈，讓人忍不住一口接一口，欲罷不能。**安康魚湯**則是一道讓人感到溫暖的湯品。湯底清澈，魚肉鮮嫩，湯中還加入了各種香料和蔬菜/芽菜/瓜類。讓整體風味更加豐富。安康魚的肉質細膩，湯汁鮮美，喝上一口，讓人感受到一種舒適的暖意。這道湯品不僅滋補，還能讓人感受到一種家的溫暖。夜首爾 (尖沙咀)尖沙咀寶勒巷13-15號寶力大廈地舖

今日天氣超級凍❄️，同朋友喺K11行完街，去咗隔離街嘅寶勒巷搵嘢食。喺街度見到夜首爾呢間餐廳，入面坐滿咗人，啲人打緊邊爐同燒緊嘢食，即刻吸引咗又凍又餓嘅我哋，二話不說入去坐低嗌嘢食！🍲🔥.佢本Menu好厚，好多選擇，最後聽咗店員嘅介紹，試咗以下幾樣：🍲 排骨薯仔火鍋 ($388)
呢個真係今晚嘅主角！排骨肉質超嫩超腍，軟骨煮到入口即化，湯底濃郁又有薯仔嘅香甜味，暖到心都融化～.🥞 泡菜餅 ($138)
泡菜餅煎好香脆，裡面仲有滿滿嘅泡菜，酸酸辣辣非常開胃，配埋佢嘅醬汁一流！.🥓 五花腩燒烤 (200g) ($168)
五花腩俾我燒到微微焦香，肉汁豐富，每一口都係滿足感！原來200g 份量好大😆.呢餐真係食到滿足又暖笠笠，份量夠大，味道又正，完全唔後悔行入嚟！下次再嚟試埋其他推介～ 😋🔥

環境幾舒服👏✨ 乾淨企理 唔會覺得逼夾😆 ~醬油蟹 😍蟹肉鮮甜🤤個醬汁夠晒濃郁，鹹鹹甜甜咁啱啱好👍唔會太鹹 好多膏😋 附送一個紫菜😋同白飯 撈飯一流！~厚切五花腩五花腩肉🤤肥瘦啱啱好，烤完之後👏肥嘅位脆卜卜，瘦嘅位又唔會鞋口，口感一流！~牛舌切得啱啱好😍烤完之後🤩都幾嫩滑 完全無腥味 ！~雪濃湯牛骨雪濃湯湯個湯底好濃郁👍牛肉又炆到好淋，碗湯入邊仲有麵 口感豐富 暖笠笠咁，冬天食真係一流！👏👏

位於尖沙咀的韓國菜餐廳，有韓式燒肉，也有套餐、韓國小菜料理、石頭鍋拌飯、湯品、麵食等，選擇繁多。餐廳是地舖，地方寬敞，樓高兩層，電視播放著韓星流行曲。下單後，侍應先送上一碟碟韓國醃製小菜，分別有泡菜、芽菜、菠菜、薯仔、茄子、蒟蒻條等等，前菜豐富，很開胃。一人餐：泡菜章魚粥以石鍋盛載的粥，保持燙熱，微微帶香辣。飯粒分明，不是稀飯那款，吸收了湯汁，變得更稠杰濃郁。入面有章魚粒及切成細片的泡菜，口感豐富。一人餐：生蠔石鍋拌飯石鍋飯定食，熱騰騰的石鍋中，上面鋪滿了小小的生蠔、韓國白米飯及各種蔬菜。趁熱要把食材及辣醬拌勻，底下的飯都變成飯焦，焦香脆口。一人餐：海鮮豆腐湯這個湯品有泡菜、蔬菜、海鮮及豆腐。海鮮分別是蝦、八爪魚及蜆肉；豆腐滑嫩，完全吸收了湯汁，味道香辣，喝完十分暖胃。一品料理：海鮮煎餅一大片韓式煎餅，煎得脆口油香，外酥內軟。入面有海鮮及大蔥，蘸一點蔥花辣椒醬油，味道更加惹味。

調味特大牛肋骨，好厚的牛肋骨肉，🥩肉肉一次性吃到過癮！個人烤肉最愛這個部位的牛肉啦！取自牛肋骨間的精華部位，油脂含量恰到好處，😋烤起來滋滋作響，肉質鮮嫩中帶著一絲絲筋膜的嚼勁，口感層次豐富！😚奶香味十足～調味雞肉，雞肉新鮮，搭配紫蘇葉和生菜，🥬一口一個好滿足哦~牛肉石鍋拌飯，熱辣辣好適合吃一碗飯🍚，把生雞蛋，生菜絲，芽菜，🐮牛肉碎等配菜拌勻，溫熱的石鍋慢慢加熱，可以保持食材溫度🔥#尖沙咀美食

今日去K11 MUSEA完睇Grade 10 Asia Card Show 同埋行完街之後，就喺附近食埋晚飯先返屋企。我今晚有啲想食韓國菜，就去咗寶勒巷嘅夜首爾度食。餐廳有韓國職員，亦都見到好多韓國人幫襯。我哋點餐之後，職員好快就奉上贈送嘅泡菜及其他七小碟。好鍾意韓國餐廳有呢啲前菜贈送，一次過食到好多唔同嘅蔬菜。當中薯仔，茄子，大豆芽，菠菜同埋泡菜，都好好食呀！食完菜即刻開胃晒。醬油蟹（$250）：好多膏啊！非常非常咁鮮味。醬油味唔會過鹹，唔會蓋過蟹嘅鮮味得黎，亦都有提鮮既作用。隻蟹都好肥美。特大牛肋骨（$360）：因為我哋都好鍾意食牛，所以兩個人K.O.一嚿特大牛肋骨都冇難度😉。牛肋骨長到要展開一半先至放得晒喺燒烤板上面。牛肋骨嘅油分充足，所以有油香，而且容易咬開。一人餐-泡菜豆腐海鮮鍋（$130）：呢個一人餐包咗個飯。配埋熱辣辣嘅湯一齊食，食完個人即刻暖晒。海鮮有蝦同埋蜆，兩款都鮮味。蜆冇沙肥美。豆腐都好滑。

尖沙咀咁多好嘢食，可以喺度開咁大間舖長期人流咁忙一定有佢嘅特別！特大牛肋骨肉經過專業處理，肉質鮮明刀工十足，見到師傅切嘅斜紋。牛肋骨油花十足，脂感滿滿，食落去牛肉同脂肪比例均勻，超好食。一份可以三個人食，慢慢細細品嚐當中脂香👍🏻調味牛小排由師傅醃好咗，已經有豐富甜甜地嘅調味，咬落去軟身而入口。細細片油脂分布平均而且質感軟身易咬，好正！豚肉石頭鍋飯仲食咗個石頭鍋飯，入面有生蛋，豚肉，蘿蔔、生菜、芽菜等等，全部都好香，而且佢係用韓式石頭鍋上，所以唔使擔心好快凍。食嘅時候味道香甜☺️

身邊有個韓國人朋友就跟住佢食正宗韓國菜。就咁就識左5 年的舊同事。12 點入座，未算多人。午餐一人餐都係由100蚊左右就有，仲有二人餐六人餐，啱曬有一班朋友仔黎食。醬油蟹 配海苔飯及湯 $250一隻非常鮮甜亦都有好多蟹膏，撈飯食真係會食上癮。堂食配六款小菜，韓國小菜真係好精緻，有蒟蒻，泡菜，薯仔，翠玉瓜，芽菜，菠菜。仲點咗一個鮑魚粥$130,今日天氣轉涼,食完滿足，真係成身暖笠笠。牛肋骨,最鍾意韓燒牛肉,不加調味真係食到肉嘅新鮮。環境有乾淨又闊落。我哋一點半離坐嘅時候已經開始多人食午餐。

✳️星期六，與老婆約定到尖沙咀的夜首爾享受一頓正宗的韓式料理。餐廳位於寶勒巷13-15號寶力大廈地舖，環境溫馨，氣氛輕鬆，真係好適合約會。✳️我們點咗兩人餐的營養石鍋飯定食~$440，真係超值！✨首先上場的是八小碟前菜，每一碟都令人垂涎。泡菜酸辣可口，菠菜配豆芽清新爽口，特別係那條蒟蒻條，口感彈牙，食得令人唔停口。炸物卷和醃茄子都好入味，翠玉瓜的清甜更為整體增添層次。✨主菜方面，白灼豬肉生菜包令人食到滿足，肉質鮮嫩，配上脆生菜，口感一流。再來的烤鯖魚，外焦內嫩，魚香四溢。✳️兩窩營養飯更係必試，五穀飯飯底營養豐富，香氣四溢。✨我們還點了炸蝦餅，$180的價錢絕對值得，外脆內嫩，蝦肉鮮甜。✨飲品方面，我們選擇了原味蜜桃蘋果酒，只需$55，味道甜美，完全是用100%韓國蜜桃製成，清新又好飲。

尖沙咀韓國街嗰頭超多韓國料理，今次去呢間餐廳菜式選擇超多，基本上講得出嘅韓式料理都會有，想食乜可以一次過試晒🤤！餐廳格局、菜式都相對上有屋企嘅感覺，有韓式燒肉同埋多款鍋物，仲有啲地道料理，好似年糕湯、辣炒章魚，每碟份量都唔少，性價比幾高💗！——————————🥓◖調味特大牛肋骨◗ $360牛肋骨肉大大塊，事先醃製過，肉質相對鬆軟多汁，完全唔驚燒耐咗會韌！大大片放上去燒，燒到半熟之後剪細，燒到微焦，焦香甜口，超好食！🐂◖香辣燉牛排骨◗ $280牛排骨煲上枱仲熱辣辣滾緊，會用啲蘿蔔嚟墊底，份量超足超有誠意，有成十嚿牛排骨，呢個價錢超抵食！牛排骨黐住啲筋膜，咬口爽脆，肉質鬆軟唔會乾柴；醬汁黏稠濃厚，偏甜口，均勻裹上食材，食食吓仲有些微辣嘅後勁，香辣惹味，必點🌟🌟！🍜◖冷麵◗ $110水冷麵麵條煙韌有咬口，加少少黃芥末一齊食，感覺清爽消膩，但略嫌佢個汁偏淡，未夠酸甜開胃～🌟Encore指數：9/10

夜首爾➰@seoulnight_hk呢排最hit嘅Netflix節目一定係《黑白大廚》，有冇俾佢燒到想即刻去食韓國料理呢🔥門外嘅韓文路牌同真露酒牌讓人感覺置身韓劇中📺 而當入到餐廳，仲會發現無論係其他食客定係老闆員工，幾乎都係用韓文溝通交流，每一個細節都透露出濃濃嘅韓國風情🇰🇷 每張枱都有一個韓國直送嘅火爐，可以親自烤肉或享受熱氣騰騰嘅鍋物🍲主菜未到，韓式涼拌小菜先到🥣 每款都唔同味道，份量最多嘅係酸酸辣辣嘅泡菜🥬 少見嘅涼拌翠玉瓜🥒、蔥花醬香嘅茄子🍆、脆卜卜嘅麻香豆芽等等。小菜開胃之餘，仲可以平衡下燒烤同湯嘅濃味，成餐飯食落去冇咁滯🙂‍↕️調味牛肋骨🍖韓式長切法 (好似好犀利咁🤣) 沿住肋骨長度進行切割，保留牛肋骨嘅肉質厚重感同更多纖維🧶口感更加豐滿，牛肋骨並非完全生嘅，而是輕輕燒過，外層呈現微微焦香嘅啡色，內裡仍保留紅潤嘅狀態，展現出鮮嫩肉質🥩韓式燒肉嘅肉類大多經過醃製，醃料調味得啱啱好，唔會太鹹，仲帶少少甜味🧂 呢個切割手法亦有助更好地吸收醬料同調味👍🏽韓式生菜配包飯醬🥬韓式燒肉梗係要包生菜食，不骨店員提醒先知原來蔬菜要另外order🫣 見呢個價錢一開始都有啲猶豫，但幾surpri

尖沙咀區內很多韓國餐廳，今晚便挑選一間以醬油蟹馳名的韓國食肆。店內地方頗大，就算挑選韓國燒烤，都不會太大油煙感。醬油蟹$250，韓國延坪島直送。看到餐牌上豉油韓國直送，頓時信心大增，因為在香港吃到的醬油蟹大多是在香港製造，質素沒有保證，反而這個由韓國直送的醬油蟹，值得一試。醬油蟹的蟹膏甘香無比，淡淡都是蟹膏的香味，醬汁不會太鹹，點一個白飯(白飯$15)來送這個蟹膏便非常滋味了。自從吃過這裏的醬油蟹，令到個人對醬油蟹的味道改觀了不少。前菜有八款，韓式泡菜、節瓜、豆腐、薯仔、芽菜拼菠菜、茄子、辣豆腐乾、炸肉丸。其中以韓式泡菜最為美味。一人餐：蔘雞湯$220。這個一人餐不包白飯，但是人蔘雞內有糯米，可以裹腹。這是韓國正宗的做法，人蔘湯的人蔘味道香濃，雞肉和雞骨已經非常之腍，點鹽便可進食。海鮮豆腐鍋$130 ，泡菜混合了海鮮和豆腐的香味，香辣中帶點鮮甜味道，是正宗韓國的風味。Shinae yuja$55，帶點酒精，味道酸酸甜甜，用來吃韓式料理，非常配合。Terra$55，來自韓國的啤酒，麥味香濃，容易入口，吃着韓式料理看着韓國啤酒與置身於韓國之中。