大三元 (已結業)

天后新開南洋風茶餐廳 @大三元餐廳面積唔算好大，環境企企理理。打咭位正正是戶外的瓷磚牆、吊扇，感覺在新加坡茶檔一樣，迅間拾回點點旅遊回憶 😎一星期七日 Lunch Menu 不重覆，見多位客人都食緊午餐其中一款招牌海南雞飯 我地都一致通過要try try 加左$10 改鷄髀，果然系正確的選擇。份量十足，鷄皮漲卜卜，充滿彈性；雖然並非黃油，但鷄脾肉又嫩又滑，有肉香，的確係吾錯。雖然付上薑蓉、泰式醬汁，但我覺得原汁原味巳經好唔錯！油飯雖然粒粒分明，嫌佢硬左啲主食之外還有「大三元公司三文冶」$39 和 「吉列魚柳沙律」$38 Signature 公司三文治餡料夠份量，有鹹牛肉炒蛋，火腿、青瓜、生菜、蕃茄等，加埋烘至脆口的多士，至愛用上酸酸甜甜嘅千島醬、味道好丰富，性價比不俗。至於「吉列魚柳沙律」即點即炸，超熨咀，魚柳炸得超香脆，炸粉厚薄均勻，魚肉軟滑香口；雜果沙律酸酸甜甜，減膩一流 。小朋友揀左杯「美綠巨人」 $32唔會係一般茶餐廳飲到。凍美綠加上大量忌廉，我認為加多啲朱古力粉賣相和味道也會更吸引。檸檬菜蜜$18正常發揮香濃奶茶$20奶茶茶味略淡，口感較薄，有改善空間。

復活節假期第一日，唔想再鬱喺屋企，決定早啲起身，嚟維園跑下步，舒展一下筋骨。做完運動，成身鬆曬，一於獎勵下自己，食番個豐富嘅午餐。本來打算嚟水星街食越南菜，點知原來餐廳已結業，而同一位置就開咗間叫「大三元」嘅冰室。睇咗門口餐牌，原來餐廳主打星馬菜，另外亦有一系列港式茶餐、麵包及三文治等供應。反正入面有位，而且已經有好一陣子冇食過肉骨茶同喇沙，一於試下。有人一坐低，就第一時間點咗半隻去骨海南雞 ($88)、砂煲肉骨茶 ($68) 同 原條吉列魚柳喇沙濃湯 ($65) 各一。原來呢三個系列都係餐廳嘅必食推薦，果然醒目。先嚐海南雞，雖然只係點咗半隻，但其實份量一啲都唔少。雞皮油潤肥美，一咬已食到雞油香。雞肉有濃郁雞味，口感嫩滑不韌。肉骨茶以砂煲盛上，熱燙燙，用料十足。先嚐一口茶湯，藥材味不太濃，入口一點也不苦澀，順喉清新，對於怕藥材味嘅人士嚟講，絕對係喜訊。肉排嘅口感亦極佳，入口肉香突出，加上被燉煮至軟腍入味，只需輕輕一咬，便已骨肉分離，配埋米飯吃，相當飽肚。至於另一客喇沙，口味亦非常地道，湯底層次分明，入口辛香微辣，帶濃稠椰香。配料有半隻雞蛋、魚片、豆卜、芽菜同一大件分開另上嘅原條吉列魚柳

餐廳：大三元 (天后)地址：天后水星街17號地舖呢間4月先正式喺天后水星街開業嘅茶餐廳，除咗有一般港式茶餐同特色食物之外，佢哋仲主打東南亞菜色🇲🇾，店員介紹話嚟到一定要試佢哋嘅喇沙湯系列同肉骨茶喎😎，等我一於試吓先佢哋嘅裝修都不乏東南亞風格，除咗門口有兩張枱，上幾級樓梯仲有兩排座位，識坐緊喺揀卡位嚟坐啦😝，坐低就可以Scan QR code落單，都幾方便👍，有別於一般茶餐廳落單，想識咩叫咩清清楚楚自己一click搞掂😗✝️香茅豬扒喇沙濃湯 $62佢哋嘅喇沙濃湯真喺無介紹錯🤤，配出前一丁(+$5)每一條麵都吸收晒濃郁嘅湯底，食落香而不膩，有陣陣椰汁香🥥，一啲都唔辣，就算就咁飲都好順喉一啲都唔會覺得涸，叫呢個湯底會有埋雞蛋半隻、魚片、豆卜同芽菜，值得一試。香茅豬扒望落已經夠吸引，雖然香茅嘅香味就唔喺太出🌿，不過食落又幾香口，肉質尚算爽嫩唔嚡✝️DSY 熱狗皇 $26麵包類喺店員其中一個推薦嘅系列，呢個熱狗皇除咗有脆皮腸之外🌭️，仲有青瓜🥒、生菜🥬、番茄🍅同千島醬，我最欣賞喺個熱狗包食落口依然絲絲香脆😍，加埋芝麻香喺幾惹味嘅😏